San Mateo 3:2 - Nuevo Testamento Uwotjüja

² Jua̧u̧mä̧ ji̧ä̧wi̧nä̧u̧: «¡Suronä̧ jȩ'kuä̧'i̧jä̧tu̧ku̧ kä'ädi'ätukui, mo̧ro̧jä̧ra̧'a̧ttü̧ ruwo weäwämä̧ tü'küwächa'a!»

TÄ̧DO Ä̧CUÄ̧ I̧HUȨNȨ

² Ja̧u̧ ji'ähuinödo: —Pärocuäcutä amöcuädätucui. Dios Cu̧ru̧hua̧ päi'önä ö̧jä̧cua̧'a̧ tö'cöhuächa'a, —pä'inödo.

San Mateo 3:2 Iomraidhean Croise

San Mateo 10:7

Jua'a kui̧'chä̧tu̧kua̧'a̧ttü̧mä̧ pa̧'a̧nü̧ jikuäwätukuajä̧: Mo̧ro̧jä̧nä̧ttü̧ Dio weümä̧, täkü tü'küwächa'a, jü̧nä̧.

San Mateo 11:20

Ja̧'wa̧ta̧nü̧ Jesú-mä̧ jȩtto̧kü̧ juei rü̧ȩnä̧ jȩi̧na̧'a̧nä̧, surojüttü kä'ädi'ü Dio-ku ppa̧ttä̧chi̧yo̧ko̧ku̧, ütawiyä ttü̧ja̧rü̧ rȩri̧jä̧tü̧nü̧ pä'inü̧:

San Mateo 12:41

Pojokuä mo̧ro̧, rüjí mo̧ro̧ päi'omȩnä̧ Nínive ütawiyä ttü̧ja̧mä̧ wa'arettü ttottächi'äkuotü pi̧yȩ pä̧nä̧ ttü̧ja̧ku̧ usurä ttȩmä̧u̧nä̧ ro̧ȩkuä̧nä̧ iyü ttikua pä'ü; jua'amä̧ Joná jiäwomȩnä̧ Dio-ku ppa̧ttä̧chi̧nomȩttü̧. Pȩnȩmä̧ kkü̧sä̧ Joná-ttü̧'i̧nä̧ u̧wä̧mȩnä̧ wa̧.

San Mateo 13:11

Pättäku ädätinä̧u̧: Ukuturumä̧ i̧yä̧wi̧'i̧nä̧u̧jä̧ mo̧ro̧jä̧ ru̧wa̧ weü wo̧juä̧wo̧kü̧ ku̧wo̧juä̧tu̧kua̧ pä'ü; ja̧'wa̧nü̧ ja̧'a̧nä̧ jitüjarümä̧ i̧yä̧wi̧'o̧ko̧u̧ pinä̧tü̧.

San Mateo 13:24

Jesú-mä̧ kkoronä̧ wȩnȩtü̧ ji̧ä̧wi̧nä̧u̧: Mo̧ro̧jä̧ ru̧wa̧ weümä̧, ya̧tȩ ü'ättanä̧ adiwäjuei u̧wä̧ju̧ u̧ju̧ni̧nü̧'a̧nü̧ jü̧nä̧ wȩnȩkuä̧cha̧'a̧;

San Mateo 13:31

Kkoronä̧ wȩnȩtü̧ ji̧ä̧wi̧nä̧u̧: Mo̧ro̧jä̧ ru̧wa̧ weümä̧, ya̧tȩ ü'ättanä̧ mostaza pä'ü miku u̧wä̧ju̧ u̧ju̧ni̧nü̧ ji̧nü̧'a̧nü̧ ja̧'a̧.

San Mateo 13:33

Ja̧'wa̧ta̧nü̧ kkoronä̧'i̧nä̧ wȩnȩtü̧ jiäwinä̧u̧: Mo̧ro̧jä̧ ru̧wa̧ weümä̧ levadura pättü, yajute isaju trigo i̧sa̧ppȩnä̧, wä̧bo̧'ta̧kuä̧ jo̧mȩnä̧ pa̧ja̧tü̧ kkȩno̧mȩnä̧ jättäyäwa ppü̧ä̧mi̧'a̧'a̧ jä̧'i̧nü̧'a̧nü̧ ja̧'a̧, pä'ü.

San Mateo 13:47

Ja̧'wa̧ta̧nü̧ mo̧ro̧jä̧ ru̧wa̧ weümä̧ po̧i̧ wo̧ä̧wä̧sa̧ rü̧ä̧ duboranä̧ ttikuomȩnä̧ kkorojuo'otü po̧i̧'i̧nä̧ o'katoi'ünä̧ wottokuächa'a jä̧'i̧nü̧'a̧nü̧ ja̧'a̧.

