San Mateo 5:11 - Nuevo Testamento Uwotjüja

¹¹ Eseäkuäwä kka̧'a̧ ttü chi̧mi̧ jäwänä̧, o'kajuiyünä̧ yapareu kkä̧nü̧, ukuturu suronä̧ wopü kuä'äu ttikua pä'ü ttusomȩnä̧

TÄ̧DO Ä̧CUÄ̧ I̧HUȨNȨ

¹¹ “Ja̧'hua̧ta̧nö̧ ucutu'inä ttörö cuesetätucua'attö, korotömä ucuturu suronä jȩtto̧mȩnä̧'i̧nä̧, suronä ttucuocuomenä'inä, yapareu ttucuocuomenä'inä, eseunu cu̧ja̧cuä̧cuo̧tö̧jä̧.

San Mateo 5:11 Iomraidhean Croise

San Mateo 10:18

Jua'a yabonä̧ ttü jäwänä̧mä̧, ruwotü gobernadores ttä'ka'i̧nä̧, ruwotü tturuwotü ttä'ka'i̧nä̧, judío pokotü ttä'ka jo̧mȩ'i̧nä̧ ttȩpä̧kuä̧u̧jä̧ ttü jäwänä̧mä̧, juätürü jikuäwätukua pä'ü.

San Mateo 10:22

Ttü chi̧mi̧ jäwänä̧mä̧, o'katoi'ünä̧tä̧ tta̧mi̧suru tottäkuä̧u̧jä̧; ja̧'wa̧nü̧ ja̧'a̧nä̧ rüjí mo̧ro̧bü päi'ünä̧ a̧mi̧ 'ki'ächi'ü ü̧jü̧ttü̧mä̧, jua̧u̧tä̧tä̧ jä̧kua̧'a̧ ü̧ji̧pä̧kua̧mä̧.

San Mateo 10:25

Ya̧tȩ u̧wo̧juȩtä̧u̧mä̧, u̧ru̧wa̧ wo̧juȩtü̧ jo̧mȩbütä i̧rȩbȩwo̧mȩnä̧mä̧ täkü adiwa'a ja̧'wa̧ta̧nü̧ ya̧tȩ u̧mü̧wä̧ya̧mä̧ u̧ru̧wa̧ jo̧mȩbütä wa̧ jo̧mȩnä̧mä̧ adiwa'a. Isopäi'ünä̧ isode u̧ru̧wa̧rü̧'i̧nä̧ Beelzebú pä'ü ottina̧'a̧mä̧, ukutu chumüwäyotürümä̧, juȩnȩ abonä̧nü̧ jä̧kua̧'a̧.

San Mateo 10:39

A̧'kua̧rü̧ tta̧wä̧rä̧kuä̧wa̧ pä'ü amükuädümä̧, to̧ȩ'ä̧chä̧kua̧ ja̧'wa̧nü̧ ja̧'a̧nä̧ ttü jäwänä̧ to'e'ächümä̧, a̧'kua̧rü̧ ü̧'o̧kui̧'ä̧kua̧.

San Mateo 19:29

Ja̧'wa̧ta̧nü̧ ttü jäwänä̧ o'katoi'ünä̧rü̧, ojusode'i̧nä̧, ü̧jä̧wa̧tü̧rü̧'i̧nä̧, jä'orü'i̧nä̧, ja̧ju̧ru̧'i̧nä̧, i̧tti̧mü̧rü̧'i̧nä̧, ü'ättiyu'i̧nä̧ kku̧ni̧pi̧nü̧mä̧ ciȩnü̧ jo̧mȩttü̧'i̧nä̧ yabonä̧ ȩmü̧kkä̧nü̧, kkä̧kuä̧wä̧ i'ko'i̧nä̧ ȩmä̧kua̧.

San Mateo 24:9

Ja̧'wa̧nü̧ jo̧mȩnä̧ usurä kuȩmä̧wä̧tu̧ku̧nä̧ iyü tti̧kuä̧kuä̧u̧jä̧; ja̧'wa̧nü̧ jȩpü̧ kuä'äu iku, pi̧jä̧ ttü̧ja̧mä̧ o'katoi'ünä̧ ttü jäwänä̧ ttüjü'koko̧u̧ kuäkuotüjä̧.

