San Lucas 6:13 - Nuevo Testamento Uwotjüja

¹³ Kkoro mo̧ro̧juoäja'a u̧wo̧juȩtä̧u̧rü wopo'ü juätüttü doce-nü̧ wotürü pojopü ȩmü̧: O̧i̧nä̧u̧ apótore, pä'ü.

TÄ̧DO Ä̧CUÄ̧ I̧HUȨNȨ

¹³ Täcö mo̧ro̧ juomenä, huopinödo u̧huo̧juȩtä̧u̧ru̧. Ja̧'hua̧ ja̧'a̧ttö̧ jahuätöttö hue'inödo ttö̧jä̧pö̧ttö̧nö̧ ta̧ju̧nu̧ru̧, hue'ähuotö päi'önä.

San Lucas 6:13 Iomraidhean Croise

San Mateo 10:2

Doce-nü̧ wotü apótore tti̧mi̧pi̧yä̧mä̧ pi̧yȩ ji̧na̧'a̧: Ä̧kuo̧mȩnä̧mä̧ Simón ji̧na̧'a̧, Peduru pä'ü oinä̧ku̧'i̧nä̧, i̧jä̧wa̧ André'i̧nä̧; ja̧'wa̧ta̧nü̧ Zebedeo i̧tti̧mü̧: Sa̧ti̧a̧ku̧'i̧nä̧, i̧jä̧wa̧ Ju̧a̧'i̧nä̧, jü̧nä̧;

San Mateo 19:28

Jesú-mä̧ ädätinä̧u̧: —Isopäi'ünä̧ pädäu̧jä̧, ukutu ttü cho'ka'anä̧ ichinä̧tü̧mä̧, ji̧yȩnü̧ o'kajuiyünä̧tä̧ pärowächü mo̧ro̧ päi'omȩnä̧, ubo I̧tti̧mä̧ chutä uruwo dȩä̧kä̧nä̧ ü̧'ä̧mä̧do̧mȩnä̧ ukutu'i̧nä̧ doce-nü̧ jü̧ ruwo dȩä̧ki̧yä̧nä̧, irae ttü̧ja̧ doce-nü̧ wotürü wekuätukua pä'ü ku̧'ȩjä̧mä̧kuo̧tü̧jä̧.

San Mateo 9:36

Ja̧'wa̧nü̧ ja̧'a̧ ttü̧ja̧ rekuätürü topü, rȩrü̧jü̧nü̧ toinä̧u̧, usurä ȩmä̧u̧ ttipperekuächini̧yä̧ku̧, oweja-tü̧ ttu̧ru̧wa̧ pató to'ätü 'kua̧rü̧nä̧ ttü̧ja̧kui̧yä̧ku̧.

San Marcos 6:30

Jua̧u̧ jä̧ji̧ o'ka'a apótore-mä̧ Jesú-ku ka̧ka̧kui̧päjä'kotü, o'kajuiyünä̧ jȩi̧nü̧'i̧nä̧ ja̧'wa̧ta̧nü̧ u̧wo̧juȩti̧nü̧'i̧nä̧ jittäwinä̧ku̧.

San Marcos 6:7

Ja̧'wa̧ta̧nü̧ u̧wo̧juȩtä̧u̧ ttü̧jä̧pü̧ttü̧ ta̧ju̧nü̧ wotürü wopo'ü, ttukuo iyü, ta̧ju̧pü̧nä̧ weinä̧u̧ epíritu-tu̧ suropätürü rä'epe'ü ttikua pä'ü.

San Lucas 11:49

«Ja̧'wa̧nü̧ ja̧'a̧ttü̧, Dio u̧wo̧juö̧nä̧mä̧ pä'inü̧: Profetas wotürü'i̧nä̧, apótore wotürü'i̧nä̧ wȩdä̧kua̧sä̧ ja̧'wa̧nü̧ ja̧'a̧nä̧ juätürü u̧sä̧rü̧, kuä'äu kuikuäkuotüjä̧.»

San Lucas 22:30

Ttüku chiäre mesa-nä̧ pä̧mä̧dü̧ au, ku̧kuȩ kukuätukua pä'ü. Ja̧'wa̧ta̧nü̧ Irae ttü̧ja̧ doce-nü̧ wotürü wekuätukua pä'ü, Ttü Ru̧wa̧ jü̧nä̧ wedomȩttü̧.»

San Lucas 6:14

Juätümä̧ pitü ji̧na̧'a̧: Simón, kkoro i̧mi̧mä̧ Peduru pä'ü oinä̧ku̧'i̧nä̧; ja̧'wa̧ta̧nü̧ ü̧jä̧wa̧ André'i̧nä̧; Sa̧ti̧a̧ku̧'i̧nä̧, Ju̧a̧'i̧nä̧, Felipe'i̧nä̧, Bartoromé'i̧nä̧,

San Juan 4:33

päomȩnä̧, u̧wo̧juȩtä̧u̧mä̧ ukuokuäkuäwinä̧tü̧: —¿Kkorotüdí̧ tti'chächäjiyäku? pä'ü.