San Mateo 13:52

Jesú-mä̧ päinä̧u̧: —Ja̧'wa̧nü̧ jü̧ta̧'a̧nü̧, weäwä wȩnȩ wo̧juȩkuä̧ isotü o'katoi'ünä̧ mo̧ro̧jä̧ ru̧wa̧ weü wo̧jui̧pi̧nä̧tü̧mä̧, ya̧tȩ isode u̧ru̧wa̧ iäre pärätättü, täbo jäwä'i̧nä̧, jareü'i̧nä̧ pojopü ȩmü̧ jä̧'i̧nü̧'a̧nü̧ wa̧.

San Mateo 18:23

Ja̧'wa̧nü̧ ja̧'a̧ttü̧ mo̧ro̧jä̧ ru̧wa̧ weomȩmä̧, ya̧tȩ ru̧wa̧ umüwäyotürü ttadita pä'ü we'inü̧'ka̧ jäepinü̧'a̧nü̧ ja̧'a̧.

San Mateo 20:1

Mo̧ro̧jä̧ ru̧wa̧ weomȩmä̧ uwa pätta u̧ru̧wa̧, ji̧nä̧ yo̧ä̧i̧ ja̧'a̧ku̧ i'ätta ttaditäkua'a i̧mi̧tä̧kuä̧u̧ru̧ ukuoku i̧'chi̧nü̧'a̧nü̧ ja̧'a̧.

San Mateo 22:2

Mo̧ro̧jä̧ Ru̧wa̧ weomȩmä̧ ya̧tȩ ru̧wa̧ rey i̧tti̧ ü'käu pä'käri jȩi̧nü̧'a̧nü̧ ja̧'a̧.

San Mateo 23:13

¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ mo̧ro̧jä̧ ru̧wa̧ weünä̧ dodettü juiyünä̧ tto̧'ȩpä̧rä̧tü̧jä̧. Ukututä'i̧nä̧ dode'kuätukuoka'anä̧, kkorotürü'i̧nä̧ dottächa pä'ätürü dodettü juiyünä̧ jȩpä̧tü̧jä̧.

San Mateo 25:1

Ja̧'wa̧ta̧nü̧ mo̧ro̧jä̧ ru̧wa̧ weomȩmä̧, ya̧tȩ ü'käu icha'a nä̧tü̧ mü̧ä̧yotü to̧mü̧rȩnü̧ wotü ttiäre ra̧pa̧ra̧ ȩmi̧pü̧ jua̧u̧ru̧ tettäwa pä'ü rä'opächü tti̧'chi̧nü̧'a̧nü̧ ja̧'a̧.

San Mateo 25:14

Ja̧'wa̧ta̧nü̧ mo̧ro̧jä̧ ru̧wa̧ weomȩmä̧, ya̧tȩ kko̧ro̧jä̧ra̧'a̧ kue'ächü 'chä̧nü̧ u̧mü̧wä̧yotürü wopo'ü iäre pärätä tta̧ttä̧ri̧ya̧rü̧ pä'ü weipinü̧'a̧nü̧ ja̧'a̧.

San Mateo 4:17

Juorütä kkä̧mä̧dü̧ Jesú-mä̧, ji'äwinü̧: «Dio-ku ppa̧'ä̧chä̧tu̧kui̧, täkü Ru̧wa̧ Dio weümä̧ tü'kü ja̧'a̧,» jü̧nä̧.

San Mateo 4:23

Jesú-mä̧, Galirea rȩjȩ o'kajuiyünä̧, sinagogas odewiyä jü̧'a̧kuä̧ kue'ächü wo̧juȩti̧nü̧. Wo̧juȩtü̧mä̧ ji'äwinü̧ jareünä̧ Ru̧wa̧ Dio weü wȩnȩ, ji'äu kkä̧nü̧mä̧ na̧nȩttü̧ttü̧'i̧nä̧, ubara ttu'u usurä ttȩmä̧u̧'i̧nä̧ aditü ikuinü̧.

San Mateo 5:10

Eseäkuäwä kka̧'a̧ adiu jȩtti̧yä̧u̧ suronä̧ jȩtta̧ pä'ü ttu̧sä̧rä̧u̧ru̧, jua'amä̧ mo̧ro̧jä̧ttü̧ weümä̧ juätütä ttȩmä̧kuȩ ja̧'a̧ttü̧.

San Mateo 5:3

Eseäkuäwä kka̧'a̧, tta̧'kua̧rü̧ rekuä rü̧jä̧u̧ru̧, jua'amä̧ mo̧ro̧jä̧ jäwä weümä̧ juätürütä ja̧'a̧tȩ'ü̧ ja̧'a̧ttü̧.

