San Lucas 9:41 - Nuevo Testamento Uwotjüja

⁴¹ Jesú-mä̧ ädätinü̧: —¡Isoo, ukutu ttü̧ja̧mä̧, surojütä jȩpü̧ esetokotüjä̧! ¿Ti̧yȩnü̧bü päi'ünä̧, ukuturumä̧ cha̧mi̧ 'kidächi'äkua'ajä̧ttü̧? Kui̧tti̧rü̧ poku i'kächi.

TÄ̧DO Ä̧CUÄ̧ I̧HUȨNȨ

⁴¹ Jesús ädätinödo: —Ucutu ttö̧ja̧ yoröiso esetocotöjä. ¿Tta̧'a̧nö̧ recuo chö̧jä̧cua̧'a̧jä̧ttö̧ ucutucu? ¿Tta̧'a̧nö̧ recuo ppädädäcua'ajä̧ttö̧ ucuturu? Cui̧tti̧rö̧ pocu i'cächi.

San Lucas 9:41 Iomraidhean Croise

San Mateo 11:28

O'katoi'ünä̧ aditü usurä ȩmä̧u̧ 'kuä'ächi'inä̧tü̧mä̧ ttüku ichätukui, ttümä̧ usurä chȩmä̧wuö̧ juiyünä̧ jȩchä̧kuä̧u̧jä̧.

San Mateo 12:39

Pättäku Jesú-mä̧ ädätinä̧u̧: —Pitü suropätü ttü̧ja̧mä̧, jȩtto̧kü̧ juei jättepa'anä̧ iyäwokotü ttäkuotü pärokuä profeta Joná-rü̧ ji̧nü̧tä̧ iyäwäkuotü.

San Mateo 12:45

Ja̧'wa̧nü̧ ji̧yä̧ku̧, kkorotü kko̧ro̧mü̧ttü̧ ta̧ju̧nü̧ wotürü ȩmü̧ 'chü̧, chutättü'i̧nä̧ abonä̧nü̧ suropätürü, juätümä̧ o'katoi'ünä̧tä̧ jua̧u̧nä̧ dodepü kka̧kuä̧tü̧; ja̧'wa̧nü̧ jo̧mȩnä̧ jua̧u̧ ttü̧ja̧sa̧mä̧ ä̧kuo̧mȩnä̧ ji̧no̧mȩttü̧'i̧nä̧ abonä̧nü̧ wa̧. Ja̧'wa̧nü̧tä̧ jä̧kua̧'a̧ pi̧yȩ pä̧nä̧ ttü̧ja̧ suropätürümä̧.

San Mateo 16:4

Surojü jȩpü̧ ukuotokotü ttü̧ja̧mä̧ jȩtto̧kü̧ jueitä jȩtta̧'a̧ totta pä'ätü; ja̧'wa̧nü̧ ja̧'a̧nä̧ jȩpä̧kuä̧wi̧yo̧ko̧tü̧ ttäkuotü ja̧'wa̧nü̧ ja̧jü̧jueimä̧ Joná-rü̧ 'kuäopinü̧tä̧ jiäkuäwäkuotü. Ja̧'wa̧nü̧ pä'ipütä i̧wi̧'i̧nü̧.

San Mateo 17:17

Päku, Jesú-mä̧ ädätinü̧: —¡Isoo ukutumä̧ esetokotü, suropätü ttü̧ja̧jä̧! ¿Ti̧yȩnü̧bü päi'ünä̧ ukutukumä̧ chü̧jä̧kua̧'a̧jä̧ttü̧? ¿Ti̧yȩnü̧bütä kuesetätukuoka'amä̧ cha̧mi̧'kidächi'äkua'ajä̧ttü̧? Poku i'chächirü.

San Mateo 23:36

Ja̧'wa̧nü̧ ja̧'a̧ttü̧ pi̧yȩmä̧ o'kajuiyünä̧ pitü ttü̧ja̧rü̧ ma̧ä̧mä̧kua̧'a̧.

