San Lucas 8:13 - Nuevo Testamento Uwotjüja

¹³ Ja̧'wa̧ta̧nü̧ i̧nä̧sa wä̧mȩ jo̧mȩ ma̧ä̧chi̧nü̧ jä̧ji̧mä̧, Dio i̧wȩnȩ ä̧ju̧ku̧ eseunu̧ tteseta'anä̧, 'chu̧ä̧ra̧jü̧ juitta'a ja̧'a̧; a̧'u̧kua̧'a̧tä̧ eseti'ü, kka̧kuä̧mü̧ toäkuäwä ichomȩnä̧, kä'ädi'ätürü wȩnȩkuä̧cha̧'a̧.

TÄ̧DO Ä̧CUÄ̧ I̧HUȨNȨ

¹³ Korotömä, jacuä jähuä inähuänä ma̧ä̧chö̧ jä̧'i̧nö̧'a̧nö̧ huotö. Jahuätömä Dios i̧huȩnȩ ä̧ju̧cu̧, eseunu esetätö. Ja̧'hua̧nö̧ ja̧'a̧nä̧ ujupo'tiyä juiya'attö, a̧'u̧cua̧'a̧tä̧ esetätö. Ja̧'hua̧ ja̧'a̧ttö̧ Dios i̧huȩnȩ tteseta'attö, jahuätörö suronä 'cuäopomenä jaropi'ätö.

San Lucas 8:13 Iomraidhean Croise

San Marcos 6:20

Herode-mä̧ surojü jui̧'a̧ adiwä i̧sa̧ pä'ü u̧wo̧jua̧'a̧ttü̧ adiunä̧tä̧ tta̧wä̧ri̧nä̧ku̧. Ja̧'wa̧nü̧ ja̧'a̧ttü̧ Ju̧a̧ jiäu ä̧ju̧kuo̧mȩnä̧mä̧ eseunä̧tä̧ ä̧ju̧kui̧nä̧ku̧, yabokutä ja̧'wa̧nü̧ jä̧ku̧ ä̧ju̧kua̧rü̧ pä'inü̧.

San Lucas 8:12

Ja̧'wa̧ta̧nü̧ mä̧nä̧nä̧ ma̧ä̧chi̧nü̧ jä̧ji̧mä̧, Dio i̧wȩnȩmä̧ ä̧ju̧kua̧'a̧nä̧, esetü surojüttü ü̧ji̧pü̧ juiya pä'ü, äwettä ichi'ü a̧mi̧so'kittü 'choipä̧u̧ru̧ wȩnȩkuä̧cha̧'a̧.

San Lucas 8:14

Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ jä̧ji̧mä̧, Dio i̧wȩnȩmä̧ ttä̧ju̧kua̧'a̧nä̧, ji̧yȩnä̧tä̧ ttü̧jo̧mȩnä̧, 'kuo̧pa̧ja̧'a̧nä̧ tta̧'kua̧ roekuäkuäwänä̧, pärätänä̧, pi̧jä̧ üadiwänä̧, u̧wä̧ju̧ ttiyü juiyünä̧tä̧ ma̧'ä̧mä̧tü̧rü̧ wȩnȩkuä̧cha̧'a̧.

San Juan 15:2

O'kajuiyünä̧, ä̧na̧jui̧yä̧, ttünä̧ u̧wä̧ju̧ wȩjo̧kü̧mä̧, ȩmü̧ i̧kuä̧kuȩ; ja̧'wa̧nü̧ ja̧'a̧nä̧, o'kajuiyünä̧ ji̧yȩ u̧wä̧ju̧ wȩjü̧mä̧, surojü juiyünä̧ aditü u̧ju̧nä̧kuȩ, yabonü̧ u̧wä̧ju̧ wȩja̧ pä'ü.

San Juan 15:6

Ttünä̧ kko̧kü̧rü̧mä̧, ä̧na̧jui̧yä̧ u̧mi̧ do'opü ttikuomȩnä̧, joipächa'a; ka̧ka̧tü̧ okuränä̧ kku ttikua'a jä̧'i̧nü̧'a̧nü̧ jä̧kua̧'a̧.

San Juan 5:35

Ju̧a̧-mä̧ tejäwore tȩya̧u̧nä̧ kkȩdȩpa̧'a̧ jä̧'i̧nü̧'a̧nü̧ tejädinü̧; ja̧'wa̧nü̧ ja̧'a̧ ukutumä̧ jua̧u̧ i̧tȩya̧u̧nä̧, a̧'u̧ku̧nä̧ mo̧ro̧tä̧ esewinä̧tü̧jä̧.

