San Mateo 10:5 - Nuevo Testamento Uwotjüja

⁵ Jesú-mä̧, pitü doce-nü̧ wotürü pa̧'a̧nü̧ ji'äu we'inü̧: Judío pokotü ttu̧mä̧nä̧nä̧mä̧ kui̧'chä̧tu̧kuä̧ ja̧'wa̧ta̧nü̧ Samaria ttü̧ja̧ ttidepiyunä̧mä̧ dokuächätukuä;

TÄ̧DO Ä̧CUÄ̧ I̧HUȨNȨ

⁵ Jahuätörö, u̧huo̧juȩtä̧u̧ru̧ hue'inödo Jesús. Pa̧'a̧nö̧ pä'inödo: —Judíos huocotö ttö̧ja̧cuo̧mȩcu̧ cui̧'chä̧tu̧cuä̧'. Samaria ttö̧ja̧ ttidepiyunä'inä cui̧'chä̧tu̧cuä̧'.

San Mateo 10:5 Iomraidhean Croise

San Mateo 22:3

Jua̧u̧mä̧ u̧mü̧wä̧yotürü we'inü̧ ä̧tȩpä̧jä̧u̧ru̧ pä'kärira̧'a̧ ttichäkua'anü jittäwäjiyarü pä'ü. Ja̧'wa̧nü̧ weaja'anä̧ tticha pä'okotü pinä̧tü̧.

San Mateo 4:15

Ä̧ju̧kuä̧tu̧kui̧ Zaburó̧ i̧rȩjä̧, rü̧ä̧ aje tü'kü kka̧kuä̧tü̧mä̧; Ä̧ju̧kuä̧tu̧kui̧ Neftarí i̧rȩjä̧ ttü̧ja̧mä̧, Jordán ajenä̧ kkä̧wa̧ ma̧ä̧cha̧'a̧ku̧nä̧ kka̧kuä̧tü̧mä̧, Ä̧ju̧kuä̧tu̧kui̧ Galirea rȩjȩnä̧ kka̧kuä̧tü̧mä̧, Judío pokotü tti̧rȩjä̧nä̧:

San Marcos 6:7

Ja̧'wa̧ta̧nü̧ u̧wo̧juȩtä̧u̧ ttü̧jä̧pü̧ttü̧ ta̧ju̧nü̧ wotürü wopo'ü, ttukuo iyü, ta̧ju̧pü̧nä̧ weinä̧u̧ epíritu-tu̧ suropätürü rä'epe'ü ttikua pä'ü.

San Lucas 10:1

Jua̧u̧ jä̧ji̧ o'ka'a, Tu̧ru̧wa̧mä̧ kkorotü setenta-nü̧ wotürü pojopü we'inü̧, chutä i̧'chä̧kuo̧mȩ pünä̧mä̧ o'kajuiyünä̧, ä'kanä̧ ta̧ju̧pü̧nä̧ tti̧'chi̧ya̧rü̧ pä'ü.

San Lucas 10:33

Ja̧'wa̧nü̧ ja̧'a̧nä̧, ya̧tȩ Samaria ttü̧ja̧sa̧, juä̧mä̧nä̧tä̧ 'kuäopa'a ja̧'a̧, jua̧u̧ru̧ to'omȩnä̧ rȩrü̧jä̧chi̧'i̧nä̧ku̧,

San Lucas 17:16

Jesú ä'ka jo̧mȩ ichi'ü, iwe'kiyunä̧ rȩjȩ ja̧rȩyu̧nu̧ pä̧mä̧di̧nü̧, ppäkuädäjäkusä pä'ü eseu. Jua̧u̧mä̧ Samaria ttü̧ja̧sa̧ ji̧na̧'a̧.

San Lucas 9:1

Jesú u̧wo̧juȩtä̧u̧ doce-nü̧ wotürü ka̧ka̧tä̧ji̧'ka̧, ttujuru iyinä̧u̧, epíritu-tu̧ suropätürü rä'epü ttikua pä'ü'i̧nä̧ ja̧'wa̧ta̧nü̧ ttumä̧richei na̧ttä̧chü̧ aditü ttikua pä'ü'i̧nä̧, jü̧nä̧.

San Lucas 9:2

Ja̧'wa̧ta̧nü̧ Dio weü wȩnȩ jittäwa pä'ü'i̧nä̧, na̧'ä̧chä̧tü̧rü̧ aditü ttikua pä'ü'i̧nä̧ we'ümä̧,

San Juan 17:18

Ttürü ukú pi̧jä̧ra̧'a̧ wekuinüta̧'a̧nü̧, ttü'i̧nä̧ juätürü pi̧jä̧nä̧ we'ipüsä.

San Juan 20:21

Ja̧'wa̧nü̧ ja̧'a̧, pä'äjita'anü̧ Jesú-mä̧ päinä̧u̧: —¡Wȩnȩ juiyü jäwä ukutunä̧ kka̧ pä'üsä! Chä'o ttürü weinüta'anü̧, ukuturu'i̧nä̧ ja̧'wa̧ta̧nü̧ we'üsä.