San Mateo 27:39

Juȩnȩnä̧ 'kuä'opätümä̧ suronä̧ pä'ä'chü, ttu roripünü̧,

San Marcos 13:13

Ja̧'wa̧ta̧nü̧ ttü jäwänä̧mä̧, o'katoi'ünä̧ tta̧mi̧ suru tottäkuä̧u̧jä̧; ja̧'wa̧nü̧ ja̧'a̧nä̧ rüjí mo̧ro̧ päi'ünä̧ a̧mi̧ 'ki'ächi'ü kkü̧tä̧ jä̧kua̧'a̧ ra̧wä̧pi̧jü̧ttü̧ ttü̧ji̧pä̧kuo̧tü̧mä̧.

San Marcos 13:9

Ja̧'wa̧nü̧ ukututä'i̧nä̧, tta̧'a̧rä̧kuä̧u̧ kka̧kuä̧tu̧kui̧; isopäi'ünä̧, ruwotürü iyü ttikuäkuä̧u̧jä̧ ja̧'wa̧ta̧nü̧ sinagoga odewiyättü kuäkuättäkuä̧u̧jä̧. Ttü jäwänä̧mä̧, gobernador ruwotü ttä'ka jo̧mȩ'i̧nä̧, rȩjȩ ruwotü ttä'ka jo̧mȩ'i̧nä̧ ttȩpä̧kuä̧u̧jä̧; ttü chütü'kü juätürü jikuäwätukua pä'ü.

San Marcos 4:17

Ja̧'wa̧nü̧ ja̧'a̧nä̧ jitünä̧tä̧ 'chu̧ä̧rü̧ juitta'attü 'kiyünä̧ kko̧ko̧tü̧rü̧; Dio i̧wȩnȩnä̧, surojü wȩnȩ ichomȩnä̧, si'epü ttikuatü pä'ü ttusomȩnä̧, tta̧'kua̧ ttu̧wȩnä̧rä̧'i̧jü̧mä̧ to̧ȩpo̧'ä̧u̧ru̧.

San Marcos 8:35

Ja̧'wa̧nü̧ ja̧'a̧ttü̧ ya̧tȩ a̧'kua̧rü̧ ü̧ji̧pa̧ pä'ümä̧, toe'ächä̧kua̧; ja̧'wa̧nü̧ ja̧'a̧nä̧ ttü jäwänä̧, a̧'kua̧rü̧ to'e'ächümä̧, a̧'kua̧rü̧mä̧ ü̧ji̧pä̧kua̧.

San Lucas 21:12

Ja̧'wa̧nü̧ ja̧'a̧nä̧ pi̧yȩ 'kuäopäkua'a ä'kanä̧mä̧, 'chuttädätukuaku pä'ü ttusäkuä̧u̧jä̧. Ja̧'wa̧ta̧nü̧ sinagoga odewiyära̧'a̧ ttȩpä̧kuä̧u̧jä̧ jua'attü kärenä̧ ku̧'ä̧tu̧ku̧nä̧ wetta pä'ü, ruwotü ttä'ka jo̧mȩ'i̧nä̧ ttȩpä̧kuo̧tü̧jä̧ ttü chi̧mi̧ jäwänä̧mä̧.

San Lucas 21:17

Ja̧'wa̧ta̧nü̧ o'katoi'ünä̧, Ttü jäwänä̧mä̧ ttü̧jü̧'ko̧ko̧u̧ kuäkuotüjä̧.

San Lucas 6:22

Eseäkuäwä rȩbȩä̧kuä̧wä̧kua̧'a̧, Ttü jäwänä̧, ttü̧ja̧ ukuturu kkü'kü jui'ü ya̧'a̧wä̧'chü̧, kuäkuäpü jȩtto̧mȩnä̧.

San Lucas 9:24

Isopäi'ünä̧ a̧'kua̧rü̧ toe'ächa pä'okümä̧, to̧ȩ'ä̧chä̧kua̧; ja̧'wa̧nü̧ ja̧'a̧nä̧ ttü jäwänä̧ a̧'kua̧rü̧ to'e'ächümä̧, a̧'kua̧rü̧ ȩmä̧kua̧.

