San Mateo 26:10 - Nuevo Testamento Uwotjüja

¹⁰ Pätta'a wo̧jui̧'ü̧ Jesú-mä̧ päinä̧u̧: —¿Tta̧'a̧nü̧ pä'ü pajurumä̧ pä'ä'chätujä̧ttü̧? pajumä̧ ttürü adiutä jȩpä̧ju̧.

TÄ̧DO Ä̧CUÄ̧ I̧HUȨNȨ

¹⁰ Pätta'amä ä̧ju̧cui̧nö̧do Jesús. Jahuätörö pä'inödo: —Ja̧'hua̧nö̧mä̧ ¿dä̧bö̧ päcuhuätucuättö jahuäjuru? Jahuäjumä adihuä juäi jȩpä̧jä̧ju̧ ttörö.

San Mateo 26:10 Iomraidhean Croise

San Mateo 26:11

Isopäi'ünä̧ usurä isotürümä̧ 'kuäopünä̧tä̧ ku̧ju̧nä̧rä̧kuo̧tü̧jä̧ ja̧'wa̧nü̧ ja̧'a̧nä̧ ttürümä̧ 'kuäopünä̧mä̧ kku̧nä̧ro̧ko̧tü̧ kuäkuotüjä̧.

San Mateo 26:9

Pärätä rü̧ȩnä̧ mikuä pä'ü iyü ttiku'anü̧ jä̧jä̧yu̧ ja̧dä̧, usurä isotürü ppättäda pä'ü.

San Marcos 14:6

Ja̧'wa̧nü̧ ji̧yä̧ku̧, Jesú-mä̧ päinä̧u̧: —Ja̧'a̧tä̧ topätukuiju; ¿Tta̧'a̧nü̧ pä'ü suronä̧ päkuätukuäkuajä̧ttü̧? Ttürü ppä'ädü adiu jȩpä̧ju̧ru̧mä̧.

San Lucas 8:49

Jesú-mä̧ ja̧'wa̧nü̧ ukuoku ü̧ja̧'a̧nä̧, ya̧tȩ Jairo-rü ojusodera̧'a̧ttü̧ ichi'ü ji'äwinü̧: —Kuittijumä̧, täkü 'koru pä'i'äjäju; täkü wo̧juȩkuä̧ i̧sa̧rü̧mä̧ icha pä'ümä̧ jȩ'kuä̧.

2 Corintios 9:8

Ja̧'wa̧ta̧nü̧ Dio-mä̧ o'kajuiyünä̧ ujuru kku̧nä̧rü̧ ja̧'a̧ttü̧, ukuturu rü̧ä̧chü̧nä̧ iyä̧u̧jä̧; kkorotürü ppäkuädätukua pä'ümä̧;

Gálatas 1:7

Isopäi'ünä̧ kkoro jareü wȩnȩmä̧ juiya'anä̧, yotukunä̧ kka̧kuä̧tü̧ ukuturu jerutu ikuätü, Crito i̧wȩnȩ jareü wȩnȩ surojuo'epü.

Gálatas 5:12

Ja̧'wa̧nü̧ ja̧'a̧nä̧, ukuturu surojünä̧ ma̧kuä̧chä̧tu̧ku̧'a̧nü̧ jȩpä̧tü̧rü̧mä̧, circuncisión pättü jȩpä̧kuä̧u̧ kkä̧nü̧'i̧nä̧ ¡tta̧mü̧nä̧ pa̧ja̧tü̧ ya'utekutä 'kui'oku ttiku'anü̧ ja̧'a̧!

Gálatas 6:17

Jitä yabokumä̧, ya̧tȩ'i̧nä̧ suronä̧ jȩtta̧ttü̧mä̧ pä'oküsä; chidepänä̧mä̧ Jesú usurä ȩmä̧wi̧nü̧ rü̧tä̧rü̧sä̧.

Efesios 2:10

Ja̧'wa̧nü̧ ja̧'a̧ttü̧ Dio-tä aditinä̧u̧jä̧: Crito-nä̧tä̧ aditinä̧u̧jä̧ adiwä juei jȩpü̧ tü̧ja̧kua̧ pä'ü, ä'kojitä päi'ünä̧ amükuädü kku̧ni̧nü̧ jua̧u̧ jȩpü̧ tü̧ja̧kuä̧kuȩmä̧.

Colosenses 1:10

Ja̧'wa̧nü̧ jo̧mȩnä̧, Tu̧ru̧wa̧rü̧ pä̧wä̧rü̧jo̧mȩnä̧ ku̧ja̧kuä̧kuo̧tü̧jä̧, adiwäjuei o'kajuiyünä̧ jȩ'kuä̧tu̧ku̧mä̧ u̧wä̧ju̧ kkü̧nä̧'i̧nä̧, Dio ütü'kü'i̧nä̧ yaboku ku̧wo̧jui̧'ä̧kuo̧tü̧jä̧.

2 Tesalonicenses 2:17

'kuäkuächi'ätuku juiyünä̧ kujurutuku ttiyätukuaku pä'ü 'kuäopünä̧ adiwäjueitä kukuokuätukuä ja̧'wa̧ta̧nü̧ adiwäjueitä jȩ'kuä̧tu̧kua̧.

