San Lucas 7:13 - Nuevo Testamento Uwotjüja

¹³ Toomȩnä̧, Jesú-mä̧ rȩrü̧jä̧chi̧'ä̧ku̧, juäjuru pä'inü̧: —Täkü kuajuäwä.

TÄ̧DO Ä̧CUÄ̧ I̧HUȨNȨ

¹³ Ja̧'hua̧ ja̧'a̧ttö̧ jahuäjuru topö Tu̧ru̧hua̧ re rö̧jö̧nä̧ topinö jahuäjuru. Ja̧'hua̧ ja̧'a̧ttö̧ päinäcuado: —Cuajuähuä'.

San Lucas 7:13 Iomraidhean Croise

San Marcos 8:2

—Pitü ttü̧ja̧rü̧ rȩrü̧jü̧ tochünä̧ jä̧ku̧sä̧, wäbodäkuä mo̧ro̧ päi'ünä̧ ttüku ttü̧ja̧kua̧'a̧nä̧, ttu̧kuȩ juiyiyäku.

San Lucas 10:1

Jua̧u̧ jä̧ji̧ o'ka'a, Tu̧ru̧wa̧mä̧ kkorotü setenta-nü̧ wotürü pojopü we'inü̧, chutä i̧'chä̧kuo̧mȩ pünä̧mä̧ o'kajuiyünä̧, ä'kanä̧ ta̧ju̧pü̧nä̧ tti̧'chi̧ya̧rü̧ pä'ü.

San Lucas 11:1

Ya'utenä̧, Jesú-mä̧ yo̧mȩtȩttü̧ Dio-rü ukuoku kädäja'a, u̧wo̧juȩtä̧u̧ttü̧ ya̧tȩ ichi'ü päinä̧ku̧: —Chu̧ru̧wa̧, Ju̧a̧ u̧wo̧juȩtä̧u̧rü u̧wo̧juȩti̧nü̧ta̧'a̧nü̧ Dio-rü ukuokuäkuäwä wo̧juȩti̧tü̧.

San Lucas 11:39

Ja̧'wa̧nü̧ amükuädiyäku Jesú-mä̧ päinä̧ku̧: —Ukutu fariseo wotümä̧, i̧so̧'ta̧'i̧nä̧, sä̧rä̧bä̧'i̧nä̧ wä̧mȩnä̧tä̧ tükätüjä̧ ja̧'wa̧nü̧ ja̧'a̧nä̧ jakuänä̧mä̧ nä̧u̧kuä̧rä̧kuä̧wä̧tä̧, surojütä rü̧ȩnä̧ ȩnä̧rä̧tü̧jä̧.

San Lucas 12:42

Päiyäku Jesú-mä̧ ädätinä̧ku̧: ¿Dí ja̧'a̧jä̧ttü̧ ukututtü u̧ru̧wa̧ iäre adiu wo̧juȩku̧nä̧ tta̧wä̧ra̧ pä'ü u̧ju̧nä̧kua̧mä̧, jua̧u̧ ichomȩnä̧ aditäwä jä̧jí̧ i̧mi̧tarü pä'ü?

San Lucas 13:15

Päiyäku, Jesú-mä̧ ädätinä̧ku̧: —Ä'koyättütä esetätüjä̧, ¿ukutu'i̧nä̧ kuä̧ji̧mu̧tu̧ku̧ buey-rü'i̧nä̧, Buro-rü'i̧nä̧ ajiya ttawa pä'ümä̧, Sawaru mo̧ro̧ ȩpo̧ko̧tü̧ pä'ijä̧tü̧jä̧ tä̧jí̧?

San Lucas 17:5

Apótore-mä̧ ttu̧ru̧wa̧rü̧ pä'inä̧tü̧: —Yabonü̧ ta̧'kua̧ tu̧wȩnä̧rü̧nä̧ ppä'äditü.

San Lucas 17:6

Pättäku ttu̧ru̧wa̧mä̧ ädätinä̧u̧: —Kua̧'kua̧ ku̧wȩnä̧rä̧tu̧ku̧mä̧, suro mostaza u̧wä̧ju̧ isäte jä̧'i̧jü̧ta̧'a̧nü̧ jü̧ttü̧'i̧nä̧, pi dau sicómoro isäi: porümä̧ pporächi'ü, rü̧ä̧ ajenä̧ kkä̧mä̧di̧, päkuätukuttü'i̧nä̧, esetäkua'a.

