San Lucas 7:40 - Nuevo Testamento Uwotjüja

⁴⁰ Ja̧'wa̧nü̧ ji̧yä̧ku̧ Jesú-mä̧ päinä̧ku̧: —Simón, ukuru ji̧yȩtȩ päda pä'üsä. —Päku, jua̧u̧nu̧mä̧ pä'i: Chu̧ru̧wa̧, päinä̧ku̧.

TÄ̧DO Ä̧CUÄ̧ I̧HUȨNȨ

⁴⁰ Ja̧'hua̧nö̧ ja̧'a̧ Jesús pä'inödo fariseo i̧sa̧rö̧: —Simón, koro juäi jidähua pädäcujä. Fariseo i̧sa̧ ädätinödo: —Ji'ähuittö, Huo̧juȩcuä̧ I̧sa̧.

San Lucas 7:40 Iomraidhean Croise

San Mateo 26:49

Ja̧'wa̧nü̧ jä̧ja̧'a̧ttü̧, Jesú-ru 'chä̧wi̧'ü̧ pä'inü̧: —¡Tta̧'a̧nü̧ ja̧'a̧kuä̧, chu̧ru̧wa̧! Pä'ünü̧, 'chu̧o̧pi̧nä̧ku̧.

San Mateo 7:22

Ji̧yȩnü̧ mo̧ro̧ rekuätü ttürü pättäkuotü: Chu̧ru̧wa̧, chu̧ru̧wa̧ kui̧mi̧nä̧ profeta 'kua̧rü̧nä̧ ji'äwinä̧tü̧jä̧ kui̧wȩnȩmä̧ ja̧'wa̧ta̧nü̧ kui̧mi̧nä̧mä̧ epíritu-tu̧ suropätürü'i̧nä̧ rä'epü iku kkä̧nü̧ jȩtto̧kü̧ juei'i̧nä̧ rü̧ȩnä̧ jȩpi̧nä̧tü̧jä̧.

San Lucas 18:18

—Wo̧juȩkuä̧ i̧sa̧, adiwä i̧sa̧jä̧, ¿Däjetä jȩcha̧'a̧jä̧ttü̧, kkä̧kuä̧wä̧ i'ko chu̧ju̧nä̧ra̧ pä'ümä̧?

San Lucas 5:22

Ja̧'wa̧nü̧ ttamükuäda'a wo̧juö̧, Jesú-mä̧ päinä̧u̧: —¿Tta̧'a̧nü̧ pä'ü, ja̧'wa̧nü̧ amükuädätüjä̧ttü̧?

San Lucas 5:31

Pättiyäku Jesú päinä̧u̧: Na̧'ä̧cho̧ko̧tü̧mä jawapü ru̧wa̧rü̧mä̧ rekuä rü̧jo̧ko̧u̧, na̧'ä̧chä̧tü̧tä̧ ja̧'a̧ jua̧u̧ru̧ rekuä rü̧jä̧u̧mä̧.

San Lucas 6:8

Ja̧'wa̧nü̧ jakuänä̧ tta̧mü̧kuädiyäku, Jesú-mä̧, päini̧yä̧u̧: —Ä̧rä̧mi̧'ü̧, yȩna̧ja̧, kkä'ko kkä̧mä̧di̧. Päomȩnä̧, yotäku ä̧rä̧mi̧'ü̧ ü̧jä̧mä̧da̧'a̧nä̧.

San Lucas 7:39

Ja̧'wa̧nü̧ jȩja̧'a̧ topü, fariseo wa̧ ji̧nä̧so ä̧tȩpä̧ji̧mä̧, a̧'kua̧nä̧ amükuädinü̧: Isopäi'ünä̧, pidemä̧ profeta wa̧ jü̧ttü̧mä̧, paju jȩjü̧'i̧nä̧, yajurutä'i̧nä̧ wo̧jua̧jü̧ 'kua̧ra̧'a̧, surojü jȩpä̧'i̧jä̧ju̧ mȩjä̧ku̧sä̧ pä'ü.

San Lucas 7:41

Jesú pä'inü̧: —Ya'utenä̧, ta̧ju̧ kku̧nä̧ri̧nä̧tü̧ ya̧tȩ pärätä pärowä'ijürü: Jua̧u̧ru̧ ya̧tȩmä̧ quinientos denario jo̧mȩnä̧ mippotinü̧ ja̧'wa̧ta̧nü̧ kka̧ra̧mä̧ cincuenta denario jo̧mȩnä̧ mippotinü̧,

San Juan 13:13

Ukutumä̧, ttürümä̧, pä'ä'ijä̧tü̧jä̧, «Chu̧ru̧wa̧,» «Wo̧juȩkuä̧ i̧sa̧,» jü̧nä̧; jua'amä̧ adiu pä'ätüjä̧, iweye jua̧u̧tä̧ cha'attü.

San Juan 16:19

Pä'ü ukuoku, jä'epü ttä̧ju̧kua̧ pätta'a, Jesú-mä̧ wo̧jui̧'ü̧ päinä̧u̧: —¿A̧'u̧kua̧'a̧tä̧ jü̧ o'ka'a to'kuätukuokä̧kua̧sä̧ ja̧'wa̧ta̧nü̧ a̧'u̧kua̧'a̧tä̧ jü̧ o'ka'a, pä'äjita'anü̧ to'kuätukuä̧kua̧sä̧, pädäji jä̧ji̧, jä̧kuȩpä̧rä̧kuä̧wä̧tu̧kua̧'a̧ tä̧jí̧?

San Juan 16:30

Jitämä̧, wo̧jui̧'ä̧tü̧jä̧ o'kajuiyünä̧tä̧ wo̧jua̧ pä'ü, ujututtü ya̧tȩ jä̧ȩpä̧ra̧ku̧ pä'ü'i̧nä̧ rekuä rü̧jo̧ko̧ku̧jä̧; ja̧'wa̧nü̧ jo̧mȩttü̧ Dio-ttü ichinü̧ pä'ü esetätüjä̧.

San Juan 3:2

Jua̧u̧mä̧ Jesú-ru yodó do'ächü 'chä̧ji̧'ka̧ pä'inü̧: —Wo̧juȩkuä̧ i̧sa̧, ukurumä̧ wo̧juȩkuä̧ i̧sa̧ jü̧nä̧ Dio-ttü ichinü̧ pä'ü wo̧juä̧tü̧jä̧; isopäi'ünä̧ uku, jȩtto̧kü̧ juei jȩ'ku̧mä̧, ya̧tȩ'i̧nä̧ Dio ü̧jo̧ko̧ku̧mä̧ jȩo̧kü̧ pä'ü tu̧wo̧jua̧'a̧ttü̧.