San Mateo 3:15 - Nuevo Testamento Uwotjüja

¹⁵ Päomȩnä̧, Jesú-mä̧ ädätinä̧ku̧: —Jitätämä̧ wä̧i̧nä̧ja̧'a̧ Dio weinü̧tä̧ jȩta̧ pä'i. Päomȩnä̧, Ju̧a̧-mä̧ «ye pä'ü esetinä̧ku̧.»

TÄ̧DO Ä̧CUÄ̧ I̧HUȨNȨ

¹⁵ Ja̧'hua̧nö̧ ja̧'a̧ttö̧ Jesús ädätinödo: —Jitämä huäinä jä̧cua̧'a̧. Pa̧'a̧nö̧ jȩta̧ja̧, o'ca juiyönä Dios päinömä 'cuäopäcua'a̧nö̧. Ja̧'hua̧nö̧ päiyäcu Juan bautizando jȩpi̧nö̧do Jesúsru.

San Mateo 3:15 Iomraidhean Croise

San Mateo 3:14

Ja̧'wa̧nü̧ ja̧'a̧nä̧ Ju̧a̧-mä̧, jarodünü̧ päinä̧ku̧: —Ukutäjä̧ ttürü bautizo jȩ'ku̧'a̧nü̧ wa̧mä̧, ttürümä̧ wekuäu juiyü'anü̧ wa̧jä̧,

San Lucas 1:6

Jua̧u̧ irekuaku ta̧ju̧kuäyotü Dio ä'kattümä̧ adiwomȩnä̧ kki̧nä̧tü̧ ja̧'wa̧ta̧nü̧ tu̧ru̧wa̧ weü'anü̧tä̧ ukuotü kka̧kui̧nä̧tü̧,

San Juan 13:15

Isopäi'ünä̧ jȩchä̧ji̧yä̧ujä̧, ttü jȩchä̧ji̧mä̧ ukutu'i̧nä̧ jȩ'kuä̧tu̧kua̧ pä'ü.

San Juan 15:10

Ttü wedü wȩnȩ kukuotätukuttümä̧, ttü eseu repedünä̧ kka̧kuä̧tü̧jä̧, ttü'i̧nä̧ chä'o weü wȩnȩ ukuotü chü̧jo̧mȩnä̧, Chä'o eseu repeünä̧ chü̧jü̧ta̧'a̧nü̧.

San Juan 4:34

Jesú-mä̧ päinä̧u̧: Ttü chu̧kuȩmä̧, Ttürü we'inü̧rü̧ pä̧wä̧rü̧jü̧ jȩä̧kuä̧wä̧ ja̧'a̧ ja̧'wa̧ta̧nü̧ aditäwä kädäda pä'ü.

San Juan 8:29

Isopäi'ünä̧ ttürü we'inü̧mä̧ ttütäku kkü̧; Chä'omä̧, kkatämä̧ u̧ju̧ni̧'o̧ko̧ku̧sä̧ ja̧'wa̧nü̧ ja̧'a̧ttü̧ churutä pä̧wä̧rü̧jü̧tä̧ jȩpü̧sä̧.

Hebreos 7:26

Ja̧'wa̧nü̧ ja̧'a̧ttü̧, ja̧'wa̧nü̧ wa̧ sacerdote-rü rekuä rü̧ji̧nä̧u̧jä̧: surojü'i̧nä̧ jui̧'a̧rü̧, idiku'i̧nä̧ jui̧'a̧rü̧, suronä̧ jȩpä̧tü̧ttü̧'i̧nä̧ otó wa̧rü̧ ja̧'wa̧ta̧nü̧, mo̧ro̧jä̧'i̧nä̧ u̧wä̧mȩnä̧ jü̧nä̧ jȩi̧nä̧ku̧ru̧.

1 Juan 2:6

Isopäi'ünä̧ Jua̧u̧nä̧ kkü̧sä̧ pä'ümä̧; Chutä Jesucrito ü̧ji̧nü̧ta'anü̧, ü̧ja̧ pä'ü ja̧'a̧.