San Mateo 10:3 - Nuevo Testamento Uwotjüja

³ Felipe'i̧nä̧, Bartoromé'i̧nä̧; Tomá'i̧nä̧ ja̧'wa̧ta̧nü̧ pärätä ka̧ka̧tä̧'i̧jü̧ Mateo'i̧nä̧; Alfeo i̧tti̧ Sa̧ti̧a̧ku̧'i̧nä̧, Tadeo'i̧nä̧;

TÄ̧DO Ä̧CUÄ̧ I̧HUȨNȨ

³ Ka̧ra̧mä̧ Felipe, ka̧ra̧mä̧ Bartolomé, ka̧ra̧mä̧ Tomás, ka̧ra̧mä̧ Mateo, ru̧hua̧ öäre pärätä ȩmä̧'i̧jö̧ pi̧nö̧. Ka̧ra̧mä̧ Jacobo, Alfeo i̧tti̧ pi̧nö̧do. Ka̧ra̧mä̧ Lebeo, koro i̧mi̧ Tadeo pi̧nö̧do.

San Mateo 10:3 Iomraidhean Croise

San Mateo 18:17

Ja̧'wa̧nü̧ jȩ'kuo̧mȩnä̧'i̧nä̧ esetü juiyüttümä̧, igresia-rü ji'äwi; ji̧nä̧ juätürü'i̧nä̧ esetü juiyüttümä̧ Dio-rü esetokotü jü̧nä̧tä̧, Roma impuesto pättü ka̧ka̧kuä̧ isotü jä̧'i̧jü̧'a̧nü̧tä̧ topätukuirü.

San Mateo 27:56

Juätümä̧ María Madarena'i̧nä̧, Sa̧ti̧a̧ku̧ku̧, José-ku tta̧ju̧ María'i̧nä̧ ja̧'wa̧ta̧nü̧ Zebedeo i̧tti̧mü̧ tta̧ju̧'i̧nä̧ ji̧na̧'a̧.

San Mateo 9:9

Jesú-mä̧, juorü rä'opächü i̧'cho̧mȩnä̧ Mateo pä'ü mi̧kua̧rü̧ topinü̧, Roma-ra̧'a̧ iyäwä pärätä ka̧ka̧kuo̧mȩ ü̧'a̧'a̧. Jua̧u̧ru̧ pä'inü̧: —Ttüku ichi. Ja̧'wa̧nü̧ päku, Mateo-mä̧ ä̧rä̧mi̧'ü̧ chutäku 'chi̧nü̧.

San Marcos 15:40

Ja̧'wa̧ta̧nü̧, nä̧tü̧ juorü otonä̧ to̧pä̧rü̧ kka̧kui̧nä̧tü̧, juätüttümä̧, María Madarena'i̧nä̧ ja̧'wa̧ta̧nü̧ José-ku, Sa̧ti̧a̧ku̧ rüjí ru̧wa̧ku̧ tta̧ju̧ María'i̧nä̧ ja̧'wa̧ta̧nü̧ Saromé'i̧nä̧, ji̧na̧'a̧.

San Marcos 2:14

Ja̧'wa̧nü̧ ja̧'a̧ 'kuäopomȩnä̧, Mateo, Alfeo i̧tti̧rü̧, Roma-ra̧'a̧ iyäwä pärätä ka̧ka̧kuo̧mȩ ü̧'a̧'a̧ topü, päinä̧ku̧: —Ttüku ichi. Päku, ä̧rä̧mi̧'ü̧ chutäku 'chi̧nü̧.

San Marcos 3:18

Ja̧'wa̧ta̧nü̧ André'i̧nä̧, Felipe'i̧nä̧, Bartoromé'i̧nä̧, Mateo'i̧nä̧, Tomá'i̧nä̧, Alfeo i̧tti̧ Sa̧ti̧a̧ku̧'i̧nä̧; Tadeo'i̧nä̧, canaá̧ ttü̧ja̧sa̧ Simón'i̧nä̧.

San Lucas 18:10

U̧mä̧tü̧ ta̧ju̧ Dio-rü ukuokuäkuäwodera̧'a̧, Dio-rü ukuoku 'chi̧nä̧tü̧: ya̧tȩmä̧ fariseo wotü i̧sa̧ ji̧na̧'a̧, kka̧ra̧tä̧ Roma-ra̧'a̧ weäwä pärätä ka̧ka̧kuä̧ i̧sa̧ ji̧na̧'a̧.

