San Lucas 8:14 - Nuevo Testamento Uwotjüja

¹⁴ Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ jä̧ji̧mä̧, Dio i̧wȩnȩmä̧ ttä̧ju̧kua̧'a̧nä̧, ji̧yȩnä̧tä̧ ttü̧jo̧mȩnä̧, 'kuo̧pa̧ja̧'a̧nä̧ tta̧'kua̧ roekuäkuäwänä̧, pärätänä̧, pi̧jä̧ üadiwänä̧, u̧wä̧ju̧ ttiyü juiyünä̧tä̧ ma̧'ä̧mä̧tü̧rü̧ wȩnȩkuä̧cha̧'a̧.

TÄ̧DO Ä̧CUÄ̧ I̧HUȨNȨ

¹⁴ Korotömä, jacuä jähuä so̧ä̧'cua̧nä̧ ma̧ä̧chö̧ jä̧'i̧nö̧'a̧nö̧ huotö. Dios i̧huȩnȩ ä̧ju̧cu̧ tteseta'anä, pi̧jä̧ jähuä rö̧ȩnä̧ amöcuädätö. Ja̧u̧ juäitä esetätö. Pi̧jä̧ jähuä ku̧nä̧rä̧cuä̧huä̧, pärätänätä a̧mö̧cuä̧rö̧ jȩtta̧'a̧ttö̧ o'ca juiyönä rȩä̧cha̧'a̧ Dios i̧huȩnȩ ttesetomenä. Ja̧'hua̧nö̧ yoröiso u̧huä̧ju̧ jui'ätö.

San Lucas 8:14 Iomraidhean Croise

San Mateo 13:22

Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ u̧wä̧ju̧ jä̧ji̧mä̧, Dio i̧wȩnȩ ttä̧ju̧kua̧'a̧nä̧, pi̧jä̧ jäwänä̧tä̧, pärätä ruwonä̧tä̧ tta̧'kua̧ ro'ekuätürü wȩnȩkuä̧cha̧'a̧; ttä̧ju̧kuä̧ji̧mä̧ a̧ttä̧di̧'ä̧u̧ u̧wä̧ju̧ iyü juiyünä̧ wotürü.

San Marcos 4:19

pi̧jä̧ttü̧ tta̧'kua̧ roekuäkuäwänä̧, ruwotü juoäwänä̧, yaparetä̧u̧ o'kajuiyünä̧ ttu̧ju̧nä̧ra̧ pä'ü amükuädäkuäwänä̧. Ja̧'wa̧nü̧ jo̧mȩnä̧ Dio i̧wȩnȩ ttä̧ju̧kuä̧ji̧mä̧ a̧ttä̧di̧'a̧'a̧, u̧wä̧ju̧ wȩjü̧ juiyünä̧tä̧.

San Lucas 16:13

Ya̧tȩ'i̧nä̧ uruwotü ta̧ju̧ru̧ u̧ju̧nä̧ra̧ pä'ümä̧ weyekua'a; jua'amä̧ ya̧tȩrü̧ üjü'kü juiyünä̧ ja̧'a̧nä̧, kka̧ra̧rü̧tä̧ eseunä̧ ja̧'a̧ttü̧; ja̧'wa̧ta̧nü̧ kka̧ra̧rü̧mä̧ ye pä'anä̧, kka̧ra̧rü̧mä̧ ukuotü juiyünä̧ jä̧kua̧'a̧. Ja̧'wa̧nü̧ ja̧'a̧ttü̧ Dio-rü ttu̧ru̧wa̧ ja̧'a̧nä̧mä̧, pärätä'i̧nä̧ ttu̧ru̧wa̧ ja̧ pä'ümä̧ weyekua'a.

San Lucas 21:34

Ja̧'wa̧ta̧nü̧ kua̧mü̧nä̧ pa̧ja̧tü̧ ttu̧'ȩpä̧rä̧kuäu̧nu̧ kka̧kuä̧tu̧kui̧, abo 'kuäo'ünä̧ kuä̧nü̧mä̧, tä̧'ä̧mä̧kuä̧u̧mä̧ ja̧'wa̧ta̧nü̧ pi̧jä̧ jäwämä̧ rü̧ȩnä̧ amükuädümä̧ jȩ'kuä̧tu̧kuä̧ ja̧'wa̧nü̧ jȩ'kuä̧tu̧ku̧ttü̧mä̧ ku̧ni̧chä̧rä̧tu̧kua̧'a̧nä̧ jua̧u̧ mo̧ro̧ rȩbȩä̧kuä̧u̧ juiyäkua'anü̧.

