San Lucas 8:44 - Nuevo Testamento Uwotjüja

⁴⁴ Juajumä̧, Jesú aboja̧'a̧ku̧nä̧ ichi'ü, wä̧mȩnä̧ ü̧'ka̧tä̧wä̧ta̧ ä'ko̧ta̧ mȩjo̧mȩnä̧ kkukuojamä̧ ojuchi'inä̧kua̧.

TÄ̧DO Ä̧CUÄ̧ I̧HUȨNȨ

⁴⁴ Jahuäju Jesús abo ja̧'a̧nä̧ 'chä̧hui̧'ö̧ mȩ'i̧nä̧ju̧do ö̧'ca̧tä̧huä̧ta̧nä̧. Ja̧u̧nu̧tä̧ yotäcu kucuoja ojuchi'inäcuado.

San Lucas 8:44 Iomraidhean Croise

San Mateo 20:34

Rȩrü̧jü̧nü̧ topü, Jesú-mä̧ tti'ärenä̧ mȩo̧mȩnä̧ yotäku tottünä̧ päi'inä̧u̧. Täkü, jua̧u̧nu̧tä̧ chutäku 'chi̧nä̧tü̧.

San Mateo 8:3

Jesú-mä̧ u̧mü̧ mȩ'ü̧nü̧ pä'inü̧: —A̧, aditü chikuaku pä'üsä. ¡Jua̧u̧nu̧mä̧ adiwächi'i! Päomȩnä̧, yotäku Repra märicheimä̧ toepo'inä̧ku̧.

San Mateo 9:20

Ja̧'wa̧nü̧ i̧'cho̧mȩttü̧, doce-nü̧ años jo̧mȩnä̧ ppü'ottü na̧'ä̧chä̧'i̧jä̧ju̧, Jesú aboja̧'a̧nä̧ 'chä̧wi̧'ü̧ ü̧'ka̧tä̧wä̧ta̧ beipomȩ mȩ'i̧nä̧ju̧.

San Marcos 6:56

Ja̧'wa̧ta̧nü̧ o'kajuiyünä̧ doächomȩ pünä̧mä̧ ütawiyä ppo̧ü̧nä̧'i̧nä̧, bäreunä'i̧nä̧, yodekunä̧tä̧ wȩjo̧mȩ'i̧nä̧, mä̧ni̧yä̧nä̧ na̧nȩpä̧tü̧rü̧ rütü jä̧'ȩpä̧ri̧nä̧tü̧ suro ü̧'ka̧tä̧wä̧ta̧nä̧tä̧ mȩtta̧'a̧nä̧ weatü pä'ü; mȩ'ä̧tü̧mä̧ o'katoi'ünä̧ ttumä̧richeittümä̧ pȩji̧pi̧nä̧tü̧.

San Lucas 13:13

Pä'ükkä̧nü̧, kku̧wä̧mȩ mȩo̧mȩnä̧, yotäku, 'tu̧wa̧yu̧nü̧ kkäja'amä̧ jue'ächipü, Dio-rü rü̧ȩnä̧ esewinä̧ju̧.

San Lucas 7:38

ajuäukkä̧nü̧ Jesú aboja̧'a̧ku̧nä̧ pä̧mä̧dü̧ kki̧'chȩrȩjamä̧ kkuwo'chenä̧ 'ka̧'ü̧; ü̧jä̧pi̧yä̧nä̧ 'chu̧'o̧pü̧nü̧ a̧mȩwoya tujepinä̧ku̧.

San Lucas 8:43

Ja̧'wa̧nü̧ jo̧mȩ 'kä̧tȩnä̧, yajute doce-nü̧ años jo̧mȩnä̧ ppü'ottü usurä ȩmä̧wä̧'i̧ju̧, jawapü adikuä isotürü, kkiäre pärätä mitäu o'katoi'ünä̧rü̧tä̧ wȩjä̧rä̧kuä̧wa̧'a̧nä̧'i̧nä̧, yabokutä juoächä'ijäkua'i̧nä̧ kki̧nä̧ju̧.

San Lucas 8:45

Ja̧'wa̧nü̧ ja̧'a̧, Jesú-mä̧ pä'inü̧: —¿Díjä̧ttü̧ ttürü mȩ'ä̧ji̧mä̧? päomȩnä̧, ya̧tȩ'i̧nä̧ ttädätiyokoku, Peduru-mä̧ pä'inü̧, ja̧'wa̧ta̧nü̧ kkorotü'i̧nä̧ pä'inä̧tü̧: —Chu̧ru̧wa̧ ttü̧ja̧ ttirekua'a, ppi̧kuä̧chä̧rü̧nä̧, jȩtta̧'a̧mä̧, toku pä'ü: ¿Díjä̧ttü̧ ttürü mȩ'ä̧ji̧mä̧ päkua'ajä̧ttü̧?,

San Juan 5:13

Ja̧'wa̧nü̧ ja̧'a̧nä̧, jua̧u̧mä̧, aditü ikuäjirümä̧ jerupinü̧; Jesú-mä̧ ttü̧ja̧ ttirekua'a, ttü̧'kä̧tȩnä̧ toepo'äja'a.

Hechos 19:12

ja̧'wa̧nü̧ ja̧'a̧ttü̧, Pauru mȩä̧ji̧ o̧'ko̧'o̧ta̧ pañuelo o̧ta̧'i̧nä̧, pü̧jä̧ti̧yu̧'i̧nä̧ ȩpi̧nä̧tü̧ ttü̧ja̧mä̧, ja̧'wa̧nü̧ ja̧'a̧ na̧'ä̧chä̧tü̧ ttu̧wä̧mȩ ttu̧wȩno̧mȩnä̧ ttumä̧richeittü pȩji̧pȩ'i̧nä̧tü̧ ja̧'wa̧ta̧nü̧ epíritu-tu̧ suropätü'i̧nä̧ juätü ttü̧jä̧u̧ttü̧mä̧ rä'ekuächä'chinä̧tü̧.

Hechos 5:15

Na̧nȩpä̧tü̧rü̧mä̧ u̧mi̧ mä̧nä̧ku̧ rä'epü rütinä̧tü̧, cama-nä̧'i̧nä̧, ttü̧'ä̧biyänä̧'i̧nä̧ ttü̧'ȩja̧'a̧, Peduru 'kuäopomȩnä̧ a̧'kua̧juä̧nä̧'tä̧'i̧nä̧ ttumä̧richeittü ttü̧'ȩji̧'a̧ pä'ü.