San Mateo 4:10 - Nuevo Testamento Uwotjüja

¹⁰ Päomȩnä̧, Jesú-mä̧ ädätinä̧ku̧: —Satanás täkü täi, wȩyu̧kuä̧ wȩnȩmä̧ pä'a: Ku̧ru̧wa̧ Dio-rütä kuiwe'kiyunä̧ mä̧'ä̧mü̧ esewirü ja̧'wa̧ta̧nü̧ Jua̧u̧ weütätä tukuota pä'ü ja̧'a̧.

TÄ̧DO Ä̧CUÄ̧ I̧HUȨNȨ

¹⁰ Ja̧'hua̧nö̧ ja̧'a̧ttö̧ Jesús ädätinäcudo: —Satanás, täi. Huȩyu̧cuä̧ Huȩnȩ päa'a: “Chu̧ru̧hua̧ Diosrötä cua̧'cua̧ huȩnä̧ri̧. Ja̧'hua̧ta̧nö̧ ja̧u̧tä̧ päömä jȩpi̧,” —ädätinäcudo.

San Mateo 4:10 Iomraidhean Croise

San Mateo 16:23

Ja̧'wa̧nü̧ päku, Jesú-mä̧ kkärächi'ü, Peduru-rü pä'inü̧: —¡Ttüttümä̧ 'kȩ'i̧pä̧chi̧, ukumä̧ satanás-jä̧, ttürü tto̧'ȩpä̧rü̧jä̧! pi̧jä̧ ttü̧ja̧ jäwätä topüjä̧, Dio jäwämä̧ topoküjä̧.

San Marcos 1:13

Jua'a rȩba̧ dȩ'a̧ra̧'a̧mä̧, ttü̧ja̧ ta̧ju̧ mo̧ro̧ jo̧mȩnä̧ kki̧nü̧. Juȩnȩ, ü̧jo̧mȩnä̧ de'iyü isotü ra̧wä̧pi̧wotü rekuinä̧tü̧. Jua'attü ta̧bo̧i̧ya̧ Satanás kka̧kuä̧mȩ'ü̧ toinä̧ku̧; ja̧'wa̧ta̧nü̧ A̧gȩrȩ-mä̧ tta̧ttä̧ri̧nä̧ku̧.

San Lucas 10:18

Pättiyäku, Jesú-mä̧ päinä̧u̧: —Ttümä̧ topinü̧sä̧, Satanás-rü̧, ku'upä ürowa'a jä̧'i̧nü̧'a̧nü̧, mo̧ro̧jä̧ra̧'a̧ttü̧ ma̧'ä̧chü̧ juiächa'a.

San Lucas 11:18

Ja̧'wa̧nü̧ jü̧ta̧'a̧nü̧, Satanás u̧mü̧wä̧yotürü rä'epü ikuttümä̧, ¿Toku 'chu̧ä̧rä̧kua̧'a̧jä̧ttü̧ uruwomä̧? Jua'amä̧ Beelzebú ujurunä̧ rä'epe'ü iku päkuätukuäku cha'attüsä pä'ü.

San Lucas 13:16

Paju Abraha̧ isotü isaju ja̧'a̧, Satanás dieciocho año jo̧mȩnä̧, nü̧'kü u̧ju̧ni̧nä̧kua̧rü̧mä̧ ¿Sawaru mo̧ro̧ ja̧'a̧nä̧ jua̧u̧ usurä kkȩmä̧u̧ttü̧ ejädü ttikuaju pä'ümä̧ rekuä rü̧jo̧ko̧kua̧ tä̧jí̧?

San Lucas 22:3

Satanás-mä̧ Juda-nä̧ do'ächi'inü̧. Icariote pättä'ijäkunä̧, jua̧u̧mä̧ ttü̧jä̧pü̧ttü̧ ta̧ju̧nü̧ wotüttü ya̧tȩ ji̧na̧'a̧.

San Lucas 22:31

Ja̧'wa̧ta̧nü̧ Tu̧ru̧wa̧mä̧ pä'inü̧: —Simón, Simón Satanás-mä̧ trigo yȩ'ȩpü̧ ttikua'a jä̧'i̧nü̧'a̧nü̧ yȩ'ȩpü̧ ikuätukuaku pä'ü jä'epäji.

San Lucas 4:8

Jesú-mä̧ ädätü päinä̧ku̧: —Porümä̧ tü'ipächi satanás, wȩyu̧kuä̧ wȩnȩmä̧ pä'a: Ku̧ru̧wa̧ Dio-rütä kuiwe'kiyunä̧ kkä̧mä̧dü̧ eseu, Jua̧u̧ru̧tä̧ kukuotajä̧, jü̧nä̧.

San Juan 13:27

Juä̧si̧ kuä̧nü̧ kädüta'anü̧, yotäku Juda Icariote-rü Satanás-mä̧, a̧mi̧so'kinä̧ do'ächi'inü̧. —Ja̧'wa̧nü̧ ji̧yä̧ku̧ Jesú-mä̧ päinä̧ku̧: Jȩ'kua̧ päkuäjimä̧, jitätä jȩpi̧.