San Mateo 6:10

kuruwo i'kächi. Mo̧ro̧jä̧ra̧'a̧ttü̧ kuju'komȩnä̧ jȩ'ku̧ta̧'a̧nü̧ pi̧jä̧nä̧'i̧nä̧ jȩpi̧.

San Mateo 6:33

Ja̧'wa̧nü̧ ja̧'a̧ttü̧ ä'kanä̧mä̧, Ru̧wa̧ Dio weütätä, adiwomȩnä̧ jȩä̧kuä̧wä̧tä̧ usätukui ja̧'wa̧nü̧ jo̧mȩnä̧ jua̧u̧ jä̧ji̧ o'kajuiyünä̧ yaboku i̧yä̧kuä̧u̧jä̧.

San Marcos 1:15

Jua'attü ji'äwinü̧: «Dio ü'ätetinü̧ mo̧ro̧, jo̧mȩnü̧ päia'a. Täkü, Dio wȩä̧kuȩ mo̧ro̧ tü'kü ja̧'a̧; surojü jȩ'kuä̧tu̧ku̧ kä'ädi'ü, jareü wȩnȩ esetü pärowächätukui,» jü̧nä̧.

San Marcos 1:4

Ja̧'wa̧nü̧ ja̧'a̧ttü̧ ji̧yȩnü̧ mo̧ro̧, bautizo jȩä̧kuä̧wä̧ i̧sa̧ Ju̧a̧-mä̧, rȩba̧ dȩ'a̧ra̧'a̧ttü̧, o'katoi'ünä̧rü̧ ji'äwinü̧: Surojü jȩ'kuä̧tu̧ku̧ kä'ädi'ü bautizo jȩpä̧kuä̧u̧ Dio-ku ppa̧'ä̧chä̧tu̧kui̧, surojü jui'ätü 'kua̧rü̧nä̧ Dio jȩä̧tu̧kua̧ku̧ pä'ümä̧, pä'inü̧.

San Marcos 6:12

Ja̧'wa̧nü̧ wȩä̧jä̧u̧mä̧, juorü ra'opächü ttü̧ja̧rü̧ ji'äwinä̧tü̧ surojü kä'ädäkuäu Dio-ku ppa̧ttä̧cha̧ pä'ü.

San Lucas 1:16

Ja̧'wa̧ta̧nü̧ Irae ttü̧ja̧ rekuätürü ttu̧ru̧wa̧ Dio-ku ppa̧ttä̧chü̧nä̧ jȩä̧kua̧.

San Lucas 11:20

Ja̧'wa̧nü̧ ja̧'a̧nä̧, Dio ujurunä̧, epíritu-tu̧ suropätürü rä'epe'ü chikuttümä̧ isopäi'ünä̧ Ru̧wa̧ Dio weü rȩbȩä̧kuä̧wa̧'a̧ ja̧'a̧.

San Lucas 13:3

Ja̧'wa̧nü̧mä̧ jo̧ka̧'a̧; ä'kanä̧ suronä̧ jȩ'kuä̧'i̧jü̧tu̧ku̧ttü̧ käkuädi'ätuku juiyüttümä̧, ukutu'i̧nä̧ o'katoi'ünä̧ tokue'ächäkuotüjä̧.

San Lucas 13:5

Ja̧'wa̧nü̧mä̧kü̧ ja̧'a̧; ukutu'i̧nä̧ surojü käkuädi'ätuku juiyüttümä̧, o'katoi'ünä̧tä̧ tokue'ächäkuotüjä̧.»

San Lucas 15:10

Isopäi'ünä̧ pä'üsä ukuturu, ja̧'wa̧nü̧ jü̧ta̧'a̧nü̧, ya̧tȩ suronä̧ jȩpü̧ ü̧jä̧'ijü̧ttü̧ kädi'omȩnä̧mä̧, Dio umüwäyotü A̧gȩrȩ-mä̧ eseäkuäwätü.

San Lucas 15:7

Ja̧'wa̧nü̧ jü̧ta̧'a̧nü̧ ja̧'a̧, ukuturu pä'üsä, Jua̧u̧ ji̧nü̧ta'anü̧, jitü noventa y nueve-nü̧ winä̧tü̧ kka̧kui̧pi̧nä̧tü̧ttü̧'i̧nä̧ abonä̧nü̧ mo̧ro̧jä̧ra̧'a̧ttü̧mä̧ eseäkuäwä kka̧'a̧, ya̧tȩ suronä̧ jȩpü̧ kkä̧'i̧jü̧ jua̧u̧ttü̧ räopächomȩnä̧mä̧; adiunä̧ kkä̧tü̧mä̧, surojü kättädi'a pä'ümä̧ rekuä rü̧jo̧ko̧u̧.

