San Lucas 8:21 - Nuevo Testamento Uwotjüja

²¹ Päku Jesú ädätinü̧: —Isopäi'ünä̧ Dio i̧wȩnȩ ä̧ju̧ku̧ ukuotätütä ja̧'a̧, cha̧ju̧tü̧mä̧ ja̧'wa̧ta̧nü̧ chü̧jä̧wa̧tü̧mä̧,

TÄ̧DO Ä̧CUÄ̧ I̧HUȨNȨ

²¹ Ja̧'hua̧nö̧ ja̧'a̧nä̧ ja̧u̧ päinä̧u̧do: —Dios i̧huȩnȩ ä̧ju̧cuä̧tö̧'i̧nä̧, hueö ta'anö jȩpä̧tö̧'i̧nä̧, jahuätötä cha̧ju̧mä̧, chö̧jä̧hua̧tö̧mä̧.

San Lucas 8:21 Iomraidhean Croise

San Mateo 17:5

Peduru-mä̧ ji̧nä̧ ukuoku ü̧ja̧'a̧nä̧, ajiya isoppa kkȩdȩpoppa juätü ttu̧wä̧mȩ jo̧mȩ mȩyȩwi̧a̧'a̧ttü̧, juoppattü ya̧tȩ i̧wȩnȩ rȩmi̧pi̧na̧'a̧: «Pidemä̧ ttü chi̧tti̧ rü̧ȩnä̧ eseu repedäku: Jua̧u̧ru̧mä̧ ä̧ju̧kuä̧tu̧kui̧», jü̧nä̧.

San Mateo 25:40

Pättomȩnä̧ Ru̧wa̧ Rey-mä̧ ä̧dä̧tä̧kuä̧u̧: Isopäi'ünä̧ pä'üsä ukuturu o'kajuiyünä̧ pitü chi̧jä̧wa̧tü̧ttü̧ ppo̧'ä̧tü̧rü̧ ya̧tȩrü̧ ja̧ pä'ü'i̧nä̧ ppäkuädinä̧tu̧ku̧mä̧, ttürütä ppä'ädinä̧tü̧jä̧.

San Mateo 25:45

Ja̧'wa̧nü̧ pättomȩnä̧ chä̧dä̧tä̧kua̧sä̧: Isopäi'ünä̧ pä'üsä ukuturu, pitü ppo̧'ä̧tü̧ ja̧'a̧nä̧ ya̧tȩrü̧ ppäkuädätukuoka'a ji̧na̧'a̧mä̧, ttürü'i̧nä̧ ppä'ädokotü pinä̧tü̧jä̧.

San Mateo 28:10

Ja̧'wa̧nü̧ ja̧'a̧ Jesú-mä̧ päinä̧u̧: —Yekuekuätukuä chu̧wo̧juȩtä̧u̧rü Galirea rȩjȩra̧'a̧ tti̧'cha̧ ji'äwätukui, jua'attü tottattü.

San Lucas 8:15

Ja̧'wa̧ta̧nü̧ rȩjȩ adiwomȩ ma̧ä̧chi̧nü̧ jä̧ji̧mä̧, Dio i̧wȩnȩ tta̧mi̧so'kinä̧ adiu 'chu'ädü ä̧ju̧ku̧, ji̧yȩnä̧tä̧ ukuotü kkä̧nü̧, u̧wä̧ju̧ kku̧nä̧rä̧tü̧rü̧ wȩnȩkuä̧cha̧'a̧.

San Lucas 8:20

Ja̧'wa̧nü̧ ja̧'a̧, ya̧tȩ Jesú-ru ji'äwinü̧: —Kua̧ju̧'i̧nä̧, kui̧jä̧wa̧tü̧'i̧nä̧ u̧mi̧nä̧ kka̧ku̧ ukuru totta pä'ätü.

San Juan 13:17

Pi̧yȩ wȩnȩ wo̧jui̧'ü̧, jȩ'kuä̧tu̧ku̧ttü̧mä̧, rü̧ȩnä̧ eseäkuäwä ku̧'o̧kui̧'ä̧kuo̧tü̧jä̧.

San Juan 20:17

Jesú-mä̧ päinä̧kua̧: —¡Mȩkuä̧ttü̧!, ji̧nä̧ Chä'o ü̧ja̧'a̧mä̧ 'chä̧wi̧'o̧kü̧sä̧; ja̧'wa̧nü̧ ja̧'a̧nä̧ chawaruwä chi̧jä̧wa̧tü̧rü̧ pa̧'a̧nü̧ jikuäwajä̧: Ttümä̧ Chä'o Dio, ukutu'i̧nä̧ Kuä'otuku Dio ü̧ja̧'a̧ 'chä̧nü̧ kä'ekuächüsä.

2 Corintios 5:16

Ja̧'wa̧nü̧ ja̧'a̧ttü̧, porü yabokumä̧ ttü̧ja̧rü̧mä̧ ya̧tȩrü̧'i̧nä̧ pi̧jä̧ ttü̧ja̧ tta̧mü̧kuäda'akumä̧ amükuädokotüjä̧; ja̧'wa̧ta̧nü̧ Crito-rü'i̧nä̧ pi̧jä̧ ttü̧ja̧ ttu̧wo̧juö̧'a̧nü̧mä̧ wo̧juo̧ko̧tü̧jä̧.

2 Corintios 6:18

Ja̧'wa̧nü̧ jȩ'kuä̧tu̧kuo̧mȩnä̧, Ttümä̧ Kuä'otuku Dio chä̧kua̧sä̧, ja̧'wa̧ta̧nü̧ ukutumä̧, u̧mä̧tü̧'i̧nä̧, nä̧tü̧'i̧nä̧ chi̧tti̧mü̧ kuäkuotüjä̧. Tu̧ru̧wa̧ o'kajuiyünä̧ ju̧ru̧wa̧mä̧ ja̧'wa̧nü̧tä̧ pä'ü.

Santiago 1:22

Ja̧'wa̧nü̧ ja̧'a̧nä̧ suro ä̧ju̧ku̧tä̧mä̧ kuä̧ju̧kuä̧; ji̧yȩnä̧tä̧ jȩpü̧ ku̧ja̧ pä'ütä ja̧'a̧, ja̧'wa̧nü̧ jü̧ juiyüttümä̧ kua̧mü̧nä̧tu̧ku̧tä̧ yapareäkuäwätüjä̧.

1 Juan 2:29

Täkü ukutumä̧, wo̧juä̧tü̧jä̧ Jesucrito-mä̧ Jä'o Dio-rü pä̧wä̧rü̧jü̧tä̧ jȩä̧kuä̧wä̧ i̧sa̧ pä'ü. Ja̧'wa̧ta̧nü̧ o'katoi'ünä̧ Ttä'o Dio-rü pä̧wä̧rü̧jü̧ jȩpä̧tü̧mä̧, Dio i̧tti̧mü̧ ja̧'a̧ pä'ü.

3 Juan 1:11

Cha̧wa̧ru̧wa̧ chi̧jä̧wa̧, surojü jȩttü̧ ji̧yȩta̧'a̧kuä̧mä̧ jȩ'kuä̧. Adiwä juei jȩpü̧mä̧ Dio-rü wo̧jua̧ ja̧'a̧ ja̧'wa̧nü̧ ja̧'a̧nä̧ surojü jȩpü̧mä̧ Dio-rü jȩru̧pa̧ ja̧'a̧.