San Mateo 3:7

Ja̧'wa̧nü̧ ja̧'a̧nä̧, rekuätü fariseo wotü'i̧nä̧, saduceo wotü'i̧nä̧, Ju̧a̧ bautizo jȩa̧'a̧ topü ttichäja'a, päinä̧u̧. «¡Ukutumä̧ ä̧ka̧tü̧ isotü wotüjä̧!» ¿Dí jiäwinä̧tu̧kuä̧ku̧ttü̧ usurä ttȩmä̧u̧nä̧ ro̧ȩpä̧kuȩttü̧ tü'ipächü ku̧ji̧pä̧tu̧kua̧ pä'ümä̧?

San Marcos 10:14

Ja̧'wa̧nü̧ yattokua'a topü Jesú-mä̧ üjü'kü juiyünä̧ päi'äku päinä̧u̧: —Ya̧kuo̧pä̧rä̧tu̧kuä̧tü̧, wä̧i̧nä̧ ttüku tticha'anä̧, ja̧'a̧tä̧ topätukui ppo̧'ä̧tü̧rü̧mä̧, Dio ru̧wa̧ weümä̧ juätürütä ä̧tȩkuä̧ ja̧'a̧.

San Marcos 10:49

Ja̧'wa̧nü̧ woäku, Jesú-mä̧ i̧'cho̧mȩttü̧ kkä̧mä̧dü̧ pä'inü̧: —Wopätukuirü. Päomȩnä̧, ä̧to̧ka̧rü̧ wopümä̧, pä'inä̧tü̧: —Woäkujä̧, ä̧rä̧mi̧'i̧.

San Marcos 9:19

Ja̧'wa̧nü̧ päku, Jesú-mä̧ ädätinü̧: —¡Tta̧'kua̧ wȩnä̧rä̧kuä̧wä̧ jui'ätü ttü̧ja̧jä̧! ¿Ti̧yȩnü̧bü päi'ünä̧ ukutumä̧ chü̧jä̧kua̧'a̧jä̧ttü̧? ¿Ti̧yȩnü̧bü ukuturumä̧ cha̧mi̧ 'kidächi'äkua'ajä̧ttü̧? poku i'kächirü.

San Lucas 8:25

Ja̧'wa̧nü̧ jä̧ji̧ o'ka'a päinä̧u̧: —¿Kua̧'kua̧ ku̧wȩnä̧rä̧tu̧ku̧mä̧, toku päi'äjätukuäkuttü? Pä'anä̧, ye'äjä'kotü, yotukunä̧ pä'äwinä̧tü̧. —¿Pidemä̧ díjä̧ttü̧, kkä̧rü̧'koppa'i̧nä̧, rü̧ä̧ dubora'i̧nä̧ ukuotäkumä̧?

San Lucas 9:40

Ja̧'wa̧nü̧ ji̧yä̧ku̧, ku̧wo̧juȩtä̧u̧rü epíritu su̧ro̧pa̧ räopächünä̧ rä'epü ttikua pä'ü wȩdä̧jä̧u̧mä̧ weyekuäjätü.

San Lucas 9:42

Ja̧'wa̧nü̧ päiyäku, mü̧ä̧ya̧mä̧ i̧'chi̧'a̧'a̧nä̧, epíritu su̧ro̧pa̧mä̧, rȩjȩ ma̧'ä̧mü̧ juei'ünä̧ jȩi̧nä̧ku̧; ja̧'wa̧nü̧ päi'iyäku Jesú-mä̧ räopächünä̧ we'ü iku, mü̧ä̧ya̧rü̧mä̧ aditü iku, jä'orü ppa̧wä̧di̧nä̧ku̧.

San Juan 14:9

Päku, Jesú-mä̧ ädätinä̧ku̧: —Felipe, ukutuku rekuo mo̧ro̧ chü̧jä̧'i̧ja̧'a̧nä̧ ¿Ji̧nä̧ kuieruwätukuäkusä? Ttürü topä'ijümä̧, Chä'orü'i̧nä̧ topä'ijü; ¿tta̧'a̧nü̧ pä'ü, Kuä'orü i̧jȩpi̧tü̧ päkuätukua'ajä̧ttü̧?