1 Corintios 13:2

Ja̧'wa̧ta̧nü̧ Dio i̧mi̧nä̧ jiäkuäwä chu̧ju̧nä̧ra̧ja̧ pä'ü'i̧nä̧, ttu̧wo̧juo̧kü̧ jäwä o'kajuiyünä̧ chu̧wo̧jua̧ja̧ pä'ü'i̧nä̧, wo̧juä̧wä̧ wȩnȩ chu̧wo̧juo̧ttü̧'i̧nä̧, müä'ka'i̧nä̧ pporächi'ünä̧ cha̧'kua̧ chu̧wȩnä̧rü̧ttü̧'i̧nä̧, eseu repeäkuäwä juidüttümä̧, ttümä̧ mikuäwokütä jȩpü̧sä̧.

1 Corintios 15:2

Ja̧'wa̧ta̧nü̧ pi̧yȩ jareü wȩnȩnä̧tä̧ ja̧'a̧ kuesetätukuttümä̧, ji̧yȩnä̧tä̧ ku̧ji̧pä̧tu̧kuä̧kua̧'a̧mä̧ surojü ra̧wä̧pi̧jü̧ttü̧; ja̧'wa̧nü̧ jo̧ka̧'a̧ jü̧ttü̧mä̧, yaparetä esetinä̧tü̧jä̧.

Gálatas 3:1

¡Isoo, Galacia ttü̧ja̧, Kuamükuädü jui'ätüjä̧ttü̧! ¿Dí ji̧nä̧ttü̧ ukuturu märipänä̧ surojuo'epinü̧mä̧ jueü wȩnȩ kukuotätuku juiya pä'ümä̧? Ttütä wäjuönä̧ jidäwinä̧u̧jä̧ Jesucrito ü̧jo̧kä̧nü̧ daunä̧ kkä̧nü̧ 'korujuoächinü̧ wȩnȩmä̧.

Gálatas 3:4

¿Jua̧u̧nu̧mä̧ rü̧ȩnä̧ usurä kuȩmä̧winä̧tu̧ku̧mä̧, yaparetä ji̧na̧'a̧ tä̧jí̧? ¡juiyomä̧ yaparemä̧ jo̧ka̧'a̧ ji̧na̧'a̧ 'kua̧ra̧'a̧!

Efesios 3:17

Kua̧'kua̧ ku̧wȩnä̧rä̧tu̧ku̧nä̧ ji̧yȩnä̧tä̧ Crito-rü kua̧mi̧ iso'kitukunä̧ ü̧ja̧ pä'üsä, kuesewätukumä̧ kkada'ka jü̧nä̧tä̧ 'chu̧ä̧rü̧nä̧.

Colosenses 1:23

Jua'a'i̧nä̧, 'kiyünä̧ 'chu̧ä̧rü̧nä̧ ma̧kuä̧chä̧tu̧kuo̧ka̧'a̧, kua̧'kua̧ ku̧wȩnä̧rä̧tu̧ku̧ttü̧tä̧ jareü wȩnȩ kuäju̧kui̧nä̧tu̧ku̧nä̧. Jua̧u̧mä̧ wȩnȩmä̧ pi̧jä̧ o'kajuiyünä̧ jiäkuäwi'a'a, ja̧'wa̧ta̧nü̧, ttü Pauru'i̧nä̧ jua̧u̧tä̧ jiäkuäwä i̧sa̧ jü̧nä̧ juo'ächinü̧sä̧.

Colosenses 2:7

Chuttutä kkada'ka jü̧nä̧ 'chu̧ä̧rü̧nä̧ kka̧kuä̧tu̧kui̧. Yabonü̧ kua̧'kua̧ wȩnä̧rä̧tu̧kui̧rü̧ ku̧wo̧jui̧'i̧nä̧tu̧ku̧'a̧kuä̧, 'kuäopünä̧ Dio-rü eseu.

1 Tesalonicenses 3:5

Ja̧'wa̧nü̧ ja̧'a̧ttü̧, ukuturu toku tta̧'kua̧ wȩnä̧rü̧ ttü̧ja̧kua̧ja̧ pä'ü chu̧wo̧jua̧ pä̧wä̧rü̧jä̧ku̧, Timoteo-rü jiäwattü pä'ü we'inü̧sä̧. Jua'amä̧ äwettämä̧, täkü ma̧ttä̧chü̧nä̧ jȩi̧nä̧u̧ku̧ pä'ü amükuädü, yapare taditina̧'a̧ tä̧jí̧ pä'inü̧sä̧.

