San Mateo 10:2 - Nuevo Testamento Uwotjüja

² Doce-nü̧ wotü apótore tti̧mi̧pi̧yä̧mä̧ pi̧yȩ ji̧na̧'a̧: Ä̧kuo̧mȩnä̧mä̧ Simón ji̧na̧'a̧, Peduru pä'ü oinä̧ku̧'i̧nä̧, i̧jä̧wa̧ André'i̧nä̧; ja̧'wa̧ta̧nü̧ Zebedeo i̧tti̧mü̧: Sa̧ti̧a̧ku̧'i̧nä̧, i̧jä̧wa̧ Ju̧a̧'i̧nä̧, jü̧nä̧;

TÄ̧DO Ä̧CUÄ̧ I̧HUȨNȨ

² Pa̧'a̧nö̧ ja̧'a̧ jahuätö hue'ähuotö tti̧mi̧mä̧: äcuomenä Simón, koro i̧mi̧ Pedro pä'ö mi̧cui̧nö̧do, ka̧ra̧mä̧ ö̧jä̧hua̧ Andrés pi̧nö̧do. Ka̧ra̧mä̧ Jacobo, ö̧jä̧hua̧ Juancu, Zebedeo pä'ö mi̧cua̧ i̧tti̧mö̧ pi̧nä̧tö̧do.

San Mateo 10:2 Iomraidhean Croise

San Mateo 17:1

Jesú-mä̧ kko̧ro̧mü̧ttü̧nü̧ ya'ute mo̧ro̧ o'ka'a, Peduru-rü'i̧nä̧, Sa̧ti̧a̧ku̧rü̧'i̧nä̧ ja̧'wa̧ta̧nü̧ i̧jä̧wa̧ Ju̧a̧-rü̧'i̧nä̧ mü̧ä̧'ka ju'toju jä'kara̧'a̧ i̧mi̧ku̧nä̧ o'ipächü 'chi̧nü̧.

San Mateo 20:20

Ja̧'wa̧nü̧ ja̧'a̧ Zebedeo i̧tti̧mü̧ tta̧ju̧, Jesú ä'ka jo̧mȩ Kki̧tti̧mü̧ku̧ 'chä̧wi̧'ü̧, kkiwe'kiyunä̧ pä̧mä̧di̧nä̧ju̧ kkorojuei jäjepa pä'ü.

San Mateo 26:37

Ja̧'wa̧nü̧ pä'ipü Peduru-kutä ja̧'wa̧ta̧nü̧ Zebedeo i̧tti̧mü̧ ta̧ju̧ku̧tä̧ o'ipächü 'chä̧ji̧'ka̧, jua'attü rü̧ȩnä̧ a̧'kua̧ tta̧'ȩkui̧pü̧,

San Mateo 4:18

Ja̧'wa̧ta̧nü̧ Jesú-mä̧, Galirea rü̧ä̧ dubora jäyänä̧ i̧'cho̧mȩnä̧, po̧i̧ ȩmä̧wä̧ isotü ta̧ju̧ru̧ topinü̧: André'i̧nä̧, ubüo Simón ja̧'a̧nä̧, Peduru pä'ü ottinä̧ku̧'i̧nä̧ po̧i̧ wo̧ä̧wä̧sa̧ ikuäu kka̧kui̧nä̧tü̧.

San Mateo 4:21

Jua'a yabonä̧ i̧'chi̧'o̧mȩnä̧, Sa̧ti̧a̧ku̧'i̧nä̧, ü̧jä̧wa̧ Ju̧a̧'i̧nä̧ po̧i̧ wo̧ä̧wä̧sa̧ woi'kanä̧, ti̧'chä̧rü̧ ttü̧'ȩja̧'a̧ po̧kui̧pi̧nü̧, ttä'o Zebedeo-ku. Juätü ta̧ju̧ru̧ Jesú-mä̧ wopinü̧:

San Marcos 1:29

Jesú-mä̧, Sa̧ti̧a̧ku̧ku̧, Ju̧a̧-ku̧, sinagoga isodettü rä'opächü, Simón i̧jä̧wa̧ André-ku ttojusodera̧'a̧ 'chi̧nü̧.

San Marcos 13:3

Jua̧u̧nü̧ o'ka'a, Dio-rü ukuokuäkuäwode pä̧tȩkuä̧nü̧ olivos mü̧ä̧'kara̧'a̧ 'chä̧ji̧'ka̧, Jesú ü̧'ä̧mä̧do̧mȩnä̧, Peduru'i̧nä̧, Sa̧ti̧a̧ku̧'i̧nä̧ ja̧'wa̧ta̧nü̧ André'i̧nä̧ kkatätä päi'omȩttü̧ jä'epü ä̧ju̧kui̧nä̧tü̧.

