San Lucas 6:22 - Nuevo Testamento Uwotjüja

²² Eseäkuäwä rȩbȩä̧kuä̧wä̧kua̧'a̧, Ttü jäwänä̧, ttü̧ja̧ ukuturu kkü'kü jui'ü ya̧'a̧wä̧'chü̧, kuäkuäpü jȩtto̧mȩnä̧.

TÄ̧DO Ä̧CUÄ̧ I̧HUȨNȨ

²² “Ucutumä ttö̧ja̧ ttöjö'cocomenä'inä, ucuturu 'quȩ'ȩcu̧ tticuomenä'inä, huottäcuähuomenä'inä, pä̧huä̧ juiyönä tottomenä'inä, ucutu Ubo I̧tti̧rö̧ cuesetätucua'attö, eseunu cu̧ja̧cuä̧cuo̧tö̧jä̧.

San Lucas 6:22 Iomraidhean Croise

San Mateo 10:18

Jua'a yabonä̧ ttü jäwänä̧mä̧, ruwotü gobernadores ttä'ka'i̧nä̧, ruwotü tturuwotü ttä'ka'i̧nä̧, judío pokotü ttä'ka jo̧mȩ'i̧nä̧ ttȩpä̧kuä̧u̧jä̧ ttü jäwänä̧mä̧, juätürü jikuäwätukua pä'ü.

San Mateo 10:22

Ttü chi̧mi̧ jäwänä̧mä̧, o'katoi'ünä̧tä̧ tta̧mi̧suru tottäkuä̧u̧jä̧; ja̧'wa̧nü̧ ja̧'a̧nä̧ rüjí mo̧ro̧bü päi'ünä̧ a̧mi̧ 'ki'ächi'ü ü̧jü̧ttü̧mä̧, jua̧u̧tä̧tä̧ jä̧kua̧'a̧ ü̧ji̧pä̧kua̧mä̧.

San Mateo 10:39

A̧'kua̧rü̧ tta̧wä̧rä̧kuä̧wa̧ pä'ü amükuädümä̧, to̧ȩ'ä̧chä̧kua̧ ja̧'wa̧nü̧ ja̧'a̧nä̧ ttü jäwänä̧ to'e'ächümä̧, a̧'kua̧rü̧ ü̧'o̧kui̧'ä̧kua̧.

San Lucas 20:15

Ja̧'wa̧nü̧ pä'ü, uwa pättattü rä'epächü, kuä'ü ttikuinä̧ku̧. ¿Ja̧'wa̧nü̧ ji̧na̧'a̧mä̧, uwa pätta u̧ru̧wa̧mä̧, däjé jȩä̧kuä̧u̧jä̧ttü̧ juätürümä̧?

San Lucas 21:17

Ja̧'wa̧ta̧nü̧ o'katoi'ünä̧, Ttü jäwänä̧mä̧ ttü̧jü̧'ko̧ko̧u̧ kuäkuotüjä̧.

San Lucas 6:21

Jitä ppäi ttu'ätürü eseäkuäwä rȩbȩä̧kuä̧wa̧'a̧, jua'amä̧ suttädi'äkua'attü. «Jitä ajuäkuäwätürü eseäkuäwä rȩbȩä̧kuä̧wä̧kua̧'a̧, jua'amä̧ ya̧ttä̧wä̧kua̧'a̧ttü̧».

San Juan 12:42

Ja̧'wa̧nü̧ ja̧'a̧nä̧'i̧nä̧, ruwotümä̧ rekuätü Jesú-ru esetinä̧tü̧; ja̧'wa̧nü̧ tteseta'anä̧, fariseo wotü sinagoga-ttü rä'epü ttikuätü pä'ü, wäjuönä̧mä̧ ji'äwokotü pinä̧tü̧.

San Juan 16:2

Sinagogas odewiyättü rä'epe'ü ttikuäkuä̧u̧jä̧ ja̧'wa̧ta̧nü̧ ji̧yȩtȩ mo̧ro̧ ichäkua'a, ukuturu kuä'ü ikumä̧, Dio-rü eseu jȩpü̧sä̧ pättü mo̧ro̧.

San Juan 17:14

Ttümä̧ kui̧wȩnȩ chiyinä̧u̧; ja̧'wa̧nü̧ ja̧'a̧ pi̧jä̧ ttü̧ja̧mä̧ ttü̧jü̧'ko̧ko̧u̧ pinä̧tü̧, pi̧jä̧ ttü̧ja̧ ttoka'attü, ttü'i̧nä̧ pi̧jä̧ ttü̧ja̧sa̧ chü juiyüta'anü̧.

San Juan 7:7

Pi̧jä̧ ttü̧ja̧mä̧, ukuturu ttüjü'koka'amä̧ jȩtto̧ko̧u̧jä̧; ja̧'wa̧nü̧ ja̧'a̧nä̧ ttürümä̧ kkü'kokotü, ukutumä̧ surojü jȩpä̧tü̧jä̧ pä'ü jidäwä̧u̧.

San Juan 9:34

Pä̧i̧yä̧u̧ pättinä̧ku̧: —Ukú, surojünä̧ uwäpächinü̧mä̧, ¿Ujuturu ku̧wo̧juȩta̧'a̧ tä̧jí̧? pä'ü rä'epü ttikuinä̧ku̧.

Hechos 22:22

Ja̧'wa̧nü̧ ja̧'a̧mä̧, juȩnȩbütä ä̧ju̧kui̧'i̧pü̧; pä̧i̧ku̧nä̧ wopi'inä̧tü̧: «¡Pide ttü̧ja̧sa̧ ü̧ja̧ pä'ümä̧ juiya'a! ¡pi̧jä̧ttü̧mä̧ si'epü ikuirü!», jü̧nä̧.

Hechos 24:5

Pide ütü'kü wo̧jui̧'i̧nä̧tü̧jä̧ pi̧jä̧ o'kajuiyünä̧, ttü̧ja̧rü̧ surojuoepümä̧ ja̧'wa̧ta̧nü̧ judío-rü rowäkuäu 'kȩttȩkuä̧chü̧nä̧ aditü'i̧nä̧, nazarenos ttu̧ru̧wa̧ jü̧nä̧ aditü kue'ächü jȩa̧'a̧mä̧.

Hechos 9:16

Isopäi'ünä̧ Ttü jua̧u̧ru̧ chi̧jȩpä̧kua̧sä̧, ttü chi̧mi̧nä̧ usurä ttȩmä̧wa̧ pä'ü rü̧ȩnä̧ rekuä rü̧jü̧ wȩnȩ.

Santiago 1:12

Surojü kka̧kuä̧mȩ'a̧'a̧nä̧ ujuruku a̧mi̧ 'ki'ächi'ümä̧ eseäkuäwä u̧ju̧nä̧rä̧kua̧, jua'amä̧ ja̧u̧ 'kuä'o'ü jo̧mȩnü̧ pä'i'ümä̧ Dio rȩpȩä̧u̧ru̧ premio pättü chiyäkua̧sä̧ päinü̧ kkä̧kuä̧wä̧ i'ko ȩmä̧kua̧'a̧ttü̧.

1 Pedro 3:14

Ja̧'wa̧nü̧ ja̧'a̧nä̧ yabonä̧ adiu jȩ'kuä̧tu̧kua̧'a̧nä̧'i̧nä̧ usurä ȩmä̧wä̧'i̧jä̧tü̧jä̧, ¡Eseäkuäwä kku̧nä̧rä̧tu̧kui̧! Ya̧tȩrü̧'i̧nä̧ ye'ünü̧mä̧ yekuekui'ätukuä.