San Lucas 16:30

Ädätäkumä̧ pä'inü̧: Jua̧'a̧nü̧mä̧kü̧, chä'o abraha̧, wa'inä̧tü̧ttü̧ ji'äu tti̧'chü̧ttü̧tä̧ ttesetäkuotü.

San Lucas 21:31

Ja̧'wa̧nü̧ jü̧ta̧'a̧nü̧, pi̧yȩ jidäwäji o'kajuiyünä̧ 'kuäopa'a to'kuätukuomȩnä̧mä̧, täkü ru̧wa̧ Dio wȩä̧kuȩmä̧ tü'kü ja̧'a̧ pä'ü ku̧wo̧juä̧tu̧kua̧jä̧.

San Lucas 24:47

Ja̧'wa̧ta̧nü̧ i̧mi̧mä̧ pi̧jä̧ o'kajuiyünä̧tä̧ jiäkuäwäkua'a, suronä̧ jȩttä̧'i̧jü̧ kättädi'a pä'ümä̧, Dio surojü jȩpo̧ko̧tü̧ 'kua̧rü̧nä̧ jȩpü̧ ikuatü pä'ümä̧. Jerusarȩ́-ttü̧ kkä̧mä̧dü̧ jiäkuäwäkua'a.

San Lucas 6:20

Ja̧'wa̧ta̧nü̧ Jesú-mä̧ u̧wo̧juȩtä̧u̧rü topünü̧ pä'inü̧: Usurä isotürümä̧ eseäkuäwä rȩbȩä̧kuä̧wa̧'a̧, jua'amä̧ ru̧wa̧ Dio weümä̧ juätütä ttȩmä̧kuȩ ja̧'a̧ttü̧.

San Lucas 9:2

Ja̧'wa̧ta̧nü̧ Dio weü wȩnȩ jittäwa pä'ü'i̧nä̧, na̧'ä̧chä̧tü̧rü̧ aditü ttikua pä'ü'i̧nä̧ we'ümä̧,

Hechos 11:18

Ja̧'wa̧nü̧ jiäwa'a ä̧ju̧ku̧, 'koruchi'ijä'kotü Dio-rütä eseu pä'inä̧tü̧: —¡Ja̧'wa̧nü̧ jü̧ttü̧mä̧, Dio-mä̧ Judío pokotürü'i̧nä̧ surojüttü kki̧'ä̧kuä̧wä̧ra̧'a̧ku̧ ttü̧ji̧pi̧ya̧rü̧ pä'ü iyäja'a tä̧jí̧!

Hechos 17:30

Ja̧'wa̧nü̧ ja̧'a̧ttü̧, Dio-mä̧ ttü̧ja̧ ttieruwiyäku ja̧'a̧tä̧ toinü̧ mo̧ro̧ ji̧na̧'a̧nä̧, jitämä̧ o'katoi'ünä̧rü̧ ttü̧ja̧kuo̧mȩ pünä̧mä̧ surojüttü kättädi'a pä'ü.

Hechos 2:38

Peduru-mä̧ ädätinä̧u̧: —Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧.

Hechos 20:21

Judío-rü'i̧nä̧, griego-rü'i̧nä̧, ji'äwä'ijüsä Dio-ku ppa̧'ä̧chü̧, Tu̧ru̧wa̧ Jesucrito-rü tteseta pä'ümä̧.

Hechos 26:20

ja̧'wa̧nü̧ jä̧ku̧, ä̧kuo̧mȩnä̧ Damasco ütawiyä ttü̧ja̧rü̧, jua̧u̧nü̧ o'ka'a Jerusarȩ́-nä̧'i̧nä̧, Judea rȩjȩ o'kajuiyünä̧ kka̧kuä̧tü̧rü̧'i̧nä̧ ja̧'wa̧ta̧nü̧ judío pokotürü'i̧nä̧ ji'äwinü̧sä̧, surojü kä'ädäkuäu Dio-rü ukuotü kkä̧kuä̧wä̧ wȩnȩmä̧.

Hechos 3:19

Ja̧'wa̧nü̧ ja̧'a̧ttü̧, suronä̧ jȩ'kuä̧'i̧jä̧tu̧ku̧ kä'ädi'ü, Dio-ku ppa̧'ä̧chä̧tu̧kui̧, suronä̧ jȩ'kuä̧'i̧jä̧tu̧ku̧ jȩpü̧ ikuätukuaku pä'ümä̧; Dio-ttü unichä̧rü̧ eseu kkä̧kuä̧wä̧ ichäkua'anü̧.

