San Lucas 8:28 - Nuevo Testamento Uwotjüja

²⁸ Jua̧u̧mä̧, Jesú-ru topo'ü, ä'ka jo̧mȩ iwe'kiyunä̧, pä̧mä̧dü̧, wopinü̧: —¿Däjé jȩchä̧'i̧jä̧ku̧ttü̧ ukú, mo̧ro̧jä̧ Ru̧wa̧ Dio i̧tti̧rü̧mä̧? Ukuru jä'epüsä, usurä chȩmä̧u̧nä̧ jȩ'ku̧ juiyattü̧ pä'ü.

TÄ̧DO Ä̧CUÄ̧ I̧HUȨNȨ

²⁸ Jesúsru topö, ä'ca jo̧mȩ ihue'quiyunä kä̧mä̧dö̧ huopinödo: —¿Tta̧'a̧nö̧ jȩcu̧'ä̧cua̧'a̧jä̧ttö̧ ttörö, Jesús Dios Ju'toju Ru̧hua̧ I̧tti̧? Ttö pä'ösä ucuru, suronämä ubara ttucuhue'ättö, —pä'inödo ja̧u̧ ubomä.

San Lucas 8:28 Iomraidhean Croise

San Mateo 8:29

Juätümä̧ pä̧i̧ku̧nä̧ wopinä̧tü̧: —¡Dio I̧tti̧mä̧ toku pä'ü jȩ'kua̧'a̧jä̧ttü̧, ujuturumä̧! ¿Ji̧nä̧ rüjí mo̧ro̧, ro̧ȩkuä̧kuȩ mo̧ro̧ päi'oka'anä̧ usurä tȩmä̧u̧nä̧ ro̧'ȩpü̧ kuichäja'a tä̧jí̧?

San Lucas 8:27

Jesú-mä̧ woi'kattü rȩjȩra̧'a̧ u̧wä̧mi̧'i̧'o̧mȩnä̧, ya̧tȩ epíritu-tu̧ ttü̧jä̧ku̧, ütawiyäkuttü, ü̧'ka̧tä̧wä̧ta̧'i̧nä̧ jui̧'a̧, isodenä̧'i̧nä̧ kko̧kü̧, wa'are idoriyänä̧tä̧ ä'ä'chü kkä̧'i̧jü̧ ichi'inä̧ku̧.

San Lucas 8:29

Jua'amä̧ epíritu su̧ro̧pa̧rü̧mä̧, jua̧u̧ ku̧jä̧ku̧ttü̧ rä'opächi, pä'ü weäku woäkuäwina̧'a̧. Täkü kko̧ro̧nü̧ jü̧ta̧'a̧nü̧ epíritu su̧ro̧pa̧mä̧, jȩä̧'chi̧nä̧ku̧, ttü̧ja̧mä̧ kärenä̧känä̧, kärenä̧sa̧nä̧'i̧nä̧ ti̧ttä̧dä̧'cho̧mȩnä̧'i̧nä̧ jua̧ro̧kuä̧rü̧ iku, rȩbi̧yu̧ dȩ'a̧ra̧'a̧ku̧ tüipächä̧rü̧nä̧tä̧.

Santiago 2:19

Dio-mä̧ ya̧tȩtä̧ ja̧'a̧ pä'ü esetüjä̧, ja̧u̧ kuesetümä̧ adiwa'a; ja̧'wa̧ta̧nü̧ ä̧wȩttü̧'i̧nä̧ esetü ye'ekumä̧ ttü̧'ä̧wä̧tü̧.

2 Pedro 2:4

Dio-mä̧ á̧gȩrȩ suronä̧ jȩpi̧tü̧rü̧mä̧ jȩpo̧ko̧tü̧ jü̧nä̧mä̧ topokü pinü̧, ja̧'wa̧nü̧ ja̧jü̧jueimä̧ okurära̧'a̧tä̧ kkisäu ikuinä̧u̧ ja̧'wa̧ta̧nü̧ yo̧mȩtä̧, kä̧rȩnä̧sa̧nä̧ nü̧'kü rütäwomȩ ütinä̧u̧ pojokuä mo̧ro̧bü päi'ünä̧.

1 Juan 3:8

Surojü jȩpü̧ kkü̧mä̧ äwettä i̧sa̧ ja̧'a̧; isopäi'ünä̧ äwettämä̧ ä̧kuo̧mȩnä̧ttü̧tä̧ päi'ünä̧ surojü jȩi̧na̧'a̧ttü̧. Isopäi'ünä̧ Dio I̧tti̧mä̧ ichinü̧, äwettä aditäwä si'epü ikua pä'ü.

Apocalipsis 20:10

Jua̧u̧ äwettä, juätürü yaparewinü̧rü̧mä̧, okurä rü̧a̧rä azufre pättü jueittü kuoaränä̧ do'opü ikuinä̧ku̧, i̧sa̧ büó betia'i̧nä̧, ya̧pa̧rȩwa̧ profeta'i̧nä̧ ttü̧'ȩja̧ränä̧; Juorümä̧ usurä ttȩmä̧wä̧kuo̧tü̧, mo̧ro̧'i̧nä̧, yodo'i̧nä̧ kki̧ä̧mü̧nä̧tä̧.