San Lucas 3:8 - Nuevo Testamento Uwotjüja

⁸ Isopäi'ünä̧ surojü käkuädi'ätukua'attü ttü̧ja̧ tottünä̧ i̧jȩkuä̧tu̧kui̧, kua̧'kua̧tu̧ku̧ jakuänä̧: «Ujutumä̧ Abraha̧ i̧tti̧mü̧jä̧» pä'ümä̧ kuamükuädätukuä. Isopäi'ünä̧tä̧ pädäu̧jä̧, Dio-mä̧ pidü inäduttü'i̧nä̧ Abraha̧ i̧tti̧mü̧rü̧mä̧ rä'epü u̧ju̧nu̧'a̧nü̧ ja̧'a̧.

TÄ̧DO Ä̧CUÄ̧ I̧HUȨNȨ

⁸ Iso päi'önä pärocuäcutä cuamöcuädätucuttumä, adiunä ttu̧huo̧jua̧ pä'ö jȩpä̧tu̧cui̧. Cuamönätucunä cuamöcuädätucuä': “Ujutumä Abraham ahuaruhuä o'cotöjä.” Ttö pä'ösä ucuturu, pidu inäduttu Diosmä Abraham ahuaruhuä o'cotörö aditö'a̧nö̧ ja̧'a̧.

San Lucas 3:8 Iomraidhean Croise

San Mateo 21:43

Ja̧'wa̧nü̧ ja̧'a̧ttü̧ ukuturu pä'üsä: Dio ru̧wa̧ jü̧nä̧ weümä̧ 'choipäkuä̧u̧jä̧, kkorotü ttü̧ja̧rü̧ iya pä'ü, u̧wä̧ju̧ iyätürü.

San Mateo 3:8

Isopäi'ünä̧, surojü käkuädi'ätukuttümä̧, tottünä̧ jȩpü̧ kka̧kuä̧tu̧kui̧,

San Mateo 3:9

Ja̧'wa̧ta̧nü̧ kua̧mü̧nä̧tu̧ku̧mä̧: Ujutumä̧ Abraha̧ i̧tti̧mü̧ isotüjä̧, pä'ümä̧ kuamükuädätukuä; isopäi'ünä̧ pädäu̧jä̧: Dio-mä̧ po'ki ido'kittü'i̧nä̧, Abraha̧ i̧tti̧mü̧rü̧mä̧ rä'epü u̧ju̧nu̧'a̧nü̧ ja̧'a̧.

San Lucas 13:25

Isode u̧ru̧wa̧ ä̧rä̧mi̧'ü̧ äpate mü̧'ȩpü̧ iku o'ka'a jü̧ttü̧mä̧, u̧mi̧ kka̧kuä̧tü̧mä̧ wottäkuotü: Chu̧ru̧wa̧ ba'epitü. Ja̧'wa̧nü̧ ja̧'a̧nä̧ ä̧dä̧tä̧kuä̧u̧jä̧: Ukuturumä̧ yoriso jȩru̧pa̧sä̧, jü̧nä̧tä̧.

San Lucas 13:26

Päomȩnä̧, ukutumä̧ wo'kuäkuäwi'äkuotüjä̧: Uku kuä'ka jo̧mȩttü̧ tu̧kuȩmä̧ kuinä̧tü̧jä̧, au'i̧nä̧ awinä̧tü̧jä̧, ja̧'wa̧ta̧nü̧ tidepiyu mä̧ni̧yä̧ttü̧ wo̧juȩti̧nü̧jä̧.

San Lucas 14:9

ukuru ä̧tȩpä̧ji̧, jua̧u̧tä̧ku̧ ichi'ü, piderü ü̧'a̧ iyi päüttümä̧; rüjinä̧ kkä̧kä̧nä̧ pä̧mä̧dü̧ dä'ä ttüku juiyäkua'anü̧.

San Lucas 19:40

Pättäku Jesú-mä̧ ädätinä̧u̧: —Isopäi'ünä̧ pädäu̧jä̧, juätü ttü'koruchi'üttümä̧, i̧nä̧wiyätä woi'äkua'a.

