San Mateo 26:13 - Nuevo Testamento Uwotjüja

¹³ Isopäi'ünä̧ pädäu̧jä̧, pi̧jä̧nä̧ttü̧ adiwäjuei wȩnȩ jittäwomȩpü̧nä̧mä̧, paju jȩjä̧ji̧mä̧ amükuädäkuäwäkua'a.

TÄ̧DO Ä̧CUÄ̧ I̧HUȨNȨ

¹³ Iso päi'önä pä'ösä ucuturu, pi̧jä̧nä̧ pa̧ja̧cu̧nä̧ ttö̧ja̧ suronä jȩttö̧ jȩpö̧ icuähuä huȩnȩ jittähuomenä, piju isaju jȩjä̧ji̧'i̧nä̧ jittähuäcuotö, jahuäjuru ttamöcuäda pä'ö, —pä'inödo Jesús.

San Mateo 26:13 Iomraidhean Croise

San Mateo 24:14

Ja̧'wa̧ta̧nü̧ pi̧yȩ jareünä̧ weü wȩnȩmä̧ pi̧jä̧ o'kajuiyünä̧ jiäkuä̧wä̧kuȩ, pi̧jä̧ ttü̧ja̧ o'katoi'ünä̧ ttu̧wo̧jua̧ pä'ü; ja̧'wa̧nü̧ jü̧ o'ka'a pi̧jä̧mä̧ beipächäkua'a.

San Mateo 28:19

Ja̧'wa̧nü̧ ja̧'a̧ttü̧ pi̧jä̧ o'kajuiyünä̧ 'chä̧nü̧ ttü̧ja̧rü̧ chu̧wo̧juȩtä̧u̧ jü̧nä̧; Jä'o i̧mi̧nä̧, i̧tti̧ i̧mi̧nä̧ ja̧'wa̧ta̧nü̧ Epíritu Sa̧tu̧ i̧mi̧nä̧ bautizo jȩpä̧tu̧kui̧,

San Marcos 13:10

Ja̧'wa̧ta̧nü̧ pi̧jä̧ beipächäkua'a ä'kanä̧mä̧, jareü wȩnȩ jo̧mȩnü̧ ji'äu kättädü o'ka'a jä̧kua̧'a̧.

San Marcos 14:9

Ja̧'wa̧nü̧ ja̧'a̧ttü̧ isopäi'ünä̧ pä'üsä ukuturu, pi̧jä̧nä̧ttü̧ jareü wȩnȩ jittäwomȩmä̧, ukuokuäkuäwäkua'a paju jȩjü̧mä̧, jȩjü̧ ttamükuäda pä'ü.

San Marcos 16:15

Ja̧'wa̧ta̧nü̧ päinä̧u̧: Pi̧jä̧ o'kajuiyünä̧ 'chä̧nü̧, o'katoi'ünä̧rü̧ jareü wȩnȩ ji'äwätukui.

San Lucas 24:47

Ja̧'wa̧ta̧nü̧ i̧mi̧mä̧ pi̧jä̧ o'kajuiyünä̧tä̧ jiäkuäwäkua'a, suronä̧ jȩttä̧'i̧jü̧ kättädi'a pä'ümä̧, Dio surojü jȩpo̧ko̧tü̧ 'kua̧rü̧nä̧ jȩpü̧ ikuatü pä'ümä̧. Jerusarȩ́-ttü̧ kkä̧mä̧dü̧ jiäkuäwäkua'a.

Hechos 10:4

Päku, to̧pä̧rü̧ kkä̧nü̧, ye'ünä̧nü̧ jä'epinü̧: ¿Däjéjä̧ttü̧ chu̧ru̧wa̧? jäepäku, á̧gȩ-mä̧ pä'inü̧: Dio-mä̧ topäji, Churutä jä'epü kukuokuä'ijümä̧ ja̧'wa̧ta̧nü̧ usurä isotürü ppäkuädä'ijü'i̧nä̧.

Romanos 10:18

Ja̧'wa̧nü̧ ja̧'a̧nä̧ ttümä̧ pä'üsä: ¿Ä̧ju̧kuo̧ko̧tü̧ pinä̧tü̧? ¡Isokü̧, ä̧ju̧kui̧nä̧tü̧! wȩyu̧kuä̧ wȩnȩmä̧ pä'a: Tti̧wȩnȩmä̧ pi̧jä̧ o'kajuiyünä̧ rä̧mi̧pi̧na̧'a̧, ja̧'wa̧ta̧nü̧ ruwäkuiyä pa̧ja̧ku̧nä̧ rȩbȩwi̧na̧'a̧ ttukuokumä̧.