2 Corintios 7:10

Ja̧'wa̧nü̧ ja̧'a̧ttü̧, Dio-rü pä̧wä̧rü̧jo̧mȩnä̧ ta̧'kua̧ tta̧wȩpü̧mä̧, surojü ra̧wä̧pi̧jü̧ttü̧ ttü̧ji̧pü̧nä̧ jü̧, surojina̧'a̧ pätü juiya pä'ü; ja̧'wa̧nü̧ ja̧'a̧nä̧ pi̧jä̧ttü̧ tta̧'kua̧ tta̧wȩpü̧mä̧ wa'aretä ichü.

Colosenses 1:13

Dio-mä̧ yo̧ü̧ ujuruttü rä'epü iku I̧tti̧ ru̧wa̧ eseäkuäwänä̧ weomȩku̧ u̧ju̧ni̧nä̧u̧jä̧,

2 Timoteo 2:25

to'ija̧'a̧ku̧ pä'ätürümä̧ tta̧mi̧so'kinä̧ ukuo tettäwoka'a jua'a yabonü̧ jȩttü̧ juiya pä'ü jittäwa'anü̧ ja̧'a̧, chutä Dio-ku ppa̧ttä̧cho̧mȩnä̧, isopäi'ünä̧ wȩnȩ ttu̧wo̧juä̧chi̧'ü̧nä̧ jȩa̧'a̧nä̧ tta̧'a̧rü̧ kkä̧nü̧.

Hebreos 6:1

Ja̧'wa̧nü̧ ja̧'a̧ttü̧, ä̧kuo̧mȩnä̧ Crito ütü'kü ku̧wo̧jui̧'i̧nä̧tu̧ku̧mä̧ pporädo'ü kku̧nu̧, yabokutä adiwä jueinä̧ jo̧mȩnü̧ juokuätukunä̧ päi'ünä̧ ti̧'chä̧tu̧kua̧; pä'äji ji̧nü̧ta'anü̧mä̧, ppa̧'a̧dü̧mä̧ surojüttü räopächäkuäwämä̧, Dio-rü tta̧'kua̧ wȩnä̧rä̧kuä̧wä̧mä̧ kukuokuätukuä, wa'ü tiku juiyäkua'anü̧, täkü jua̧u̧mä̧ kukuokuätukuä, jua'amä̧ yabonü̧ Dio-rümä̧ ta̧'kua̧ tu̧wȩnä̧ra̧'a̧ttü̧,

2 Pedro 3:9

Tu̧ru̧wa̧ jȩa̧ päinü̧ jo̧mȩnü̧ päi'a pä'ümä̧ rekuodä'chokü, yotukunä̧ ttamükuäda'anü̧mä̧, ja̧'wa̧nü̧ ja̧jü̧jueimä̧ ukutukumä̧ tta̧mi̧ 'ki'ächi'äkuäwä kku̧nä̧rü̧, ja̧'wa̧nü̧ ja̧'a̧ttü̧ ya̧tȩ'i̧nä̧ wa'ü ikuamä̧ pä'okü, wa'ü ttikuajueimä̧ o'katoi'ünä̧tä̧ Dio-kutä ppa̧ttä̧cha̧tä̧ pä'ü.

Apocalipsis 2:21

Jua̧u̧ttü̧ käjädi'a pä'ü tta̧'ä̧ri̧nü̧sä̧ ja̧'wa̧nü̧ ja̧'a̧nä̧ u̧mä̧tü̧rü̧ jȩjä̧'chü̧'i̧nä̧, kkorotü ttü̧ä̧nä̧wa̧rü̧ kkesetü'i̧nä̧ käjädi'a pä'okoju.

Apocalipsis 2:5

Ja̧'wa̧nü̧ ja̧'a̧ttü̧ amükuädi, torü ma̧kuä̧chi̧na̧ja̧ pä'ü ja̧'wa̧nü̧ jȩpü̧ jua̧u̧ttü̧ kä'ädi'ü, pä'äji ji̧nü̧ta'anü̧, ä̧kuo̧mȩnä̧ jȩ'kui̧nü̧ kkä̧mä̧dü̧ jȩpi̧; ja̧'wa̧nü̧ ppa̧kuä̧chü̧ juiyüttümä̧, jitätä ja̧'a̧ ichi'opo'ü, tȩya̧u̧ kku̧nä̧wä̧ kuiäre ku̧ju̧nä̧rü̧ 'cho̧di̧pä̧kua̧jä̧.