San Lucas 4:18 - Nuevo Testamento Uwotjüja

¹⁸ Dio i̧sa̧ Epíritu ttünä̧tä̧ kkü̧, Jua'amä̧ ȩmi̧nä̧ku̧ cha'attü, usurä isotürü adiwäjuei jareü wȩnȩ ȩpü̧ chiya pä'ü; weinä̧ku̧sä̧ tta̧mi̧ iso'kinä̧ usurä ȩmä̧wä̧tü̧rü̧ aditü chikua pä'ü. Kärenä̧ pȩjä̧tü̧rü̧ rä'epü chikua pä'ü. Ja̧'wa̧ta̧nü̧ ä̧to̧kä̧tü̧rü̧ tottünä̧ jȩcha̧ pä'ü; suronä̧ jȩttä̧u̧ usurä ȩmä̧wä̧tü̧rü̧ rä'epü chikua pä'ü;

TÄ̧DO Ä̧CUÄ̧ I̧HUȨNȨ

¹⁸ Espíritu Santo ttöcu kö̧. Täcö 'quȩ'ȩcua̧sä̧ adihuä juäi huȩnȩ jidähua pä'ö usurä isotörö. Hueinäcusä aditö chicua pä'ö pi̧jä̧ jähuä usurä isotö juo'ächätörö, jidähua pä'ö rä'epö icuähuä huȩnȩ cärenä pȩjä̧tö̧rö̧'i̧nä̧, ä̧to̧cä̧tö̧rö̧ tottönä jȩcha̧ pä'ö'inä, suronä jȩttä̧u̧ru̧ ppädäda pä'ö'inä hueinäcusä.

San Lucas 4:18 Iomraidhean Croise

San Mateo 11:5

Ä̧to̧kä̧'i̧jä̧tü̧'i̧nä̧ topätü, tti̧'chü̧ juiyünä̧ wotü'i̧nä̧ kue'ächätü, Repra na̧nȩpä̧tü̧'i̧nä̧ pȩji̧pä̧tü̧, ttä̧ju̧ku̧ juiyünä̧ wotü'i̧nä̧ ä̧ju̧kuä̧tü̧, 'korujuo'ächätü'inä̧ tto'ächätü ja̧'wa̧ta̧nü̧ usurä isotürü'i̧nä̧ jareü wȩnȩ ji'äkuäwia'a.

San Mateo 12:18

Pidetä ja̧'a̧ chu̧mü̧wä̧ya̧, ttü chȩmi̧nä̧ku̧mä̧, Jua̧u̧ru̧ eseusä, rü̧ȩnä̧ repedäku ja̧'a̧ttü̧. Jua̧u̧nä̧ ttü i̧sa̧ Epíritu-ru chu̧ju̧nä̧kua̧sä̧, ja̧'wa̧ta̧nü̧ ro̧ȩkuä̧ wȩnȩ ji̧ä̧wä̧kua̧ judío pokotü pokotürümä̧.

San Mateo 12:20

Nä̧yü̧na̧ 'tȩä̧wi'inä̧na̧mä̧ 'te'ädü ikuokü jä̧kua̧, ra̧pa̧ra̧ isä'pa 'teyunu̧ kuoä'pa'i̧nä̧ na̧'ȩpo̧kü̧ jä̧kua̧, jueü wȩnȩ iso juoepomȩbü päi'ünä̧.

San Mateo 4:16

Ttü̧ja̧ yo̧ü̧nä̧ kka̧kui̧nä̧tü̧mä̧ rü̧ȩnä̧ tȩya̧u̧ tottäkuotü; ji̧yȩtȩ tȩya̧u̧, kkä̧dȩpä̧kua̧'a̧ wa'are isoppanä̧ kka̧kuä̧tü̧rü̧.

San Mateo 5:3

Eseäkuäwä kka̧'a̧, tta̧'kua̧rü̧ rekuä rü̧jä̧u̧ru̧, jua'amä̧ mo̧ro̧jä̧ jäwä weümä̧ juätürütä ja̧'a̧tȩ'ü̧ ja̧'a̧ttü̧.

San Lucas 4:17

Ä̧rä̧mi̧'ä̧ja̧'a̧ profeta Isaía kuyäru'tä ttiyinä̧ku̧. Ttiyäjäku ba'epü toomȩnä̧ pa̧'a̧nü̧ wȩyu̧kuo̧mȩ po̧kui̧pi̧nü̧:

San Lucas 6:20

Ja̧'wa̧ta̧nü̧ Jesú-mä̧ u̧wo̧juȩtä̧u̧rü topünü̧ pä'inü̧: Usurä isotürümä̧ eseäkuäwä rȩbȩä̧kuä̧wa̧'a̧, jua'amä̧ ru̧wa̧ Dio weümä̧ juätütä ttȩmä̧kuȩ ja̧'a̧ttü̧.

