San Mateo 11:11 - Nuevo Testamento Uwotjüja

¹¹ Isopäi'ünä̧ pädäu̧jä̧: O'katoi'ünä̧ nä̧tü̧ttü̧ uwäpächinä̧tü̧mä̧, bautizo jȩä̧kuä̧wä̧ i̧sa̧ Ju̧a̧ u̧wä̧mȩnä̧ wa̧mä̧ toa'a; ja̧'wa̧nü̧ ja̧'a̧nä̧ mo̧ro̧jä̧ jäwä weomȩttü̧ a̧'u̧kua̧mä̧ jua̧u̧ttü̧'i̧nä̧ u̧wä̧mȩnä̧ wa̧ jä̧kua̧.

TÄ̧DO Ä̧CUÄ̧ I̧HUȨNȨ

¹¹ Iso päi'önä pä'ösä ucuturu, Juan el Bautistattö'inä abonänö adihuä i̧sa̧mä̧ yoröiso ko̧cö̧ pi̧nö̧do pi̧jä̧nä̧mä̧. Ja̧'hua̧nö̧ ja̧'a̧nä̧ ya̧tȩ pi̧jä̧ttö̧ usurä i̧sa̧mä̧, Dios Ttu̧ru̧hua̧ päi'önä ö̧jo̧mȩttö̧ kö̧mä̧, Juan el Bautistattö'inä abonänö adihuä i̧sa̧do.

San Mateo 11:11 Iomraidhean Croise

San Mateo 11:10

Isopäi'ünä̧ Ju̧a̧ ütü'kü ja̧'a̧, wȩyu̧kuä̧ wȩnȩ jiäwä'ijäkumä̧; «Ttü chi̧wȩnȩ ȩkuä̧ i̧sa̧rü̧ kuä'kanä̧ we'üsä, ku̧mä̧nä̧ jo̧mȩnü̧ aditü u̧ju̧nä̧kua̧rü̧.»

San Mateo 11:12

Bautizo jȩä̧kuä̧wä̧ i̧sa̧, Ju̧a̧ ichino̧mȩttü̧ kkä̧mä̧dü̧ jitä pi̧yȩ mo̧ro̧bü päi'ünä̧, mo̧ro̧jä̧ jäwä weomȩmä̧ rowäkuäwätä kka̧'a̧ ja̧'wa̧ta̧nü̧ rowäkuäwä juruwätütä jua̧u̧mä̧ 'cho'ipätü.

San Mateo 3:1

Ji̧yȩnü̧ mo̧ro̧, bautizo jȩä̧kuä̧wä̧ i̧sa̧ Ju̧a̧ pä'ü mi̧kua̧ rȩbi̧yu̧ dȩ'a̧ra̧'a̧ ji'äwä̧ya̧ ichinü̧.

San Mateo 3:11

Isopäi'ünä̧ ttümä̧, Dio-ku ppa̧kuä̧chä̧tu̧kua̧'a̧ kui̧jȩkuä̧tu̧kua̧ pä'ümä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧ ttü cho'komȩnä̧ ichümä̧ Epíritu Sa̧tu̧nä̧'i̧nä̧, okurä jäwänä̧'i̧nä̧ bautizo jȩä̧kua̧. Jua̧u̧mä̧ ttüttü'i̧nä̧ abonä̧nü̧ ujuru kku̧nä̧rü̧, jua̧u̧ ü̧jä̧pü̧ isäya chȩpü̧ juiyü'anü̧'i̧nä̧ wa̧sä̧.

San Mateo 5:19

Ja̧'wa̧nü̧ ja̧'a̧ttü̧, ji̧yȩtȩ weäwä wȩnȩttü̧ ppo̧ü̧ ja̧ pä'ü'i̧nä̧ ukuotokümä̧, jua̧u̧ pä'aku ttukuotünä̧ wo̧juȩto̧kü̧mä̧, mo̧ro̧jä̧ jäwä weomȩttü̧mä̧ a̧'u̧kua̧ jü̧nä̧ pä̧wi̧'ä̧kua̧. Ja̧'wa̧nü̧ ja̧'a̧nä̧ jua̧u̧ wȩnȩ jȩpü̧ kkä̧nü̧ wo̧juȩtü̧ru̧mä̧, mo̧ro̧jä̧ jäwä weomȩttü̧mä̧ ttu̧wä̧mȩnä̧ wa̧ pä̧ttä̧kua̧.

