San Mateo 19:16 - Nuevo Testamento Uwotjüja

¹⁶ Ja̧'wa̧nü̧ ja̧'a̧ ya̧tȩ ichi'ü päinä̧ku̧: —Adiwä i̧sa̧, wo̧juȩkuä̧ i̧sa̧ ¿kkä̧kuä̧wä̧ i'ko chu̧ju̧nä̧ra̧ pä'ümä̧ däje adiwä juei jȩpü̧tä̧ chu̧ju̧nä̧rü̧'a̧nü̧ttü̧?

TÄ̧DO Ä̧CUÄ̧ I̧HUȨNȨ

¹⁶ Ya̧tȩ mö̧ä̧ya̧ Jesúsru topö ichinödo. Jä'epinödo: —Adihuä Huo̧juȩcuä̧ I̧sa̧, kä̧cuä̧huä̧ i'co chu̧ju̧nä̧ra̧ pä'ö, ¿däje juäi adihuä juäi jȩchä̧cua̧'a̧jä̧ttö̧?

San Mateo 19:16 Iomraidhean Croise

San Mateo 19:15

Ja̧'wa̧nü̧ ja̧'a̧ juätürü u̧mü̧nä̧ mȩ'äji̧'ka̧, juorümä̧ rä'opächü 'chi̧nü̧.

San Mateo 19:26

Pättiyäku, Jesú-mä̧ topünü̧ päinä̧u̧: —Pi̧jä̧ ttü̧ja̧rü̧mä̧ pi̧yȩmä̧ weyeku ja̧'a̧. Ja̧'wa̧nü̧ ja̧'a̧nä̧ Dio-kumä̧ o'kajuiyünä̧tä̧ weyekuoka'a.

San Mateo 19:29

Ja̧'wa̧ta̧nü̧ ttü jäwänä̧ o'katoi'ünä̧rü̧, ojusode'i̧nä̧, ü̧jä̧wa̧tü̧rü̧'i̧nä̧, jä'orü'i̧nä̧, ja̧ju̧ru̧'i̧nä̧, i̧tti̧mü̧rü̧'i̧nä̧, ü'ättiyu'i̧nä̧ kku̧ni̧pi̧nü̧mä̧ ciȩnü̧ jo̧mȩttü̧'i̧nä̧ yabonä̧ ȩmü̧kkä̧nü̧, kkä̧kuä̧wä̧ i'ko'i̧nä̧ ȩmä̧kua̧.

San Mateo 25:46

Ja̧'wa̧nü̧ ja̧'a̧ttü̧, pa̧'a̧nü̧ suronä̧ jȩpi̧nä̧tü̧mä̧ ro̧ȩkuä̧ beipokomȩtä̧ tti̧'cha̧'a̧nä̧, adiu jȩpi̧nä̧tü̧mä̧ kkä̧kuä̧wä̧ i'ko kka̧'a̧tä̧ tti̧'chä̧kuo̧tü̧.

San Juan 10:28

Juätürümä̧ kkä̧kuä̧wä̧ i'ko iyüsä; ja̧'wa̧nü̧ ja̧'a̧ttü̧ yorisotä to'e'ächokotü ttäkuotü ja̧'wa̧ta̧nü̧ juätürümä̧ ya̧tȩ'i̧nä̧, ttü chu̧mü̧ttü̧ 'cho'ipokotü ttäkuotü.

San Juan 12:25

A̧'kua̧rü̧ repe'äkuäumä̧, toe'ächä̧kua̧; ja̧'wa̧nü̧ ja̧'a̧nä̧, pi̧jä̧ttü̧ a̧'kua̧rü̧ repe'äkuäwokümä̧, kkä̧kuä̧wä̧ i'kora̧'a̧ wa'adü kku̧nu̧.

San Juan 3:15

Isopäi'ünä̧ o'katoi'ünä̧ Ttürü esetätümä̧ totte'ächü juiyäkua'anü̧, pärokuä kkä̧kuä̧wä̧ i'kotä ttu̧ju̧nä̧rä̧kua̧'a̧nü̧.

San Juan 4:14

Ja̧'wa̧nü̧ ja̧'a̧nä̧, ttü chiyoyattü awätümä̧, yorisotä ttawa a̧di̧ri̧jo̧ko̧u̧ ttäkuotü; pärokua'aku ttü chiyoya ajiyamä̧, jitünä̧tä̧ rȩjȩ jakuättü räopoya jä̧'i̧jü̧'a̧nü̧ jä̧kuä̧u̧, kkä̧kuä̧wä̧ i'kora̧'a̧ku̧tä̧ ȩpa̧'a̧ttü̧.

San Juan 5:39

Wȩyu̧kuä̧ wȩnȩ adiu topü ukuokuätukui; jua̧u̧nä̧tä̧ kka̧'a̧ 'kua̧'ra̧'a̧, ukutu ku̧jä̧tu̧kuä̧kuȩ kkä̧kuä̧wä̧ i'komä̧; jua̧u̧tä̧tä̧ ja̧'a̧ ttü chütü'kü jiäumä̧.

San Juan 6:47

Ja̧'wa̧nü̧ ja̧'a̧ttü̧ isopäi'ünä̧ pädäu̧jä̧: Ttürü esetümä̧ kkä̧kuä̧wä̧ i'ko kku̧nä̧rü̧.