San Lucas 18:11

Fariseo wotü i̧sa̧mä̧ ä̧rä̧mi̧'ä̧ji̧'ka̧ kkä̧nü̧ pa̧'a̧nü̧ Dio-rü ukuokuinü̧: Chü̧ä̧nä̧wa̧ Dio, ukuru eseusä, kkorotü jü̧'a̧nü̧, nä̧u̧kuä̧rü̧'i̧nä̧, suronä̧ jȩpä̧'chü̧'i̧nä̧, ttirekua pokojuru kkä̧'chü̧'i̧nä̧ ja̧'wa̧ta̧nü̧ pide Roma-ra̧'a̧ weäwä pärätä ka̧ka̧kuä̧ i̧sa̧ jü̧'a̧nü̧'i̧nä̧ jȩpo̧kü̧ cha'attü,

San Lucas 18:13

Ja̧'wa̧nü̧ ja̧'a̧nä̧, Roma-ra̧'a̧ weäwä pärätä ka̧ka̧kuä̧ i̧sa̧mä̧, otonä̧tä̧ kkä̧nü̧, u'i̧nä̧ kä'epü mo̧ro̧jä̧ra̧'a̧ku̧mä̧ toa päoka'atä, a̧mü̧kanä̧ 'ta'tapäkuäu pä'inü̧: Chü̧ä̧nä̧wa̧ Dio, rȩrü̧jü̧ topittü, ttümä̧ surojütä jȩä̧kuä̧wä̧ i̧sa̧sä̧.

San Lucas 19:2

Ya̧tȩ ru̧wa̧, Roma-ra̧'a̧ weäwä pärätä ka̧ka̧tä̧'i̧jä̧tü̧ ttu̧ru̧wa̧ Zaqueo pä'ü mi̧kua̧ juȩnȩ kki̧nü̧.

San Lucas 5:27

Jua̧u̧ o'ka'a Jesú-mä̧ rä'opächü kkä̧nü̧, Roma-ra̧'a̧ weäwä impuesto ka̧ka̧tä̧'i̧jü̧ Mateo pä'ü mi̧kua̧rü̧ topinü̧. Jua̧u̧ru̧ impuesto ka̧ka̧kuo̧mȩ ü̧'a̧'a̧ topü, Jesú-mä̧ päinä̧ku̧: Ttüku ichi

San Juan 1:48

Päiyäku Natanael-mä̧ jä'epü ä̧ju̧kui̧nä̧ku̧: —¿Ttürümä̧ toku ku̧wo̧jua̧'a̧jä̧ttü̧? Päku, Jesú-mä̧ ädätinä̧ku̧: —Felipe ukuru woäkua'a ä'kanä̧, higuera dau dȩa̧'a̧ ku̧'a̧'a̧ tochäjäkujä̧.

San Juan 11:16

Ja̧'wa̧nü̧ päiyäku, Tomá, ta̧ju̧winü̧ pä'ü ottinä̧ku̧mä̧ awaruwä, Jesú u̧wo̧juȩtä̧u̧rü pä'inü̧: —Ujutu'i̧nä̧, chutäku 'korujuotächa ti̧'chä̧tu̧kua̧.

San Juan 14:22

Päiyäku Juda-mä̧ (Icariote-mäkü̧) päinä̧ku̧: —Chu̧ru̧wa̧ ¿Tta̧'a̧nü̧ pä'ü ujuturumä̧ kui̧jȩkua̧'a̧nä̧, Dio-rü esetokotürümä̧ kuijȩkuo̧ka̧'a̧ jä̧kua̧'a̧ttü̧?

San Juan 14:5

Päomȩnä̧, Tomá-mä̧ pä'inü̧: —Chu̧ru̧wa̧, kui̧'cho̧mȩmä̧ jerupätüjä̧ ¿Toku tu̧wo̧juä̧kua̧'a̧jä̧ttü̧ jua'a mä̧nä̧mä̧?

San Juan 14:9

Päku, Jesú-mä̧ ädätinä̧ku̧: —Felipe, ukutuku rekuo mo̧ro̧ chü̧jä̧'i̧ja̧'a̧nä̧ ¿Ji̧nä̧ kuieruwätukuäkusä? Ttürü topä'ijümä̧, Chä'orü'i̧nä̧ topä'ijü; ¿tta̧'a̧nü̧ pä'ü, Kuä'orü i̧jȩpi̧tü̧ päkuätukua'ajä̧ttü̧?

