San Mateo 6:16 - Nuevo Testamento Uwotjüja

¹⁶ Ukutu Dio-rü ukuoku ku̧kuȩ kua̧do̧chä̧tu̧kuo̧mȩnä̧, ä'koyättü esetätü jȩttü̧'a̧nü̧mä̧, kui'ätukunä̧ kua̧'kua̧ tta̧'ȩku̧ 'kua̧rü̧nä̧mä̧, jȩ'kuä̧tu̧kuä̧ ttü̧ja̧ tottätukuaku pä'ümä̧. Ja̧'wa̧nü̧ jȩ'kuä̧tu̧ku̧ttü̧mä̧ ukuturu pä'üsä, täkü jua̧u̧tä̧ po̧kui̧pä̧tü̧jä̧, mikuä jäkuepätukumä̧.

TÄ̧DO Ä̧CUÄ̧ I̧HUȨNȨ

¹⁶ Juhua'a yabonö huo̧juȩti̧nö̧do Jesús: —Ucutumä cu̧cuȩ cucuätucuoca'a a̧do̧chö̧ jȩcu̧'ä̧tu̧cuo̧mȩnä̧, korotömä tta̧'cua̧ tta̧'ȩcu̧ amönä jȩttö̧'a̧nö̧ jȩcu̧'ä̧tu̧cuä̧'. Jahuätömä amönä jȩpä̧tö̧do korotö totta pä'ö ttu̧cuȩ ttucuoca'a tta̧do̧cha̧'a̧. Iso päi'önä pä'ösä ucuturu, ja̧'hua̧nö̧ jȩpö̧ ttö̧ja̧ jahuätörö tottomenä, täcö tta̧do̧chö̧ micuä ȩmä̧tö̧do.

San Mateo 6:16 Iomraidhean Croise

San Mateo 6:1

Ttü̧ja̧ ttä'kattü, juätü tottatü pä'ütä adiumä̧ jȩ'kuä̧tu̧ku̧ juiyü'anü̧ ja̧'a̧, ja̧'wa̧nü̧ jȩ'kuä̧tu̧ku̧ttü̧mä̧ Kuä'otuku mo̧ro̧jä̧ra̧'a̧ kkü̧mä̧ ji̧yȩtȩ premio'i̧nä̧ i̧yo̧ko̧u̧ kuäkuotüjä̧.

San Mateo 6:2

Ja̧'wa̧nü̧ ja̧'a̧ttü̧ usurä isotürü ppäkuädomenä̧mä̧, sinagogas odewiyättü'i̧nä̧, mä̧ni̧yä̧ttü̧'i̧nä̧ ttü̧ja̧ ttu̧wo̧jui̧pü̧nä̧mä̧ jikuäwä, adiwä isotüjä̧ pä'ätü jȩttü̧'a̧nü̧mä̧; ja̧'wa̧nü̧ jȩ'kuä̧tu̧ku̧ttü̧mä̧ premio pättümä̧, täkü ȩmä̧tü̧jä̧.

San Mateo 6:5

Ja̧'wa̧ta̧nü̧ Dio-rü kukuokuätukuomȩnä̧mä̧, ä'koyättü esetätü jȩttü̧'a̧nü̧mä̧ jȩ'kuä̧tu̧kuä̧; juätümä̧ sinagogas odewiyättü'i̧nä̧, mä̧ni̧yä̧ u̧yu̧'ka̧ri̧ttü̧'i̧nä̧ kkä̧nü̧ Dio-rü ukuokuäkuäwätä kkü'kätü, ttü̧ja̧ tottatü pä'ü. Isopäi'ünä̧ ukuturu pä'üsä: Ja̧'wa̧nü̧ jȩ'kuä̧tu̧ku̧ttü̧mä̧, premio pättü kuȩmä̧tu̧kua̧ pä'ü ji̧nü̧mä̧, täkü ȩmä̧tü̧jä̧.