San Lucas 8:13

Ja̧'wa̧ta̧nü̧ i̧nä̧sa wä̧mȩ jo̧mȩ ma̧ä̧chi̧nü̧ jä̧ji̧mä̧, Dio i̧wȩnȩ ä̧ju̧ku̧ eseunu̧ tteseta'anä̧, 'chu̧ä̧ra̧jü̧ juitta'a ja̧'a̧; a̧'u̧kua̧'a̧tä̧ eseti'ü, kka̧kuä̧mü̧ toäkuäwä ichomȩnä̧, kä'ädi'ätürü wȩnȩkuä̧cha̧'a̧.

San Lucas 8:15

Ja̧'wa̧ta̧nü̧ rȩjȩ adiwomȩ ma̧ä̧chi̧nü̧ jä̧ji̧mä̧, Dio i̧wȩnȩ tta̧mi̧so'kinä̧ adiu 'chu'ädü ä̧ju̧ku̧, ji̧yȩnä̧tä̧ ukuotü kkä̧nü̧, u̧wä̧ju̧ kku̧nä̧rä̧tü̧rü̧ wȩnȩkuä̧cha̧'a̧.

San Lucas 8:7

Ja̧'wa̧ta̧nü̧ kkoro u̧wä̧ju̧mä̧ so̧ä̧'kua 'kä̧tȩ jo̧mȩ ma̧ä̧chi̧na̧'a̧; ja̧'wa̧nü̧ ja̧'a̧ yo̧mȩtȩnä̧ so̧ä̧'kua'i̧nä̧ bawi'omȩnä̧; jua̧u̧ jä̧ji̧mä̧ bau juiyünä̧tä̧ kkȩnü̧ ikuina̧'a̧.

San Juan 15:6

Ttünä̧ kko̧kü̧rü̧mä̧, ä̧na̧jui̧yä̧ u̧mi̧ do'opü ttikuomȩnä̧, joipächa'a; ka̧ka̧tü̧ okuränä̧ kku ttikua'a jä̧'i̧nü̧'a̧nü̧ jä̧kua̧'a̧.

1 Timoteo 6:17

Pi̧jä̧nä̧ttü̧ pärätä ruwotürümä̧, kku̧nä̧rä̧tü̧jä̧ pä'ü ukuo tettäu juiyünä̧ ja̧'wa̧ta̧nü̧ tturuwonä̧ tta̧'kua̧ ttu̧wȩnä̧rü̧ juiyünä̧ we'itü, ja̧'wa̧nü̧ ja̧jü̧ jueimä̧ kkorojuei'i̧nä̧ o'kajuiyünä̧ rü̧ä̧nä̧ iyü Dio 'kuäopü kkü̧rü̧tä̧ tesewäkua'anü̧.

2 Timoteo 4:10

ja̧'wa̧ta̧nü̧ Dema, pi̧jä̧ jäwä kkü'kekuienä̧ku̧'i̧nä̧ Tesalónica-ra̧'a̧ 'chä̧nü̧ kkatä u̧ju̧ni̧'i̧nä̧ku̧sä̧. Crecente-tä Galacia rȩjȩra̧'a̧ i̧'cha̧'a̧nä̧ Tito-mä̧ Dalmacia-ra̧'a̧ 'chi̧nü̧.

Hebreos 6:1

Ja̧'wa̧nü̧ ja̧'a̧ttü̧, ä̧kuo̧mȩnä̧ Crito ütü'kü ku̧wo̧jui̧'i̧nä̧tu̧ku̧mä̧ pporädo'ü kku̧nu̧, yabokutä adiwä jueinä̧ jo̧mȩnü̧ juokuätukunä̧ päi'ünä̧ ti̧'chä̧tu̧kua̧; pä'äji ji̧nü̧ta'anü̧mä̧, ppa̧'a̧dü̧mä̧ surojüttü räopächäkuäwämä̧, Dio-rü tta̧'kua̧ wȩnä̧rä̧kuä̧wä̧mä̧ kukuokuätukuä, wa'ü tiku juiyäkua'anü̧, täkü jua̧u̧mä̧ kukuokuätukuä, jua'amä̧ yabonü̧ Dio-rümä̧ ta̧'kua̧ tu̧wȩnä̧ra̧'a̧ttü̧,