Hechos 1:13

Ja̧'wa̧nü̧ ja̧'a̧ rȩbȩä̧kuä̧wi̧'ü̧mä̧, isode wä̧mȩ i̧so̧ka̧nä̧ ttü̧ja̧kuä̧jä̧ka̧nä̧ dodepinä̧tü̧, juätümä̧: Peduru'i̧nä̧, Ju̧a̧'i̧nä̧, Jacobo'i̧nä̧, André'i̧nä̧, Felipe'i̧nä̧, Tomá'i̧nä̧, Bartoromé'i̧nä̧, Mateo'i̧nä̧, Alfeo i̧tti̧ Jacobo'i̧nä̧, Simón Zerote pä'ü ottinä̧ku̧'i̧nä̧ ja̧'wa̧ta̧nü̧ Juda, Jacobo ü̧jä̧wa̧'i̧nä̧ ji̧na̧'a̧.

Efesios 2:20

Ukutumä̧, apótore winä̧tü̧'i̧nä̧, profetas pinä̧tü̧'i̧nä̧ isode rü̧o̧de, kkada'kiyu ttäräbe'a'a jä̧'i̧nü̧'a̧nü̧ ttaditinü̧nä̧ wotüjä̧, ji̧nä̧so yo'kitä jueü ino'kimä̧ Crito-tä jü̧nä̧.

Efesios 4:11

Jua̧u̧tä̧ ji̧na̧'a̧, jȩttü̧'a̧nü̧ jü̧ iyinü̧mä̧, yotüterümä̧ apótore tta pä'ü'i̧nä̧, kkorotürümä̧ profetas tta pä'ü'i̧nä̧; kkorotürümä̧ jareü wȩnȩ jiäkuäwä isotü tta pä'ü'i̧nä̧; kkorotürümä̧ patóre tta pä'ü'i̧nä̧ ja̧'wa̧ta̧nü̧ kkorotürümä̧ wo̧juȩkuä̧ isotü tta pä'ü'i̧nä̧, jü̧nä̧.

Hebreos 3:1

Ja̧'wa̧nü̧ ji̧na̧'a̧ttü̧ chü̧jä̧wa̧tü̧, ukutu surojüttü 'kȩ'ȩpü̧ ȩmü̧ iku kkä̧nü̧, Dio i̧tti̧mü̧ päi'ünä̧ woinä̧u̧mä̧, ttu̧'ȩpä̧rü̧ adiu amükuädätukui, apóto jü̧nä̧'i̧nä̧, sacerdote-tü̧ ttu̧ru̧wa̧ jü̧nä̧'i̧nä̧ wa̧mä̧, Crito Jesú-tä ja̧'a̧ tta̧'kua̧ tu̧wȩnä̧rä̧ku̧mä̧.

2 Pedro 3:2

Ji̧yȩnü̧ pä̧nä̧ surojü jui'ätü profeta-tü̧ pättinü̧ ji̧nü̧ amükuädätukui; ja̧'wa̧ta̧nü̧ tu̧ru̧wa̧ surojüttü kki̧'ä̧kuä̧wä̧ i̧sa̧ttü̧ weäwä wȩnȩ apótore pä̧ttä̧u̧ ukuturu ttu̧wo̧juȩti̧nü̧mä̧.

Apocalipsis 12:1

Mo̧ro̧jä̧ra̧'a̧ttü̧ i̧jȩkuä̧chi̧na̧'a̧: mo̧ro̧ kkä̧wa̧nä̧ juä'okui'äju o'kaju, isaju büa, kki̧jä̧pi̧yä̧ dȩa̧'a̧ kku̧nä̧ri̧nä̧ju̧ yodó kkä̧wa̧rü̧. Ja̧'wa̧ta̧nü̧ kkunä̧ kku̧nä̧ri̧nä̧ju̧ corona pättü kku'uttäwänä̧ doce-nü̧ si̧ri̧'ko̧tü̧rü̧mä̧.

Apocalipsis 18:20

Jua̧u̧ ütawiyä topü eseäkuäwätukui, ukutu mo̧ro̧jä̧nä̧ kka̧kuä̧tü̧'i̧nä̧; ja̧'wa̧ta̧nü̧ ukutu surojü jui'ätü'i̧nä̧, apótore wotü'i̧nä̧, profeta wotü'i̧nä̧, isopäi'ünä̧ Dio-mä̧, jua̧u̧ ütawiyä tä̧bo̧tü̧mä̧, ukuturu adiu ppä'ädü jȩa̧'a̧, jua̧u̧mä̧.

Apocalipsis 21:14

Ja̧'wa̧ta̧nü̧ ütawiyä tto̧ȩpäräbä 'chu̧ä̧ro̧mȩ kkada'kamä̧ ttü̧jä̧pü̧ttü̧ todäre jäwä jo̧mȩnä̧ i̧nä̧wiyä jȩpü̧ kku̧nä̧wi̧na̧'a̧, jua̧u̧ owänä̧mä̧ oweja mü̧ä̧ya̧ jü̧nä̧ wa̧ umüwäyotü apótore, ttü̧jä̧pü̧ttü̧ todäre jo̧mȩnä̧ wotü tti̧mi̧pi̧yä̧ wȩyu̧kua̧'a̧ pȩji̧na̧'a̧.