San Lucas 4:35 - Nuevo Testamento Uwotjüja

³⁵ Pä'ü woiyäku, Jesú-mä̧ ra̧wä̧ri̧pü̧nä̧nü̧ päinä̧ku̧: —¡'Koruchi'i! ¡jua̧u̧ ku̧jä̧ku̧ttü̧ rä'opächi!, päomȩnä̧. Jua̧u̧ ttü̧ja̧sa̧tä̧ ttü̧'kä̧tȩ jo̧mȩ ma̧ä̧ma̧'a̧nä̧, epíritu su̧ro̧pa̧mä̧ jua̧u̧ttü̧ rä'opächinü̧, jua̧u̧ru̧ suronä̧ jȩo̧ka̧'a̧nä̧tä̧.

TÄ̧DO Ä̧CUÄ̧ I̧HUȨNȨ

³⁵ Jesús hue'ö icuinödo espíritu su̧ro̧pa̧rö̧. Päinäcudo: —'Coruchi'i. Rä'opächi ja̧u̧ ubottö. Ja̧'hua̧ ja̧'a̧ espíritu su̧ro̧pa̧ öcäyucui'omenä, jahuätö ttä'ca jo̧mȩ rȩjȩ kiähui'önä jȩi̧nä̧cu̧do. Ja̧'hua̧nö̧ rä'opächinödo espíritu su̧ro̧pa̧ suronä jȩä̧cuä̧huä̧ juiyönä.

San Lucas 4:35 Iomraidhean Croise

San Mateo 17:18

Ja̧'wa̧nü̧ ja̧'a̧, Jesú-mä̧ ujuruku weäku epíritu su̧ro̧pa̧mä̧ jua̧u̧ mü̧ä̧ya̧ttü̧ rä'opächinü̧, ja̧'wa̧nü̧ jo̧mȩnä̧ ji̧yȩtä̧ hora-nä̧tä̧ na̧wä̧chä̧ji̧ttü̧mä̧ pi̧'i̧nü̧.

San Mateo 8:26

Pättäku päinä̧u̧: —¿Tta̧'a̧nü̧ pä'ü yekuekuätukua'ajä̧ttü̧, ukutumä̧, Dio-rümä̧ kua̧'kua̧ wȩnä̧ro̧ko̧tü̧jä̧ tä̧jí̧? Pä'ü kkä̧nü̧, ä̧rä̧mi̧'ü̧ kkä̧rü̧'kopparü'i̧nä̧, rü̧ä̧ duborarü'i̧nä̧ ujuruku woi'omȩnä̧ o'kajuiyünä̧tä̧ wirochi'ina̧'a̧.

San Marcos 1:26

Woi'omȩnä̧, ü̧jä̧ku̧mä̧, ttiriri päi'ünä̧ tti̧ä̧wi̧pa̧'a̧nä̧, epíritu su̧ro̧pa̧mä̧ jua̧u̧ttü̧ pä̧i̧ku̧nä̧ wopü kkä̧nü̧ rä'opächinü̧.

San Marcos 4:39

Ja̧'wa̧nü̧ wottäku, ä̧rä̧mi̧'ü̧ kkä̧rü̧'ko̧pparü'i̧nä̧, rü̧ä̧ duborarü'i̧nä̧ we'ünü̧ wopi'inü̧: —¡Täkü 'koruchi'i!, ¡Täkü wirochi'i! Päomȩnä̧, kkä̧rü̧'koppamä̧ kkä̧mä̧di̧na̧'a̧, aje'i̧nä̧ wirochi'ina̧'a̧.

San Marcos 9:26

Ja̧'wa̧nü̧ päomȩnä̧, epíritu su̧ro̧pa̧mä̧ wopi'ü, mü̧ä̧ya̧mä̧ 'po'ächü juei'ünä̧ jȩpi̧nü̧, räopächomȩnä̧mä̧. Ja̧'wa̧nü̧ päi'omȩnä̧ rekuätü 'korujuo'ächäjikü̧ pä'inä̧tü̧.

San Lucas 11:22

Ja̧'wa̧nü̧ ja̧'a̧nä̧, ya̧tȩ jua̧u̧ttü̧'i̧nä̧ abonä̧nü̧ ujuru kku̧nä̧rü̧, ichi'ü ürowä'ä a̧'kua̧ u̧wȩnä̧rä̧ji̧'i̧nä̧, iäre rü̧ȩnä̧ mikuäu'i̧nä̧ 'cho'ipü, iäre jä̧ji̧mä̧ iyä'chü ikuiyäku.

