San Mateo 11:21 - Nuevo Testamento Uwotjüja

²¹ ¡Isoó isottü̧, Corazín ütawiyä ttü̧ja̧we! ¡Isoó Betsaida ütawiyä ttü̧ja̧we! Isopäi'ünä̧ ukuturu jü̧'a̧nü̧ Tiro ttü̧ja̧rü̧, Sidón ttü̧ja̧rü̧ jȩtto̧kü̧ juei jȩtti̧nü̧ttü̧mä̧, ä̧ya̧ri̧ jäwänä̧ jȩpä̧kuä̧u̧ su̧ro̧jä̧ta̧ 'ka̧tä̧wi̧'ü̧, täkü mo̧tä̧ Dio-ku ppa̧'a̧chi̧na̧ja̧tü̧.

TÄ̧DO Ä̧CUÄ̧ I̧HUȨNȨ

²¹ —Ucuturu suronä 'cuäopäcua'a, Corazín ötahuiyä ttö̧ja̧. Ucuturu suronä 'cuäopäcua'a, Betsaida ötahuiyä ttö̧ja̧. Iso päi'önä Tiro ötahuiyänä'inä, Sidón ötahuiyänä'inä ucutu ta'anö, rö̧ȩnä̧ ttö̧ja̧ ttieru juäi tottinöttömä, motä päi'önä pärocuäcutä amöcuädö, ttö̧'ca̧tä̧huä̧ti̧yu̧ ocurä i̧sa̧ppȩnä̧ jȩä̧cuä̧huä̧ta̧nä̧ 'ca̧tä̧hui̧'ö̧ i̧jȩcui̧na̧ja̧tö̧.

San Mateo 11:21 Iomraidhean Croise

San Mateo 11:22

Ja̧'wa̧nü̧ ja̧'a̧ttü̧ ukuturu pä'üsä, pojokuä mo̧ro̧ päi'omȩnä̧ ukuturumä̧ Tiro ttü̧ja̧ttü̧'i̧nä̧, Sidón ttü̧ja̧ttü̧'i̧nä̧ abonä̧nü̧ usurä kuȩmä̧wä̧tu̧ku̧nä̧ ro̧ȩkuä̧ kkä̧kuä̧u̧jä̧.

San Mateo 15:21

Jesú-mä̧ juorü rä'opächü Tiro rȩjȩra̧'a̧ku̧, Sidón rȩjȩra̧'a̧ku̧ 'chi̧nü̧.

San Mateo 18:7

¡Pi̧jä̧ jäwämä̧, suroja'a pi̧jä̧ ttü̧ja̧rü̧ surojüku mattä̧chä̧'chü̧nä̧ jȩo̧mȩttü̧! iweye 'kuäopa pä'ü ja̧'a̧ ja̧'wa̧nü̧ ja̧'a̧nä̧ ¡juiyo ra̧wä̧pi̧ja̧'a̧ ya̧tȩ surojüku ma̧ttä̧chü̧nä̧ jȩpü̧rü̧mä̧!

San Mateo 26:24

Isopäi'ünä̧ Ttürümä̧ wȩyu̧kuä̧ wȩnȩ päüta'anü̧ 'kuäopä̧kua̧ ja̧'wa̧nü̧ ja̧'a̧nä̧, ttürü iyü ikurütä jä̧kua̧'a̧ surojäkua'amä̧ ¡isottü̧, jua̧u̧we!. Ya'utettü jua̧u̧mä̧ uwäpächü juiyinü̧ttü̧tä̧ adiwaja'a.

San Marcos 3:8

Ja̧'wa̧ta̧nü̧ Jerusarȩ́ ütawiyä ttü̧ja̧'i̧nä̧, Idumea rȩjȩ ttü̧ja̧'i̧nä̧, Jordán ji̧jä̧ku̧nä̧ ttü̧ja̧'i̧nä̧, Tiro rȩjȩ ttü̧ja̧'i̧nä̧, Sidón rȩjȩ ttü̧ja̧'i̧nä̧, jȩü̧ rü̧ȩnä̧ ukuowi̧yä̧u̧ totta pä'ü rekuätü ichinä̧tü̧.

