San Lucas 4:25 - Nuevo Testamento Uwotjüja

²⁵ Isopäi'ünä̧ Iraettümä̧ rekuätü rȩkua̧mü̧ kka̧kui̧nä̧tü̧ Elía ü̧ji̧nü̧ pä̧nä̧, wäbodäkuä año ja̧'a̧nä̧ kkoro año ju'to jo̧mȩnä̧ juä̧jä̧ttü̧ ppäi ttuttinü̧ mo̧ro̧mä̧.

TÄ̧DO Ä̧CUÄ̧ I̧HUȨNȨ

²⁵ Iso päi'önä pä'ösä, recuätö rȩcua̧mö̧ Israel ttö̧ja̧ ttö̧'quȩtȩ ka̧cui̧nä̧tö̧ Dios i̧huȩnȩ jiäcuähuä i̧sa̧ Elías ö̧ji̧nö̧ pä̧nä̧. Ja̧u̧nu̧mä̧ huäbodäcuä a̧'ȩ ja̧'a̧nä̧ koro a̧'ȩ kä'conö ajiya ichoca'a ji̧na̧'a̧. Ja̧'hua̧ta̧nö̧ rö̧ȩnä̧ ppäi rö̧ji̧nö̧ o'ca juiyönä tti̧rȩjä̧nä̧.

San Lucas 4:25 Iomraidhean Croise

San Mateo 20:15

Ttütä chiäre pärätämä̧, ttürütä pä̧wä̧rü̧jo̧mȩnä̧ jȩpü̧sä̧. ¿Adiu jȩcha̧'a̧mä̧, uku kuju'kü juiyünä̧ ja̧'a̧ tä̧jí̧?

San Lucas 10:21

Ji̧yȩnü̧ pä̧nä̧, Jesú Epíritu Sa̧tu̧ jäwänä̧ jo̧mȩnü̧ eseu kkä̧nü̧ pä'inü̧: Chä'o, ukuru eseusä, mo̧ro̧jä̧'i̧nä̧, pi̧jä̧'i̧nä̧ u̧ru̧wa̧rü̧. Isopäi'ünä̧ pi̧yȩmä̧ rü̧ȩnä̧ wo̧juä̧tü̧ttü̧'i̧nä̧, rü̧ȩnä̧ amükuädätüttü'inä̧ dajü iku pärokuotü ppo̧'ä̧tü̧rü̧ kui̧jȩpi̧na̧'a̧ttü̧. A̧, Chä'o isopäi'ünä̧ ja̧'wa̧nü̧tä̧ kuesewomȩnä̧ ja̧'a̧ttü̧.

Romanos 9:15

Dio-mä̧ Moisé-rü pä'inü̧: «Rȩrü̧jü̧ tochäkurumä̧, re chü̧jä̧kua̧sä̧ ja̧'wa̧ta̧nü̧ rettü ppädädäkurumä̧, ppä̧dä̧dä̧kua̧sä̧.»

Romanos 9:20

Ja̧'wa̧nü̧ ja̧'a̧nä̧ uku ttü̧ja̧sa̧mä̧, ¿Dí kua'ajä̧ttü̧ Dio-rü päwä i̧sa̧ kua pä'ümä̧? ¿redä'kattü a̧di̧kuo̧'ta̧ i̧so̧'ta̧mä̧, yo̧'ta̧rü̧tä̧ aditinü̧rü̧mä̧: toku pä'ü ja̧'wa̧nü̧ kuaditinä̧ttü̧ttü̧ päü'anü̧ ja̧'a̧ tä̧jí̧?

Efesios 1:11

Ja̧'wa̧ta̧nü̧ Crito-nä̧mä̧, Chutä iäre tȩma̧ pä'ü ä'kojitä päi'ünä̧ ü'ojo'inä̧u̧jä̧, Chutä o'kajuiyünä̧ jȩpü̧ ja̧'a̧ttü̧, churutä pä̧wä̧rü̧jo̧mȩnä̧tä̧.

Efesios 1:9

Dio yä̧wä̧i̧nä̧ ä'kojitä päi'ünä̧ amükuädinü̧mä̧, Crito-nä̧tä̧ tu̧wo̧jui̧pü̧nä̧ jȩi̧näu̧jä Churutä pä̧wä̧rü̧jo̧mȩnä̧.

Santiago 5:17

Profetas Elía-mä̧ ujututa'anü̧ ttü̧ja̧ i̧sa̧ jü̧nä̧ winü̧, ja̧'wa̧ta̧nü̧ a̧'kua̧ wȩnä̧rü̧ kkä̧nü̧ ajiya ichü juiya pä'ü Dio-rü ukuokuomȩnä̧mä̧ ajiyamä̧ wäbodäkuä años 'kuäo'ünä̧nü̧ jo̧mȩnä̧ ichoka'a ji̧na̧'a̧

Apocalipsis 11:6

Pitümä̧ ttujuru kku̧nä̧rä̧tü̧, mo̧ro̧jä̧ttü̧ ajiya ichü juiyünä̧ jȩtta̧ pä'ü'i̧nä̧, jü̧nä̧, jittäu mo̧ro̧mä̧; ja̧'wa̧ta̧nü̧ ajewiyänä̧'i̧nä̧ ttujuru kku̧nä̧rä̧tü̧, ttukuojatä päi'ünä̧ jȩtta̧ pä'ümä̧. Ja̧'wa̧ta̧nü̧ pi̧jä̧nä̧ttü̧ surojünä̧ jȩtta̧ pä'ü'i̧nä̧, ttujuru kku̧nä̧rä̧tü̧, jȩttü̧nä̧tä̧ pä̧wä̧rü̧jo̧mȩnä̧mä̧.