Hechos 26:18

tti'äre bakuepa pä'ü, yo̧ü̧ttü̧ tȩya̧u̧ku̧ tti'ärowächa pä'ü; Satanás ujuruttü Dio-ku tti'ärowächa pä'ü; suronä̧ jȩttä̧'i̧ja̧'a̧, jua̧u̧ jȩpü̧ chi̧kuä̧u̧, tta̧'kua̧ wȩnä̧kuä̧wä̧ ttüttü tȩmä̧kua̧'a̧nü̧, surojü jui'ätü jü̧nä̧tä̧.

Hechos 5:3

Ja̧'wa̧nü̧ jȩttä̧ji̧yä̧ku̧ Peduru-mä̧ päinä̧ku̧: —Ananía, ¿tta̧'a̧nü̧ pä'ü Satanás-mä̧ (äwettämä̧) wea'anä̧ kuiyäwäja'ajä̧ttü̧, kui̧rȩjä̧ mikuä ttimitäji ju'to ukutä ȩmi̧pü̧, Epíritu Sa̧tu̧rü̧ kuyaparewa pä'ümä̧?

1 Corintios 5:5

ja̧'wa̧nü̧ jȩpü̧ Sataná-rü̧ iyü ikuätukuirü, idepä jättäji toe'ächünä̧, Tu̧ru̧wa̧ Jesucrito ichü mo̧ro̧ päi'omȩnä̧ a̧'kua̧rü̧ surojüttü kki̧'ä̧kua̧'a̧nü̧.

1 Corintios 7:5

Ja̧'wa̧nü̧ ja̧'a̧ttü̧ jȩ'kuä̧kuä̧wä̧tu̧kua̧ pä'ü kuirekuorü, kuirekuarü pä̧wä̧rü̧jo̧mȩnä̧mä̧ ya̧kuo̧kuä̧rä̧kuä̧wä̧tu̧kuä̧ ja̧'wa̧nü̧ ja̧'a̧nä̧ Dio-rü rekuonä̧nü̧ ukuokutä jua̧u̧mä̧ ro̧'ȩkuä̧tu̧kui̧, jua'a'i̧nä̧ ä'kanä̧ esekui'ü'kotütä, jua̧u̧ o'ka'a pä'äjita'anü̧ ku̧ja̧kuä̧mä̧tu̧kua̧. Pärokua'aku rekuo jȩ'kuä̧kuä̧tu̧kuo̧ka̧'a̧ ku̧ja̧kuä̧tu̧ku̧ttü̧'i̧nä̧ Satanás weomȩnä̧ surojuokuächätukuä.

2 Corintios 11:14

Ja̧'wa̧nü̧ jȩttü̧mä̧ tieruwuö jueümä̧kü̧, chutä äwettä'i̧nä̧ á̧gȩ tȩya̧pa̧ 'kua̧rü̧nä̧ ü̧'ka̧tä̧wi̧'a̧'a̧ttü̧.

2 Corintios 12:7

Ja̧'wa̧ta̧nü̧ Dio ttürü i̧jȩpi̧nü̧nä̧ ukuo tedäu juiya pä'ü, chidepänä̧ i̧sa̧ri̧ kku̧nä̧wi̧'i̧nä̧ku̧sä̧, ya̧tȩ äwettä wȩ'ä̧wa̧ ttürü chi'ebabanä̧ kuäopä̧ra̧ pä'ü, jua̧u̧nä̧ ukuo tedäu juiyäkua'anü̧.

2 Corintios 2:11

Ja̧'wa̧nü̧ jȩ'kuä̧tu̧ku̧ttü̧mä̧, Satanás-mä̧ kkȩdü̧ ikuoko̧u̧ kuäkuotüjä̧. ¡Täkü wo̧juä̧tü̧jä̧ jua̧u̧ suronä̧ jȩa̧ pä'ü amükuädümä̧!

Santiago 4:7

Ja̧'wa̧nü̧ ja̧'a̧ttü̧ Dio-rütä ukuotätükui. Äwettärümä̧ yaokuätukui, ja̧'wa̧nü̧ jo̧mȩnä̧tä̧ äwettämä̧ ukututtü tüipächä̧kua̧.

1 Pedro 5:9

Tta̧'kua̧ wȩnä̧rä̧kuä̧wä̧nä̧ 'kiyünä̧ kua̧mi̧ 'ki'ächi'ätukui, pi̧jä̧ o'kajuiyünä̧ kka̧kuä̧tü̧ kui̧jä̧wa̧tu̧ku̧'i̧nä̧ jua̧u̧tä̧ jäwänä̧ usurä ttȩmä̧wa̧'a̧mä̧ wo̧juä̧tü̧jä̧.