San Marcos 6:45

Jua̧u̧ 'kuäopäji o'ka'a, Jesú-mä̧, u̧mü̧wä̧yotürü woi'kanä̧ ä'kanä̧ tti̧'cha̧ pä'ü we'ü ikuinü̧. Ä'kanä̧ rü̧ä̧ duboranä̧ Betsaida ütawiyära̧'a̧ku̧ ttijäwiyarü pä'ü, chutämä̧ ttü̧ja̧rü̧ tti̧wa̧ pä'ü we'ü iku ü̧ji̧pa̧'a̧nä̧.

San Marcos 7:24

Jesú-mä̧, juorü rä'opächü Tiro rȩjȩra̧'a̧ku̧, 'chi̧nü̧. I̧'chi̧'o̧mȩnä̧ isodenä̧ do'ächi'omȩnä̧, ttü̧ja̧ ttu̧wo̧jua̧rü̧ pä'okü pinü̧ ja̧'wa̧nü̧ ja̧'a̧nä̧ udajui'ü juiyünä̧ ji̧nä̧ku̧.

San Marcos 7:31

Jesú-mä̧, pä'äji jä̧ji̧ta̧'a̧nü̧ Tiro rȩjȩttü̧ rä'opächü Sidón ütawiyänä̧ 'kuä'o'ü Galirea rü̧ä̧ duboranä̧ rȩbȩwi̧pi̧nü̧, Decápoli rȩjȩnä̧ 'kuä'opünü̧.

San Marcos 8:22

Jua̧u̧nü̧ o'ka'a Betsaida ütawiyära̧'a̧ ichi'äji'ka̧ ü̧ja̧'a̧, ä̧to̧ka̧rü̧ Jesú ü̧jo̧mȩku̧ i'chächipü mȩi̧ya̧tü̧ pä'ü ajuäkuäunü̧ jä'epinä̧tü̧.

San Lucas 4:26

Ja̧'wa̧nü̧ ja̧'a̧nä̧ juätü nä̧tü̧ ttü̧ja̧'a̧ku̧mä̧ Elía-rümä̧ weäwi'oka'a ji̧na̧'a̧. Jua'a ja̧jü̧ jueimä̧, Sarepta ütawiyänä̧, Sidón ütawiyä tü'kü kkä̧ju̧ru̧tä̧ ppädünä̧ weäwi'ina̧'a̧.

San Lucas 6:17

Jesú-mä̧ müä'kara̧'a̧ttü̧ juätütäku mȩyȩwä̧ji̧'ka̧ mȩje'ka jo̧mȩ kkä̧mä̧di̧nü̧ u̧wo̧juȩtä̧u̧ku ja̧'wa̧ta̧nü̧ ttü̧ja̧ rekuätü, judea rȩjȩ ütawiyä'i̧nä̧, Jerusarȩ́-ttü̧'i̧nä̧, Tiro rȩjȩttü̧'i̧nä̧, Sidón rȩjȩnä̧ttü̧'i̧nä̧ ichäjätü pinä̧tü̧ jiäu ttä̧ju̧kua̧ pä'ü ja̧'wa̧ta̧nü̧ na̧nȩttü̧'i̧nä̧ aditü ikuatü pä'ümä̧,

San Lucas 9:10

Jesú u̧wo̧juȩtä̧u̧ apótore wȩä̧jä̧u̧ ppa̧tä̧chi̧'o̧mȩnä̧mä̧ jȩttä̧ji̧mä̧ o'kajuiyünä̧ jittäwinä̧ku̧. Jua̧u̧ o'ka'a, juätürü i̧mi̧ku̧nä̧ wopo'ü, ttü̧ja̧ toächomȩ Betsaida ütawiyära̧'a̧ku̧ oipächinä̧u̧.

