San Mateo 6:5 - Nuevo Testamento Uwotjüja

⁵ Ja̧'wa̧ta̧nü̧ Dio-rü kukuokuätukuomȩnä̧mä̧, ä'koyättü esetätü jȩttü̧'a̧nü̧mä̧ jȩ'kuä̧tu̧kuä̧; juätümä̧ sinagogas odewiyättü'i̧nä̧, mä̧ni̧yä̧ u̧yu̧'ka̧ri̧ttü̧'i̧nä̧ kkä̧nü̧ Dio-rü ukuokuäkuäwätä kkü'kätü, ttü̧ja̧ tottatü pä'ü. Isopäi'ünä̧ ukuturu pä'üsä: Ja̧'wa̧nü̧ jȩ'kuä̧tu̧ku̧ttü̧mä̧, premio pättü kuȩmä̧tu̧kua̧ pä'ü ji̧nü̧mä̧, täkü ȩmä̧tü̧jä̧.

TÄ̧DO Ä̧CUÄ̧ I̧HUȨNȨ

⁵ “Ja̧'hua̧ta̧nö̧ Diosrö cucuocuätucuomenä, korotö amönä judíos ttu̧huo̧jui̧'i̧nodettö'inä, ötahuiyättö'inä ttö̧ja̧ jahuätörö tottatö pä'ö jȩttö̧'a̧nö̧, jȩcu̧'ä̧tu̧cuä̧'. Iso päi'önä pä'ösä ucuturu, ja̧'hua̧nö̧ jȩtto̧mȩnä̧, ttö̧ja̧ jahuätörö tottomenä, ja̧u̧nu̧tä̧ ȩmä̧tö̧ ttucuocuäji micuä.

San Mateo 6:5 Iomraidhean Croise

San Mateo 21:22

Ja̧'wa̧nü̧ ja̧'a̧ttü̧ ukutu o'kajuiyünä̧ kua̧'kua̧ wȩnä̧rü̧ Dio-rü ukuoku jäkuepätukumä̧, kuȩmä̧kuo̧tü̧jä̧.

San Mateo 23:13

¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ mo̧ro̧jä̧ ru̧wa̧ weünä̧ dodettü juiyünä̧ tto̧'ȩpä̧rä̧tü̧jä̧. Ukututä'i̧nä̧ dode'kuätukuoka'anä̧, kkorotürü'i̧nä̧ dottächa pä'ätürü dodettü juiyünä̧ jȩpä̧tü̧jä̧.

San Mateo 23:5

O'kajuiyünä̧ jȩttü̧mä̧, ttü̧ja̧ tottatü pä'ütätä jȩpä̧tü̧. Ttüokuoränämä̧ weäwä wȩnȩ jäwä wȩyu̧kuȩ'ü̧ ru̧nä̧wä̧tü̧, ttüjonä̧'i̧nä̧ ja̧'wa̧ta̧nü̧ ttü̧'ka̧tä̧wä̧ti̧yu̧'i̧nä̧ otoü 'ka̧tä̧wȩ'ä̧tü̧, juiyo Dio-rü ukuotätü pättatü pä'ü.

San Mateo 23:6

Pä'käri ttu̧kuȩ ttukuomȩttü̧'i̧nä̧ adiwomȩttü̧tä̧ ttukua pä'ätü ja̧'wa̧ta̧nü̧ Sinagogas odewiyättü'i̧nä̧ ä̧kuo̧mȩnä̧ dȩä̧ki̧yä̧nä̧ ttütatü pä'ätü.

San Mateo 6:1

Ttü̧ja̧ ttä'kattü, juätü tottatü pä'ütä adiumä̧ jȩ'kuä̧tu̧ku̧ juiyü'anü̧ ja̧'a̧, ja̧'wa̧nü̧ jȩ'kuä̧tu̧ku̧ttü̧mä̧ Kuä'otuku mo̧ro̧jä̧ra̧'a̧ kkü̧mä̧ ji̧yȩtȩ premio'i̧nä̧ i̧yo̧ko̧u̧ kuäkuotüjä̧.

San Mateo 6:16

Ukutu Dio-rü ukuoku ku̧kuȩ kua̧do̧chä̧tu̧kuo̧mȩnä̧, ä'koyättü esetätü jȩttü̧'a̧nü̧mä̧, kui'ätukunä̧ kua̧'kua̧ tta̧'ȩku̧ 'kua̧rü̧nä̧mä̧, jȩ'kuä̧tu̧kuä̧ ttü̧ja̧ tottätukuaku pä'ümä̧. Ja̧'wa̧nü̧ jȩ'kuä̧tu̧ku̧ttü̧mä̧ ukuturu pä'üsä, täkü jua̧u̧tä̧ po̧kui̧pä̧tü̧jä̧, mikuä jäkuepätukumä̧.

San Mateo 6:2

Ja̧'wa̧nü̧ ja̧'a̧ttü̧ usurä isotürü ppäkuädomenä̧mä̧, sinagogas odewiyättü'i̧nä̧, mä̧ni̧yä̧ttü̧'i̧nä̧ ttü̧ja̧ ttu̧wo̧jui̧pü̧nä̧mä̧ jikuäwä, adiwä isotüjä̧ pä'ätü jȩttü̧'a̧nü̧mä̧; ja̧'wa̧nü̧ jȩ'kuä̧tu̧ku̧ttü̧mä̧ premio pättümä̧, täkü ȩmä̧tü̧jä̧.

