San Mateo 5:1 - Nuevo Testamento Uwotjüja

¹ Jesú-mä̧, ttü̧ja̧ rekuätürü topü müä'kara̧'a̧ku̧ 'cha'achäji'ka̧ ü̧'ä̧mä̧da̧'a̧ u̧wo̧juȩtä̧u̧mä̧ ichi'inä̧tü̧,

TÄ̧DO Ä̧CUÄ̧ I̧HUȨNȨ

¹ Jesús ttö̧ja̧ recuätörö topö rö̧ni̧pö̧ möä'cara̧'a̧ huämipö pä̧mä̧di̧nö̧do. Ja̧'hua̧ ja̧'a̧ u̧huo̧juȩtä̧u̧ ippeyänä ppäsähuipinätödo.

San Mateo 5:1 Iomraidhean Croise

San Mateo 13:2

Ja̧'wa̧nü̧ ja̧'a̧, ttü̧ja̧ rekuätü ttü̧ka̧ka̧kuä̧ji̧yä̧ku̧, Jesú-mä̧ woi'kanä̧ 'cha'ächi'ü pä̧mä̧di̧nü̧ juorü u̧wo̧juȩta̧ pä'ü, ttü̧ja̧mä̧ rȩba̧nä̧ ttü̧ja̧kua̧'a̧nä̧.

San Mateo 15:29

Jesú-mä̧ juorü rä'opächäji̧'ka̧, Galirea rü̧ä̧ dubora jäyora ichi'inü̧; ichi'äji̧'ka̧ mü̧ä̧'kara̧'a̧ 'cha'achäji'ka̧ ü̧'a̧'a̧.

San Mateo 4:25

Ja̧'wa̧nü̧ jo̧mȩnä̧, Galirea ttü̧ja̧'i̧nä̧, Decápoli ttü̧ja̧'i̧nä̧, Jerusarȩ́ ttü̧ja̧'i̧nä̧, Judea rȩjȩ ttü̧ja̧'i̧nä̧ ja̧'wa̧ta̧nü̧ Jordán ji̧jä̧ku̧nä̧ ttü̧ja̧'i̧nä̧, rekuätü Jesú o'ka'anä̧ 'chi̧nä̧tü̧.

San Mateo 5:2

Ja̧'wa̧nü̧ ja̧'a̧ juätürü kkä̧mä̧dü̧ wo̧juȩti̧nü̧:

San Marcos 3:13

Jesú-mä̧, mü̧ä̧'kara̧'a̧, u̧ju̧'kä̧u̧ku̧tä̧ wopo'ü 'cha'ächäji̧'ka̧ ka̧ka̧kui̧pü̧ pä̧mä̧di̧nü̧.

San Marcos 3:20

Jua̧u̧nü̧ o'ka'a, Jesú-mä̧ isodenä̧ doächi'omȩnä̧, pä'äjita'anü̧ ttü̧ja̧mä̧ rü̧ȩnä̧ ka̧ka̧kui̧pi̧nä̧tü̧, Jesú-mä̧ u̧wo̧juȩtä̧u̧ku'i̧nä̧ u̧kuȩ uku juiyünä̧tä̧ päi'ünä̧ ji̧na̧'a̧.

San Marcos 4:1

Pä'äjita'anü̧, Jesú-mä̧, Galirea rü̧ä̧ dubora jäyorattü kkä̧mä̧dü̧ wo̧juȩti̧nü̧. U̧wo̧juȩto̧mȩnä̧, ttü̧ja̧ rekuätü ttü̧ka̧ka̧kuä̧ji̧yä̧ku̧, Jesú-mä̧ woi'ka ajenä̧ ra̧'a̧ 'cha'ächi'ü pä̧mä̧dü̧ ji'äwinü̧; ttü̧ja̧tä̧ rȩba̧nä̧ kkä̧ku̧ ttä̧ju̧kuä̧ra̧'a̧nä̧.

San Lucas 6:12

Ji̧yȩnü̧ mo̧ro̧, Jesú-mä̧ mü̧ä̧'kara̧'a̧ Dio-rü ukuoku 'chä̧ji̧'ka̧, yodó 'kuäo'ünä̧ ukuokuinü̧.

San Lucas 6:17

Jesú-mä̧ müä'kara̧'a̧ttü̧ juätütäku mȩyȩwä̧ji̧'ka̧ mȩje'ka jo̧mȩ kkä̧mä̧di̧nü̧ u̧wo̧juȩtä̧u̧ku ja̧'wa̧ta̧nü̧ ttü̧ja̧ rekuätü, judea rȩjȩ ütawiyä'i̧nä̧, Jerusarȩ́-ttü̧'i̧nä̧, Tiro rȩjȩttü̧'i̧nä̧, Sidón rȩjȩnä̧ttü̧'i̧nä̧ ichäjätü pinä̧tü̧ jiäu ttä̧ju̧kua̧ pä'ü ja̧'wa̧ta̧nü̧ na̧nȩttü̧'i̧nä̧ aditü ikuatü pä'ümä̧,

San Lucas 6:20

Ja̧'wa̧ta̧nü̧ Jesú-mä̧ u̧wo̧juȩtä̧u̧rü topünü̧ pä'inü̧: Usurä isotürümä̧ eseäkuäwä rȩbȩä̧kuä̧wa̧'a̧, jua'amä̧ ru̧wa̧ Dio weümä̧ juätütä ttȩmä̧kuȩ ja̧'a̧ttü̧.

San Lucas 9:28

Pi̧yȩ ukuokuäji o'ka'attümä̧, kko̧ro̧mü̧ttü̧nü̧ wäbodäkuä mo̧ro̧ päi'omȩnä̧, mü̧ä̧'ka ju'toju jä'kara̧'a̧ Dio-rü ukuoku 'chä̧nü̧, Peduru-rütä, Sa̧ti̧a̧ku̧rü̧tä̧, Ju̧a̧-rü̧tä̧ o'ipächü 'chi̧nü̧.

San Juan 6:15

Ja̧'wa̧nü̧ ja̧'a̧nä̧, tu̧ru̧wa̧ Rey päi'ünä̧, jȩtta̧rü̧ pä'ü ȩmü̧ ttichäkua'a wo̧jui̧'ü̧, kkatätä mü̧ä̧'kara̧'a̧ 'chi̧nü̧.