San Marcos 6:30

Jua̧u̧ jä̧ji̧ o'ka'a apótore-mä̧ Jesú-ku ka̧ka̧kui̧päjä'kotü, o'kajuiyünä̧ jȩi̧nü̧'i̧nä̧ ja̧'wa̧ta̧nü̧ u̧wo̧juȩti̧nü̧'i̧nä̧ jittäwinä̧ku̧.

San Lucas 11:49

«Ja̧'wa̧nü̧ ja̧'a̧ttü̧, Dio u̧wo̧juö̧nä̧mä̧ pä'inü̧: Profetas wotürü'i̧nä̧, apótore wotürü'i̧nä̧ wȩdä̧kua̧sä̧ ja̧'wa̧nü̧ ja̧'a̧nä̧ juätürü u̧sä̧rü̧, kuä'äu kuikuäkuotüjä̧.»

San Lucas 22:14

Täkü hora päi'omȩnä̧, Jesú-mä̧ mesa-nä̧ pä̧mä̧di̧nü̧ apótore-ku.

San Lucas 22:8

Jesú-mä̧ Peduru-rü'i̧nä̧, Ju̧a̧-rü̧'i̧nä̧ we'ü pä'inü̧: —Pacua jäwä, ni̧pä̧ro̧mȩ tu̧kuä̧kuȩ aditü kku̧nä̧jä̧tu̧kui̧.

San Lucas 5:10

Ja̧'wa̧ta̧nü̧ Simón jitüku aditä̧u̧, Zebedeo i̧tti̧mü̧'i̧nä̧: Sa̧ti̧a̧ku̧'i̧nä̧, Ju̧a̧'i̧nä̧ ye'inä̧tü̧. Ja̧'wa̧nü̧ ji̧yä̧ku̧ Jesú-mä̧ Simón-rü̧ pä'inü̧: —Yekuekuä; jitä porü yabokumä̧ ttü̧ja̧rü̧tä̧ 'choäwä i̧sa̧ kuä̧kua̧jä̧.

San Lucas 9:10

Jesú u̧wo̧juȩtä̧u̧ apótore wȩä̧jä̧u̧ ppa̧tä̧chi̧'o̧mȩnä̧mä̧ jȩttä̧ji̧mä̧ o'kajuiyünä̧ jittäwinä̧ku̧. Jua̧u̧ o'ka'a, juätürü i̧mi̧ku̧nä̧ wopo'ü, ttü̧ja̧ toächomȩ Betsaida ütawiyära̧'a̧ku̧ oipächinä̧u̧.

San Juan 12:22

Pättäku, Felipe-mä̧, André-rü ji'äwinü̧; ja̧'wa̧nü̧ ja̧'a̧ Felipe'i̧nä̧, André'i̧nä̧ Jesú-ru ji'äu 'chi̧nä̧tü̧.

San Juan 13:23

Ja̧'wa̧nü̧ ja̧'a̧, u̧wo̧juȩtä̧u̧ttü̧ ya̧tȩ Jesú rü̧ȩnä̧ repeä'ijäku, ippeyä jo̧mȩ kuä'ipäji̧'ka̧ pi̧nü̧,

San Juan 20:2

Ja̧'wa̧nü̧ ja̧'a̧ topo'ü Simón Peduru-rü'i̧nä̧ ja̧'wa̧ta̧nü̧ kka̧ra̧, Jesú u̧wo̧juȩtä̧u̧ttü̧ rü̧ȩnä̧ repeä'ijäkuru'i̧nä̧ 'chä̧wi̧'ü̧ jopächü 'chä̧wi̧'ü̧ pä'inä̧ju̧: —¡Ttu̧ru̧wa̧rü̧mä̧, wa'are idorättümä̧ ȩmi̧pä̧jä̧tü̧ päjätü ja̧'wa̧nü̧ ja̧'a̧ ttütäjomȩmä̧ tieruwünä̧tä̧!

San Juan 21:2

Simón Peduru'i̧nä̧, ta̧ju̧winü̧ pättinä̧ku̧ Tomá'i̧nä̧, Galirea-ttü Caná i̧sa̧ pinü̧ Natanael'i̧nä̧, Zebedeo i̧tti̧mü̧'i̧nä̧ ja̧'wa̧ta̧nü̧ kkorotü Jesú u̧wo̧juȩtä̧u̧ ta̧ju̧, ji̧nä̧ yo̧mȩtȩ ttü̧ja̧kua̧'a̧,

San Juan 21:20

Peduru, kkärächi'ü toomȩnä̧, o'ka'anä̧mä̧ Jesú eseu repeä'ijäku icha'a topinü̧, jua̧u̧tä̧ ji̧na̧'a̧ tu̧kuȩ ttukuomȩttü̧, Jesú ippeyänä̧ pä̧nü̧, Chu̧ru̧wa̧, ¿dí jä̧kua̧'a̧jä̧ttü̧ ukuru iyü i̧kuä̧kua̧mä̧? pä'ü jä'epinü̧mä̧.

