San Lucas 24:44 - Nuevo Testamento Uwotjüja

⁴⁴ Ja̧'wa̧ta̧nü̧ päinä̧u̧: —Pi̧yȩ ukuokuinü̧sä̧ ukutuku kue'ächümä̧: Ttü chütü'kümä̧, Moisé i̧wȩyu̧ti̧nü̧'i̧nä̧, profeta tti̧wȩyu̧ti̧nü̧'i̧nä̧ ja̧'wa̧ta̧nü̧ Salmos-nä̧ wȩyu̧kuä̧'i̧nä̧ o'kajuiyünä̧tä̧ 'kuäopäkua'a pädinü̧mä̧.

TÄ̧DO Ä̧CUÄ̧ I̧HUȨNȨ

⁴⁴ Ja̧u̧nu̧ o'ca'a jahuätörö pä'inödo: —Ttörö 'cuäopäjimä, ucutucu ji̧nä̧ kä̧nö̧, ji'ähuinösä. O'ca juiyönä Moisés hueähuä huȩnȩ ttörö päö'a̧nö̧'i̧nä̧, Dios i̧huȩnȩ jiäcuähuä isotö ttörö tti̧huȩyu̧ti̧nö̧'a̧nö̧'i̧nä̧, Salmos cuyäru ttörö päö'a̧nö̧'i̧nä̧ 'cuäopäcua'a ji'ähuinösä.

San Lucas 24:44 Iomraidhean Croise

San Mateo 1:22

Ja̧'wa̧nü̧ ja̧'a̧ttü̧, pi̧yȩ o'kajuiyünä̧ 'kuäopinü̧mä̧, profeta-nä̧, Jä'o Dio, pa̧'a̧nü̧ ukuokuinü̧tä̧ 'kuäopina̧'a̧:

San Mateo 16:21

Jua̧u̧nu̧tä̧ kkä̧mä̧dü̧ Jesú-mä̧ u̧wo̧juȩtä̧u̧rü ji'äwinü̧ Jerusarȩ́-ra̧'a̧ i̧'cha̧ pä'ü rekuä rü̧jü̧mä̧, jua'attü judío-ttü a̧ci̧a̧nu̧ wotü'i̧nä̧, sacerdote-tü̧ tturuwotü'i̧nä̧ weäwänä̧ usurä ȩmä̧wi̧'ü̧'ka̧, kuä'ü ttiku o'ka'a wäbodäkuä mo̧ro̧ päi'omȩnä̧ ttoächä̧kuȩ wȩnȩmä̧.

San Mateo 26:54

Ja̧'wa̧nü̧ ja̧'a̧nä̧, ja̧'wa̧nü̧ jȩchü̧ttü̧mä̧ ¿wȩyu̧kuä̧ wȩnȩnä̧ ja̧'wa̧nü̧ jä̧kua̧'a̧ pä'ijümä̧ toku 'kuäopäkua'ajä̧ttü̧?

San Mateo 26:56

Ja̧'wa̧nü̧ ja̧'a̧nä̧, pi̧yȩ o'kajuiyünä̧ 'kuäopümä̧, profeta wotü wȩyu̧tu̧ ttütinü̧ta̧'a̧nü̧ 'kuäopa'a ja̧'a̧. Täkü jua̧u̧nu̧tä̧, u̧wo̧juȩtä̧u̧mä̧ o'katoi'ünä̧ kkatätä ü̧ji̧pa̧'a̧nä̧ dü'ekuächü tü'ipächinä̧tü̧.

San Marcos 9:31

Jua'amä̧ u̧mü̧wä̧yotürü u̧wo̧juȩta̧'a̧ jä̧ku̧, juätürü pä'inü̧: —Ttü, Ubó I̧tti̧mä̧ ttü̧ja̧rü̧ iyü tti̧kuä̧kua̧sä̧, ja̧'wa̧ta̧nü̧ kuä'ü'i̧nä̧ tti̧kuä̧kua̧sä̧; kuä'ü ttikua'anä̧ wäbodäkuä mo̧ro̧ päi'omȩnä̧ tto̧dä̧chä̧kua̧sä̧.

San Lucas 21:22

Isopäi'ünä̧ suronä̧ jȩtti̧nü̧ mikuä rȩbȩä̧kuä̧wä̧kua̧'a̧. Wȩyu̧tu̧ rütäwa'akutä.