San Lucas 1:15

Ja̧'wa̧ta̧nü̧ jua̧u̧mä̧ Dio ä'ka jo̧mȩttü̧ ukuo i̧sa̧ jä̧kua̧. Vino isoya'i̧nä̧ ja̧'wa̧ta̧nü̧ niyaiya'i̧nä̧ awokü jä̧kua̧, uwäpächäkua'a Ä'kanä̧tä̧ päi'ünä̧ Epíritu Sa̧tu̧mä̧ jo̧mȩnü̧ ü̧jä̧kua̧.

San Lucas 7:28

Ukuturu pä'üsä: o'katoi'ünä̧ nä̧tü̧ ttu̧wä̧bekuinä̧u̧ttü̧, Ju̧a̧-ttü̧'i̧nä̧ abonä̧nü̧ wa̧mä̧ toa'a; ja̧'wa̧nü̧ ja̧'a̧nä̧ Dio weüttü ji̧'ki̧cha̧wä̧mä̧, jua̧u̧ttü̧'i̧nä̧ abonä̧nü̧ u̧wä̧mȩnä̧ wa̧ ja̧'a̧.

San Lucas 9:48

päinä̧u̧: —Ttü chi̧mi̧nä̧ pide ji̧'ki̧cha̧wa̧rü̧ do'ädümä̧, ttürü'i̧nä̧ do'ädü; ja̧'wa̧ta̧nü̧ ttürü do'ädürümä̧, ttürü we'inü̧rü̧'i̧nä̧ do'ädü. Ja̧'wa̧nü̧ ja̧'a̧ttü̧ ukutu o'katoi'ünä̧ttü̧ ji̧'ki̧cha̧wa̧mä̧, jua̧u̧ jä̧kua̧'a̧ ku̧wä̧mȩtu̧ku̧nä̧ ukuo i̧sa̧mä̧.

San Juan 1:15

Ju̧a̧-mä̧, Jua̧u̧ ütü'kü ji'äu, pä̧i̧ku̧nä̧ pä'inü̧: Pide ja̧'a̧, ütü'kü pädinä̧ku̧mä̧: «Ttü cho'ka'anä̧ ichümä̧, ttü'i̧nä̧ chä'koji i̧sa̧ ji̧na̧'a̧; jua'amä̧ ttü'i̧nä̧ chä'koji kki̧nü̧ ja̧'a̧ttü̧».

San Juan 1:27

Jua̧u̧ cho'ka'anä̧ ichümä̧; ttü'i̧nä̧ chä'kanä̧ i̧sa̧ ja̧'a̧; Jua̧u̧ ü̧jä̧pü̧ isäya isappä'i̧nä̧ ja̧rȩyu̧ pä'i'ü chejädü juiyü'anü̧ wa̧sä̧.

San Juan 10:41

Jua'atä ü̧ja̧'a̧, ttü̧ja̧ rekuätü topü 'chä̧tü̧mä̧ pä'inä̧tü̧: —Isopäi'ünä̧ Ju̧a̧-mä̧ jȩtto̧kü̧ ja̧jü̧ jueimä̧ jȩpo̧kü̧ pinü̧ ja̧'wa̧nü̧ ja̧'a̧nä̧ pide ütü'kü jiäwinü̧mä̧, o'kajuiyünä̧ isopäi'ünä̧tä̧ ja̧'a̧.

San Juan 3:30

Rü̧ȩnä̧ rekuä rü̧ja̧'a̧ Jua̧u̧ ukuo rü̧ä̧cha̧ pä'ümä̧; pä̧ro̧kua̧ ttü chukuo juidächa'anä̧.