1 Timoteo 1:19

Yotukunä̧mä̧ tta̧mü̧kuädü pä̧wä̧rü̧ja̧'a̧ku̧ jȩpü̧ tta̧'kua̧ wȩnä̧rä̧kuä̧wä̧mä̧ to'e'ächinä̧tü̧.

Hebreos 10:39

Ja̧'wa̧nü̧ ja̧'a̧ttü̧ ujutumä̧ tto'ka'aku ppa̧'ä̧chü̧ toe'ächäkuäwä isotümä̧kü̧jä̧ ja̧'wa̧nü̧ ja̧jü̧ jueimä̧ ta̧'kua̧ wȩnä̧rü̧, ta̧'kua̧rü̧ kki̧'i̧kuä̧ isotüjä̧.

Santiago 2:26

Isopäi'ünä̧ Epíritu jä̧ttä̧pä̧ya̧nä̧ to̧'a̧mä̧ wa'ü iku jä̧'i̧nü̧'a̧nü̧ ja̧'a̧, ja̧'wa̧nü̧ jü̧ta̧'a̧nü̧ ta̧'kua̧ ttu̧wȩnä̧ra̧'a̧nä̧ ttaditokomȩnä̧ wa'ü ikua'a jä̧'i̧nü̧'a̧nü̧ ja̧'a̧.

2 Pedro 2:20

Ja̧'wa̧nü̧ ja̧'a̧ttü̧ tu̧ru̧wa̧ Jesucrito surojüttü tü̧ji̧pü̧nä̧ jȩpü̧rü̧ wo̧juä̧chi̧'ä̧tü̧mä̧, pi̧jä̧ jäwä surojüttü tü'ipächü ttü̧ja̧kui̧na̧'a̧nä̧, ja̧u̧nä̧ jerupächi'ü pä'äjita'anü̧ iyäwätümä̧, jua̧u̧tä̧tä̧ wȩä̧ro̧mȩnä̧, ä'koji suro ttino̧mȩttü̧'i̧nä̧ yabonä̧nü̧ wotü.

2 Pedro 2:22

Ja̧'wa̧nü̧ ja̧'a̧nä̧ juätümä̧ isopäi'ünä̧ päwi'ino̧mȩ jä̧'i̧jo̧mȩ jȩpä̧tü̧: Äwirimä̧ edewara̧'a̧ku ppa̧'ä̧chü̧ ja̧'wa̧ta̧nü̧ kuchi'i̧nä̧ aje i'opo'ü̧'ka̧ pä'äjita'anü̧ redäwanä̧ borea pä'ü ppa̧'ä̧chü̧. Jü̧nä̧.

1 Juan 2:19

Juätümä̧ ujututtü rättopina̧'a̧nä̧; isopäi'ünä̧mä̧ ujutu isotümä̧ pokotü pinä̧tü̧. Isopäi'ünä̧ ujutu isotü ttinü̧ttü̧mä̧, jitä'i̧nä̧ ujutuku kka̧ja̧tü̧; ja̧'wa̧nü̧ ja̧'a̧ttü̧ ujututtü rä'ächinä̧tü̧, jua'amä̧ o'katoi'ünä̧ ujutuku ttü̧ka̧ka̧kuä̧rä̧'i̧ja̧'a̧nä̧, o'katoi'ünä̧mä̧ ujutuku isotümä̧kü̧ ja̧'a̧ pä'ü tu̧wo̧jua̧ pä'ü.

Judas 1:12

Juätü eseu jȩpä̧tü̧jä̧ pä'ü jȩttü̧ pä'kärimä̧ dä'ä ttuäwätä ja̧'a̧, jua'amä̧ ttu̧kuȩ kuä̧nü̧'i̧nä̧, au'i̧nä̧ ttukuotäkuäwoka'a jȩtta̧'a̧ttü̧. Juätümä̧ tturuwotü ja̧'a̧nä̧, tta̧mü̧nä̧ jäwätä a̧mü̧kuä̧rü̧ jȩpä̧tü̧. Juätümä̧ kkä̧rü̧'koppa ajiya juiyoppa jä̧'i̧nü̧'a̧nü̧ kkoromȩ, kkoromȩnü̧ kuȩä̧dä̧u̧. Ja̧'wa̧ta̧nü̧ Dauwiyä u̧wä̧ju̧ wȩjo̧kü̧ oi jä̧'i̧nü̧'a̧nü̧ wotü, ujukäkiyä ke'opü ikuäwä jä̧'i̧nü̧'a̧nü̧ wa'ü ikuinä̧tü̧.