San Lucas 5:5 - Nuevo Testamento Uwotjüja

⁵ Päiyäku Simón-mä̧ ädätinä̧ku̧: —Wo̧juȩkuä̧ i̧sa̧, yodó 'kuäo'ünä̧ usurä tȩmä̧wa̧'a̧nä̧ yorisotä wo'opokotü päjätüjä̧; ja̧'wa̧nü̧ ja̧'a̧nä̧, uku kui̧wȩnȩ päkua'attü̧ chiäre ma'aya i̧sä̧sa̧ iku 'chü̧sä̧.

TÄ̧DO Ä̧CUÄ̧ I̧HUȨNȨ

⁵ Simón ädätinödo: —Huo̧juȩcuä̧ I̧sa̧, yodo 'cuäoi'önä huo'äjätöjä. Huota'anä ya̧tȩrö̧'i̧nä̧ huo'opocotö päjätöjä. Ja̧'hua̧nö̧ ja̧'a̧nä̧ täcö ucu huecuhua'attö, chöäre ma'ayä kä'ö icu huo'opösä.

San Lucas 5:5 Iomraidhean Croise

San Lucas 17:13

wopinä̧tü̧: ¡Jesú, wo̧juȩkuä̧ i̧sa̧, ujuturu re kkä̧wi̧tü̧!

San Lucas 8:24

Ja̧'wa̧nü̧ ji̧yä̧u̧ 'chä̧wi̧'ü̧ porädü iku pättinä̧ku̧: —¡Chu̧ru̧wa̧, Chu̧ru̧wa̧! ¡ma̧'ä̧chä̧tü̧jä̧! pättäku, Jesú-mä̧ ä̧rä̧mi̧'ü̧ kkä̧mä̧dü̧ woäkuäwi'omȩnä̧, kkä̧rü̧'koppamä̧ kkä̧mä̧da̧'a̧ttü̧, aje ppawäja'a'i̧nä̧ o'kajuiyünä̧tä̧ wirochi'ina̧'a̧.

San Lucas 8:45

Ja̧'wa̧nü̧ ja̧'a̧, Jesú-mä̧ pä'inü̧: —¿Díjä̧ttü̧ ttürü mȩ'ä̧ji̧mä̧? päomȩnä̧, ya̧tȩ'i̧nä̧ ttädätiyokoku, Peduru-mä̧ pä'inü̧, ja̧'wa̧ta̧nü̧ kkorotü'i̧nä̧ pä'inä̧tü̧: —Chu̧ru̧wa̧ ttü̧ja̧ ttirekua'a, ppi̧kuä̧chä̧rü̧nä̧, jȩtta̧'a̧mä̧, toku pä'ü: ¿Díjä̧ttü̧ ttürü mȩ'ä̧ji̧mä̧ päkua'ajä̧ttü̧?,

San Lucas 9:33

Ja̧'wa̧nü̧ ja̧'a̧ juätü u̧mä̧tü̧ Jesú-ttü 'kȩtti̧pä̧cha̧'a̧nä̧, Peduru-mä̧ Jesú-ru pä'inü̧: —Chu̧ru̧wa̧, ¡Pȩnȩ́ tü̧ja̧ pä'ü, juiyo adiwomȩ jä̧ttü̧! odewiyä ppo̧ü̧, wäbodekuä aditätüjä̧: Yodetemä̧ uku ku̧jä̧kuode, kkorodemä̧ Moisé ü̧jä̧kuode, kkorodetä Elía ü̧jä̧kuode, jü̧nä̧. Ja̧'wa̧nü̧ ja̧'a̧nä̧, Peduru ukuokumä̧, u̧wo̧jui̧po̧ka̧'a̧nä̧tä̧ ukuokuinü̧.

San Lucas 9:49

Ju̧a̧-mä̧ jua̧u̧ru̧ pä'inü̧: —Wo̧juȩkuä̧ i̧sa̧, ya̧tȩ uku kui̧mi̧nä̧ epíritu-tu̧ suropätürü rä'epe'ü ikuiyä̧u̧; jȩü̧ juiyünä̧ pätäjäku, ujutuku kueächiyo̧ko̧u̧.

San Juan 15:14

Ukutumä̧ ttü chawaruwä kuäkuotüjä̧, ttü wedü wȩnȩ jȩ'kuä̧tu̧ku̧ttü̧tä̧.

San Juan 2:5

Ja̧ju̧mä̧ juȩnȩ aditätürü pä'inä̧ju̧: —Päümä̧ o'kajuiyünä̧ jȩpä̧tu̧kui̧.

San Juan 21:3

Simón Peduru-mä̧ pä'inü̧: —Po̧i̧rü̧ wo'ü 'chü̧sä̧, Pä̧i̧yä̧u̧, juätü'i̧nä̧ pä'inä̧tü̧: —Ujutu'i̧nä̧ ukutäku ichätüjä̧. Ja̧'wa̧nü̧ pä'ü 'chä̧jä̧'kotü, woi'kanä̧ pȩjä̧mü̧ tti̧'cha̧ja̧'a̧nä̧; jua̧u̧nu̧ yodomä̧ yorisotä po̧i̧rü̧mä̧ wo'opokotü pinä̧tü̧.