San Mateo 15:3 - Nuevo Testamento Uwotjüja

³ Ja̧'wa̧nü̧ pättäku Jesú-mä̧ jä'epü ä̧ju̧kui̧nä̧u̧: —¿Tta̧'a̧nü̧ pä'ü ukutu'i̧nä̧ ku̧tä̧mü̧ mi̧nä̧ wettinü̧tä̧ ukuotü Dio weümä̧ ukuotokotüjä̧ttü̧?

TÄ̧DO Ä̧CUÄ̧ I̧HUȨNȨ

³ Ja̧'hua̧ ja̧'a̧ Jesús jahuätörö jä'epinödo: —Pi̧jä̧ ttö̧ja̧ jȩttä̧'i̧jö̧ ta'anö jȩpö̧ kä̧nö̧, ¿dä̧bö̧ jȩcu̧'ä̧tu̧cuo̧ca̧'a̧jä̧ttö̧ Dios hueinömä?

San Mateo 15:3 Iomraidhean Croise

San Mateo 15:2

—¿Tta̧'a̧nü̧ pä'ü ku̧wo̧juȩtä̧u̧mä̧ tü̧tä̧mü̧ mi̧nä̧ wettinü̧ ukuotokotüjä̧ttü̧? ¿Tta̧'a̧nü̧ pä'ü ttu̧mü̧ tükäwokotüjä̧ttü̧ ttu̧kuȩ ttukuäkua'a ä'kanä̧mä̧?

San Mateo 15:4

Isopäi'ünä̧ Dio-mä̧ pä'inü̧: «Kuä'orü'i̧nä̧, kua̧ju̧ru̧'i̧nä̧ ukuoti, ja̧'wa̧nü̧ ja̧'a̧nä̧ jä'orü'i̧nä̧, ja̧ju̧ru̧'i̧nä̧ suronä̧ pä'ürümä̧, wa'ü ikua pä'ütä jä̧kua̧'a̧.»

San Marcos 7:13

Ja̧'wa̧nü̧ jȩpü̧ Dio i̧wȩnȩmä̧ si'epü ikuätüjä̧ ku̧tä̧mü̧mi̧nä̧tu̧ku̧ jäwätä wo̧juȩtü̧. Kkoro'i̧nä̧ pi̧yȩ jü̧ta̧'a̧nü̧tä̧ wo̧juȩtä̧tü̧jä̧.

Colosenses 2:23

Isopäi'ünä̧ jua̧u̧mä̧ wo̧juä̧wä̧ ppädü 'kua̧rü̧ jä'i̧nü̧'a̧nü̧ ja̧'a̧, Dio-rü ukuoku'i̧nä̧, adiu ukuotü 'kua̧rü̧nä̧'i̧nä̧, ttidepä usurä ȩmä̧u̧nä̧ jȩtta̧'a̧ttü̧. Ja̧'wa̧nü̧ ja̧'a̧nä̧ ppädokü ja̧'a̧ ttidepä jäepümä̧.

Colosenses 2:8

Ttu̧'ȩpä̧rü̧nü̧ to̧pä̧rä̧kuä̧wä̧tu̧kui̧ yapare wȩnȩ ttü̧ja̧ tamükuädünä̧ kuesetätuku juiyäkua'anü̧. Juätü ttü̧ja̧mä̧ Crito-rü ttukuota jueimä̧, pi̧jä̧nä̧ttü̧ we'ätü ttujuru kku̧nä̧rä̧tü̧rü̧tä̧ ukuotätü.

Tito 1:14

Ja̧'wa̧ta̧nü̧ ppä'ädätukuitü judío kkä'äbe'ü jittäu ttesetü juiyäkua'anü̧ ja̧'wa̧ta̧nü̧ yapare ttü̧ja̧ weäwä wȩnȩ jittäu ttä̧ju̧ku̧ juiyäkua'anü̧.