San Juan 20:27

Pä'ü kä'ädü, Tomá-rü̧ pä'inü̧: —Kudo'che i'kächü, chu̧mü̧pi̧yä̧ topittü ja̧'wa̧ta̧nü̧ ku̧mü̧ chi'esubänä̧ rä'ädi; kuesetoka'amä̧ jȩ'kuä̧'chä̧ ¡Esetütä, eseti!

Hechos 13:18

Ja̧'wa̧nü̧ ji̧nü̧ o'ka'a, rȩbi̧yu̧ dȩ'a̧ra̧'a̧ttü̧ cuarenta-nü̧ año jo̧mȩnä̧ tta̧wä̧ri̧nä̧u̧ Dio-mä̧.

Hechos 2:40

Peduru-mä̧ pi̧yȩ'i̧nä̧ pä'ükkä̧nü̧, kkoro'i̧nä̧ pa̧'a̧nü̧ päinä̧u̧: —Pitü ttü̧ja̧rü̧ ro̧ȩkuä̧kuȩ surojüttü rä'opächü kki̧'ä̧tu̧kui̧.

Romanos 2:4

Dio-mä̧ juiyo adiwä i̧sa̧ ja̧'a̧ttü̧, jurunä̧mä̧ ra̧wä̧ri̧po̧kü̧ ja̧'a̧ttü̧, a̧mi̧ 'ki'ächi'ü ukutu suronä̧ jȩ'kuä̧tu̧kua̧'a̧nä̧'i̧nä̧. Ja̧'wa̧nü̧ ja̧'a̧nä̧ suronä̧ jȩ'kuä̧tu̧ku̧mä̧ rü̧ȩnä̧mä̧ jo̧kü̧ 'kua̧ra̧'a̧ pä'ümä̧ kuamükuädätukuä. Jua'amä̧ Dio-mä̧ repe'ü jȩä̧u̧jä̧, suronä̧ jȩ'kuä̧tu̧ku̧ käkuädi'iyätukuarü pä'ü.

Hebreos 3:19

Ja̧'wa̧nü̧ ji̧na̧'a̧mä̧ topätüjä̧; ttesetokomȩnä̧mä̧, dodepokotü pinä̧tü̧ pä'ü.

Hebreos 4:11

Ja̧'wa̧nü̧ ja̧'a̧ttü̧, kujuruku amükuädätukui juȩnȩ 'kuä'ächi'ü kkä̧kuä̧wo̧mȩ dode'kuätukua, ya̧tȩ'i̧nä̧ ukuotokotü pinä̧tü̧ jȩtti̧nü̧nä̧ jȩpü̧ i̧'chü̧ juiyäkua'anü̧.

Hebreos 4:2

Isopäi'ünä̧ ujutu'i̧nä̧ juätü Irae ttü̧ja̧ Egito-ttü rä'opinä̧tü̧ ji̧nü̧ta'anü̧ jareü adiwä wȩnȩ jittäwi̧nä̧u̧jä̧; ja̧'wa̧nü̧ ja̧'a̧nä̧ juätürümä̧ ppädoka'a ji̧na̧'a̧ ä̧ju̧ku̧tä̧ ttä̧ju̧kuo̧mȩnä̧mä̧, esetü tta̧'kua̧ ttu̧wȩnä̧ro̧ko̧mȩnä̧mä̧.

Hebreos 7:25

Ja̧'wa̧nü̧ ja̧'a̧ttü̧, jua̧u̧nä̧tä̧ Dio-rü tü'küpächätürümä̧ surojüttü ttü̧ji̧pü̧nä̧ ppä'ädü, 'kuäopünä̧tä̧ kkä̧nü̧, juätürü ppädünä̧, Dio-rü jäepa'attü.