San Mateo 4:13 - Nuevo Testamento Uwotjüja

¹³ Nazare-nä̧ ü̧jä̧'i̧ja̧'a̧, juorü rä'opächü rü̧ä̧ dubora jäyora wȩjü̧ Cafarnaúm ütawiyänä̧ ü̧ja̧ pä'ü ichinü̧, Zaburó̧, Neftarí pä'ü miku rȩjȩnä̧.

TÄ̧DO Ä̧CUÄ̧ I̧HUȨNȨ

¹³ Juhua'attö Nazaret ötahuiyänä ko̧cö̧ pi̧nö̧do. Capernaum ötahuiyänä, Galilea dubora jäyora jo̧mȩ ki̧nö̧do. Capernaum ötahuiyä Zabulón pättome'inä, Neftalí pättome'inä tö'cönänö ji̧na̧'a̧do.

San Mateo 4:13 Iomraidhean Croise

San Mateo 11:23

Ja̧'wa̧ta̧nü̧ uku Cafarnaúm-mä̧, mo̧ro̧jä̧bü päi'ünä̧ ä̧rä̧mü̧jä̧, ja̧'wa̧nü̧ ja̧'a̧nä̧, wa'inä̧tü̧ tti̧rȩjä̧ra̧'a̧bü kki'opü ikuäwäkua̧jä̧. Isopäi'ünä̧ Sodoma ütawiyättü jȩtto̧kü̧ juei jȩtti̧nü̧ttü̧mä̧ jitä pi̧yȩ mo̧ro̧bü päi'ünä̧ kka̧ja̧'a̧ jua̧u̧ ütawiyämä̧.

San Mateo 17:24

Jesú-mä̧ u̧wo̧juȩtä̧u̧ku Cafarnaúm ütawiyära̧'a̧ i̧'chi̧'ä̧ja̧'a̧, Dio-rü ukuokuäkuäwode jäwä pärätä ka̧ka̧tä̧'i̧jä̧tü̧, Peduru-rü 'chä̧wi̧'ü̧ jä'epinä̧tü̧: —¿Ku̧ru̧wa̧mä̧ Dio-rü ukuokuäkuäwode jäwä pärätämä̧ iyokü?

San Mateo 4:14

Pi̧yȩmä̧ 'kuäopina̧'a̧, profeta Isaía ukuokuinü̧ jo̧mȩnü̧ päia'attü. Jua̧u̧mä̧ pa̧'a̧nü̧ päina̧'a̧ ji̧na̧'a̧:

San Mateo 4:15

Ä̧ju̧kuä̧tu̧kui̧ Zaburó̧ i̧rȩjä̧, rü̧ä̧ aje tü'kü kka̧kuä̧tü̧mä̧; Ä̧ju̧kuä̧tu̧kui̧ Neftarí i̧rȩjä̧ ttü̧ja̧mä̧, Jordán ajenä̧ kkä̧wa̧ ma̧ä̧cha̧'a̧ku̧nä̧ kka̧kuä̧tü̧mä̧, Ä̧ju̧kuä̧tu̧kui̧ Galirea rȩjȩnä̧ kka̧kuä̧tü̧mä̧, Judío pokotü tti̧rȩjä̧nä̧:

San Mateo 9:1

Ja̧'wa̧nü̧ jä̧ji̧ o'ka'a Jesú-mä̧, woi'kanä̧ pä̧mä̧dü̧ rü̧ä̧ dubora ji̧jä̧ku̧ kkäwächäji̧'ka̧, idepiyura̧'a̧ rȩbȩwi̧pi̧nü̧.

San Marcos 1:21

Cafarnaúm ütawiyänä̧ tti̧rȩbȩwi̧'ä̧ja̧'a̧. Sawaru mo̧ro̧ päi'omȩnä̧, Jesú-mä̧ sinagoga isodenä̧ do'ächi'ü wo̧juȩti̧nü̧.

San Marcos 2:1

A̧'u̧kua̧'a̧tä̧ mo̧ro̧ o'ka'a, pä'äjita'anü̧, Jesú-mä̧ Cafarnaúm ütawiyära̧'a̧, ppa̧'ä̧chi̧'ä̧ji̧'ka̧, isodenä̧ ü̧ja̧'a̧ ä̧ju̧kui̧päjä'kotü.

San Lucas 10:15

Ja̧'wa̧ta̧nü̧ ukutu Cafarnaúm ütawiyä ttü̧ja̧mä̧ ¿Mo̧ro̧jä̧ra̧'a̧bü päi'ünä̧ kui̧rȩbȩwä̧tü̧kua̧'a̧ tä̧jí̧? ¡Ja̧'wa̧nü̧mä̧ ja̧'a̧nä̧, wa'inä̧tü̧ ttü̧ja̧kua̧'abü päi'ünä̧ jui'ädü ikuäwäkuotüjä̧!

San Lucas 4:23

Pättiyäku Jesú ädätinä̧u̧: —Isopäi'ünä̧ ukutumä̧ päkuä'chätukuäkua̧sä̧: Jawapü adikuä i̧sa̧ kua'attü̧, kua̧mü̧nä̧ pa̧ja̧tü̧ adiku ikui: O'kajuiyünä̧ Cafarnaúm ütawiyättü jȩ'ku̧ ukuowa'a tä̧ju̧kuä̧ji̧mä̧, porü kui̧rȩjä̧ttü̧'i̧nä̧ jȩpi̧ jü̧nä̧.

San Juan 2:12

Jua̧u̧ 'kuäopäji o'ka'a Cafarnaúm ütawiyära̧'a̧ 'chi̧nä̧tü̧, ja̧ju̧'i̧nä̧, ü̧jä̧wa̧tü̧'i̧nä̧, u̧wo̧juȩtä̧u̧'i̧nä̧ jü̧nä̧; juȩnȩmä̧ a̧'u̧ku̧nä̧tä̧ mo̧ro̧ kka̧kui̧nä̧tü̧.

San Juan 4:46

Pä'äji jä̧ji̧ta̧'a̧nü̧, Jesú-mä̧ Caná ütawiyä, Galirea rȩjȩnä̧, ajiyattü vino isoya päi'ünä̧ ü'ärotinomȩ i̧'chi̧'o̧mȩnä̧. Ru̧wa̧ rey u̧mü̧wä̧ya̧, su̧ro̧do̧u̧ ttu̧ru̧wa̧, Cafarnaúm ütawiyättü i̧tti̧ na̧wä̧chi̧yä̧ku̧ ü̧ja̧'a̧ topinü̧.

San Juan 6:17

woi'kanä̧ pȩjä̧mü̧, rü̧ä̧ duboranä̧ Cafarnaúm ütawiyära̧'a̧ku̧ kkäwinä̧tü̧. Täkü yodó juoächa'anä̧, Jesú-mä̧ ji̧nä̧ ichi'oka'a to'epinü̧.

San Juan 6:24

Ja̧'wa̧nü̧ rü̧jä̧ma̧'a̧nä̧, Jesú'i̧nä̧, u̧wo̧juȩtä̧u̧'i̧nä̧ to̧i̧yä̧u̧, woi'kiyunä̧ pȩjä̧mü̧, Cafarnaúm ütawiyära̧'a̧ Jesú-ru usú 'chi̧nä̧tü̧.

San Juan 6:59

Pi̧yȩmä̧ Jesú wo̧juȩti̧nü̧ Cafarnaúm ütawiyä, sinagoga isodettü.