San Lucas 7:47 - Nuevo Testamento Uwotjüja

⁴⁷ Ja̧'wa̧nü̧ ja̧'a̧ttü̧ ukuru pä'üsä, rü̧ȩnä̧ suronä̧ jȩjä̧'i̧jü̧mä̧ juijünä̧tä̧ jȩpü̧ ikuäwaju, rü̧ȩnä̧ kkesewa'attü̧; ja̧'wa̧nü̧ ja̧'a̧nä̧ a̧'u̧ku̧nä̧tä̧ surojü jȩpü̧ i̧kuä̧wa̧mä̧, a̧'u̧ku̧nä̧tä̧ tteseu ja̧'a̧.

TÄ̧DO Ä̧CUÄ̧ I̧HUȨNȨ

⁴⁷ Ja̧'hua̧nö̧ ja̧'a̧ttö̧ ttö pä'ösä ucuru, ttörö rö̧ȩnä̧ eseunu jȩja̧'a̧ttö̧, rö̧ȩnä̧ suronä jȩjö̧ jȩpö̧ icu Dios. Ja̧'hua̧nö̧ ja̧'a̧nä̧ ya̧tȩ a̧'u̧cu̧nä̧tä̧ suronä jȩö̧ jȩpö̧ i̧cuä̧hua̧mä̧, a̧'u̧cu̧nä̧tä̧ eseu.

San Lucas 7:47 Iomraidhean Croise

San Mateo 10:37

Jä'orü'i̧nä̧, ja̧ju̧ru̧'i̧nä̧ ttüttü abonä̧nü̧ eseu repeüttümä̧, ttü i̧sa̧mä̧ pä'i'okü; i̧tti̧rü̧'i̧nä̧, ittijuru'i̧nä̧ ttüttü abonä̧nü̧ eseu repeüttümä̧, ttü i̧sa̧mä̧ wokü jä̧kua̧;

San Lucas 7:39

Ja̧'wa̧nü̧ jȩja̧'a̧ topü, fariseo wa̧ ji̧nä̧so ä̧tȩpä̧ji̧mä̧, a̧'kua̧nä̧ amükuädinü̧: Isopäi'ünä̧, pidemä̧ profeta wa̧ jü̧ttü̧mä̧, paju jȩjü̧'i̧nä̧, yajurutä'i̧nä̧ wo̧jua̧jü̧ 'kua̧ra̧'a̧, surojü jȩpä̧'i̧jä̧ju̧ mȩjä̧ku̧sä̧ pä'ü.

San Lucas 7:46

Chunä̧ aceite isoya tukuepoka'a jä̧ja̧'a̧nä̧; pajumä̧ chü̧jä̧pü̧nä̧ a̧mȩwoya tujepäkusä.

San Lucas 7:48

Jua̧u̧ pä'ü kä'ädü, juäjuru pä'inü̧: —«Suronä̧ jȩ'kuä̧'i̧jü̧mä̧ täkü jȩä̧chä̧kua̧jä̧.»

Hechos 5:31

Jua̧u̧ru̧mä̧ Dio-mä̧ u̧wo̧jua̧'a̧ku̧nä̧ rütäu, ru̧wa̧ päi'ünä̧ jȩpü̧ ra̧wä̧pi̧jü̧ttü̧ ttü̧ji̧pü̧nä̧ ppädäkuäwä i̧sa̧ päi'ünä̧ jȩi̧nä̧ku̧, Irae ttü̧ja̧rü̧ suronä̧ jȩttü̧ttü̧ kättädi'a pä'ü ja̧'wa̧ta̧nü̧ suronä̧ jȩttä̧'i̧jü̧ jȩpü̧ ikuatü pä'ü.

Romanos 5:20

Isopäi'ünä̧ weäwä wȩnȩmä̧, surojütä yaboku rü̧ä̧chü̧nä̧ kkiopina̧'a̧; ja̧'wa̧nü̧ ji̧na̧'a̧nä̧, surojü kki̧no̧mȩmä̧, Dio re ü̧ji̧nü̧mä̧ abo 'kuäo'ünä̧ juiyo rü̧i̧na̧'a̧.

2 Corintios 5:14

Isopäi'ünä̧ Crito eseu repeümä̧, rü̧ȩnä̧ ujuturu 'chu̧ä̧ra̧'a̧, pi̧yȩ tamükuädomȩnä̧: Ujuturu ja̧'a̧tȩ'ü̧mä̧ ya̧tȩtä̧ 'korujuoächina̧'a̧nä̧, jua̧u̧nü̧ o'ka'amä̧ ujutu o'katoi'ünä̧ 'korujuo'ächinä̧tü̧jä̧;

Gálatas 5:6

Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.

Efesios 6:24

Tu̧ru̧wa̧ ujuturu rȩrü̧jü̧ toinü̧, repeü beipokümä̧ ukutu o'katoi'ünä̧rü̧ kkü̧nä̧ ku̧jä̧tu̧kua̧ pä'üsä.

Filipenses 1:9

Ja̧'wa̧ta̧nü̧ Dio-rü chukuokuomȩnä̧mä̧ pi̧yȩ jä'epä'ijüsä: Ukutu eseu repekuäwätuku yaboku rü̧ä̧chä̧tu̧kua̧ku̧ pä'ü'i̧nä̧, o'katoi'ünä̧ yaboku adiwomȩnä̧ jȩä̧kuä̧wä̧ ku̧wo̧juä̧chä̧tu̧kua̧ pä'ü'i̧nä̧, jü̧nä̧.

1 Timoteo 1:14

Ja̧'wa̧nü̧ ja̧'a̧ttü̧ Dio-mä̧ rü̧ä̧nä̧ repe'ümä̧ suronä̧ jȩchä̧'i̧jü̧'i̧nä̧ jȩpü̧ iku, Jesucrito-nä̧tä̧ tta̧'kua̧ wȩnä̧rä̧kuä̧wä̧'i̧nä̧ eseu repeäkuäwä'i̧nä̧ iyinä̧ku̧sä̧.

1 Juan 1:7

Ja̧'wa̧nü̧ ja̧'a̧nä̧, Dio tȩya̧u̧nä̧ ü̧jü̧ta̧'a̧nü̧, ujutu'i̧nä̧ tȩya̧u̧nä̧ kue'ächü, kkorotüku ji̧nä̧ ji̧yȩtȩnä̧ tü̧ja̧ku̧ttü̧mä̧, Tu̧ru̧wa̧ Jesucrito, Dio i̧tti̧ ukuojamä̧ tükü i̧kuä̧u̧jä̧.

1 Juan 3:18

Chi̧tti̧mü̧ wotü, suro ti̧wȩnȩnä̧tä̧mä̧, suro tänä̧tä̧mä̧ eseu repetü juiyü'anü̧ ja̧'a̧. Ja̧'wa̧nü̧ jo̧ka̧'a̧ isopäi'ünä̧ jȩpü̧nü̧, jueü wȩnȩ ukuokua'aku repe'ü tesewa pä'ätukui.

1 Juan 4:19

Ujutumä̧ tawaruwä tü̧jä̧wa̧tü̧rü̧ eseu repe'ätüjä̧. Jua'amä̧, ä̧kuo̧mȩnä̧mä̧ ujuturu eseu Dio repeina̧'a̧ttü̧.

1 Juan 5:3

Ujutu Dio-rü eseu repetümä̧ i̧jȩkuä̧cha̧'a̧, Chutä weinü̧ wȩnȩ tukuotomȩnä̧. Jua̧u̧ ukuotäkuäwämä̧ juiyomä̧ jeruwokü ja̧'a̧.