San Juan 1:44

Jua̧u̧ Felipe-mä̧, André-ku, Peduru-ku ttidepiyu Betsaida ütawiyä ttü̧ja̧sa̧ pinü̧.

San Juan 12:21

Juätümä̧ Galirea rȩjȩ, Betsaida ütawiyä ttü̧ja̧sa̧ Felipe-rü ichi'ü jä'epü pä'inä̧tü̧: —Chu̧ru̧wa̧, Jesú-ru tota pä'ätüjä̧.

Hechos 12:20

Ja̧'wa̧nü̧ ja̧'a̧ Herode-mä̧ Tiro ttü̧ja̧rü̧'i̧nä̧, Sidón ttü̧ja̧rü̧'i̧nä̧ a̧mi̧surinä̧ku̧; ja̧'wa̧nü̧ ja̧'a̧nä̧ jua̧u̧ ütawiyä ttü̧ja̧mä̧, ru̧wa̧ Herode u̧mü̧wä̧ya̧ tta̧wä̧rä̧kuä̧wä̧ i̧sa̧ Blasto-rü mitü esekuinä̧tü̧, wȩnȩ juiyünä̧ ttü̧ja̧ pä'ü, jua'amä̧ tti̧rȩjä̧mä̧ jua̧u̧tä̧ ukuäje'ä'i̧jä̧u̧ ja̧'a̧ttü̧.

Hechos 27:3

Kkoro mo̧ro̧mä̧ rȩbȩwi̧nä̧tü̧jä̧, Sidón ütawiyänä̧, juorümä̧ su̧ro̧do̧u̧ ttu̧ru̧wa̧ Juriu-mä̧ Pauru-rü ukuotünü̧ jȩpi̧nü̧, jua̧u̧ awaruwä ppättäda'anä̧.

Judas 1:11

¡Juätüwe!, juätümä̧ Caín ji̧nü̧ta'anü̧ jȩpü̧ kka̧kuä̧tü̧. Balaam ji̧nü̧ta̧'a̧nü̧tä̧, pärätä amükuä̧rü̧tä̧ jȩpä̧tü̧. Coré pä'ü mi̧kua̧ ji̧nü̧ta̧'a̧nü̧tä̧, jarode'ü pä̧i̧nä̧tä̧ totte'ächäkuotü.

Apocalipsis 11:3

Ja̧'wa̧nü̧ ja̧'a̧ttü̧ wȩdä̧kua̧sä̧, ttü chütü'kü ji'äwätü ta̧ju̧ru̧, wäbodäkuä año ja̧'a̧nä̧, kkoro año ju'to jo̧mȩnä̧, ajuäkuäu 'ka̧tä̧kuä̧wä̧ 'ka̧tä̧wä̧tü̧rü̧.

Apocalipsis 6:12

Ja̧'wa̧ta̧nü̧ topinü̧sä̧, oweja mü̧ä̧ya̧ jü̧nä̧ wa̧ kko̧ro̧mü̧ttü̧nü̧ jü̧ sello bawepomȩnä̧, rü̧ȩnä̧ ttü̧ȩpa̧'a̧ttü̧ rȩjȩ pparächi'a'a. Ja̧'wa̧ta̧nü̧ mo̧ro̧ kkä̧wa̧mä̧, wa'ü tti̧kui̧yä̧u̧ ajuäu ttü̧'ka̧tä̧wä̧ta̧ jä̧'i̧nü̧'a̧nü̧ idikuächi'ina̧'a̧; ja̧'wa̧ta̧nü̧ yodó kkä̧wa̧mä̧ ttukuoja jä̧'i̧nü̧'a̧nü̧ jä̧ttä̧pä̧ya̧ pärowächinü̧.