San Mateo 9:38

Ja̧'wa̧nü̧ ja̧'a̧ttü̧ u̧wä̧ju̧ jo̧mȩnü̧ jü̧ u̧ru̧wa̧rü̧ jä'epätukui, ka̧ka̧kuä̧ isotürü ttü̧ka̧ka̧ta̧ pä'ü weäkua'anü̧.

San Marcos 11:25

Ja̧'wa̧ta̧nü̧, Dio-rü kukuokuätukuomȩnä̧, kkorotürü suronä̧ kuamu̧kuädä'ijätuku kä'ädi'ätukui ja̧'wa̧nü̧ jü̧ta̧'a̧nü̧, Kuä'o mo̧ro̧jä̧ra̧'a̧ kkü̧'i̧nä̧ suronä̧ jȩ'kuä̧'i̧jä̧tu̧ku̧ mikuäwächü juiyünä̧ jȩpü̧ ikuäkua'anü̧.

San Marcos 12:38

Ja̧'wa̧nü̧ ja̧'a̧, Jesú wo̧juȩtü̧ pä'inü̧: Weäwä wȩnȩ wo̧juȩkuä̧ isotürü ä'kuoyäkuäunu̧ tta̧'a̧rä̧kuä̧wä̧tu̧kui̧, juätümä̧ tti̧ä̧rȩta̧ o̧to̧ä̧ta̧ 'ka̧tä̧wi̧'ü̧ kkä̧kuä̧wä̧tä̧ kkü'kätü ja̧'wa̧ta̧nü̧ ttu̧kuȩ ȩmä̧wo̧mȩttü̧ rü̧ȩnä̧ ukuotünü̧ tettäwatütä pä'ätü.

San Lucas 11:43

¡Isoó ukutu fariseo wotüwe! sinagoga odewiyättümä̧ ä̧kuo̧mȩnä̧ dȩä̧ki̧yä̧nä̧ ku̧'ä̧tu̧kua̧ pä'ü kkü'kätüjä̧ ja̧'wa̧ta̧nü̧ ttu̧kuȩ ȩmä̧wo̧mȩttü̧'i̧nä̧ ukuo kkü̧nä̧ tettäwätukuaku pä'ätüjä̧.

San Lucas 18:1

Jesú-mä̧ 'kuättächi'oka'a 'kuäopünä̧tä̧ Dio-rü ttukuokua pä'ümä̧ ji̧yȩtȩnä̧ wȩnȩtü̧ jiäwinä̧u̧.

San Lucas 18:13

Ja̧'wa̧nü̧ ja̧'a̧nä̧, Roma-ra̧'a̧ weäwä pärätä ka̧ka̧kuä̧ i̧sa̧mä̧, otonä̧tä̧ kkä̧nü̧, u'i̧nä̧ kä'epü mo̧ro̧jä̧ra̧'a̧ku̧mä̧ toa päoka'atä, a̧mü̧kanä̧ 'ta'tapäkuäu pä'inü̧: Chü̧ä̧nä̧wa̧ Dio, rȩrü̧jü̧ topittü, ttümä̧ surojütä jȩä̧kuä̧wä̧ i̧sa̧sä̧.

San Lucas 20:47

Ja̧'wa̧ta̧nü̧ rȩkua̧mü̧rü̧ ttoju odewiyä 'choipä'chü, adiu jȩpä̧tü̧jä̧ pä'ü, rekuo Dio-rü ukuokuätürü. Juätümä̧ kkorotüttü'i̧nä̧ abonä̧nü̧ usurä ttȩmä̧wä̧kuo̧tü̧.»

San Lucas 6:24

Ja̧'wa̧nü̧ ja̧'a̧nä̧, ukutu ¡ruwotümä̧, ukutuwe!, täkü kueseäkuäwätukumä̧ kku̧nä̧rä̧tü̧jä̧.

San Juan 16:24

Jitä pȩnȩbü, Ttü chi̧mi̧nä̧mä̧ yorisotä jä'epokotü pä'ijätüjä̧; jä'epätukui, kuȩmä̧tu̧kua̧; kueseäkuäwätuku jo̧mȩnü̧ päkui'ätukua.

Efesios 6:18

'Kuäopünä̧tä̧ Dio-rü ukuokuätukui: Epíritu-nä̧ ajuäkuäunü̧ jä'epätukui; ji̧nä̧yo̧mȩtȩnä̧, 'kuäkuächi'ätukuoka'a'i̧nä̧, kuä'i'ätukuoka'a'i̧nä̧ ukuokuätukui o'katoi'ünä̧ Dio ȩmi̧nä̧u̧ru̧mä̧.

1 Tesalonicenses 5:17

'Kuäopünä̧ Dio-rü ukuokuätukui.

Santiago 4:6

Ja̧'wa̧nü̧ ja̧'a̧nä̧ Dio-mä̧ rü̧ä̧nä̧ rȩrü̧jü̧nü̧ topü ppä̧dä̧u̧jä̧, ja̧'wa̧ta̧nü̧ wȩyu̧kuä̧ wȩnȩmä̧ pä'a: Dio-mä̧ ttukuo te'äwätürümä̧ kkü'kokü, ja̧'wa̧nü̧ ja̧'a̧nä̧ ttukuo te'äkuäwokotürütä eseunu̧ ppä'ädü.