San Mateo 24:5 - Nuevo Testamento Uwotjüja

⁵ Isopäi'ünä̧ rekuätü, ttü chi̧mi̧nä̧ ttichäkuotü, «Ttütäsä Crito-mä̧ pä'ätü.» Ja̧'wa̧nü̧ jȩpü̧ rekuätürü ttesetünä̧ ttüyaparewäkuotü,

TÄ̧DO Ä̧CUÄ̧ I̧HUȨNȨ

⁵ Ja̧u̧nu̧ mo̧ro̧ päi'omenä, recuätö ttö chi̧mi̧nä̧ ucuocu ttichäcuotö. Pättäcuotö: “Ttötäsä Cristo.” Jahuätö yapareu jittähuäcuotö recuätö ttö̧ja̧rö̧.

San Mateo 24:5 Iomraidhean Croise

San Mateo 24:11

Ja̧'wa̧ta̧nü̧ profeta'i̧nä̧ yaparewätü ttichäkuotü, ja̧'wa̧nü̧ jȩpü̧ ttü̧ja̧ rekuätürü ttesetünä̧ ttüyaparewäkuotü.

San Mateo 24:24

Ja̧'wa̧ta̧nü̧ Crito i̧mi̧nä̧, profetas wotü tti̧mi̧nä̧ yaparewätü ttichäkuotü ja̧'wa̧nü̧ jȩpü̧ jȩtto̧kü̧ jä̧'i̧jü̧ jȩpä̧'chü̧, Dio ȩmi̧nä̧u̧ttü̧'i̧nä̧ ttesetünä̧ jȩttä̧kuo̧tü̧,

San Juan 5:43

Ttümä̧ Chä'o i̧mi̧nä̧ ichinü̧sä̧, ja̧'wa̧nü̧ chichina̧'a̧nä̧, ttürümä̧ kkü'kokotüjä̧; ja̧'wa̧nü̧ ja̧'a̧nä̧, kka̧ra̧, chutä i̧mi̧nä̧ ichürümä̧ esewätüjä̧.

San Juan 8:24

Ja̧'wa̧nü̧ ji̧yä̧ku̧ pä'äjisä, surojü jȩ'kuä̧tu̧ku̧nä̧tä̧ wa'ü kuikuäkuotüjä̧ pädäja'amä̧; jua'amä̧ ttürü, ttütäsä päda'anä̧ kuesetätukuoka'attü.

San Juan 8:28

Ja̧'wa̧nü̧ ttiyäku, päinä̧u̧: Ubo I̧tti̧rü̧ ju'toju kä'epü ttu̧ju̧nu̧ mo̧ro̧ päi'omȩnä̧, jua̧u̧nu̧tä̧ ku̧wo̧jui̧pä̧kuo̧tü̧jä̧, isopäi'ünä̧ Ttütäsä pädäji jä̧ji̧mä̧ ja̧'wa̧ta̧nü̧ ttü jȩchü̧, ttütä amükuädü jȩcho̧ka̧'a̧, Chä'o u̧wo̧juȩti̧na̧'a̧ku̧ chukuokumä̧.

1 Juan 2:18

Chi̧tti̧mü̧ wotü täkü rüjí mo̧ro̧ ja̧'a̧. Ukutumä̧ ä̧ju̧kui̧nä̧tü̧jä̧, Crito-rü to'ija̧'a̧ku̧ wa̧mä̧ täkü i̧chä̧kua̧, pätta'a; ja̧'wa̧nü̧ ja̧'a̧ttü̧ täkü rekuätü, Crito-rü to'ija̧'a̧ku̧ ukuokuätü rä'ätü; ja̧'wa̧nü̧ jo̧mȩttü̧ täkü rüjí mo̧ro̧ ja̧'a̧ pä'ü wo̧juä̧tü̧jä̧.

1 Juan 2:22

¿Díjä̧ttü̧ ya̧pa̧rȩwa̧mä̧?, jua̧u̧ ya̧pa̧rȩwa̧mä̧ Jesú-ru, Crito-mä̧kü̧ pä'ü ukuokutä ja̧'a̧. Jua̧u̧ ja̧'a̧ Crito-rü to'ija̧'a̧ku̧ wa̧mä̧. Jä'o Dio-rü'i̧nä̧, I̧tti̧ Jesucrito-rü'i̧nä̧ esetü jui'ü ya'okutä.

1 Juan 4:3

Ja̧'wa̧nü̧ ja̧'a̧ttü̧, Dio iyinä̧ku̧ Epíritu-ru kku̧nä̧rä̧tü̧jä̧ pä'ü kkä̧nü̧, Jesú-mä̧ pi̧jä̧ra̧'a̧mä̧ ttü̧ja̧sa̧ jü̧nä̧mä̧ ichokü pinü̧ pättüttümä̧, o'katoi'ünä̧ Dio-mä̧ we'äwotü jo̧ka̧'a̧; ja̧'wa̧nü̧ wa̧mä̧ Dio a̧bo̧i̧ya̧ Epíritu-ru kku̧nä̧rü̧, mo̧tä̧ päi'ünä̧ i̧chä̧kua̧ pä'ü kuä̧ju̧kui̧nä̧tu̧kuä̧ku̧, jua̧u̧mä̧ täkü pi̧jä̧nä̧ kkü̧.

Apocalipsis 13:8

Ja̧'wa̧nü̧ ja̧'a̧ttü̧, pi̧jä̧ ä̧kuo̧mȩnä̧ adikui'ino̧mȩttü̧ päi'ünä̧, usurä ȩmä̧u̧ to'e'ächinü̧, oweja mü̧ä̧ya̧ wa̧ üäre kuyäru'tä kkä̧kuä̧wä̧ kkä'tänä̧ tti̧mi̧ jui'ätümä̧, jua̧u̧ru̧ ttiwe'kiyunä̧ pȩjä̧mü̧ eseäkuäwinä̧tü̧.