San Lucas 7:22

Jua̧u̧nü̧ o'ka'a, jä'epäjätürü pä'inü̧: —Tätukui, Ju̧a̧-rü̧mä̧ to'kuäjätukutä, kuä̧ju̧kuä̧jä̧tu̧ku̧tä̧ jikuäwätukuarüjä̧: Ä̧to̧kä̧tü̧'i̧nä̧ topätü, tti̧'chü̧ juiyünä̧ wotü'i̧nä̧ 'chä̧tü̧, Repra-ttü na̧nȩpä̧tü̧'i̧nä̧ pȩji̧pä̧tü̧, ä̧ju̧kuo̧ko̧tü̧'i̧nä̧ ä̧ju̧kuä̧tü̧, wa'ü ikuinä̧tü̧'i̧nä̧ tto'ächätü ja̧'wa̧ta̧nü̧ usurä isotümä̧ adiwäjuei jareü wȩnȩ ä̧ju̧kuä̧tü̧.

San Juan 1:41

André-mä̧, ä̧kuo̧mȩnä̧mä̧ ubüo Simón-rü̧ 'chä̧wi̧'ü̧ pä'inü̧: —Mesía-rü po̧kui̧pä̧jä̧tü̧jä̧ (Jua̧u̧mä̧ Crito pä'ü päwä).

San Juan 12:46

Ttü, tȩya̧u̧mä̧ pi̧jä̧ra̧'a̧ ichinü̧sä̧; Ttürü esetätümä̧ yo̧ü̧nä̧ ttü̧jü̧ juiya pä'ü.

San Juan 3:34

Ja̧'wa̧nü̧ ja̧'a̧ttü̧, Dio I̧tti̧ ukuokuomȩnä̧mä̧, Dio-tä ja̧'a̧ ukuokumä̧; jua'amä̧ Dio-mä̧ Epíritu-ru jo̧mȩnü̧ iyäku ja̧'a̧ttü̧.

Hechos 10:38

Dio-mä̧, Epíritu Sa̧tu̧ jäwänä̧ jȩpü̧, ujuru'i̧nä̧ iyinä̧ku̧ Jesú Nazare i̧sa̧rü̧mä̧. Ja̧'wa̧nü̧ ja̧'a̧ttü̧, Jesú-mä̧ adiutä ppä'ädü kue'ächinü̧, äwettä usurä ttȩmä̧u̧nä̧ jȩü̧'i̧nä̧ aditü ikuinü̧. Jua'amä̧ Dio chutäku ü̧ja̧'a̧ttü̧.

Hechos 26:18

tti'äre bakuepa pä'ü, yo̧ü̧ttü̧ tȩya̧u̧ku̧ tti'ärowächa pä'ü; Satanás ujuruttü Dio-ku tti'ärowächa pä'ü; suronä̧ jȩttä̧'i̧ja̧'a̧, jua̧u̧ jȩpü̧ chi̧kuä̧u̧, tta̧'kua̧ wȩnä̧kuä̧wä̧ ttüttü tȩmä̧kua̧'a̧nü̧, surojü jui'ätü jü̧nä̧tä̧.

Hechos 4:26

Pi̧jä̧ttü̧ ruwotümä̧ ja̧'wa̧ta̧nü̧ ttippeyänä̧ we'ätü'i̧nä̧ Ttu̧ru̧wa̧rü̧, Crito-rü ka̧ka̧ku̧ suronä̧ jȩtta̧ pä'ü amükuädinä̧tü̧.

Hechos 4:27

«Isopäi'ünä̧ ukú kui̧tti̧ surojü jui̧'a̧rü̧ suronä̧ jȩtta̧ pä'ü ka̧ka̧kui̧nä̧tü̧, Herodes'i̧nä̧, Poncio Pilato'i̧nä̧, Irae ttü̧ja̧ wokotü'i̧nä̧, Irae ttü̧ja̧'i̧nä̧, jü̧nä̧.

Colosenses 1:13

Dio-mä̧ yo̧ü̧ ujuruttü rä'epü iku I̧tti̧ ru̧wa̧ eseäkuäwänä̧ weomȩku̧ u̧ju̧ni̧nä̧u̧jä̧,

Santiago 2:5

Chawaruwä chü̧jä̧wa̧tü̧ pi̧yȩ adiu ä̧ju̧kuä̧tu̧kui̧: Dio-mä̧ pi̧jä̧nä̧ttü̧ usurä isotürü pojopü ȩmi̧nü̧ tta̧'kua̧ wȩnä̧rä̧kuä̧wä̧nä̧ ruwotü juotta pä'ü, ja̧'wa̧ta̧nü̧ eseu rȩpȩä̧u̧ru̧ Ru̧wa̧ Dio iäre ju'to uruwotü pätti'ünä̧, chi̧yä̧kua̧sä̧ päinü̧ ji̧nü̧ ttȩma̧ pä'ümä̧;

1 Pedro 2:9

Ja̧'wa̧nü̧ ja̧'a̧nä̧ ukutumä̧ ya̧tȩ i̧tti̧mü̧ jü̧nä̧ ü'ojo'inä̧u̧jä̧, ru̧wa̧ Rey-rü ppädärä̧kuä̧wä̧ i̧sa̧ sacerdote jü̧nä̧'i̧nä̧, pi̧jä̧ ruwäkuiyä ttü̧ja̧ surojü jui'ätü jü̧nä̧'i̧nä̧, Dio aditäwä adiwäjuei jikuäwätukua pä'ü, yo̧mȩttü̧ rä'epü iku i̧tȩya̧u̧ra̧'a̧ku̧ wopinü̧rü̧.