San Juan 5:35

Ju̧a̧-mä̧ tejäwore tȩya̧u̧nä̧ kkȩdȩpa̧'a̧ jä̧'i̧nü̧'a̧nü̧ tejädinü̧; ja̧'wa̧nü̧ ja̧'a̧ ukutumä̧ jua̧u̧ i̧tȩya̧u̧nä̧, a̧'u̧ku̧nä̧ mo̧ro̧tä̧ esewinä̧tü̧jä̧.

San Juan 7:39

Ja̧'wa̧nü̧ päomȩnä̧mä̧, churutä esetätümä̧, Epíritu-ru ttȩmä̧kua̧'a̧ ji'äu pä'inü̧; ja̧'wa̧nü̧ ja̧'a̧mä̧, Epíritumä̧ ji̧nä̧ ichü juiyäi ji̧na̧'a̧, Jesú-mä̧ ji̧nä̧ wa'ü ikuäji̧'ka̧ wa'arettü ttoächü juiyäi ja̧'a̧ttü̧.

1 Corintios 15:9

Jua'amä̧, ttümä̧ apótorettümä̧ juiyo a̧'u̧kua̧sä̧, apóto pättü juiyü'anü̧'i̧nä̧ wa̧sä̧, Dio iäre igresia isotürü suronä̧ jȩttü̧nä̧ wedina̧'a̧ttü̧.

1 Corintios 6:4

Ja̧'wa̧nü̧ ja̧'a̧ttü̧, pi̧jä̧nä̧ttü̧ wȩnȩ ku̧ju̧nä̧rä̧tu̧kuo̧mȩnä̧mä̧ ¿tta̧'a̧nü̧ pä'ü igresia-ttü tta̧'kua̧ ttu̧wȩnä̧ro̧ko̧u̧ru̧ wȩnȩ aditü ttikua pä'ü kusätukua'ajä̧ttü̧?

Efesios 2:3

Ujutu'i̧nä̧ juätü jü̧ta̧'a̧nü̧ o'katoi'ünä̧ jua̧u̧ tidepä kkü'kekunä̧tä̧, tidepä wea'akutä, ujututä tamükuädünä̧ jȩpü̧ kka̧kui̧nä̧tü̧jä̧ ji̧yȩnü̧ mo̧ro̧mä̧. Kkada'kattü päi'ünä̧ pä̧i̧ i̧tti̧mü̧ winä̧tü̧jä̧ kkorotü jü̧ta̧'a̧nü̧.

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

2 Timoteo 1:10

Ja̧'wa̧nü̧ ja̧'a̧nä̧ jitämä̧ tu̧ru̧wa̧ surojüttü ttü̧ji̧pü̧nä̧ ppädäkuäwä i̧sa̧ Jesucrito i̧jȩkuä̧cho̧mȩnä̧ repeümä̧ i̧jȩkuä̧chi̧na̧'a̧. Isopäi'ünä̧ jua̧u̧tä̧ ja̧'a̧ wa'arerü si'epü ikuinü̧'i̧nä̧, ja̧'wa̧nü̧ jȩpü̧ jareü wȩnȩnä̧mä̧ kkä̧kuä̧wä̧ i'kotä iyinä̧u̧jä̧.

Hebreos 11:40

jua'amä̧ Dio-mä̧, abonä̧nü̧ adiwä juei ujuturu iya pä'ü jȩpü̧ u̧ju̧ni̧na̧'a̧ttü̧, ujututäkutä yo̧mȩtȩnä̧ surojü jui'ätü päi'ünä̧ jo̧mȩnü̧tä̧ jȩa̧tü̧ pä'ü.

1 Pedro 1:10

Profeta-mä̧ ra̧wä̧pi̧jü̧ttü̧ kki̧'ä̧kuä̧wä̧ tü'kü usú wo̧jui̧pi̧nä̧tü̧, ja̧'wa̧ta̧nü̧ Dio rȩrü̧jü̧ topü ukuturu iyäkuȩ'i̧nä̧ ukuokuinä̧tü̧.