Romanos 15:19

Tottokü jä̧'i̧jü̧ tottünä̧'i̧nä̧, kkorojuei ttiweyeku'i̧nä̧, Epíritu Sa̧tu̧ ujurunä̧ aditinü̧sä̧. Ja̧'wa̧nü̧ aditinü̧sä̧ jareü wȩnȩ Jerusarȩ́-ttü̧ kkä̧mä̧dü̧, kkara'a'i̧nä̧ o'kajuiyünä̧, Irírico rȩjȩbü päi'ünä̧.

2 Corintios 10:18

Isopäi'ünä̧, ya̧tȩ a̧mü̧nä̧ pa̧ja̧tü̧ eseäkuäu ukuo te'äurumä̧ eseäkuäwoka'a ja̧'wa̧nü̧ ja̧'a̧nä̧ chu Tu̧ru̧wa̧ esewäkurumä̧, eseäkuäwä kka̧'a̧.

Colosenses 1:23

Jua'a'i̧nä̧, 'kiyünä̧ 'chu̧ä̧rü̧nä̧ ma̧kuä̧chä̧tu̧kuo̧ka̧'a̧, kua̧'kua̧ ku̧wȩnä̧rä̧tu̧ku̧ttü̧tä̧ jareü wȩnȩ kuäju̧kui̧nä̧tu̧ku̧nä̧. Jua̧u̧mä̧ wȩnȩmä̧ pi̧jä̧ o'kajuiyünä̧ jiäkuäwi'a'a, ja̧'wa̧ta̧nü̧, ttü Pauru'i̧nä̧ jua̧u̧tä̧ jiäkuäwä i̧sa̧ jü̧nä̧ juo'ächinü̧sä̧.

Colosenses 1:6

jua̧u̧mä̧ ukuturu'i̧nä̧ rȩbȩwi̧na̧'a̧. Jua̧u̧mä̧ rü̧ȩnä̧ yo'äwi'ü rü̧ä̧cha̧'a̧ pi̧jä̧ o'kajuiyünä̧. Ukuturu Dio rȩrü̧jü̧ toü kuä̧ju̧kui̧nä̧tu̧kuo̧mȩttü̧ kkä̧mä̧dü̧.

1 Timoteo 2:6

Ja̧'wa̧ta̧nü̧ jua̧u̧mä̧ wa'arera̧'a̧ iyäwinü̧, o'katoi'ünä̧ pi̧jä̧ ttü̧ja̧ ra̧wä̧pi̧jü̧ttü̧ ttü̧ji̧pa̧ pä'ümä̧ Jua'atäku chutä ütü'kü ji'äkuäwinü̧ u̧mo̧ro̧ mo̧ro̧ päi'omȩnä̧.

Hebreos 6:10

Isopäi'ünä̧ Dio-mä̧ suronä̧ jȩä̧kuä̧wä̧ i̧sa̧mä̧kü̧ ja̧'a̧ttü̧, Chutä i̧mi̧ eseu, jȩ'kuä̧'i̧jä̧tu̧ku̧mä̧ ja̧'wa̧ta̧nü̧ umüwäyotü ȩmi̧nä̧u̧rü̧ ppäkuädä'ijätuku'i̧nä̧, yabonü̧ jitä jȩ'kuä̧tu̧ku̧'i̧nä̧ yorisotä u̧ni̧chi'okü.

Apocalipsis 14:6

Ja̧'wa̧ta̧nü̧ kka̧ra̧ á̧gȩ-rü̧, mo̧ro̧jä̧ ju'tojunä̧ koa'a topinü̧sä̧, jareü wȩnȩ beipokü 'chu̧ä̧rä̧nü̧, pi̧jä̧nä̧ kka̧kuä̧tü̧rü̧, tti̧rȩji̧yä̧ pünä̧, ttawaruwä pünä̧, tti̧wȩnȩ pünä̧ ja̧'wa̧ta̧nü̧ ütawiyä pünä̧ jiäwa pä'ü.