San Juan 15:21

Ja̧'wa̧nü̧ ja̧'a̧ttü̧, pi̧yȩ o'kajuiyünä̧ jȩttä̧kuo̧tü̧jä̧, ttü chi̧mi̧ jäwänä̧, jua'amä̧ ttürü we'inü̧rü̧ ttieruwa'attü̧.

San Juan 9:28

Ja̧'wa̧nü̧ pä̧u̧, ra̧wä̧ri̧pü̧ pättinä̧ku̧: —Ukutäjä̧, jua̧u̧ u̧mü̧wä̧ya̧mä̧; ujutumä̧ Moisé-tä umüwäyotüjä̧.

Hechos 9:16

Isopäi'ünä̧ Ttü jua̧u̧ru̧ chi̧jȩpä̧kua̧sä̧, ttü chi̧mi̧nä̧ usurä ttȩmä̧wa̧ pä'ü rü̧ȩnä̧ rekuä rü̧jü̧ wȩnȩ.

Romanos 8:36

Wȩyu̧kuä̧ wȩnȩmä̧ pä'ija'a: «Uku jäwänä̧, ujutumä̧ 'kuäopünä̧tä̧ wa'ü tikua pä'ü wotüjä̧; Oweja-tü̧rü̧ kuä'äu ikuäwomȩku̧ ttȩpa̧'a̧ jä̧'i̧nü̧'a̧nü̧ wotüjä̧.»

1 Corintios 4:10

Ujutumä̧, Crito jäwänä̧, amükuädokotü ttü̧ja̧ 'kua̧rü̧nä̧ wotüjä̧; ja̧'wa̧nü̧ ja̧'a̧nä̧ ukutumä̧, Crito re ü̧ji̧na̧'a̧ttü̧, rü̧ȩnä̧ amükuädäkuäwä kku̧nä̧rä̧tü̧ 'kua̧rü̧nä̧ wotüjä̧; Ujutumä̧ tijuiyuwa'anä̧, ukutumä̧ kujuru kku̧nä̧rä̧tü̧jä̧; Ujutumä̧ ttüjü'koko̧u̧ ta'anä̧, ukutumä̧ ukuo isotü jü̧nä̧ ttukuotäu̧jä̧.

2 Corintios 4:11

Ja̧'wa̧nü̧ ja̧'a̧ttü̧, ujutumä̧ ta̧'kua̧ra̧'a̧nä̧, Jesú jäwänä̧ wa'areku iyäwotüjä̧; jua'amä̧, Jesú a̧'kua̧rü̧ jäwä wa'ü ikuätü tidepänä̧ i̧jȩkuä̧cha̧ pä'ü.

Filipenses 1:29

Isopäi'ünä̧ Dio-mä̧ ukuturu adiwä juei iyinü̧, suro Crito-rü kuesetätukua pä'ütämä̧kü̧, Jua̧u̧ jäwänä̧ usurä kuȩmä̧wä̧tu̧kua̧ pä'ü'i̧nä̧, iyinä̧u̧jä̧.

1 Pedro 2:23

Suronä̧ pättä'chomȩnä̧mä̧, suronä̧ pä'ümä̧ ädätokü pinü̧; usurä ȩmä̧u̧nä̧ jȩttä̧ku̧'i̧nä̧, suronä̧mä̧ jȩpo̧kü̧ pinü̧, ja̧'wa̧nü̧ jȩtta̧jueimä̧ Dio jueünä̧tä̧ pä'ürütä iyäwinü̧.

1 Pedro 4:14

Ukuturu eseäkuäwä kka̧'a̧, Crito jäwänä̧ suronä̧ pättä'chäkurumä̧, jua'amä̧ ukuo'i̧nä̧ Dio a̧'kua̧rü̧ i̧sa̧'i̧nä̧ ukutunä̧ ü̧ja̧'a̧ttü̧.

Apocalipsis 2:3

Ja̧'wa̧ta̧nü̧ ttü chi̧mi̧ eseu repe'ümä̧ rü̧ȩnä̧ usurä ȩmä̧u̧, käkuädi'oka'a aditä'ijüjä̧.