San Mateo 13:44 - Nuevo Testamento Uwotjüja

⁴⁴ Ja̧'wa̧ta̧nü̧ mo̧ro̧jä̧ ru̧wa̧ weümä̧, pättanä̧ rȩjȩ dajü rütäwä pärätä jä̧'i̧nü̧'a̧nü̧ ja̧'a̧. Jua̧u̧ pärätä po̧kui̧pi̧'ü̧'ka̧, pä'äjita'anü̧ juȩnȩtä̧ dajü rütipü; rü̧ȩnä̧ eseunu̧ i̧wi̧'ü̧ u̧ju̧nä̧rü̧mä̧ o'kajuiyünä̧ mikuänä̧ iyä'chü ikuipü, juȩnȩ rȩjȩmä̧ ȩma̧'a̧ jä̧'i̧nü̧'a̧nü̧ ja̧'a̧.

TÄ̧DO Ä̧CUÄ̧ I̧HUȨNȨ

⁴⁴ Juhua'a yabonö huo̧juȩti̧nö̧do Jesús: —Ja̧'hua̧ta̧nö̧ Dios hueömä koro juäi rö̧ȩnä̧ micuäu juäi rȩjȩ jacuä pa̧'a̧ jä̧'i̧nö̧'a̧nö̧ ja̧'a̧. Ya̧tȩ ja̧u̧ juäi rö̧ȩnä̧ micuäu juäi po̧cui̧pö̧'ca̧, juhuorötä pä'äji ta'anö dajö icu. Ja̧'hua̧nö̧ jȩpö̧ eseunu iyö icu o'ca juiyönä u̧ju̧nä̧rö̧mä̧ ju̧huä̧jä̧, rö̧ȩnä̧ micuäu juäi pä̧jo̧mȩ, ȩma̧ pä'ö.

San Mateo 13:44 Iomraidhean Croise

San Mateo 13:24

Jesú-mä̧ kkoronä̧ wȩnȩtü̧ ji̧ä̧wi̧nä̧u̧: Mo̧ro̧jä̧ ru̧wa̧ weümä̧, ya̧tȩ ü'ättanä̧ adiwäjuei u̧wä̧ju̧ u̧ju̧ni̧nü̧'a̧nü̧ jü̧nä̧ wȩnȩkuä̧cha̧'a̧;

San Mateo 13:46

Jua̧u̧ i̧nä̧ rü̧ȩnä̧ mikuäuttü yo'kite po̧kui̧pä̧ji̧'ka̧, chutä iäre u̧ju̧nä̧rü̧mä̧ o'kajuiyünä̧ mikuänä̧ iyä'chü ikuäji̧'ka̧; ji̧yȩnä̧tä̧ mitäu ȩmi̧na̧'a̧ jä̧'i̧nü̧'a̧nü̧ ja̧'a̧.

San Mateo 13:47

Ja̧'wa̧ta̧nü̧ mo̧ro̧jä̧ ru̧wa̧ weümä̧ po̧i̧ wo̧ä̧wä̧sa̧ rü̧ä̧ duboranä̧ ttikuomȩnä̧ kkorojuo'otü po̧i̧'i̧nä̧ o'katoi'ünä̧ wottokuächa'a jä̧'i̧nü̧'a̧nü̧ ja̧'a̧.

San Mateo 19:21

Päku Jesú-mä̧ ädätinä̧ku̧: —O'kajuiyünä̧ jo̧mȩnü̧ kua päkuttümä̧, ku̧ju̧nä̧rü̧ kuiäre mikuä pä'ü iyä'chü ikui, usurä isotürü ppäkuäda. Ja̧'wa̧nü̧ jȩ'ku̧ttü̧mä̧, mo̧ro̧jä̧ra̧'a̧ttü̧ rü̧ȩnä̧ mikuäu ku̧ju̧nä̧rä̧kua̧jä̧. Ja̧'wa̧nü̧ jȩpü̧, cho'ka'anä̧ ichi.

San Mateo 19:27

Päiyäku, Peduru-mä̧ pä'inü̧: —Ujutumä̧ o'kajuiyünä̧ tu̧ju̧nä̧rä̧'i̧jü̧mä̧ kku̧ni̧pü̧ kuo'ka'anä̧ ichinä̧tü̧jä̧. Ja̧'wa̧nü̧ ja̧'a̧mä̧ ¿däjé tȩmä̧kua̧'a̧jä̧ttü̧?