San Marcos 2:18

Ya'utenä̧, Ju̧a̧ bautizo jȩä̧kuä̧wä̧ i̧sa̧ umüwäyotü'i̧nä̧, fariseo wotü'i̧nä̧, ttu̧kuȩ a̧do̧chü̧ jȩtto̧mȩnä̧, yotüte, Jesú-ru jä'epü ä̧ju̧ku̧ 'chi̧nä̧tü̧: —¿Tta̧'a̧nü̧ pä'ü Ju̧a̧ umüwäyotü'i̧nä̧, fariseo wotü ttumüwäyotü'i̧nä̧ ttu̧kuȩ a̧do̧chü̧ jȩtta̧'a̧nä̧, uku ku̧wo̧juȩtä̧u̧mä̧ jȩpo̧ko̧tü̧jä̧ttü̧?

San Lucas 18:12

ttümä̧ ji̧yȩtȩ semana-nä̧mä̧, todärenä̧ chu̧kuȩ a̧do̧chü̧ Dio-rü ukuokuä'ijüsä ja̧'wa̧ta̧nü̧ chaditäwä mikuä chȩmü̧ o'kajuiyüttümä̧, diezmo-mä̧ iyüsä.

San Lucas 2:37

Ochenta y cuatro año-nü̧ jo̧mȩnä̧ 'kuäopina̧'a̧ ji̧na̧'a̧, rekua juojina̧'a̧ttü̧mä̧. Juajumä̧, Dio-rü ukuokuäkuäwodettümä̧, räjopoka'atä mo̧ro̧'i̧nä̧, yodo'i̧nä̧ Dio-rü ukuoku kki̧nä̧ju̧, ayuno'i̧nä̧ jȩpü̧nü̧.

Hechos 10:30

Cornelio-mä̧ ädätinü̧: Täkü pa̧ja̧kuä̧nü̧ mo̧ro̧ ja̧'a̧, pi̧yȩtä̧ hora-nä̧, porü chojusodettü, las tres-bü Dio-rü chu̧kuȩ a̧do̧chü̧ chukuokuomȩnä̧ ya̧tȩ ü̧'ka̧tä̧wä̧ta̧ kkȩdȩpä̧ta̧ 'ka̧tä̧u̧ i̧jȩkuä̧ja̧'a̧mä̧.

Hechos 14:23

Ja̧'wa̧ta̧nü̧ igresia jü̧'a̧kuä̧ A̧ci̧a̧nu̧tu̧-tü̧rü̧ kku̧nä̧'chi̧nä̧tü̧; ttu̧kuȩ a̧do̧chü̧ Dio-rü ukuoku, Ttu̧ru̧wa̧ ttesetäkuru iyü ukuokuinä̧tü̧.

1 Corintios 7:5

Ja̧'wa̧nü̧ ja̧'a̧ttü̧ jȩ'kuä̧kuä̧wä̧tu̧kua̧ pä'ü kuirekuorü, kuirekuarü pä̧wä̧rü̧jo̧mȩnä̧mä̧ ya̧kuo̧kuä̧rä̧kuä̧wä̧tu̧kuä̧ ja̧'wa̧nü̧ ja̧'a̧nä̧ Dio-rü rekuonä̧nü̧ ukuokutä jua̧u̧mä̧ ro̧'ȩkuä̧tu̧kui̧, jua'a'i̧nä̧ ä'kanä̧ esekui'ü'kotütä, jua̧u̧ o'ka'a pä'äjita'anü̧ ku̧ja̧kuä̧mä̧tu̧kua̧. Pärokua'aku rekuo jȩ'kuä̧kuä̧tu̧kuo̧ka̧'a̧ ku̧ja̧kuä̧tu̧ku̧ttü̧'i̧nä̧ Satanás weomȩnä̧ surojuokuächätukuä.

2 Corintios 11:27

Aditü usurä ȩmä̧u̧'i̧nä̧, chä'oka'a'i̧nä̧, ppäi ttu'u'i̧nä̧, a̧di̧ ttu'u'i̧nä̧; diyo ttu'u'i̧nä̧, chü̧'ka̧tä̧wä̧ti̧yu̧ jui'ü'i̧nä̧ usurä ȩmä̧wä̧'i̧jü̧sä̧.

2 Corintios 6:5

kuäkuättomȩnä̧'i̧nä̧, kärenä̧ tü̧'o̧mȩnä̧'i̧nä̧, tä'oka'a usurä tȩmä̧wo̧mȩnä̧'i̧nä̧, ppäi ttütomȩnä̧'i̧nä̧;