San Mateo 24:6 - Nuevo Testamento Uwotjüja

⁶ Ja̧'wa̧ta̧nü̧ kuä̧ju̧kuä̧kuo̧tü̧jä̧ kurä ttürowäu wȩnȩ'i̧nä̧, ttürowäwä̧kuȩ wȩnȩ'i̧nä̧ jü̧nä̧. Ja̧'wa̧nü̧ ja̧'a̧nä̧ yekuekuätukuä, jua̧u̧mä̧ ä̧tȩkuä̧nä̧tä̧ 'kuäopa pä'ü ja̧'a̧; ja̧'wa̧nü̧ 'kuäopa'anä̧, pi̧jä̧mä̧ ji̧nä̧ beipächoka'a jä̧kua̧'a̧.

TÄ̧DO Ä̧CUÄ̧ I̧HUȨNȨ

⁶ Rö̧ȩnä̧ curä huȩnȩ'i̧nä̧, ra̧huȩpi̧jö̧ huȩnȩ'i̧nä̧ cuä̧ju̧cuä̧cuo̧tö̧jä̧. Ja̧'hua̧nö̧ cuä̧ju̧cuä̧tu̧cuo̧mȩnä̧, yecuhuecuätucuä'. Ja̧u̧ o'ca juiyönä 'cuäopäcua'a. Ja̧'hua̧ta̧nö̧ 'cuäopa'anä, röji mo̧ro̧ ji̧nä̧ päi'oca'a jä̧cua̧'a̧.

San Mateo 24:6 Iomraidhean Croise

San Mateo 2:3

Pi̧yȩ ä̧ju̧ku̧, Ru̧wa̧ Rey Herode-mä̧ rü̧ȩnä̧ ye'ekue'i'inü̧ ja̧'wa̧ta̧nü̧ Jerusarȩ́ ttü̧ja̧'i̧nä̧ o'katoi'ünä̧ ye'inä̧tü̧.

San Mateo 24:14

Ja̧'wa̧ta̧nü̧ pi̧yȩ jareünä̧ weü wȩnȩmä̧ pi̧jä̧ o'kajuiyünä̧ jiäkuä̧wä̧kuȩ, pi̧jä̧ ttü̧ja̧ o'katoi'ünä̧ ttu̧wo̧jua̧ pä'ü; ja̧'wa̧nü̧ jü̧ o'ka'a pi̧jä̧mä̧ beipächäkua'a.

San Mateo 26:54

Ja̧'wa̧nü̧ ja̧'a̧nä̧, ja̧'wa̧nü̧ jȩchü̧ttü̧mä̧ ¿wȩyu̧kuä̧ wȩnȩnä̧ ja̧'wa̧nü̧ jä̧kua̧'a̧ pä'ijümä̧ toku 'kuäopäkua'ajä̧ttü̧?

San Lucas 21:19

Isopäi'ünä̧ rüjí mo̧ro̧bü päi'ünä̧, 'kȩkui̧pä̧chä̧tu̧kuo̧ka̧'a̧ jü̧ttü̧mä̧, surojüttü ku̧ji̧pä̧kuo̧tü̧jä̧.

San Lucas 21:9

Ja̧'wa̧ta̧nü̧ kurä wȩnȩ'i̧nä̧, pä'ä'chäkuäu ttiperekuächü'i̧nä̧ kuä̧ju̧kuä̧tu̧kuo̧mȩnä̧ yekuekui'ätukuä. Isopäi'ünä̧ ä̧kuo̧mȩnä̧mä̧ ja̧'wa̧nü̧tä̧ 'kuäopa pä'ü ja̧'a̧; ja̧'wa̧nü̧ ja̧'a̧nä̧, ji̧nä̧ rüjí mo̧ro̧mä̧ jo̧ka̧'a̧ jä̧kua̧'a̧.

San Lucas 22:37

Isopäi'ünä̧ pädäu̧jä̧, ttünä̧mä̧ wȩyu̧kuä̧ wȩnȩ: Suropätuku ttü̧'a̧ti̧nä̧ku̧, pä'ü wȩyu̧kuä̧'i̧jo̧mȩ jo̧mȩnü̧ päi'a pä'ü ja̧'a̧. Isopäi'ünä̧ o'kajuiyünä̧tä̧ ttü chütü'kü wȩyu̧kuä̧mä̧, jo̧mȩnü̧tä̧ 'kuäopa pä'ü ja̧'a̧.

San Juan 14:1

Kua̧mi̧ iso'kitukunä̧mä̧ kua̧'kua̧ tta̧kuȩkuä̧tu̧kuä̧. Dio-rü esetümä̧ ja̧'wa̧ta̧nü̧ ttürü'i̧nä̧ esetätukui.

San Juan 14:27

Wȩnȩ juiyünä̧ kkä̧kuä̧wä̧ kku̧ni̧pü̧ chi̧yä̧u̧jä̧; Dio-rü esetokotü ttiyü'anü̧mä̧ chi̧yo̧ko̧u̧jä̧. Kua̧mi̧ iso'kitukunä̧mä̧ yekuekuätukuä.

2 Tesalonicenses 2:2

kuamükuädätukumä̧ 'kuäunä̧tä̧mä̧ ku'ärowächätukuä, ya̧tȩ yapare jiäwa'anä̧mä̧ ja̧'a̧tä̧mä̧ to'kuäkuäwätukuä, epíritu jiäwäjäkusä, ja̧'wa̧ta̧nü̧ juätümä̧ pa̧'a̧nü̧ jittäwäjäkusä päüttü'i̧nä̧ ja̧'wa̧ta̧nü̧ pauru wȩyu̧tu̧ we'äji pättüttü'i̧nä̧.

Apocalipsis 6:4

Päku, tochomȩnä̧ kka̧ra̧ cabayu tuwoppü wa̧ rä'o'inü̧. Jua̧u̧nä̧ wuö̧rü̧ iyäwi'ina̧'a̧ ujuru, pi̧jä̧nä̧ttü̧ wȩnȩ juiyünä̧ kkä̧kuä̧wä̧ jȩpü̧ iku, ttü̧ja̧ kkorotüku kuä'äkuäu ttikunä̧ jȩa̧ pä'ü; ja̧'wa̧ta̧nü̧ kurodä'i̧nä̧ iyäwi'inä̧ku̧.