San Lucas 7:41 - Nuevo Testamento Uwotjüja

⁴¹ Jesú pä'inü̧: —Ya'utenä̧, ta̧ju̧ kku̧nä̧ri̧nä̧tü̧ ya̧tȩ pärätä pärowä'ijürü: Jua̧u̧ru̧ ya̧tȩmä̧ quinientos denario jo̧mȩnä̧ mippotinü̧ ja̧'wa̧ta̧nü̧ kka̧ra̧mä̧ cincuenta denario jo̧mȩnä̧ mippotinü̧,

TÄ̧DO Ä̧CUÄ̧ I̧HUȨNȨ

⁴¹ Jesús ji'ähuinödo: —U̧mä̧tö̧ ta̧ju̧ pärätä mippotinätödo ya̧tȩ päroäcuähuä i̧sa̧rö̧. Ya̧tȩ quinientos jo̧mȩnä̧ pärätä mippotinödo. Ja̧'hua̧ta̧nö̧ ka̧ra̧mä̧ cincuenta jo̧mȩnä̧ mippotinödo.

San Lucas 7:41 Iomraidhean Croise

San Mateo 18:28

Ja̧'wa̧nü̧ jä̧ji̧ o'ka'a, jua̧u̧mä̧ juorü räopächomȩnä̧ a̧wa̧ru̧wa̧rü̧ po̧kui̧pi̧nü̧, pärätämä̧ ciȩnü̧ jo̧mȩnä̧ mi̧ppotürü; i̧mi̧ppotäku u̧ru̧pä̧'kȩnä̧ 'chu'ädi'ünü̧ pä'inü̧: ¡Kuimi̧ppotümä̧ mitäu ikuittü!, jü̧nä̧.

San Mateo 6:12

Ujuturu suronä̧ jȩpä̧tü̧rü̧, mikuä jȩtü̧ juiyüta'anü̧, suronä̧ jȩtä̧'i̧jü̧mä̧ mikuäwächünä̧mä̧ jȩ'kuä̧tü̧.

San Marcos 6:37

Ja̧'wa̧nü̧ pättäku Jesú-mä̧ ädätinä̧u̧: —Ukututä ttukua iyätukuitü. Pä̧u̧, ttädätinä̧ku̧: —Ujutumä̧ tȩmü̧ juiyünä̧ jä̧u̧jä̧ ja̧'wa̧nü̧ rekuätü ttukua pä'ümä̧. Juätürü tiya pä'ümä̧, ya'ute año jo̧mȩnä̧ ttaditü mikuä ja̧'a̧.

San Lucas 11:4

Ja̧'wa̧ta̧nü̧ suronä̧ jȩtä̧'i̧jü̧mä̧, pärokua'aku mikuä juiyünä̧tä̧ jȩpi̧tü̧, Ja̧'wa̧ta̧nü̧ ujuturu suronä̧ jȩpä̧tü̧ o'katoi'ünä̧rü̧, pärokua'aku mikuä juiyünä̧tä̧ jȩtü̧ta̧'a̧nü̧ jȩpi̧tü̧. Ta̧mi̧ 'kuätünä̧ ma̧tä̧cha̧'a̧nä̧mä̧ ja̧'a̧tä̧mä̧ to'kuätü, surojüku ma̧tä̧chü̧ juiyünä̧tä̧ ppä'äditü.

San Lucas 12:48

Ja̧'wa̧nü̧ ja̧'a̧nä̧ jua̧u̧ u̧mü̧wä̧ya̧mä̧, ieruwäkuäwa'a jakuänä̧ ro̧ȩkuä̧kuä̧wä̧ jȩü̧ttü̧mä̧, a̧'u̧ku̧nä̧tä̧ kuäkuäpü ro̧ȩkuä̧kua̧; isopäi'ünä̧ o'katoi'ünä̧ rü̧ȩnä̧ iyäwi'ä̧u̧ru̧mä̧, rü̧ȩnä̧ jäekuäkua'a; ja̧'wa̧ta̧nü̧ rü̧ȩnä̧ iyü tta̧'kua̧ ttu̧wȩnä̧ri̧nä̧u̧ru̧mä̧, yaboku jäekuäkuotü.

San Lucas 13:4

¿Ja̧'wa̧ta̧nü̧ jitü dieciocho-nü̧ wotü Siroé pä'ü mi̧kuomȩttü̧, isode isä'ka ma̧ä̧u̧ to'e'ächinä̧tü̧mä̧, ukutu päkuätukumä̧ Jerusarȩ́ ütawiyättü kkorotüttü'i̧nä̧ abonä̧nü̧ suronä̧ jȩpä̧tü̧ ja̧'a̧ to'e'ächinä̧tü̧ päkuätukua'a tä̧jí̧?

San Lucas 7:40

Ja̧'wa̧nü̧ ji̧yä̧ku̧ Jesú-mä̧ päinä̧ku̧: —Simón, ukuru ji̧yȩtȩ päda pä'üsä. —Päku, jua̧u̧nu̧mä̧ pä'i: Chu̧ru̧wa̧, päinä̧ku̧.

San Lucas 7:47

Ja̧'wa̧nü̧ ja̧'a̧ttü̧ ukuru pä'üsä, rü̧ȩnä̧ suronä̧ jȩjä̧'i̧jü̧mä̧ juijünä̧tä̧ jȩpü̧ ikuäwaju, rü̧ȩnä̧ kkesewa'attü̧; ja̧'wa̧nü̧ ja̧'a̧nä̧ a̧'u̧ku̧nä̧tä̧ surojü jȩpü̧ i̧kuä̧wa̧mä̧, a̧'u̧ku̧nä̧tä̧ tteseu ja̧'a̧.

Romanos 3:23

jua'amä̧, o'katoi'ünä̧ surojü jȩtti̧na̧'a̧ttü̧, Dio ädiwättümä̧ otó wotüjä̧.

Romanos 5:20

Isopäi'ünä̧ weäwä wȩnȩmä̧, surojütä yaboku rü̧ä̧chü̧nä̧ kkiopina̧'a̧; ja̧'wa̧nü̧ ji̧na̧'a̧nä̧, surojü kki̧no̧mȩmä̧, Dio re ü̧ji̧nü̧mä̧ abo 'kuäo'ünä̧ juiyo rü̧i̧na̧'a̧.