San Lucas 18:6

ja̧'wa̧ta̧nü̧ Jesú-mä̧ päinä̧u̧: Adiu ä̧ju̧kuä̧tu̧kui̧, su̧ro̧pa̧ juez pättäku päinü̧mä̧.

San Lucas 19:8

Ja̧'wa̧nü̧ ja̧'a̧, Zaqueo-mä̧ ä̧rä̧mi̧'ü̧ kkä̧mä̧dü̧ u̧ru̧wa̧ Jesú-ru pä'inü̧: —Topi, chu̧ru̧wa̧ chu̧ju̧nä̧rü̧ pärätä ju'to o'kajuiyünä̧, usurä isotürü iyüsä; ja̧'wa̧nü̧ ja̧'a̧nä̧ ya̧tȩrü̧ kkorojuei chü̧nä̧u̧kuä̧'i̧jü̧ttü̧mä̧, jua̧u̧ttü̧'i̧nä̧ yabokumä̧ pa̧ja̧kuä̧nü̧ jo̧mȩnä̧ ppa̧dä̧dä̧kua̧ jua̧u̧mä̧.

San Lucas 22:61

Ja̧'wa̧nü̧ ja̧'a̧, Tu̧ru̧wa̧mä̧ Peduru-rü kkärächi'ü topinü̧. Toäku, Peduru-mä̧ amükuädi'inü̧, U̧ru̧wa̧ päinü̧ jä̧jí̧: «Jitä mo̧ro̧, äkärä woäkua'a ä'kanä̧mä̧, wäbodäkuä jo̧mȩnä̧, ttürümä̧ kuä̧ppü̧ti̧'ä̧kua̧jä̧,»

San Lucas 24:3

Ja̧'wa̧nü̧ ja̧'a̧, dodepü tottomȩnä̧, Jesú 'korujuo'ächäji päjimä̧, to'epinü̧.

San Lucas 24:34

Pa̧'a̧nü̧ ukuoku: Isopäi'ünä̧ Tu̧ru̧wa̧mä̧ tto'ächäjido, Simón-rü̧ i̧jȩkuä̧ji̧.

San Lucas 7:12

Ja̧'wa̧nü̧ ja̧'a̧ ütawiyä äpate ä'ka ütü'küwächi'omȩnä̧, rekua kki̧tti̧ chu̧'ä̧kua̧ pä'ijü 'koru päi'äja'a, iku tti̧'cha̧'a̧ topinü̧, ttü̧ja̧'i̧nä̧ rekuätü 'chi̧nä̧tü̧.

San Lucas 7:14

Yotäku 'chä̧wi̧'ü̧ ttȩpä̧bä mȩ'ü̧nü̧, ȩpä̧jä̧tü̧tä̧ ttü̧ja̧kuä̧ma̧'a̧nä̧, Jesú-mä̧ 'koru juo'ächäjirü pä'inü̧: —Mü̧ä̧ya̧, ukuru pä'üsä: ¡Ä̧rä̧mi̧'i̧!

San Lucas 7:19

We'inü̧: ¿Ukutäjä̧ kuichäkua'a tta̧tä̧rä̧'i̧jä̧ku̧mä̧ ja̧'wa̧nü̧ jü̧ juiyüttü'i̧nä̧, kka̧ra̧rü̧ tta̧tä̧rä̧kua̧'a̧? pä'ü jä'epü ttä̧ju̧kuä̧ja̧rü̧ pä'ü.

San Lucas 8:52

Ja̧'wa̧nü̧ ja̧'a̧ o'katoi'ünä̧ juäjuru rettü ajuäkuäwinä̧tü̧. Ja̧'wa̧nü̧ ji̧yä̧ku̧, Jesú päinä̧u̧: —Kuajuäkuäwätukuä; ji̧'ki̧chawajumä̧, 'korujuo'ächokoju päjäju ja̧'a̧, suro ä'ütä ä'äju.

San Juan 11:2

Paju María, Rázaru ubüamä̧, juäjutä ji̧na̧'a̧ Tu̧ru̧wa̧ Jesucrito-rü ü̧jä̧pü̧nä̧ a̧mȩwoya tu'epü kkuwo'chenä̧ 'ka̧'i̧nä̧jü̧ pinä̧ju̧mä̧.

San Juan 11:3

Ja̧'wa̧nü̧ ja̧'a̧ttü̧ kkijäwajuku, Jesú-ru pa̧'a̧nü̧ pä'äjätukuirü pä'ü jittäwäjiyatü pä'ü we'inä̧tü̧: —Chu̧ru̧wa̧, kua̧wa̧ru̧wa̧ repekuä'ijäkumä̧ na̧'ä̧chü̧, pä'ü.