San Lucas 22:37

Isopäi'ünä̧ pädäu̧jä̧, ttünä̧mä̧ wȩyu̧kuä̧ wȩnȩ: Suropätuku ttü̧'a̧ti̧nä̧ku̧, pä'ü wȩyu̧kuä̧'i̧jo̧mȩ jo̧mȩnü̧ päi'a pä'ü ja̧'a̧. Isopäi'ünä̧ o'kajuiyünä̧tä̧ ttü chütü'kü wȩyu̧kuä̧mä̧, jo̧mȩnü̧tä̧ 'kuäopa pä'ü ja̧'a̧.

San Lucas 24:46

Ja̧'wa̧nü̧ jȩpü̧ päinä̧u̧: —Wȩyu̧kuä̧mä̧ wȩyu̧tu̧ rütäwa'a pa̧'a̧, rekuä rü̧ja̧'a̧, Crito-mä̧ usurä ȩmä̧wi̧'ü̧'ka̧, wäbodäkuä mo̧ro̧ päi'omȩnä̧, wa'arettü tto̧ä̧chä̧kua̧ pä'ü.

San Lucas 9:22

Pa̧'a̧nü̧ pä'ünü̧: —Ttü Ubo I̧tti̧ rü̧ȩnä̧ usurä chȩmä̧wa̧ pä'ü rekuä rü̧ja̧'a̧, judío-ttü a̧ci̧a̧nu̧ wotüttü'i̧nä̧, sacerdote wotü tturuwotüttü'i̧nä̧, weäwä wȩnȩ wo̧juȩkuä̧ isotüttü'i̧nä̧, weäwänä̧ usurä ȩmä̧wi̧'i̧pü̧, kuä'ü'i̧nä̧ ttiku o'ka'a, wäbodäkuä mo̧ro̧ päi'omȩnä̧ tto̧dä̧chä̧kua̧sä̧.

San Lucas 9:44

Pi̧yȩ adiu 'chu'ädi'ü ä̧ju̧kuä̧tu̧kui̧: Ubó I̧tti̧rü̧mä̧ ttü̧ja̧ ttu̧mü̧nä̧ iyü tti̧kuä̧kua̧.

San Juan 3:14

Ja̧'wa̧ta̧nü̧ Moisé rȩba̧ dȩ'a̧ra̧'a̧ttü̧ ä̧ka̧rü̧ ju'toju äräbe'ü u̧ju̧ni̧nü̧ta̧'a̧nü̧; Ttü, Ubo I̧tti̧'rü̧'i̧nä̧ rekuä rü̧ja̧'a̧ ju'toju äräbe'ü ttu̧ju̧na̧ttü̧ pä'ü.

San Juan 5:39

Wȩyu̧kuä̧ wȩnȩ adiu topü ukuokuätukui; jua̧u̧nä̧tä̧ kka̧'a̧ 'kua̧'ra̧'a̧, ukutu ku̧jä̧tu̧kuä̧kuȩ kkä̧kuä̧wä̧ i'komä̧; jua̧u̧tä̧tä̧ ja̧'a̧ ttü chütü'kü jiäumä̧.

San Juan 5:46

Isopäi'ünä̧, Moisé-rü kuesetätukuttümä̧, ttürü'i̧nä̧ kuesetätuku'anü̧ ja̧'a̧, Moisé-mä̧ ttü chütü'kü wȩyu̧ti̧nü̧.

Hechos 13:33

jua̧u̧ ji̧nü̧mä̧, ujutu tti̧tti̧mü̧ o'kotürü iyinü̧. Ja̧'wa̧nü̧ jȩpü̧mä̧, Jesú-ru tto'ädinü̧, salmo-ttü̧ capíturu 2-nä̧ pa̧'a̧nü̧ pä'ijü'akuä: «Ukumä̧ ttü chi̧tti̧jä̧; jitä mo̧ro̧ chuwäbe'äkujä̧.»

Hechos 13:40

Ja̧'wa̧nü̧ ja̧'a̧ttü̧ ttu̧'ȩpä̧rä̧kuä̧u̧ kka̧kuä̧tu̧kui̧, profetas jittäwinü̧ ro̧ȩkuä̧ wȩnȩ 'kuäopü juiyätukuaku pä'ümä̧:

Hechos 2:27

Isopäi'ünä̧ ukumä̧ wa'arenä̧mä̧ kuikuipokoku chä̧kua̧sä̧ ja̧'wa̧ta̧nü̧ kuemi̧nä̧ku̧ cha'attü surojü tochünä̧mä̧ jȩ'kuo̧ko̧ku̧ chä̧kua̧sä̧.

Hechos 3:18

Ja̧'wa̧nü̧ ja̧'a̧nä̧, Dio umüwäyotü profeta-tü̧nä̧ ukuokuinü̧mä̧ 'kuäopina̧'a̧: Jua̧u̧ weäku Crito-mä̧ 'korujuoächä̧kua̧, pä'ü ukuokuinü̧ta'anü̧.

