1 Peter 1:1 - Patamuna New Testament Revised

¹ Peter, yeunossak lùppù Jesus Christ winàpaino sàlà kaleta, Katù nanùmùssan kappon yamùk tùwemassan kaklan pe tùwetta'nùse pata yamùk: Pontus, Galatia, Cappadocia, Asia, molopai Bithynia yawolon kon piyak immenukappù sàlà.

1 Peter 1:1 Iomraidhean Croise

Matthew 10:2

Sàlà yamùk uchi màlà teunossan yesek. Wapiyalok mùkkàlà Simon (Peter itesek) molopai itonpa Andrew, James molopai yakon John, Zebedee munkà yamùk,

Matthew 24:22

Tùse Katù uya pata weyu yamùk tonpakasak man, ikussak ya pùla iwechi yau, ànù'là uya wemapù pen màlà. Tùnanùmùssan pàkànsau Katù uya pata weyu yamùk tonpaka màlà.

Matthew 4:18

Tùusalà Galilee yena pàk yau, Jesus uya asa'lon kon echiyakonnon molok yachi pàk tùwessan yeneppù, Simon (Peter tukaik tesassen) molopai itonpa Andrew tawonnan. Tok wechippù màlà molok yachi pàk punwe yai.

Luke 18:7

Katù uya ken na' tùnanùmùssan kalawù tùpàk weinai, molopai ewalupàttau, tùse italumattànàippù tùtalumattàse pùla iwechi?

John 11:52

tùse mùkyamlo ponaloppe neken pùla, tùse mùkyamlo nàlà iwetta'nùssak kon Katù munkà yamùk ponaloppe, tok nesse tamùkke tewin tok wettoppe.

John 7:35

Jew yamùk usekamappopàtùppù tùyiwalà'nokon, “I'nai motak ken uchi pùsàlà kàyik utà pe iwechi màlà, tepolo pùla iwettoppe, kùtonpa kon ka' Jew yamùk Greek yamùk kùlottak iwetta'nùssak kon kùlottak lù, Greek yamùk yenupaik?

Yeunossak kon Wotokoyi 18:2

Molo Jew yepoloppù ya Aquila itesek. Pontus po iwentusak lùppù, Italy poi àichen tùnoppù Prisilla pokonpe. Masapùla eke itepulu Claudius uya tamù'nawàlà Jew yamùk uya Rome nàntoppe yekamappù màlà. Paul utàppù tok yense.

Yeunossak kon Wotokoyi 18:23

Molo malalà tùwechi tùpo iitàppù. Galatia molopai Phrygia tawonnan yawolon kon pata yamùk yawàlà, tamù'nawolon kon ailon tawonnan meluntàpa pe.

Yeunossak kon Wotokoyi 19:10

Sàlà kasa iwechippù màlà asa'là kilichimochi, màlàpàk tamù'nawolon kon Asia yawolon kon pata yamùk yau tùwemassan, asakklàma Jew yamùk molopai Jew yamùk pen uya Katù Maimu yetappù.

Yeunossak kon Wotokoyi 6:9

Tùse tùulon kon kappon yamùk usàulàmappù. Pùsamlo wechippù màlà itepeppù pùla iwe'wotokomasak kon nùssan nonkasak kon lùssan wepilittok itak tawon kon pe, Jew yamùk pe tok wechippù màlà Cyrenia pon kon molopai Alexandria pon kon pe. Mùkyamlo molopai tùulon kon Jew yamùk Cilicia pon kon molopai Asia pon kon wesa'molùkappù tùusàulàma kon pàk Stephen pàk.

Yeunossak kon Wotokoyi 8:4

Ailon tawonnan iwetta'nùssak kon utàppù mailàlà itekale yekama pe.

1 Corinthians 16:19

Katù ponalok kon kappon yamùk Asia yawolon kon “Wakù pe na' messatàu?” tetok tùuya'nokon yeunossan. Pùsamlo mùkyamlo Aquila molopai Priscilla molopai tùulon kon sochi towon kon tùwepilichan tok yùwùk tau nàlà wa nùkayan.

2 Corinthians 1:8

Ina wettalumattàppù Asia po ittu auya'nokon iche ina man utonpa yamùk. Eke pe kulu wettalumattàntok wechippù ina po, ipàlika ina uya yentai, màlàpàk tùwelikù kon pe ina uya ittuppù.

Ephesians 2:12

Màlà yattai mei Christ pàk ewechippù kon màlà. Toto yamùk pe, Israel yamùk tonpa pe pùla. Itùlù tùuya teppù Katù uya lùppù tùponalok kon pàk pùkkù pe ewechippù kon pen. Sàlà non po ewemapùppù kon enpen we'nàtok pùla, molopai Katù pùla.

Ephesians 2:19

Màlàpàk uchi amyamlo wechi toto yamùk pe pùla nen uchi màlà meyon kon pe pùla. Tùse Katù ponalok kon tonpa pe nen uchi ewechi kon molopai Katù munkà yamùk tonpa pe ewechi kon.

2 Timothy 1:15

Mùttuyaik tamù'nawolon kon Asia yawolon kon uya unonkasak, Phygelus molopai Hermogenes nàlà.

Hebrews 11:13

Ailon tetok tùuya'nokon yau tamù'nawàlà pùsamlo kappon yamùk welikùppù màlà. Tok uya ikupù tùuya teppù Katù uya lùppù yepoloppù pen. Tok uya neken yeneppù meipai molopai tok utauchinpappù kulu ipàk. Tok uya kaklan yamùk pe molopai ipata pùnon pe tùwechi kon non po ittuppù nàlà màlà.

James 1:1

Sàlà kaleta màlà James, Katù molopai Itepulu Jesus Christ yapyoto winàpaino. “Wakù pe na' messatàu?” tetok tamù'nawolon kon12 pan kon ikkok Katù ponalok kon kappon yamùk, iwetta'nùssak kon piyak inmenukappù.

1 Peter 2:11

Apawanattàyatàu Iulà, utonpa yamùk, kakklan yamùk echii'ma sàlà non po, àli ànkuppai we'nàtok yemyak kettùtàu, màlà tùwepanta'ma pàk nai'nùk tàwàlà ayakkwalù kon winàkàik.

2 Peter 1:1

Sàlà màlà kaleta Simon Peter, Jesus Christ yapyoto molopai ineunokoppù winàpaino, mùkyamlo wakù pe kùkatùyi wettok molopai pùikattànài Jesus Christ yai. Ilepasak kon ailon tetok wakù kulu, ina uya ailon tetok walai ke piyak inmenukappù.

Revelation 1:11

“Enene imenukakà, molopai kaleta yeunokkà 7 pan pata yamùk yawon kon sochi yamùk piyak: Ephesus, Smyrna, Pergamum, Thyatira, Sardis, Philadelphia molopai Laodicea pon kon yemyak,” teppù ya.