San Juan 21:2

Simón Peduru'i̧nä̧, ta̧ju̧winü̧ pättinä̧ku̧ Tomá'i̧nä̧, Galirea-ttü Caná i̧sa̧ pinü̧ Natanael'i̧nä̧, Zebedeo i̧tti̧mü̧'i̧nä̧ ja̧'wa̧ta̧nü̧ kkorotü Jesú u̧wo̧juȩtä̧u̧ ta̧ju̧, ji̧nä̧ yo̧mȩtȩ ttü̧ja̧kua̧'a̧,

Hechos 1:13

Ja̧'wa̧nü̧ ja̧'a̧ rȩbȩä̧kuä̧wi̧'ü̧mä̧, isode wä̧mȩ i̧so̧ka̧nä̧ ttü̧ja̧kuä̧jä̧ka̧nä̧ dodepinä̧tü̧, juätümä̧: Peduru'i̧nä̧, Ju̧a̧'i̧nä̧, Jacobo'i̧nä̧, André'i̧nä̧, Felipe'i̧nä̧, Tomá'i̧nä̧, Bartoromé'i̧nä̧, Mateo'i̧nä̧, Alfeo i̧tti̧ Jacobo'i̧nä̧, Simón Zerote pä'ü ottinä̧ku̧'i̧nä̧ ja̧'wa̧ta̧nü̧ Juda, Jacobo ü̧jä̧wa̧'i̧nä̧ ji̧na̧'a̧.

Hechos 12:17

Ja̧'wa̧nü̧ ja̧'a̧nä̧, u̧mü̧nä̧tä̧ ttü'koruchi'ünä̧ jȩpü̧nü̧, Ttu̧ru̧wa̧ rä'epü ikuäja'a ji'äunu̧, pa̧'a̧nü̧ pä'inü̧: —Ja̧'wa̧ta̧nü̧ pi̧yȩmä̧ ji'äwäjätukui, Sa̧ti̧a̧ku̧rü̧'i̧nä̧, Crito-nä̧ ti̧jä̧wa̧tü̧rü̧'i̧nä̧, jü̧nä̧. Pä'ipütä kkara'a rä'opächü 'chi̧nü̧.

Hechos 15:13

Ja̧'wa̧nü̧ ji'äu kättädomȩnä̧, Sa̧ti̧a̧ku̧ pä'inü̧: —Chawaruwä chi̧jä̧wa̧tü̧, ä̧ju̧kuä̧tu̧kui̧:

Hechos 21:18

Ja̧'wa̧nü̧ ja̧'a̧ Pauru-mä̧ kkoro mo̧ro̧, ujututäku Sa̧ti̧a̧ku̧, Jesú i̧jä̧wa̧rü̧ do'ächü 'chi̧nü̧ ja̧'wa̧nü̧ ja̧'a̧ igresia-ttü a̧ci̧a̧nu̧ wotümä̧ o'katoi'ünä̧ ka̧ka̧kuä̧jä̧'kotü pȩji̧nä̧tü̧.

Gálatas 1:19

Ja̧'wa̧nü̧ ja̧'a̧nä̧ kkorotü apótore-rümä̧ topokü pinü̧sä̧, suro Tu̧ru̧wa̧ i̧jä̧wa̧ Sa̧ti̧a̧ku̧rü̧tä̧ topinü̧sä̧.

Gálatas 2:9

Ja̧'wa̧nü̧ ja̧'a̧ttü̧, adiwä juei ttürü iyäwi'ina̧'a̧ wo̧jui̧'ü̧ Sa̧ti̧a̧ku̧'i̧nä̧, Cefa'i̧nä̧, Ju̧a̧'i̧nä̧ igresia 'chu̧'ä̧rä̧tü̧ ja̧'a̧ttü̧ tettäwinä̧u̧jä̧, ttürü'i̧nä̧, Bernawérü'i̧nä̧, ji̧nä̧ ji̧yȩtȩ adikuä isotü jü̧nä̧: Ujutumä̧ judío pokotürü ji'äu ti̧'cha̧'a̧nä̧, jitütämä̧ judío-rü jittäwa pä'ü.

Santiago 1:1

Dio'i̧nä̧ tu̧ru̧wa̧ Jesucrito'i̧nä̧ ttu̧mü̧wä̧ya̧, Sa̧ti̧a̧ku̧mä̧, Irae ttü̧ja̧ ttü̧jä̧pü̧ttü̧ ta̧ju̧nü̧ wotü tti̧tti̧mü̧ ruwäkuiyä pa̧ja̧ku̧nä̧ pperekuächinä̧tü̧rü̧ te'äusä.

Judas 1:1

Ttü Juda, Jesucrito u̧mü̧wä̧ya̧ jü̧nä̧ wa̧ ja̧'wa̧ta̧nü̧ Sa̧ti̧a̧ku̧'i̧nä̧ ü̧jä̧wa̧, chi̧wȩnȩ we'üsä: ukutu Jä'o Dio repe'ü ȩmi̧nä̧u̧ru̧ ja̧'wa̧ta̧nü̧ Jesucrito-nä̧ tta̧wä̧rä̧u̧ru̧.