San Mateo 10:41 - Nuevo Testamento Uwotjüja

⁴¹ Dio-mä̧ premio pättü i̧yä̧kua̧, ojusodenä̧ ya̧tȩ profeta-rü do'ädürümä̧, jua'amä̧ profeta-mä̧ Dio i̧wȩnȩ jiäwa'attü̧, jua̧u̧ru̧ premio iyümä̧ profeta-rü iyüta'anü̧tä̧ jä̧kua̧'a̧. Jua̧'a̧nü̧tä̧, i̧yä̧kua̧ Dio-mä̧ premio-mä̧, Dio-rü esetürü do'ädürümä̧. Jua̧u̧ premio-mä̧ Churutä ukuotätürü iyü'anü̧tä̧ jä̧kua̧'a̧.

TÄ̧DO Ä̧CUÄ̧ I̧HUȨNȨ

⁴¹ Ja̧'hua̧ta̧nö̧ ya̧tȩ Dios i̧huȩnȩ jiäcuähuä i̧sa̧rö̧, Dios i̧huȩnȩ ä̧ju̧cu̧, eseunu ppädöttömä, ja̧u̧mä̧ Dios i̧huȩnȩ jiäcuähuä i̧sa̧ ȩmö̧'a̧nö̧ ȩmä̧cua̧ adihuä juäi. Ya̧tȩ adihuä i̧sa̧rö̧, adihuä juäi jȩo̧mȩnä̧ topö, adiu ppädöttömä, ja̧u̧ adihuä i̧sa̧ ȩmö̧'a̧nö̧ ȩmä̧cua̧ adihuä juäi.

San Mateo 10:41 Iomraidhean Croise

San Mateo 16:27

Isopäi'ünä̧ ttü, ubo I̧tti̧mä̧ Chä'o uruwoku'i̧nä̧, á̧gȩrȩ-ku̧'i̧nä̧ chichomȩnä̧ yotukunä̧ jȩtti̧nü̧ mikuämä̧ chi̧yä̧kua̧sä̧, adiu jȩtti̧na̧ja̧ pä'ü'i̧nä̧, suronä̧ jȩtti̧na̧ja̧ pä'ü'i̧nä̧, jü̧nä̧.

San Mateo 25:44

Ja̧'wa̧nü̧ pä̧u̧, ttädätäkuotü: Chu̧ru̧wa̧ ¿Ti̧yȩnü̧ ppäittukua'anämä̧, kuawa a̧di̧ri̧ja̧'a̧nä̧mä̧, kko̧ro̧jä̧ra̧'a̧ kuekuächa'anä̧mä̧, kui̧ä̧rȩta̧ juikua'anä̧mä̧, na̧kuä̧cha̧'a̧nä̧mä̧, kärenä̧ ku̧'a̧'a̧nä̧mä̧ ppätädokoku kuinä̧ttü̧?

San Mateo 25:45

Ja̧'wa̧nü̧ pättomȩnä̧ chä̧dä̧tä̧kua̧sä̧: Isopäi'ünä̧ pä'üsä ukuturu, pitü ppo̧'ä̧tü̧ ja̧'a̧nä̧ ya̧tȩrü̧ ppäkuädätukuoka'a ji̧na̧'a̧mä̧, ttürü'i̧nä̧ ppä'ädokotü pinä̧tü̧jä̧.

San Mateo 6:1

Ttü̧ja̧ ttä'kattü, juätü tottatü pä'ütä adiumä̧ jȩ'kuä̧tu̧ku̧ juiyü'anü̧ ja̧'a̧, ja̧'wa̧nü̧ jȩ'kuä̧tu̧ku̧ttü̧mä̧ Kuä'otuku mo̧ro̧jä̧ra̧'a̧ kkü̧mä̧ ji̧yȩtȩ premio'i̧nä̧ i̧yo̧ko̧u̧ kuäkuotüjä̧.

San Mateo 6:18

Ku̧kuȩ kua̧do̧cha̧'a̧ ttü̧ja̧ ttu̧wo̧jui̧pü̧ juiyäkua'anü̧. Kuä'o Dio yä̧wo̧mȩ kkü̧tä̧tä̧, yä̧wä̧i̧nä̧ topütä kuȩma̧ päkuäjimä̧ i̧yä̧kua̧jä̧.

