San Mateo 9:2 - Nuevo Testamento Uwotjüja

² Jua'atä ü̧ja̧'a̧, ya̧tȩ parárisi na̧'ä̧chü̧rü̧ cama-bänä̧ ü̧'a̧'a̧ i'kächipinätü̧; ja̧'wa̧nü̧ tta̧'kua̧ ttu̧wȩnä̧ra̧'a̧ topü Jesú-mä̧ na̧'ä̧chü̧rü̧ pä'inü̧: —Kua̧'kua̧ tta̧kuȩkuä̧ chi̧tti̧; suronä̧ jȩ'kuä̧'i̧jü̧mä̧ jȩpü̧ chikuäkujä̧.

TÄ̧DO Ä̧CUÄ̧ I̧HUȨNȨ

² Juhua'a ö̧jo̧mȩnä̧, ya̧tȩ yoröiso 'cuä̧'a̧rö̧, ö̧rä̧sa̧nä̧ ö̧ra̧'a̧ ȩpi̧nä̧tö̧do Jesús ö̧ja̧'a̧cu̧. Ja̧u̧ru̧ i'cächäjätörö rö̧ȩnä̧ tteseta'a topö, Jesús pä'inödo ja̧u̧ 'cuä̧'a̧rö̧: —Chi̧tti̧, esehui. Suronä jȩcu̧'i̧nö̧mä̧ jȩpö̧ icusä.

San Mateo 9:2 Iomraidhean Croise

San Mateo 14:27

Ja̧'wa̧nü̧ ji̧yä̧ku̧ Jesú-mä̧ päinä̧u̧: —¡Wo'kuätukuä! ¡Ttütäsä!: ¡Ye'ü'i̧nä̧ yekuätukuä!

San Mateo 4:24

Ja̧'wa̧nü̧ ja̧'a̧, Siria rȩjȩ o'kajuiyünä̧ Jesú-mä̧ ukuowi'omȩnä̧ o'katoi'ünä̧ kkorottü'i̧nä̧, kkorottü'i̧nä̧ na̧nȩpä̧tü̧rü̧ i'chächinä̧tü̧. Barau na̧nȩpä̧tü̧rü̧'i̧nä̧, epíritu-tu̧ suropätü ttü̧ja̧kuä̧u̧ru̧'i̧nä̧, epilépcia mä̧richei na̧nȩpä̧tü̧rü̧'i̧nä̧ ja̧'wa̧ta̧nü̧ parárisi mä̧richei na̧nȩpä̧tü̧rü̧'i̧nä̧, Jesú-mä̧ aditü ikuinä̧u̧.

San Mateo 6:12

Ujuturu suronä̧ jȩpä̧tü̧rü̧, mikuä jȩtü̧ juiyüta'anü̧, suronä̧ jȩtä̧'i̧jü̧mä̧ mikuäwächünä̧mä̧ jȩ'kuä̧tü̧.

San Mateo 8:10

Ja̧'wa̧nü̧ pä'a ä̧ju̧ku̧, Jesú-mä̧ rü̧ȩnä̧ amükuädünü̧ chutäku 'chä̧tü̧rü̧ pä'inü̧: —Isopäi'ünä̧ pädäu̧jä̧, Iraettümä̧ ya̧tȩrü̧'i̧nä̧ po̧kui̧po̧kü̧ pä'ijüsä, pa̧'a̧nü̧ rü̧ȩnä̧ a̧'kua̧ wȩnä̧rü̧rü̧mä̧.

San Mateo 8:16

Ni̧pä̧cho̧mȩnä̧, Jesú ü̧jo̧mȩku̧ epíritu-tu̧tu̧ suropätü ttü̧ja̧kuä̧u̧ru̧ tti'chächa'a aditü ikuinü̧; suro i̧wȩnȩnä̧tä̧ rä'epä'chü iku, o'katoi'ünä̧rü̧ na̧nȩpä̧tü̧rü̧ aditü ikuinü̧.

San Mateo 9:22

Ja̧'wa̧nü̧ jä̧ku̧ Jesú-mä̧ aboja̧'a̧ku̧ kkärächi'ü, topü päinä̧kua̧: —Chittiju esewipi, kua̧'u̧ ku̧wȩnä̧ro̧mȩttü̧ na̧kuä̧chü̧ttü̧mä̧ pi̧'ä̧jä̧ju̧jä̧. Päüta'anü̧, yotäku na̧ja̧chä̧'i̧jü̧ttü̧mä̧ pi̧'i̧nä̧ju̧.

San Mateo 9:5

¿Toku pättüttütä adiwomȩnä̧ jü̧'a̧nü̧ttü̧: Suronä̧ jȩ'kuä̧'i̧jü̧mä̧ jȩä̧chä̧ku̧jä̧ ¿pättüttütä? ja̧'wa̧nü̧ pättü juiyüttü'i̧nä̧ ä̧rä̧mi̧'ü̧ täi pättüttütä?

San Mateo 9:6

Ja̧'wa̧nü̧ ja̧'a̧nä̧, ubo I̧tti̧mä̧ pi̧jä̧ttü̧mä̧ suronä̧ jȩttä̧'i̧jü̧'i̧nä̧ jȩpü̧ ikua pä'ü ujuru kku̧nä̧rü̧ ja̧'a̧ päkuätukuäkua'anü̧ pä'ü. (Parárisi na̧'ä̧chü̧rü̧ pä'inü̧): —Ä̧rä̧mi̧'ü̧, ku̧'ä̧bä ȩmi̧pü̧ kuojusodera̧'a̧tä̧ täi.