San Juan 6:68

Päomȩnä̧, Simón Peduru-mä̧ ädätinä̧ku̧: —Chu̧ru̧wa̧, ¿Diku ti̧'chü̧'a̧nü̧ ja̧'a̧jä̧ttü̧? Uku kui̧wȩnȩmä̧ kkä̧kuä̧wä̧ i'ko jäwä ja̧'a̧.

Hechos 16:30

Ja̧'wa̧nü̧ ja̧'a̧ juätürü rä'epü ikumä̧ päinä̧u̧: —Chawaruwä, ¿Dajé jȩchü̧'a̧nü̧ jä̧ttü̧ surojüttü chü̧ji̧pa̧ pä'ümä̧?

Romanos 2:7

Tturuwo, wa'ü ikuäwokü, ukuo jäwä Dio iyatü pä'ü tta̧'ä̧rü̧nü̧ adiwä juei jȩpü̧ kki̧nä̧tü̧rü̧mä̧, Dio-mä̧ kkä̧kuä̧wä̧ i̧yä̧kuä̧u̧.

Romanos 5:21

Ja̧'wa̧nü̧ surojümä̧ wa'arenä̧tä̧ weinüta'anü̧, mippoünä̧ iyinü̧mä̧ adiwä jueinä̧tä̧ pärotü ikuinä̧u̧jä̧ Tu̧ru̧wa̧ Jesucrito-nä̧tä̧, kkä̧kuä̧wä̧ i'ko iyinü̧nä̧.

1 Timoteo 1:16

Ja̧'wa̧nü̧ jȩchi̧na̧'a̧nä̧'i̧nä̧ Dio-mä̧ rȩrü̧jü̧ toinä̧ku̧sä̧, Jesucrito a̧mi̧ 'ki'ächi'ünü̧ o'kajuiyünä̧ ttünä̧ i̧jȩpa̧ pä'ümä̧. Ja̧'wa̧nü̧tä̧ ttü jȩchü̧ta̧'a̧nü̧ jȩpü̧ esetätümä̧ kkä̧kuä̧wä̧ i'ko ttu̧ju̧nä̧ra̧ pä'ütä ichinü̧sä̧.

1 Timoteo 6:12

Tta̧'kua̧ wȩnä̧rä̧kuä̧wä̧nä̧ surojümä̧ adiwäjuei kuränä̧ rowäwi; kkä̧kuä̧wä̧ i'ko'i̧nä̧ dajawächa'anä̧mä̧ ja̧'a̧tä̧ to'kuä, jua̧u̧tä̧ pätetü Dio-mä̧ woinä̧ku̧jä̧, ja̧'wa̧nü̧ ja̧'a̧ttü̧ ttü̧ja̧ rekuätü ttä'ka jo̧mȩttü̧ kua̧'kua̧ ku̧wȩnä̧rü̧mä̧ ji'äwinü̧jä̧.

1 Timoteo 6:19

Ja̧'wa̧nü̧ ttü̧ja̧ku̧ttü̧tä̧ pärätä ruwotü juottäkuotü yodojimä̧ ja̧'wa̧ta̧nü̧ kkä̧kuä̧wä̧ i'ko'i̧nä̧ ttu̧ju̧nä̧rä̧kuo̧tü̧.

Tito 1:2

Ja̧'wa̧nü̧tä̧ Dio yaparewokümä̧ tabokutä päi'ünä̧ kkä̧kuä̧wä̧ i'ko chi̧yä̧kua̧sä̧ päinü̧ ttȩma̧ pä'ümä̧ tta̧'ä̧rü̧ kka̧kuä̧tü̧jä̧.

Tito 3:7

rü̧ȩnä̧ repeomȩttü̧, Dio-mä̧ ȩmi̧nä̧u̧jä̧ kkä̧kuä̧wä̧ i'ko tȩma̧ pä'ü iyinä̧u̧jä̧ tȩmä̧kuo̧tü̧jä̧ tta̧tä̧rä̧'i̧jü̧mä̧.

1 Juan 1:2

Jua̧u̧ kkä̧kuä̧wä̧ ji̧na̧'a̧ ujuturu i̧jȩkui̧nü̧mä̧. Jua̧u̧ topinü̧'kotü, ukuturu ji'äwätüjä̧, Jua̧u̧ kkä̧kuä̧wä̧ i'komä̧ Jä'oku kki̧na̧'a̧, ujuturu i̧jȩkuä̧chä̧kuȩmä̧ pä'ü.

1 Juan 2:25

Ja̧'wa̧nü̧ jo̧mȩttü̧, pi̧yȩ ja̧'a̧ ujuturu, chi̧yä̧kuä̧u̧jä̧ päinü̧mä̧: kkä̧kuä̧wä̧ i'ko.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.

Judas 1:21

Dio eseu repeünä̧ kua̧'kua̧ wȩnä̧rü̧ kkä̧nü̧ tu̧ru̧wa̧ Jesucrito re ü̧jü̧nä̧ kkä̧kuä̧wä̧ i'ko i̧yä̧kuȩ päinü̧ mo̧ro̧ tta̧'a̧rä̧tu̧kui̧.