San Mateo 6:4

ja̧'wa̧nü̧ jikuäwoka'atä ppä'ädi. Ja̧'wa̧nü̧ yä̧wä̧i̧nä̧ kuiyüttümä̧, Kuä'o yä̧wä̧i̧ jäwä'i̧nä̧ wo̧jua̧ ja̧'a̧ttü̧ premio-mä̧ i̧yä̧kua̧jä̧.

San Mateo 6:6

Ja̧'wa̧nü̧ ja̧'a̧nä̧, uku Dio-rü kukuokuomȩnä̧mä̧, do'ächi'ü kuo̧ju̧so̧ka̧ äpate mü̧'ȩku̧ ikuipü'ka̧ jua̧u̧ru̧ yä̧wo̧mȩ kkü̧rü̧, yä̧wä̧i̧nä̧ ukuokui. Ja̧'wa̧nü̧ kukuokuomȩnä̧, Kuä'o Dio yä̧wä̧i̧nä̧ jü̧'i̧nä̧ topü ja̧'a̧ttü̧ premio pättümä̧ i̧yä̧kua̧jä̧.

San Mateo 7:8

Isopäi'ünä̧ jä'epümä̧ ȩmü̧; ja̧'wa̧ta̧nü̧ usumä̧, po̧kui̧pü̧; ja̧'wa̧ta̧nü̧ äpatenä̧ wopürümä̧, bawekuäkua'a.

Hechos 16:15

Juäjumä̧, kkawaruwätäku Bautizo jȩttä̧jä̧kua̧ o'kaju, jäjepinä̧u̧jä̧: —Isopäi'ünä̧ Tu̧ru̧wa̧rü̧ ukuotäju päkuätukuttümä̧, chojusodera̧'a̧ kuä'ekuätukua ichätukui. Ja̧'wa̧nü̧ pä'ü kkojusodenä̧ tü̧ja̧kui̧'a̧ pä'ü jäjepinä̧u̧jä̧.

Romanos 16:23

Ja̧'wa̧ta̧nü̧ teäwä̧u̧jä̧ Gayo'i̧nä̧, ojusodenä̧ chü̧ji̧yä̧ku̧ ja̧'wa̧ta̧nü̧ Dio-rü esetätürümä̧ iweye ppä'ädü ja̧'a̧. Ja̧'wa̧ta̧nü̧ Erasto, ütawiyä ttü̧ja̧ ttiäre pärätä tta̧wä̧rä̧kuä̧wä̧ i̧sa̧'i̧nä̧ ja̧'wa̧ta̧nü̧ ti̧jä̧wa̧ Cuarto'i̧nä̧ teäwä̧u̧jä̧. [

1 Corintios 9:17

Ja̧'wa̧nü̧ ja̧'a̧ttü̧, eseunu̧ jua̧u̧ jidäuttümä̧, mikuä chȩmä̧kua̧sä̧; ja̧'wa̧nü̧ ja̧'a̧nä̧ chesewoka'a jȩchü̧ttü̧mä̧, weäwi'ina̧'a̧tä̧ jȩpü̧sä̧.

Hebreos 6:10

Isopäi'ünä̧ Dio-mä̧ suronä̧ jȩä̧kuä̧wä̧ i̧sa̧mä̧kü̧ ja̧'a̧ttü̧, Chutä i̧mi̧ eseu, jȩ'kuä̧'i̧jä̧tu̧ku̧mä̧ ja̧'wa̧ta̧nü̧ umüwäyotü ȩmi̧nä̧u̧rü̧ ppäkuädä'ijätuku'i̧nä̧, yabonü̧ jitä jȩ'kuä̧tu̧ku̧'i̧nä̧ yorisotä u̧ni̧chi'okü.

2 Juan 1:8

Ttu̧'ȩpä̧rü̧nü̧ kka̧kuä̧tu̧kui̧, taditäwä u̧wä̧ju̧ tote'ächü juiyäkua'anü̧, totte'ächajueimä̧ iya päinü̧mä̧ jo̧mȩnü̧tä̧ kuȩmä̧tu̧kuä̧kua̧'a̧nü̧.