San Juan 4:20

Tü̧tä̧mü̧ mi̧nä̧mä̧, ttü̧ä̧nä̧wa̧ Dio-rümä̧, pi'ka mü̧ä̧'kattü ttiwe'kiyunä̧ kkä̧nü̧ eseu ukuokuinä̧tü̧ ja̧'wa̧nü̧ ja̧'a̧nä̧ ukutumä̧ pä'ätüjä̧, Jerusarȩ́-nä̧tä̧ ja̧'a̧, Dio-rü eseu ukuokuäkuäwomȩmä̧, jü̧nä̧.

San Juan 4:5

Ja̧'wa̧nü̧ rä'opäji̧'ka̧, Samaria ütawiyä, Sicar pä'ü mi̧kuomȩ rȩbȩwi̧pi̧nü̧, Jaco, i̧tti̧ José-rü i̧rȩjä̧ päi'ünä̧ iyinomȩ tü'kü.

San Juan 4:9

Ja̧'wa̧nü̧ päkua, kkädätinä̧ku̧: —¿Tta̧'a̧nü̧ pä'ü, ukumä̧ judío i̧sa̧ kua'anä̧, ttü samaria isajurumä̧ ajiya kuawa pä'ü jäkuepäkuasättü̧? (Judío-mä̧, Samaria ttü̧ja̧ku̧mä̧ esekuokotü ja̧'a̧ ji̧na̧'a̧).

San Juan 7:35

Ja̧'wa̧nü̧ pä̧i̧yä̧u̧, judío-mä̧ pä'ä'chäkuäwinä̧tü̧: —¿Tȩnȩ́ i̧'chä̧kua̧'a̧jä̧ttü̧, pidemä̧, ujutu tü̧'o̧kui̧'ü̧ juiyünä̧ jo̧mȩmä̧? ¿Judío, kko̧ro̧jä̧ra̧'a̧ grecia ttü̧ja̧ku̧ wiwawächinä̧tü̧rü̧ ja̧'wa̧ta̧nü̧ griego-rü'i̧nä̧ ji'äu i̧'cha̧ pä'ü, pä'ü 'kua̧ra̧'a̧?

San Juan 8:48

Ja̧'wa̧nü̧ pä̧i̧yä̧u̧ judío-mä̧ pättinä̧ku̧: —Ja̧'wa̧nü̧ ji̧yä̧u̧, ujutumä̧, ukurumä̧ Samaria ttü̧ja̧sa̧jä̧, epíritu su̧ro̧pa̧ ü̧jä̧ku̧ pätäkujä̧.

Hechos 1:8

Ja̧'wa̧nü̧ ja̧'a̧nä̧, Epíritu Sa̧tu̧ ukutunä̧ ichi'ü ü̧jä̧mä̧do̧mȩnä̧mä̧, kujurutuku kuȩmä̧kuo̧tü̧jä̧; jua'amä̧, Jerusarȩ́-nä̧'i̧nä̧, Judea rȩjȩnä̧'i̧nä̧, Samaria-nä̧'i̧nä̧ ja̧'wa̧ta̧nü̧ pi̧jä̧ beipomȩbü päi'ünä̧ 'chä̧nü̧ ttürü 'kuäopa'a to'kuinä̧tu̧ku̧ jikuäwätukua pä'ü.

Hechos 10:45

Circuncisión pättü ukuotä'ijätü Peduru-ku ichäjätümä̧, to̧o̧ to̧pä̧ri̧nä̧tü̧ Epíritu Sa̧tu̧mä̧ judío pokotürü'i̧nä̧ ü̧jä̧mä̧dü̧nä̧ iyäwi'a'ati̧ pä'ü.

Hechos 8:1

Sauro'i̧nä̧, Esteba̧-rü̧ kuä'ü ttikua'a ppä'ädinü̧. Jua̧u̧nu̧tä̧ mo̧ro̧ kkä̧mä̧di̧na̧'a̧, Jesucrito-rü esetätü Jerusarȩ́-nä̧ kka̧kuä̧tü̧rü̧ ra̧wä̧rü̧ ya'äu ttiku wȩnȩmä̧. Ja̧'wa̧nü̧ ya̧ttä̧wä̧u̧ o'katoi'ünä̧ dü'ekuinä̧tü̧ Judea rȩjȩra̧'a̧ku̧'i̧nä̧, Samaria rȩjȩra̧'a̧ku̧'i̧nä̧, jü̧nä̧; suro apótore-tä ttü̧ja̧kui̧'a̧nä̧.

1 Tesalonicenses 2:16

Judío pokotürü, ra̧wä̧pi̧jü̧ttü̧ ttü̧ja̧kui̧'a̧ pä'ü, jitäu juiyünä̧ jȩttä̧u̧jä̧. Ja̧'wa̧nü̧ jȩtto̧mȩnä̧mä̧, suronä̧ jȩttä̧'i̧jü̧mä̧ yaboku rü̧ä̧chä̧u̧. Ja̧'wa̧nü̧ ja̧'a̧nä̧, täkü rüjí mo̧ro̧mä̧ Dio-mä̧ usurä ttȩmä̧u̧nä̧ ro̧ȩpä̧kuä̧u̧.