Hechos 7:37

Ja̧'wa̧ta̧nü̧, jua̧u̧ Moisé-tä ji̧na̧'a̧ Irae ttü̧ja̧rü̧ pä'inü̧mä̧: Dio-mä̧ ttü ta̧'a̧nü̧ profeta-rü ukututtü ya̧tȩrü̧ rä̧ȩpä̧kua̧, jua̧u̧ru̧ kuä̧ju̧kuä̧tu̧kua̧jä̧, jü̧nä̧.

Hebreos 10:1

Isopäi'ünä̧ Moisé weinü̧ wȩnȩ ji̧nü̧mä̧, suro kkoro adiwä juei a̧'kua̧juä̧ yodoji i̧chä̧kuȩtä̧ ji̧na̧'a̧, ji̧nä̧so ji̧yȩtä̧ i̧chä̧kuȩmä̧kü̧. Ja̧'wa̧nü̧ ja̧'a̧ttü̧ weäwä wȩnȩnä̧mä̧, 'kuäopünä̧ año jü̧ta̧'a̧nü̧ Dio-rü sacrificio pättü jȩtta̧'a̧nä̧ jo̧mȩnü̧mä̧ adiwächokotü pinä̧tü̧.

Hebreos 3:5

Ja̧'wa̧ta̧nü̧, Moisé-mä̧, Dio u̧mü̧wä̧ya̧ jü̧nä̧mä̧ adiu ukuotinü̧; ja̧'wa̧ta̧nü̧ Dio ȩmi̧nä̧u̧ru̧ tta̧'ä̧ri̧nü̧ weäwi'inü̧'a̧kuä̧mä̧; ja̧'wa̧ta̧nü̧ ji'äwinü̧ juätürü 'kuäopä̧kuȩ wȩnȩ'i̧nä̧.

Hebreos 7:1

Jua̧u̧ Mequisede-mä̧ Salem ütawiyä ru̧wa̧ pinü̧; mo̧ro̧jä̧ Dio rü̧tä̧wa̧ sacerdote pinü̧. Abraha̧-mä̧, ruwotürü kurä rowäu iso juo'epä̧ji̧'ka̧ ppa̧wä̧chi̧'a̧'a̧, Mequisede-mä̧ rä'o'ü te'äu kkä̧nü̧, adiutä ja̧rü̧ pä'ü ukuokuinä̧ku̧;

Hebreos 9:8

Pi̧yȩ pä'amä̧ Epíritu Sa̧tu̧mä̧ tu̧wo̧jui̧pa̧ pä'ü pä'inü̧, ji̧nä̧ ä̧kuo̧mȩnä̧ I̧so̧ka̧ Ro̧ka̧ kka̧'a̧nä̧mä̧, juȩnȩ yabonä̧ I̧so̧ka̧ Rü̧ȩnä̧ Ro̧ka̧nä̧ dottächa pä'ümä̧ weyekua'a pä'ü.

1 Pedro 1:11

Crito i̧sa̧ Epíritumä̧ profeta wotünä̧ ttu̧wo̧juö̧nä̧ jiäwinä̧u̧ Crito usurä ȩmä̧wä̧kuȩ'i̧nä̧ ja̧'wa̧ta̧nü̧ usurä ȩmä̧u̧ o'ka'a uruwo i̧chä̧kuȩ'i̧nä̧; ja̧'wa̧nü̧ ja̧'a̧ttü̧ juätümä̧ jitünä̧tä̧ kkü̧ Epíritu jiäwa'anä̧, 'kuäopä̧kuȩ mo̧ro̧ ttü̧'o̧kui̧'a̧ pä'ü usinä̧tü̧.

Apocalipsis 19:10

Á̧gȩ-rü̧ ä'ka jo̧mȩ chiwe'kiyunä̧ pä̧mä̧dü̧, chesewarü pä'ü jȩchä̧ku̧ päinä̧ku̧sä̧: Ja̧'wa̧nü̧mä̧ jȩ'kuä̧, ttü'i̧nä̧ ukuta'a̧nü̧ u̧mü̧wä̧ya̧sä̧, ku̧jä̧wa̧tü̧ Jesú jiäwinü̧nä̧ ukuotü kka̧kuä̧tü̧ jü̧ta̧'a̧nü̧ Dio u̧mü̧wä̧ya̧sä̧, Dio-rütä esewi. Isopäi'ünä̧ Jesú wo̧juȩtü̧ jiäwinü̧tä̧ ja̧'a̧ profeta wotürü yaboku tti̧'chü̧nä̧ jȩü̧mä̧.