San Mateo 2:3 - Nuevo Testamento Uwotjüja

³ Pi̧yȩ ä̧ju̧ku̧, Ru̧wa̧ Rey Herode-mä̧ rü̧ȩnä̧ ye'ekue'i'inü̧ ja̧'wa̧ta̧nü̧ Jerusarȩ́ ttü̧ja̧'i̧nä̧ o'katoi'ünä̧ ye'inä̧tü̧.

TÄ̧DO Ä̧CUÄ̧ I̧HUȨNȨ

³ Ru̧hua̧ Herodes ja̧'hua̧nö̧ ä̧ju̧cuo̧mȩnä̧, rö̧ȩnä̧ yecunänö a̧mö̧cuä̧ri̧nö̧do ami iso'quinä. Ja̧'hua̧ta̧nö̧ o'ca toi'önä Jerusalén ötahuiyänä ka̧cui̧nä̧tö̧ rö̧ȩnä̧ a̧mö̧cuä̧ri̧nä̧tö̧do ja̧u̧ juäi ä̧ju̧cu̧.

San Mateo 2:3 Iomraidhean Croise

San Mateo 2:2

Juätümä̧, jä'epü ä̧ju̧kui̧nä̧tü̧: —¿Tȩnȩ́ ü̧ja̧'a̧jä̧ttü̧, judío ttu̧ru̧wa̧ Rey uwäpächäjimä̧? Jua̧u̧ uwäpächü siri'ko kkä̧wa̧ räopa'akuttü i̧jȩkua̧'a̧ topäjä'kotü, jua̧u̧ru̧ eseu ichäjätüjä̧.

San Mateo 2:4

Ja̧'wa̧nü̧ ji̧yä̧ku̧, Ru̧wa̧ Rey-mä̧, sacerdote wotü tturuwotü o'katoi'ünä̧rü̧ wopo'ü kkä̧nü̧, ttü̧ja̧rü̧ weäwä wȩnȩ wo̧juȩtä̧'i̧jä̧tü̧rü̧'i̧nä̧ wopo'ü, Crito-mä̧ torü uwäpächäkua'a jä̧'i̧ja̧'a̧ ja̧ pä'ü, jä'epü ä̧ju̧kui̧nä̧u̧.

San Mateo 23:37

¡Jerusarȩ́ ttü̧ja̧, Jerusarȩ́ ttü̧ja̧, profetas wotürü'i̧nä̧ kuä'äu iku kkä̧nü̧, Dio wȩä̧u̧ru̧mä̧ inä̧dunä̧ ikuäu ikuätüjä̧! ¡kko̧ro̧nü̧ jü̧ta̧'a̧nü̧, äkärä isaju kki̧tti̧mü̧rü̧ kkujuabä dȩa̧'a̧ kkü̧tä̧ra̧'a̧ jä̧'i̧jü̧'a̧nü̧, ji̧nä̧ yo̧mȩtȩ chü̧tä̧ra̧ päda'anä̧ kkü'kokotü pinä̧tü̧jä̧!

San Mateo 24:6

Ja̧'wa̧ta̧nü̧ kuä̧ju̧kuä̧kuo̧tü̧jä̧ kurä ttürowäu wȩnȩ'i̧nä̧, ttürowäwä̧kuȩ wȩnȩ'i̧nä̧ jü̧nä̧. Ja̧'wa̧nü̧ ja̧'a̧nä̧ yekuekuätukuä, jua̧u̧mä̧ ä̧tȩkuä̧nä̧tä̧ 'kuäopa pä'ü ja̧'a̧; ja̧'wa̧nü̧ 'kuäopa'anä̧, pi̧jä̧mä̧ ji̧nä̧ beipächoka'a jä̧kua̧'a̧.

San Mateo 8:29

Juätümä̧ pä̧i̧ku̧nä̧ wopinä̧tü̧: —¡Dio I̧tti̧mä̧ toku pä'ü jȩ'kua̧'a̧jä̧ttü̧, ujuturumä̧! ¿Ji̧nä̧ rüjí mo̧ro̧, ro̧ȩkuä̧kuȩ mo̧ro̧ päi'oka'anä̧ usurä tȩmä̧u̧nä̧ ro̧'ȩpü̧ kuichäja'a tä̧jí̧?

San Marcos 13:7

Ja̧'wa̧ta̧nü̧ kkoromȩ pünä̧ kurä kka̧'a̧ kuä̧ju̧kuä̧tu̧kuo̧mȩnä̧mä̧, yekuekuätükuä. Iweye ja̧'wa̧ta̧nü̧tä̧ 'kuäopa pä'ü rekuä rü̧ja̧'a̧; ja̧'wa̧nü̧ ja̧'a̧nä̧, ji̧nä̧ pi̧jä̧ rȩjȩmä̧ beipächoka'anä̧ jä̧kua̧'a̧.

Hechos 4:2

Rü̧ȩnä̧ tta̧mi̧surinä̧u̧, Jesú wa'arettü ttoächäja'a ttü̧ja̧rü̧ jittäwiyä̧u̧.