San Mateo 1:1 - Nuevo Testamento Uwotjüja

¹ Jesucrito-mä̧, Dawi-ttü'i̧nä̧, Abraha̧-ttü̧'i̧nä̧ isotü i̧sa̧ ji̧na̧'a̧ttü̧, ü̧tä̧mü̧ mi̧nä̧ttü̧ kkä̧mä̧dü̧ tti̧mi̧ pi̧yȩmä̧, pa̧'a̧nü̧ ji̧na̧'a̧:

TÄ̧DO Ä̧CUÄ̧ I̧HUȨNȨ

¹ Pitömä Jesucristo ahuaruhuä pi̧nä̧tö̧do. Ja̧u̧mä̧ Jesucristomä tä̧do̧tö̧ mi̧nä̧ ru̧hua̧ David'inä, Abraham'inä tta̧hua̧ru̧hua̧ pi̧nö̧do.

San Mateo 1:1 Iomraidhean Croise

San Mateo 1:18

Jesucrito uwäpächäkuȩmä̧ pa̧'a̧nü̧ ji̧na̧'a̧: Ja̧ju̧ María-mä̧, José ü̧ja̧ pä'ü jä'epü u̧ju̧nä̧kua̧ kkü̧ja̧'a̧; ji̧nä̧ ppättächi'äkua'a ä'kanä̧, Epíritu Sa̧tu̧ a̧'kua̧ iweyenä̧ muchaju juojäja'atä ji̧na̧'a̧.

San Mateo 1:2

Abraha̧-mä̧ Isaac jä'o ji̧na̧'a̧, Isaa-tä Jaco jä'o ji̧na̧'a̧ ja̧'wa̧ta̧nü̧ Jaco-mä̧ Judá ü̧jä̧wa̧tu̧ku̧ ttä'o pinü̧.

San Mateo 15:22

Ja̧'wa̧nü̧ ja̧'a̧ juä̧jä̧ rȩjȩttü̧ canaá̧ ttü̧ja̧saju ü̧jo̧mȩku̧ ichi'ü wojinä̧ku̧: —¡Dawi I̧tti̧, Chu̧ru̧wa̧ rȩrü̧jü̧ topittü! ¡epíritu su̧ro̧pa̧ chittijünä̧ ü̧ja̧'a̧ rü̧ȩnä̧ usurä kkȩmä̧u̧nä̧ jȩi̧yä̧kua̧sä̧!

San Mateo 3:16

Ja̧'wa̧nü̧ ja̧'a̧ Jesú-mä̧ bautizo jȩä̧ku̧ o̧'ka̧ ajettü u̧wä̧mi̧'i̧'o̧mȩnä̧; mo̧ro̧jä̧ bawekuächa'attü, Dio wȩ'ä̧wa̧ Epíritu Sa̧tu̧, unuku 'kua̧rü̧nä̧ churutä ü̧jä̧mä̧da̧ pä'ü i̧mȩyȩwi̧'a̧'a̧ topinü̧.

San Mateo 9:27

Jesú juorü räopächomȩnä̧, ä̧to̧kä̧tü̧ ta̧ju̧ o'ka'anä̧ ru'u wottinä̧ku̧: —¡Ujuturu re kkä̧wi̧, Dawi i̧tti̧!

San Lucas 1:33

Ja̧'wa̧nü̧ ja̧'a̧ttü̧ Jaco i̧tti̧mü̧ o'kotürü 'kuäopünä̧tä̧ ru̧wa̧ jü̧nä̧ wȩä̧kua̧. Jua̧u̧ Ru̧wa̧ jü̧nä̧ weümä̧ beipokü jä̧kuȩ.

San Juan 7:42

Wȩyu̧kuä̧ wȩnȩmä̧ pä'ija'a: Crito-mä̧, Rey Dawi isotüttü, Berȩ́ ütawiyättü, Dawi idepiyu ji̧no̧mȩttü̧ i̧chä̧kua̧, jü̧nä̧.

Hechos 2:30

Ja̧'wa̧nü̧ ji̧na̧'a̧nä̧ Dawi-mä̧ profeta ja̧'a̧ttü̧, Dio-mä̧ i̧tti̧mü̧ttü̧ Crito-rü äräbe'äkua'a jiäwinä̧ku̧.

Romanos 1:3

Jua̧u̧ wȩä̧kua̧mä̧ I̧tti̧, Tu̧ru̧wa̧ Jesucrito ji̧na̧'a̧, ü̧tä̧mü̧ttü̧mä̧ Dawi isotü i̧sa̧ pinü̧,

Romanos 4:13

Isopäi'ünä̧ Abraha̧-rü̧ i̧rȩjä̧, churutä'i̧nä̧ iyü kkä̧nü̧, i̧tti̧mü̧rü̧'i̧nä̧ Dio iya pä'ina̧'a̧mä̧, weäwä wȩnȩ ukuotomȩttü̧mä̧ jo̧ka̧'a̧ ji̧na̧'a̧. Jua'amä̧ Dio-rü, churutä a̧'kua̧ u̧wȩnä̧ro̧mȩttü̧ ji̧na̧'a̧; Dio adiwä i̧sa̧ jü̧nä̧ pärotü ikumä̧.

Romanos 9:5

Ja̧'wa̧ta̧nü̧ juätü tü̧tä̧mü̧mi̧nä̧ttü̧tä̧; Crito-mä̧ ichinü̧ ukuojattümä̧, jua̧u̧mä̧ o'kajuiyünä̧tä̧ u̧wä̧mȩnä̧ wa̧, jua̧u̧tä̧ ja̧'a̧ «Dio, 'kuäopünä̧tä̧ eseäkuä̧wa̧mä̧.» Amȩ́.

Gálatas 3:16

Ja̧'wa̧nü̧ ja̧'a̧ttü̧ Dio, Abraha̧-rü̧ chi̧yä̧kua̧jä̧ pä'ü ukuokuinü̧mä̧, churutä'i̧nä̧, i̧tti̧rü̧'i̧nä̧ pätetü ji̧na̧'a̧. Rekuätünä̧, «kui̧tti̧mü̧rü̧» päwächoka'a, ya̧tȩrü̧tä̧ «kuakuä i̧sa̧rü̧» päwächina̧'a̧, Jua̧u̧mä̧ Crito-tä ja̧'a̧.

1 Timoteo 2:5

Ja̧'wa̧ta̧nü̧ Dio-ttü abonä̧nü̧ wa̧mä̧ toa'a, ya̧tȩtä̧ ja̧'a̧ ttü̧ja̧ Dio kkü̧ ttütodeunä̧ jȩpü̧mä̧: Jesucrito-tä ja̧'a̧

2 Timoteo 2:8

Ttü jareü wȩnȩ jidäunä̧mä̧, Jesucrito-mä̧ 'korupäi'äji̧'ka̧ tto'ächinü̧ ja̧'wa̧ta̧nü̧ Dawi isotüttü ichinü̧ päkurutä amükuädi.

Apocalipsis 22:16

«Ttü, Jesú-mä̧, chu̧mü̧wä̧ya̧ á̧gȩ-rü̧ we'äjisä pi̧yȩ o'kajuiyünä̧ igresia ttü̧ja̧rü̧ jidäwa pä'ü. Ttütä ja̧'a̧ Dawi-ttü ichäkuäwa̧ kkada'ka jü̧nä̧ wa̧mä̧, pä'ü mo̧ro̧ juomȩnä̧ siri'ko tejäda'a jä'i̧nü̧'a̧nü̧.»