San Mateo 7:1 - Nuevo Testamento Uwotjüja

¹ Kkorotürümä̧ ja̧'wa̧nü̧ wotüjä̧ päkuätukuä, Dio'i̧nä̧ ukuturu ja̧'wa̧nü̧ wotüjä̧ päü juiyäkua'anü̧.

TÄ̧DO Ä̧CUÄ̧ I̧HUȨNȨ

¹ Juhua'a yabonö huo̧juȩti̧nö̧do Jesús: —Korotörö suronä päcuhuätucuä', Dios ucuturu'inä suronä päö juiya pä'ö.

San Mateo 7:1 Iomraidhean Croise

San Mateo 7:2

Isopäi'ünä̧ Dio-mä̧ kkorotürü ja̧'wa̧nü̧ wotüjä̧ pä'ü jȩ'kuä̧tu̧ku̧ta̧'a̧nü̧, ukuturu'i̧nä̧ ja̧'wa̧ta̧nü̧tä̧ jȩä̧kuä̧u̧jä̧; ja̧'wa̧ta̧nü̧ kkorotü jȩttü̧ pa̧ja̧tȩ'ü̧ jȩ'kuä̧'i̧jä̧tu̧ku̧ta'anü̧, ukuturu'i̧nä̧ ji̧yȩta̧'a̧kuä̧ jȩä̧kua̧.

San Mateo 7:5

¡Ä'koyättü jȩä̧kuä̧wä̧ isotü̧jä̧! Ä̧kuo̧mȩnä̧mä̧ kua̧mü̧nä̧ kui'ärenä̧ ȩjä̧'ka ikui'ka ȩmä̧u̧ ikui, ȩmä̧u̧ ikuipü'ka̧tä̧ adiu to̧'kuä̧kua̧jä̧ kui̧jä̧wa̧ i'ärenä̧ ȩjo̧'ki ȩmü̧ kuikua pä'ümä̧.

San Lucas 6:37

Surojü jȩttü̧mä̧ päkuätukuä, ukuturu'i̧nä̧ surojü jȩ'kuä̧tu̧ku̧ Dio päü juiyäkua'anü̧. Usurä ttȩmä̧u̧nä̧ päkuätukuä, ukuturu'i̧nä̧ usurä kuȩmä̧wä̧tu̧ku̧nä̧ Dio päü juiyäkua'anü̧. Pärokua'aku mikuämä̧ kuamükuädätukuä, ukuturu'i̧nä̧ pärokua'aku mikuä, Dio amükuädü juiyäkua'anü̧.

San Lucas 6:41

¿Tta̧'a̧nü̧ pä'ü kui̧jä̧wa̧ i'ärenä̧ ȩkü̧tä̧ topüjä̧ttü̧; kua̧mü̧nä̧ kui'ärenä̧ ȩkü̧mä̧ to'kuäkuäwoka'anä̧?

San Juan 8:7

Ja̧'wa̧nü̧ ja̧'a̧nä̧, yabonü̧ jä̧ttȩpä̧rä̧ku̧, ä̧rä̧mi̧'ü̧ päinä̧u̧: —Ukututtü, ya̧tȩ surojü jui̧'a̧mä̧, ä̧kuo̧mȩnä̧ kkä̧mä̧dü̧ ido'ki ikuiju.

Santiago 3:1

Chawaruwä chü̧jä̧wa̧tü̧, ukututtü rekuätü wo̧juȩkuä̧ isotü jü̧nä̧mä̧ juokuätukuä, ja̧'wa̧ta̧nü̧ täkü wo̧juä̧tü̧jä̧ tu̧wo̧juȩtü̧nä̧tä̧ Dio-mä̧ kkorotüttü'i̧nä̧ abonä̧nü̧ ro̧ȩpä̧kuo̧tü̧jä̧ pä'ümä̧.