San Lucas 19:9

Jesú-mä̧ päinä̧ku̧: —Jitä mo̧ro̧, podenä̧ ra̧wä̧pi̧jü̧ttü̧ kki̧'i̧kuä̧ wȩnȩ rȩbȩä̧kuä̧wa̧'a̧. Isopäi'ünä̧ pide'i̧nä̧ Abraha̧ isotü i̧sa̧ ja̧'a̧ttü̧.

San Lucas 5:21

Ja̧'wa̧nü̧ pä̧i̧yä̧u̧, weäwä wȩnȩ wo̧juȩkuä̧ isotü'i̧nä̧, fariseo wotü'i̧nä̧ ukuokuinä̧tü̧: ¿Díjä̧ttü̧ ja̧'wa̧nü̧ Dio-rü suronä̧ pä'ümä̧? ¡suronä̧ jȩttü̧ jȩpü̧ iku Dio-mä̧, ya̧tȩtä̧ ja̧'a̧!, pä'ü

San Juan 8:33

Päomȩnä̧, ttädätinä̧ku̧: Ujutumä̧ Abraha̧ i̧tti̧mü̧ isotüjä̧ ja̧'wa̧nü̧ ja̧'a̧ttü̧ ya̧tȩ'i̧nä̧ ttu̧wo̧juȩtä̧u̧ jü̧nä̧mä̧ wȩtto̧ko̧u̧jä̧; ¿Tta̧'a̧nü̧ pä'ü rä'epü ikuäwäkuotüjä̧ pä'ajä̧ttü̧?

San Juan 8:39

Päomȩnä̧, pättinä̧ku̧: —¡Ujutu tä'omä̧, Abraha̧ ja̧'a̧! Pättiyäku Jesú ädätinä̧u̧: —Isopäi'ünä̧ Abraha̧ i̧tti̧mü̧ kuätukuttümä̧, Jua̧u̧ jȩi̧nü̧mä̧ jȩpa̧ja̧tü̧jä̧.

Hechos 26:20

ja̧'wa̧nü̧ jä̧ku̧, ä̧kuo̧mȩnä̧ Damasco ütawiyä ttü̧ja̧rü̧, jua̧u̧nü̧ o'ka'a Jerusarȩ́-nä̧'i̧nä̧, Judea rȩjȩ o'kajuiyünä̧ kka̧kuä̧tü̧rü̧'i̧nä̧ ja̧'wa̧ta̧nü̧ judío pokotürü'i̧nä̧ ji'äwinü̧sä̧, surojü kä'ädäkuäu Dio-rü ukuotü kkä̧kuä̧wä̧ wȩnȩmä̧.

Romanos 4:16

Ja̧'wa̧nü̧ ja̧'a̧ttü̧, Abraha̧-rü̧'i̧nä̧, i̧tti̧mü̧rü̧'i̧nä̧ iya pä'inü̧ mikuäwächi'ünä̧ ja̧ pä'ümä̧, mippoünä̧ iyinü̧, a̧'kua̧ u̧wȩnä̧ro̧mȩttü̧tä̧. Ja̧'wa̧nü̧ ja̧'a̧mä̧, suro weäwä wȩnȩ ukuotätürütä iya pä'ümä̧kü̧ ja̧'a̧; Abraha̧ ji̧nü̧ta'anü̧ tta̧'kua̧ wȩnä̧rä̧tü̧rü̧mä̧ o'katoi'ünä̧rü̧ iya pä'ü ja̧'a̧. Ja̧'wa̧nü̧ jo̧mȩnä̧ Abraha̧-mä̧ o'katoi'ünä̧ ttä'o ja̧'a̧.

Romanos 9:7

Abraha̧ i̧tti̧mü̧ ji̧na̧'a̧nä̧'i̧nä̧, o'katoi'ünä̧tä̧mä̧ i̧tti̧mü̧ wokotü pinä̧tü̧ ja̧'wa̧nü̧ ja̧jü̧ jueimä̧: «Isaac i̧tti̧mü̧nä̧tä̧ kui̧tti̧mü̧ jä̧kua̧'a̧, päwi'inä̧ku̧.»

Filipenses 1:11

Isopäi'ünä̧ Jesucrito ppäda'anä̧tä̧, adiwäjueimä̧ jȩ'kuä̧kuo̧tü̧jä̧ ttü̧ja̧ Dio-rü ukuotü tteseäkuäwarü pä'ümä̧.