San Juan 21:24

Pide u̧wo̧juȩtä̧u̧ttü̧ ya̧tȩ ji̧na̧'a̧, pi̧yȩ tü'kü ji'äu kkä̧nü̧'i̧nä̧ wȩyu̧ti̧nü̧mä̧ ja̧'wa̧nü̧ ja̧'a̧ttü̧ ujutumä̧ wo̧juä̧tü̧jä̧ jua̧u̧ jiäumä̧ isopäi'ünä̧tä̧ ja̧'a̧ pä'ü.

San Juan 6:67

Ja̧'wa̧nü̧ ji̧yä̧ku̧, Jesú-mä̧ u̧wo̧juȩtä̧u̧ ttü̧jä̧pü̧ttü̧ ta̧ju̧nü̧ wotürü pä'inü̧: ¿Ukutu'i̧nä̧ kui̧'chä̧tu̧kua̧ pä'ätüjä̧?

San Juan 6:70

Jesú-mä̧ ädätinä̧u̧: —¿Ukutu ttü̧jä̧pü̧ttü̧ ta̧ju̧nü̧ wotürümä̧, ttü chȩmo̧ko̧u̧ pinä̧tü̧jä̧? Ja̧'wa̧nü̧ ja̧'a̧nä̧ ukututtü, ya̧tȩmä̧ Äwettä ja̧'a̧.

San Juan 6:71

Pa̧'a̧nü̧ päomȩnä̧mä̧, Juda ütü'kü pä'inü̧, Simón Icariote i̧tti̧. Jua'amä̧ Juda-mä̧ ttü̧jä̧pü̧ttü̧ ta̧ju̧nü̧ wotü i̧sa̧ ja̧'a̧nä̧ churutä iyü ikuäkua'a ji̧yä̧ku̧.

San Juan 6:8

Päiyäku u̧wo̧juȩtä̧u̧ttü̧ ya̧tȩ, Simón Peduru ü̧jä̧wa̧ André-mä̧, pä'inü̧:

Hechos 1:13

Ja̧'wa̧nü̧ ja̧'a̧ rȩbȩä̧kuä̧wi̧'ü̧mä̧, isode wä̧mȩ i̧so̧ka̧nä̧ ttü̧ja̧kuä̧jä̧ka̧nä̧ dodepinä̧tü̧, juätümä̧: Peduru'i̧nä̧, Ju̧a̧'i̧nä̧, Jacobo'i̧nä̧, André'i̧nä̧, Felipe'i̧nä̧, Tomá'i̧nä̧, Bartoromé'i̧nä̧, Mateo'i̧nä̧, Alfeo i̧tti̧ Jacobo'i̧nä̧, Simón Zerote pä'ü ottinä̧ku̧'i̧nä̧ ja̧'wa̧ta̧nü̧ Juda, Jacobo ü̧jä̧wa̧'i̧nä̧ ji̧na̧'a̧.

Hechos 1:26

Ja̧'wa̧nü̧ pä'ü, «suerte» pättünä̧ jȩpü̧ tottomȩnä̧, Matía-rü ma̧i̧na̧'a̧; Ja̧'wa̧nü̧ jȩpü̧ o̧cȩnü̧ wotü apótore-ku ppächi'ünä̧ dottädinä̧kü̧.

Hechos 12:2

Ja̧'wa̧nü̧ ja̧'a̧, Ju̧a̧ ubüo Jacobo-rü kurodänä̧ kuä'ü ttikunä̧ weinä̧ku̧;

Hechos 3:1

Ya'utenä̧ Peduru-mä̧, Ju̧a̧-ku̧ ni̧pä̧ro̧mȩ las tres-nä̧ Dio-rü ukuokuäkuäwodera̧'a̧, Dio-rü ukuoku 'chi̧nä̧tü̧. Juätü judío-mä̧ ttukuokuä'ijü hora ji̧na̧'a̧.

1 Corintios 15:7

Jua̧u̧nü̧ o'ka'amä̧ Sa̧ti̧a̧ku̧rü̧'i̧nä̧, apótore o'katoi'ünä̧rü̧'i̧nä̧ i̧jȩkui̧nü̧.

Efesios 4:11

Jua̧u̧tä̧ ji̧na̧'a̧, jȩttü̧'a̧nü̧ jü̧ iyinü̧mä̧, yotüterümä̧ apótore tta pä'ü'i̧nä̧, kkorotürümä̧ profetas tta pä'ü'i̧nä̧; kkorotürümä̧ jareü wȩnȩ jiäkuäwä isotü tta pä'ü'i̧nä̧; kkorotürümä̧ patóre tta pä'ü'i̧nä̧ ja̧'wa̧ta̧nü̧ kkorotürümä̧ wo̧juȩkuä̧ isotü tta pä'ü'i̧nä̧, jü̧nä̧.