San Lucas 4:23

Pättiyäku Jesú ädätinä̧u̧: —Isopäi'ünä̧ ukutumä̧ päkuä'chätukuäkua̧sä̧: Jawapü adikuä i̧sa̧ kua'attü̧, kua̧mü̧nä̧ pa̧ja̧tü̧ adiku ikui: O'kajuiyünä̧ Cafarnaúm ütawiyättü jȩ'ku̧ ukuowa'a tä̧ju̧kuä̧ji̧mä̧, porü kui̧rȩjä̧ttü̧'i̧nä̧ jȩpi̧ jü̧nä̧.

San Lucas 4:39

Ja̧'wa̧nü̧ ja̧'a̧, juäju kkü̧'a̧'a̧ku̧ ja̧rȩyu̧nu̧ pä'i'ü, na̧jä̧chü̧ we'ünä̧nü̧ päomȩnä̧; na̧jä̧chä̧ji̧ttü̧mä̧ pi̧'ä̧jä̧ju̧ o'kajumä̧ ä̧rä̧mi̧'ü̧ ttu̧kuȩ iyinä̧ju̧.

San Lucas 4:41

Ja̧'wa̧ta̧nü̧ rekuätü epíritu-tu̧ rä'äkuäu wopinä̧tü̧: ¡Ukumä̧ Dio i̧tti̧jä̧! pä'ü wottäku, Jesú-mä̧ wottü juiyünä̧tä̧ ra̧wä̧rü̧nü̧ wȩo̧ko̧u̧ pinä̧tü̧, Chujuamä̧ Crito ja̧'a̧ pä'ü ttu̧wo̧juä̧ku̧.

San Lucas 8:24

Ja̧'wa̧nü̧ ji̧yä̧u̧ 'chä̧wi̧'ü̧ porädü iku pättinä̧ku̧: —¡Chu̧ru̧wa̧, Chu̧ru̧wa̧! ¡ma̧'ä̧chä̧tü̧jä̧! pättäku, Jesú-mä̧ ä̧rä̧mi̧'ü̧ kkä̧mä̧dü̧ woäkuäwi'omȩnä̧, kkä̧rü̧'koppamä̧ kkä̧mä̧da̧'a̧ttü̧, aje ppawäja'a'i̧nä̧ o'kajuiyünä̧tä̧ wirochi'ina̧'a̧.

San Lucas 9:39

Ja̧'wa̧nü̧ ja̧'a̧ epíritu su̧ro̧pa̧ ujuru jȩo̧mȩnä̧, rü̧ȩnä̧ wopi'ä'ijü, i̧mȩrokuächa'attü änä̧ tteyuwoppa päi'ünä̧, usurä ȩmä̧u̧nä̧ jȩpü̧ räopächa päokoku pä'ijü.

San Lucas 9:42

Ja̧'wa̧nü̧ päiyäku, mü̧ä̧ya̧mä̧ i̧'chi̧'a̧'a̧nä̧, epíritu su̧ro̧pa̧mä̧, rȩjȩ ma̧'ä̧mü̧ juei'ünä̧ jȩi̧nä̧ku̧; ja̧'wa̧nü̧ päi'iyäku Jesú-mä̧ räopächünä̧ we'ü iku, mü̧ä̧ya̧rü̧mä̧ aditü iku, jä'orü ppa̧wä̧di̧nä̧ku̧.

Apocalipsis 12:12

¡Ja̧'wa̧nü̧ ja̧'a̧ttü̧, eseäkuäwätukui mo̧ro̧jä̧ jäwä'i̧nä̧, ja̧'wa̧ta̧nü̧ mo̧ro̧jä̧nä̧ kka̧kuä̧tü̧'i̧nä̧! jü̧nä̧. Ja̧'wa̧nü̧ ja̧'a̧nä̧, ¡Isottü̧! ¡rȩjȩnä̧'i̧nä̧, rü̧ä̧ ajenä̧'i̧nä̧ kka̧kuä̧tü̧rü̧ juiyo ra̧wä̧pi̧ja̧'a̧, isopäi'ünä̧ äwettämä̧ a̧'u̧ku̧nä̧tä̧ mo̧ro̧ kki̧'ä̧ku̧, wo̧juä̧u̧ ukuturu, suronä̧ jȩa̧ pä'ü a̧mi̧ sura'a mȩyȩwi̧nü̧!