San Juan 20:13

Juätü jättepinä̧kua̧: —Isaju, ¿Tta̧'a̧nü̧ pä'ü kuajuäwa'ajä̧ttü̧? Pättäkua, pä'inä̧ju̧: —Chu̧ru̧wa̧rü̧ ȩmi̧pä̧jä̧'kotü, ttütäjomȩ'i̧nä̧ jerupü ajuäwäjusä.

San Juan 20:15

Jesú-mä̧ jä'epü ä̧ju̧kui̧nä̧kua̧: —Isaju, ¿Tta̧'a̧nü̧ pä'ü kuajuäwa'ajä̧ttü̧? ¿Dírü kusa'ajä̧ttü̧? pä'ü jäepäkua, Juȩnȩtä̧ kuäwä tta̧wä̧rä̧kuä̧wä̧ i̧sa̧kü̧ pä'ü, pä'inä̧ju̧: —Chu̧ru̧wa̧, uku kuȩmi̧pä̧ji̧ttü̧mä̧, kutäjomȩ ji'äwittü, chȩmä̧ja̧rü̧.

San Juan 4:1

Ja̧'wa̧nü̧ ja̧'a̧ fariseo wotümä̧ wo̧jui̧'i̧nä̧tü̧, Jesú-mä̧ Ju̧a̧-ttü̧'i̧nä̧ abonä̧nü̧ u̧wo̧juȩtä̧u̧rümä̧ kku̧nä̧rü̧do ja̧'wa̧ta̧nü̧ bautizo'i̧nä̧ rekuätürü jȩpü̧do pätta'a,

San Juan 6:23

Ja̧'wa̧nü̧ ja̧'a̧nä̧mä̧, Tiberias ütawiyä, cebada o̧si̧, Tu̧ru̧wa̧ Dio-rü eseu ukuoku iyä'chäjomȩttü̧ kkoro woi'kiyu rȩbȩwi̧pü̧ rü̧jä̧mi̧na̧'a̧.

1 Corintios 7:30

ja̧'wa̧ta̧nü̧ ajuäkuäwätümä̧, ajuäwokotü 'kua̧rü̧nä̧ kka̧kuä̧tu̧kui̧; ja̧'wa̧ta̧nü̧ eseäkuäwätümä̧, esewokotü 'kua̧rü̧nä̧ kka̧kuä̧tu̧kui̧; mitü ȩmü̧ kka̧kuä̧tü̧mä̧, kuiäretuku jo̧ka̧'a̧ 'kua̧rü̧nä̧ kka̧kuä̧tu̧kui̧;

1 Tesalonicenses 4:13

Ja̧'wa̧ta̧nü̧ chawaruwä chi̧jä̧wa̧tü̧, 'korujuo'ächinä̧tü̧ ttütü'kümä̧ kuieruwätukuamä̧ pä'okotüjä̧. Kuieruwätukuttümä̧ kua̧'kua̧ tta̧kuȩkuä̧kuo̧tü̧jä̧, tta̧wä̧räkuä̧wä̧ wȩnȩ jui'ätü 'kua̧rü̧nä̧tä̧.

Hebreos 2:17

Ja̧'wa̧nü̧ jȩa̧ pä'ümä̧ o'kajuiyünä̧tä̧ ü̧jä̧wa̧tü̧ ttomȩbü wa̧ pä'i'inü̧, Dio-ttü sacerdote-tü̧ ttu̧ru̧wa̧ päi'a pä'ü'i̧nä̧, re kkä̧kuä̧wä̧ i̧sa̧ päi'a pä'ü'i̧nä̧, jü̧nä̧; ja̧'wa̧ta̧nü̧ ttü̧ja̧ suronä̧ jȩttä̧'i̧jü̧ usurä ȩmä̧u̧ mitäu iku iso juo'epinü̧.

Hebreos 4:15

Isopäi'ünä̧ ujutu tijuiyüwa'a rettü ppädü'anü̧ wa̧mä̧ to'ätüjä̧ ukuo i̧sa̧ sacerdote-tü̧ ttu̧ru̧wa̧mä̧. Ja̧'wa̧nü̧ ja̧'a̧nä̧, Jua̧u̧tä̧tä̧ ja̧'a̧, ujutu ta̧'a̧nü̧ wa̧rü̧ kka̧kuä̧mȩ'ü̧ toinä̧ku̧mä̧; ja̧'wa̧nü̧ ja̧'a̧nä̧ yoriso surojümä̧ jȩpo̧kü̧ pinü̧.