Hebreos 3:1

Ja̧'wa̧nü̧ ji̧na̧'a̧ttü̧ chü̧jä̧wa̧tü̧, ukutu surojüttü 'kȩ'ȩpü̧ ȩmü̧ iku kkä̧nü̧, Dio i̧tti̧mü̧ päi'ünä̧ woinä̧u̧mä̧, ttu̧'ȩpä̧rü̧ adiu amükuädätukui, apóto jü̧nä̧'i̧nä̧, sacerdote-tü̧ ttu̧ru̧wa̧ jü̧nä̧'i̧nä̧ wa̧mä̧, Crito Jesú-tä ja̧'a̧ tta̧'kua̧ tu̧wȩnä̧rä̧ku̧mä̧.

1 Pedro 1:1

Ttü Peduru, Jesucrito u̧mü̧wä̧ya̧ te'äusä, ttidepiyuttü pperekuächino'kotü ichäkuäwotü jü̧nä̧ ponto-nä̧'inä̧, Galacia-nä̧'i̧nä̧, Capadosia-nä'i̧nä̧, asianä̧'i̧nä̧ Bitinia-nä̧'i̧nä̧ kka̧kuä̧tü̧rü̧,

2 Pedro 1:1

Ttü Simón Peduru, Jesucrito wȩ'ä̧wa̧ ja̧'wa̧ta̧nü̧ u̧mü̧wä̧ya̧ wa̧, te'äusä ujutu jü̧ta̧'a̧nü̧ adiwäjuei tta̧'kua̧ wȩnä̧rä̧kuä̧wä̧nä̧ rȩbȩwi̧nä̧tü̧rü̧, isopäi'ünä̧ tü̧ä̧nä̧wa̧ Dio'i̧nä̧, Jesucrito ra̧wä̧pi̧jü̧ttü̧ kki̧'i̧kuä̧ i̧sa̧'i̧nä̧ adiwä i̧sa̧ jo̧mȩttü̧.

2 Juan 1:1

Igresia-ttü ukuo i̧sa̧mä̧, Dio pojopü ȩmi̧nä̧u̧rü̧ jua'atäku ja̧u̧nä̧tä̧ kka̧kuä̧tü̧rü̧ te'äusä. Isopäi'ünä̧ eseu repedä̧u̧jä̧; ja̧'wa̧ta̧nü̧ ttütämä̧kü̧, ja̧u̧ ja̧jü̧jueimä̧ o'katoi'ünä̧ isopäi'ünä̧ wȩnȩ wo̧jui̧'i̧nä̧tü̧'i̧nä̧.

3 Juan 1:1

Ttü igresia-ttü A̧ci̧a̧nu̧tu̧ wa̧, isopäi'ünä̧ repedäku ukú Gayo-rü chi̧wȩnȩ we'üsä.

Apocalipsis 1:1

Dio-mä̧ Jesucrito-rü iyinü̧, umüwäyotürü jitätä ja̧'a̧ 'kuäopä̧kuȩ wȩnȩ i̧jȩpa̧ pä'ü. Ja̧'wa̧nü̧ jo̧mȩttü̧ Jesucrito-mä̧ Ju̧a̧-rü̧ ji'äwinü̧, ya̧tȩ u̧mü̧wä̧ya̧ á̧gȩ-nä̧,

Apocalipsis 1:9

Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,

Apocalipsis 18:20

Jua̧u̧ ütawiyä topü eseäkuäwätukui, ukutu mo̧ro̧jä̧nä̧ kka̧kuä̧tü̧'i̧nä̧; ja̧'wa̧ta̧nü̧ ukutu surojü jui'ätü'i̧nä̧, apótore wotü'i̧nä̧, profeta wotü'i̧nä̧, isopäi'ünä̧ Dio-mä̧, jua̧u̧ ütawiyä tä̧bo̧tü̧mä̧, ukuturu adiu ppä'ädü jȩa̧'a̧, jua̧u̧mä̧.

Apocalipsis 22:8

Ttü, Ju̧a̧-mä̧, pi̧yȩ jäwä topü'i̧nä̧ topinü̧sä̧, ä̧ju̧ku̧'i̧nä̧ ä̧ju̧kui̧nü̧sä̧. Ja̧'wa̧nü̧ topü'i̧nä̧ topäji̧'ka̧, ä̧ju̧ku̧'i̧nä̧ ä̧ju̧kuä̧ji̧'ka̧mä̧, á̧gȩ ttürü i̧jȩpä̧ji̧ ä'ka jo̧mȩ chiwe'kiyunä̧ ma̧'ä̧mi̧nü̧sä̧, chesewarü pä'ü.