San Mateo 11:6 - Nuevo Testamento Uwotjüja

⁶ ¡Ja̧'wa̧ta̧nü̧ eseäkuäwä kka̧'a̧ ttü jäwänä̧ ttoepokokumä̧!

TÄ̧DO Ä̧CUÄ̧ I̧HUȨNȨ

⁶ Ja̧'hua̧ta̧nö̧ ttörö jaroi'a pä'ö amöcuädocömä eseunu ö̧ja̧cua̧, pä'ö jicuhuähuätucuaröja, —pä'inödo Jesús.

San Mateo 11:6 Iomraidhean Croise

San Mateo 13:21

kkada'ka 'chu̧ä̧ro̧mȩ juitta'a, 'kiyünä̧ kko̧ko̧tü̧rü̧; Dio i̧wȩnȩ jäwänä̧ surojü rȩbȩä̧kuä̧wo̧mȩnä̧, ma̧'ä̧chä̧tü̧rü̧.

San Mateo 18:7

¡Pi̧jä̧ jäwämä̧, suroja'a pi̧jä̧ ttü̧ja̧rü̧ surojüku mattä̧chä̧'chü̧nä̧ jȩo̧mȩttü̧! iweye 'kuäopa pä'ü ja̧'a̧ ja̧'wa̧nü̧ ja̧'a̧nä̧ ¡juiyo ra̧wä̧pi̧ja̧'a̧ ya̧tȩ surojüku ma̧ttä̧chü̧nä̧ jȩpü̧rü̧mä̧!

San Mateo 24:10

Ji̧yȩnü̧ mo̧ro̧mä̧ ttesetä'ijü'i̧nä̧ kä'ädi'ü kkä̧nü̧, rowäkuäu mi̧kuä̧ri̧yä̧kuä̧u̧ iyä'chäkuäu ttikuäkuotü.

San Mateo 26:31

Ja̧'wa̧nü̧ tti̧'chä̧ja̧'a̧ Jesú-mä̧ päinä̧u̧: —Ukutu o'katoi'ünä̧, mä̧kuä̧ yodomä̧ ttüttümä̧ ye'ekuä'chi'ü kuipperekuächäkuotüjä̧, wȩyu̧kuä̧mä̧ pa̧'a̧nü̧ pä'ija'a: «Oweja-tü̧ ttu̧ru̧wa̧rü̧ 'kui'opü chikuomȩnä̧ oweja-tü̧mä̧ ttü̧jo̧kuo̧mȩttü̧ ttipperekuächäkuotü,» jü̧nä̧.

San Mateo 5:29

Ja̧'wa̧nü̧ ja̧'a̧ttü̧ ku̧wo̧jua̧'a̧ku̧nä̧ kui'äre, surojünä̧ ma̧kuä̧chü̧nä̧ jȩü̧ttü̧mä̧ baroku iku, ukuttütä otó do'opü ikui. Kuidepättü ji̧yȩtȩ toe'omȩnä̧mä̧ adiwa'a ja̧'wa̧nü̧ jo̧ka̧'a̧, kuidepä jättäji okurära̧'a̧ do'opü ikuäwi'üttütä, juiyo surojü'anü̧ ja̧'a̧.

San Marcos 6:3

¿Pidemä̧, María kki̧tti̧ (Carpintero) pä'ijümä̧kü̧ ja̧'wa̧ta̧nü̧ Jacobo'i̧nä̧, José'i̧nä̧ Juda'i̧nä̧ Simón'i̧nä̧ ttubüo pä'ijümä̧kü̧? ¿Ja̧'wa̧ta̧nü̧ ü̧jä̧wa̧tü̧ nä̧tü̧mä̧ ujututä ttü̧jä̧'i̧jä̧ttü̧? —Ja̧'wa̧nü̧ pä'ü rü̧ȩnä̧juo'eku, esetokotü pinä̧tü̧.

San Lucas 2:34

Ja̧'wa̧nü̧ ja̧'a̧ttü̧ Simeón-mä̧, juätürü Dio ppädiyarü pä'ünü̧, María-rü pä'inü̧: —Pide ji̧'ki̧cha̧wa̧mä̧ Irae ttü̧ja̧ rekuätü ttä̧rä̧mu̧nä̧'i̧nä̧, ja̧'wa̧ta̧nü̧ rekuätü ma̧ttä̧chü̧nä̧'i̧nä̧ ja̧ pä'ü wȩ'ä̧wa̧ ja̧'a̧. Ja̧'wa̧nü̧ ja̧'a̧ttü̧ jua̧u̧ru̧ to'ija̧'a̧ku̧ ttukuokuäkuotü.

San Lucas 7:23

Ja̧'wa̧ta̧nü̧ ¡rü̧ȩnä̧ eseäkuäwä kka̧'a̧, Ttü jäwänä̧ ma̧'ä̧cho̧kü̧rü̧mä̧!

San Juan 16:1

Pi̧yȩ wȩnȩmä̧ chukuokuä̧u̧jä̧, ttü jäwänä̧ kuijuiyuwächi'ätuku juiya pä'ü.

San Juan 6:66

Juorütä kkä̧mä̧dü̧, rekuätü Jesú-ku kue'ächäjätümä̧, täkü jua̧u̧ku̧mä̧ kue'ächokotü pinä̧tü̧.

1 Corintios 2:14

Dio i̧sa̧ Epíritu-ru to'ätümä̧, Epíritu jäwämä̧ 'kittünä̧ wotü, juätürümä̧, jua̧u̧mä̧ suräjuä wȩnȩ jü̧nä̧tä̧ ja̧'a̧ttü̧. Ja̧'wa̧nü̧ ja̧'a̧ttü̧ yoriso ttu̧wo̧jui̧pü̧ juiyünä̧tä̧ jä̧u̧, jua'amä̧ Epíritu jäwänä̧tä̧ adiwomȩnä̧ päwä ja̧'a̧ttü̧.

Gálatas 5:11

Chawaruwä chi̧jä̧wa̧tü̧, circuncisión pättü jȩttä̧kuä̧wa̧ pä'ü jidäwuttümä̧, chabo iyotümä̧ suronä̧ pä'ümä̧ ttusokoku pajüsä. Ja̧'wa̧ta̧nü̧ ü̧jo̧kä̧ jäinä̧ kkä̧nü̧ 'korupäi'inü̧ wȩnȩ tta̧mi̧ surunä̧ topokotü pa̧ja̧tü̧.

1 Pedro 2:8

Ja̧'wa̧ta̧nü̧ pi̧yȩ ja̧'a̧ kkoromä̧: «Ino'kimä̧, i̧nä̧wänä̧ ppeokuächäkua'a.» Ja̧'wa̧nü̧ ja̧'a̧ juätümä̧ i̧wȩnȩ jarodü ppe'okuächätü, ja̧u̧ ja̧'a̧ juätürü pä̧wä̧rü̧jü̧mä̧.