San Mateo 24:7 - Nuevo Testamento Uwotjüja

⁷ Ja̧'wa̧nü̧ ja̧'a̧nä̧'i̧nä̧ kko̧ro̧jä̧ ttü̧ja̧mä̧ kko̧ro̧jä̧ ttü̧ja̧ku̧ ttürowäwäkuotü ja̧'wa̧ta̧nü̧ kko̧ro̧jä̧ ruwotümä̧ kko̧ro̧jä̧ ruwotüku ttürowäwäkuotü; ja̧'wa̧ta̧nü̧ ppäi ttuttäkuotü, rȩjȩ'i̧nä̧ tti̧'ȩpü̧ pparächäkua'a, kkara'a pünä̧mä̧.

TÄ̧DO Ä̧CUÄ̧ I̧HUȨNȨ

⁷ Korotö ttö̧ja̧ korotö ttö̧ja̧cu̧ ttörohuähuäcuotö. Ko̧ro̧jä̧ ttö̧ja̧ ko̧ro̧jä̧ ttö̧ja̧cu̧ ttörohuähuäcuotö. Rö̧ȩnä̧ ppäi ttuttäcuotö. Rö̧ȩnä̧ na̧ttä̧chä̧cuo̧tö̧. Rȩjȩ'i̧nä̧ korome pö̧nä̧ ttö̧ȩpä̧cua̧'a̧.

San Mateo 24:7 Iomraidhean Croise

San Lucas 21:11

Rȩjȩ'i̧nä̧ ttü̧ȩpä̧kua̧'a̧ ja̧'wa̧ta̧nü̧ ppäi'i̧nä̧, märichei'i̧nä̧ kkoromȩ jü̧'a̧kuä̧ kkä̧kua̧'a̧ ja̧'wa̧ta̧nü̧ mo̧ro̧jä̧ jäwä i̧jȩkuä̧kua̧'a̧ yettekue'ünä̧.

Hechos 11:28

Juätüttü ya̧tȩ, Agabo pä'ü mi̧kua̧ ä̧rä̧mi̧'ü̧ Epíritu Sa̧tu̧ a̧'kua̧ iweyenä̧ ukuokuinü̧: pi̧jä̧ ttü̧ja̧ ttü̧ja̧kuo̧mȩ pünä̧mä̧ o'kajuiyünä̧ ppäi mo̧ro̧ rȩbȩä̧kuä̧wä̧kua̧'a̧ pä'ü; Ja̧'wa̧nü̧ jiäwinü̧ o'ka'a, ru̧wa̧ Emperador Claudio ü̧'ü̧ pä̧nä̧, päinü̧ta'anü̧ 'kuäopina̧'a̧.

Hechos 2:19

Mo̧ro̧jä̧ra̧'a̧ttü̧mä̧ rü̧ȩnä̧ jü̧ tottünä̧ chi̧jȩpä̧kua̧sä̧; pi̧jä̧nä̧ttü̧mä̧: ttukuoja'i̧nä̧, okurä'i̧nä̧, ajiya isoppa'i̧nä̧ chi̧jȩpä̧kua̧sä̧.

Hebreos 12:27

Pa̧'a̧nü̧ päümä̧: «Ji̧nä̧ pä'äjita'anü̧ ya'utenä̧,» jua̧u̧ wo̧jui̧'ä̧tü̧jä̧, aditinü̧mä̧ ȩmü̧ ikuäwäkua'a pä'ü, pporächi'okü jäwä pärokuätä kki̧'i̧pü̧nä̧.

Apocalipsis 6:12

Ja̧'wa̧ta̧nü̧ topinü̧sä̧, oweja mü̧ä̧ya̧ jü̧nä̧ wa̧ kko̧ro̧mü̧ttü̧nü̧ jü̧ sello bawepomȩnä̧, rü̧ȩnä̧ ttü̧ȩpa̧'a̧ttü̧ rȩjȩ pparächi'a'a. Ja̧'wa̧ta̧nü̧ mo̧ro̧ kkä̧wa̧mä̧, wa'ü tti̧kui̧yä̧u̧ ajuäu ttü̧'ka̧tä̧wä̧ta̧ jä̧'i̧nü̧'a̧nü̧ idikuächi'ina̧'a̧; ja̧'wa̧ta̧nü̧ yodó kkä̧wa̧mä̧ ttukuoja jä̧'i̧nü̧'a̧nü̧ jä̧ttä̧pä̧ya̧ pärowächinü̧.

Apocalipsis 6:5

Ja̧'wa̧ta̧nü̧ oweja mü̧ä̧ya̧ jü̧nä̧ wa̧mä̧ wäbodäkuä sello jä̧jí̧ bawepomȩnä̧, a̧'kua̧rä̧tü̧ttü̧ wä̧mȩtukuä päi'ünä̧ wa̧ pä'a ä̧ju̧kui̧nü̧sä̧: «¡ichi'ü, topi!,» Päku chi̧'chi̧'o̧mȩnä̧ cabayu i̧di̧kua̧rü̧ topinü̧sä̧ ja̧'wa̧ta̧nü̧ jua̧u̧nä̧ wuö̧mä̧ rü̧nü̧ topü pa̧ja̧kuäkä 'chu̧'ä̧ri̧nü̧.

Apocalipsis 6:6

Ja̧'wa̧nü̧ ja̧'a̧ pa̧ja̧kuä̧nü̧ wotü a̧'kua̧rä̧tü̧ ttü̧'kä̧tȩttü̧ rä̧mi̧pa̧'a̧ ä̧ju̧kui̧nü̧sä̧: «suro, trigo-mä̧ ji̧yȩtȩ kiru-tä pa̧ja̧kuä̧chä̧kua̧'a̧, ya'ute mo̧ro̧ mikuämä̧ ja̧'wa̧ta̧nü̧ wäbodäkuä kiru-tä pa̧ja̧kuä̧chä̧kua̧'a̧ cebada-mä̧, ya'ute mo̧ro̧ mikuämä̧; ja̧'wa̧nü̧ ja̧'a̧nä̧ aceite mikuä'i̧nä̧, vino mikuä'i̧nä̧ jua'a yabonü̧mä̧ 'chakuädätukuä.»

Apocalipsis 6:8

Päku, tochomȩnä̧ ya̧tȩ cabayu amarillo wa̧ kki̧nü̧ ja̧'wa̧nü̧ ja̧'a̧ jua̧u̧nä̧ wuö̧mä̧, wa'are pä'ü mikuinü̧. Jua̧u̧ru̧mä̧ wa'are reju ru̧ä̧ri̧na̧'a̧: Jua̧u̧ru̧ ujuru iyäwi'inä̧ku̧ pi̧jä̧ rȩjȩttü̧ o'kajuiyünä̧ tü'küwächi'ünä̧nü̧ kuä'äu ikua pä'ü, kurodiyänä̧'i̧nä̧, ppäinä̧'i̧nä̧, märicheinä̧'i̧nä̧ ja̧'wa̧ta̧nü̧ isotünä̧'i̧nä̧, jü̧nä̧.