San Marcos 1:32

Täkü, kkä̧wa̧ ma̧ä̧chä̧ji̧ o'ka'a, yodó päi'omȩnä̧. Ttü̧ja̧mä̧, rü̧ȩnä̧ na̧nȩpä̧tü̧rü̧'i̧nä̧ ja̧'wa̧ta̧nü̧ epíritu-tu̧ suropätü ttü̧ja̧kuä̧u̧ru̧'i̧nä̧ Jesú ü̧jo̧mȩku̧ i'kächinä̧tü̧.

San Marcos 10:49

Ja̧'wa̧nü̧ woäku, Jesú-mä̧ i̧'cho̧mȩttü̧ kkä̧mä̧dü̧ pä'inü̧: —Wopätukuirü. Päomȩnä̧, ä̧to̧ka̧rü̧ wopümä̧, pä'inä̧tü̧: —Woäkujä̧, ä̧rä̧mi̧'i̧.

San Marcos 5:34

Ja̧'wa̧nü̧ jijäwäku, Jesú-mä̧, päinä̧kua̧: —Chittiju, kua̧'kua̧ ku̧wȩnä̧ra̧'a̧ttü̧ na̧kuä̧chü̧ttü̧mä̧ pi̧'ä̧ju̧jä̧. Kua̧'kua̧ tta̧kuȩkuo̧ka̧'a̧ täi, täkü kumä̧richeittümä̧ pi̧'ä̧jä̧ju̧jä̧.

San Marcos 6:50

Ja̧'wa̧nü̧ ja̧'a̧nä̧, Jesú-mä̧ yotäku päinä̧u̧: —¡Yekuekuätukuä! ¡ttütäsä: Eseäkuäwätukui!

San Juan 16:33

Pi̧yȩmä̧ ukuokusä, ttünä̧ wȩnȩ juiyünä̧ eseu ku̧jä̧tu̧kua̧ pä'ü. Pi̧jä̧ttü̧mä̧ usurä ȩmä̧u̧ 'kuäkuopäkuotüjä̧; ja̧'wa̧nü̧ ja̧'a̧nä̧ kua̧'kua̧ wȩnä̧rä̧tu̧kui̧, ttü ja̧'a̧ pi̧jä̧ jäwä abo 'kuä'o'inü̧mä̧.

San Juan 2:25

Ja̧'wa̧nü̧ ja̧'a̧ttü̧, ttü̧ja̧ ttütü'kümä̧ ya̧tȩ'i̧nä̧ jiäwarü pä'ümä̧ rekuärü̧jo̧ko̧ku̧ pinü̧; jua'amä̧ u̧wo̧jua̧'a̧ttü̧ ttü̧ja̧sa̧ a̧mi̧so'kinä̧ kkü̧mä̧.

San Juan 21:5

Ja̧'wa̧nü̧ ja̧'a̧ Jesú-mä̧ päinä̧u̧: —Chawaruwä, ¿Po̧i̧ kku̧nä̧rä̧tü̧jä̧? Ttädätinä̧ku̧: —¡Toa'a!

Hechos 14:9

Pauru-mä̧ ukuokua'a ä̧ju̧kuä̧ri̧yä̧ku̧, toinä̧ku̧ ja̧'wa̧nü̧ toomȩnä̧ ü̧'i̧pü̧'a̧nü̧ a̧'kua̧ u̧wȩnä̧ri̧yä̧ku̧,

Hechos 19:12

ja̧'wa̧nü̧ ja̧'a̧ttü̧, Pauru mȩä̧ji̧ o̧'ko̧'o̧ta̧ pañuelo o̧ta̧'i̧nä̧, pü̧jä̧ti̧yu̧'i̧nä̧ ȩpi̧nä̧tü̧ ttü̧ja̧mä̧, ja̧'wa̧nü̧ ja̧'a̧ na̧'ä̧chä̧tü̧ ttu̧wä̧mȩ ttu̧wȩno̧mȩnä̧ ttumä̧richeittü pȩji̧pȩ'i̧nä̧tü̧ ja̧'wa̧ta̧nü̧ epíritu-tu̧ suropätü'i̧nä̧ juätü ttü̧jä̧u̧ttü̧mä̧ rä'ekuächä'chinä̧tü̧.

Hechos 23:11

Kkoro yodó, Tu̧ru̧wa̧mä̧ Pauru-rü i̧jȩku̧, pä'inü̧: «Pauru kua̧'kua̧ tta̧kuȩkuä̧, porü Jerusarȩ́-ttü̧ Ttü chütü'kü jikuäwäjita'anü, Roma ütawiyättü'i̧nä̧ kukuokua pä'ü rekuä rü̧ja̧'a̧.»

Romanos 5:11

Suro pi̧yȩtä̧mä̧kü̧, Dio-rü'i̧nä̧ eseäkuäwätüjä̧ Tu̧ru̧wa̧ Jesucrito-nä̧, jua̧u̧ Crito-nä̧tä̧ eseku ikuinä̧u̧ ta'attü̧.

Santiago 2:18

Ya̧tȩmä̧ päü'anü̧ ja̧'a̧: «ukumä̧ kua̧'kua̧ wȩnä̧rä̧kuä̧wä̧ ku̧ju̧nä̧rü̧jä̧, ja̧'wa̧ta̧nü̧ ttümä̧ adikuätä kku̧nä̧rü̧sä̧. Adikuä juiyünä̧ kua̧'kua̧ ku̧wȩnä̧rü̧tä̧ i̧jȩpi̧ttü̧ pärokua'aku cha̧'kua̧ wȩnä̧rü̧ chaditüku chi̧jȩpa̧'a̧nä̧.»