1 Timoteo 3:1

Pi̧yȩmä̧ isopäi'ünä̧tä̧ ja̧'a̧. Ya̧tȩ igresia-nä̧ Pató juoa pä'ümä̧, isopäi'ünä̧ adiu adita pä'ütä amükuädü.

1 Timoteo 5:10

Kkaditäwä adiwäjuei jȩjü̧ttü̧ ttu̧wo̧juä̧kuo̧ju̧, kki̧tti̧mü̧rü̧ adiu kku'utädinomettü̧; kkojusodenä̧ rȩbȩwä̧tü̧rü̧ adiu dojädino̧mȩttü̧; surojü jui'ätürü ttü̧jä̧pi̧yä̧ kkütükinomȩttü̧ ja̧'wa̧ta̧nü̧ usurä ȩmä̧wä̧tü̧rü̧ ppäjädinomȩttü̧. Rüjinä̧mä̧ kkorottü'i̧nä̧ abonä̧nü̧ kkorojuei o'kajuiyünä̧ adiu jȩji̧nomȩttü̧.

2 Timoteo 2:21

Ujutunä̧'i̧nä̧, ja̧'wa̧nü̧ jä̧'i̧nü̧ta̧'a̧nü̧ wȩnȩkuä̧cha̧'a̧; suronä̧ jȩtä̧'i̧jü̧ kä'ädi'ü, isopäi'ünä̧ jo̧kü̧ wo̧juȩkuä̧ tunu̧chi̧'ü̧ttü̧mä̧, ja̧u̧ o̧'ta̧wi̧yä̧ ukuo jäwä jä̧'i̧nü̧'a̧nü̧ täkuotüjä̧. Dio-tä ta̧'kua̧rü̧nä̧ aditäkua̧ ta̧'kua̧rü̧ 'chü̧ä̧rä̧kuä̧wä̧ i̧sa̧ ja̧'a̧ttü̧, kkorojuei o'kajuiyünä̧ adiwäjuei jȩta̧ pä'ü jo̧mȩnü̧ tü̧ja̧kuä̧kuo̧tü̧jä̧.

Tito 1:16

Juätümä̧ Dio-rümä̧ wo̧juä̧tü̧mä̧ pä'ätü, ja̧'wa̧nü̧ ja̧'a̧nä̧ suronä̧ jȩtta̧'a̧ topü isopäi'ünä̧ jo̧ka̧'a̧ pä'ü wo̧juä̧tü̧jä̧; juätümä̧ kkü'kokotü, ja̧'wa̧ta̧nü̧ ttukuotokomȩttü̧ kkorojuei adiwäjueimä̧ jȩpo̧ko̧tü̧.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

Tito 3:1

Kkorotürümä̧ ji'äwi, ru̧wa̧ weümä̧, ja̧'wa̧ta̧nü̧ ukuo isotü wettümä̧ ttukuota; ja̧'wa̧ta̧nü̧ juätü wettümä̧ ttukuotäkua'anü̧ 'kuäopünä̧tä̧ adiwäjuei jȩä̧kuä̧wä̧ isotü jü̧nä̧ ttü̧ja̧kua̧.

Tito 3:14

Ja̧'wa̧ta̧nü̧ ujututtümä̧ adiu jȩä̧kuä̧wä̧'i̧nä̧ tawaruwä rekuä rü̧jä̧u̧ru̧ ppädäkuäwä'i̧nä̧ ttu̧wo̧jui̧'ü̧'a̧nü̧ ja̧'a̧, ja̧'wa̧nü̧tä̧ ttü̧jü̧nä̧mä̧ ppädäkuäwä isotü ttäkuotü.

Tito 3:8

Pi̧yȩmä̧ isopäi'ünä̧tä̧ ja̧'a̧, juätürümä̧ ppa̧'a̧dä̧rü̧ ku̧wo̧juȩta̧ pä̧wä̧rü̧jä̧ku̧sä̧, Dio-rü esetätümä̧ adiwäjueitä jȩttä̧kua̧'a̧nü̧. Pi̧yȩmä̧ ttü̧ja̧ o'katoi'ünä̧rü̧ ppädü adiwäjuei ja̧'a̧.

Hebreos 13:21

surojü juikuätukunä̧, adiwotü kuätukunä̧tä̧ pärotü ikuätukuäku, Churutä pä̧wä̧rü̧jü̧tä̧ adiu o'kajuiyünä̧ jȩ'kuä̧tu̧kuä̧kua̧'a̧nü̧ Jesucrito-nä̧; ¡Jua̧u̧ Crito-rütä gloria pättümä̧, 'kuäopünä̧tä̧ iyäwäkua'a! Amȩ́.

1 Pedro 2:12

Judío pokotü ttü̧'kä̧tȩttü̧mä̧ adiunä̧ o'ikuätukui. Ja̧'wa̧nü̧ jü̧nä̧tä̧, jitämä̧ ukuturu suronä̧ jȩpä̧tü̧rü̧ 'kua̧rü̧nä̧ ttukuokua'anä̧, adiu jȩ'kuä̧tu̧kua̧'a̧ topü chutä o'katoi'ünä̧rü̧ jä'epü mo̧ro̧ päi'omȩnä̧ Dio-rü ttesewäkuotü.