San Mateo 19:29

Ja̧'wa̧ta̧nü̧ ttü jäwänä̧ o'katoi'ünä̧rü̧, ojusode'i̧nä̧, ü̧jä̧wa̧tü̧rü̧'i̧nä̧, jä'orü'i̧nä̧, ja̧ju̧ru̧'i̧nä̧, i̧tti̧mü̧rü̧'i̧nä̧, ü'ättiyu'i̧nä̧ kku̧ni̧pi̧nü̧mä̧ ciȩnü̧ jo̧mȩttü̧'i̧nä̧ yabonä̧ ȩmü̧kkä̧nü̧, kkä̧kuä̧wä̧ i'ko'i̧nä̧ ȩmä̧kua̧.

San Mateo 6:21

Isopäi'ünä̧ kuiäre pärätä po̧mȩtä̧ jä̧kua̧'a̧, rü̧ȩnä̧ kuamükuä̧ro̧mȩmä̧.

San Lucas 14:33

Ja̧'wa̧nü̧ ja̧'a̧ttü̧, ukututtü ya̧tȩ, u̧ju̧nä̧rü̧ o'kajuiyünä̧ kädi'ü juiyüttümä̧, Ttü chu̧mü̧wä̧ya̧ ja̧ pä'ümä̧ weyekua'a.

San Juan 6:35

Pättiyäku, Jesú-mä̧ päinä̧u̧: Ttütäsä, kuäkuäwä tta̧'kua̧rü̧mä̧; ttüku ichümä̧, yorisotä ukua ppäi ttuokä̧kua̧; ja̧'wa̧ta̧nü̧ ttürü esetümä̧, yorisotä awa a̧di̧ri̧jo̧ko̧ku̧ jä̧kua̧.

Romanos 15:4

Isopäi'ünä̧ mo̧ täbokü tti̧wȩyu̧ti̧nü̧mä̧, ujutu tu̧wo̧jui̧pa̧ pä'ü wȩyu̧ti̧nä̧tü̧, ta̧mi̧'ki'ächi'ü; wȩyu̧kuä̧ wȩnȩ ppäda'aku tta̧wä̧rä̧kuä̧wä̧ tu̧ju̧nä̧ra̧ pä'ü.

Colosenses 2:3

O'kajuiyünä̧ jua̧u̧nä̧tä̧ kka̧'a̧ wo̧juä̧wä̧ wȩnȩ'i̧nä̧ ja̧'wa̧ta̧nü̧ ttu̧ȩpä̧rä̧kuä̧wä̧ wȩnȩ'i̧nä̧ jü̧nä̧.

Colosenses 3:16

Adiwäjuei Crito u̧wo̧juȩti̧nü̧mä̧ ku̧ni̧chi'ätukuä. Yotukunä̧ wo̧juȩtü̧'i̧nä̧, ro̧'ȩku̧'i̧nä̧ jȩ'kuä̧tu̧kuo̧mȩnä̧mä̧, wo̧juȩku̧nä̧ jȩpä̧tu̧kui̧. Dio-rü eseu ra̧'ä̧tu̧kui̧ kua̧mi̧'iso'kitukunä̧, salmos'i̧nä̧, ra̧wä̧wä̧ otoü'i̧nä̧, epíritu-nä̧ ra̧wä̧wä̧'i̧nä̧, jü̧nä̧.

Hebreos 10:34

Ja̧'wa̧ta̧nü̧ re kki̧nä̧tü̧jä̧ kärenä̧ pȩjä̧tü̧rü̧; ja̧'wa̧ta̧nü̧ kuiäretuku 'chottipe'a'anä̧'i̧nä̧ eseunu̧ 'kuä'opinä̧tü̧jä̧, mo̧ro̧jä̧ra̧'a̧mä̧ juȩnȩ obonä̧nü̧ adiu'i̧nä̧, toe'ächokü'i̧nä̧ tiäremä̧ kku̧nä̧rä̧tü̧jä̧ päkuätukua'attü̧.

Apocalipsis 3:18

Ja̧'wa̧nü̧ ja̧'a̧ttü̧ jidäwäkujä̧, ttüttü kuȩma̧ pä'ü, okuränä̧ kkuwü iku säruwuönä̧ adikuä oro-ttü kuȩma̧ pä'ü ru̧wa̧ kuäkua'a̧nü̧; pü̧jä̧ta̧ tȩä̧ta̧ ku̧'ka̧tä̧wä̧kua̧'a̧nü̧, dä'ä ttüku juiya pä'ümä̧. Ja̧'wa̧ta̧nü̧ kui'äriyänä̧ jawapüja dachäwi pä'äjita'anü̧ to'kuäkua'anü̧.