San Lucas 22:26 - Nuevo Testamento Uwotjüja

²⁶ Ja̧'wa̧nü̧ ja̧'a̧nä̧, ukutumä̧ ja̧'wa̧nü̧mä̧ jȩpo̧ko̧tü̧ kuäkuotüjä̧. Ukututtü ku̧wä̧mȩtu̧ku̧nä̧ wa̧mä̧, i̧dȩa̧'a̧nä̧ wa̧ jü̧nä̧ kuäkuotüjä̧ ja̧'wa̧ta̧nü̧ wea pä'ü wa̧mä̧, ttu̧mü̧wä̧ya̧ 'kua̧rü̧nä̧tä̧ aditi.

TÄ̧DO Ä̧CUÄ̧ I̧HUȨNȨ

²⁶ Ja̧'hua̧nö̧ ja̧'a̧nä̧ ucutu ja̧'hua̧nö̧ jȩcu̧'ä̧tu̧cu̧ juiyö'a̧nö̧ ja̧'a̧. Pärocua'acu, ucututtu korotöttö'inä abonänö adihuä i̧sa̧mä̧, korotöttö'inä abonänö mö̧ä̧ya̧ ö̧jö̧'a̧nö̧ ö̧jä̧cua̧. Ja̧'hua̧ta̧nö̧ korotörö hue'ömä, ya̧tȩ huȩ'ä̧hua̧ ö̧jö̧'a̧nö̧ ö̧jä̧cua̧.

San Lucas 22:26 Iomraidhean Croise

San Mateo 20:26

Ja̧'wa̧nü̧ ja̧'a̧nä̧, ukuturumä̧ ja̧'wa̧nü̧ jo̧ka̧'a̧ jä̧kua̧'a̧. Isopäi'ünä̧, ya̧tȩ ukuo i̧sa̧ ü̧ja̧ päüttümä̧, ku̧mü̧wä̧ya̧tu̧ku̧ jä̧kua̧.

San Marcos 10:43

Ja̧'wa̧nü̧ ja̧'a̧nä̧, ukututtümä̧ ja̧'wa̧nü̧mä̧ jo̧ka̧'a̧ jä̧kua̧'a̧. Jua̧u̧ ja̧jü̧ jueimä̧, ukututtü ya̧tȩ uruwo u̧ju̧nä̧ra̧ pä'ümä̧, ukutu ku̧mü̧wä̧ya̧tu̧ku̧ jä̧kua̧.

San Marcos 9:35

Ja̧'wa̧nü̧ jä̧ji̧ o'ka'a, Jesú-mä̧, pä̧mä̧dü̧ ttü̧jä̧pü̧ttü̧ ta̧ju̧nü̧ wotürü, wopo'ü pä'inü̧: —Ya̧tȩ, ukututtü ji̧nä̧so ukuo i̧sa̧ ja̧ päüttümä̧ o'katoi'ünä̧ttü̧ rüjinä̧ i̧sa̧ jä̧kua̧, o'katoi'ünä̧rü̧tä̧ ppädäkuäwä i̧sa̧ jä̧kua̧.

San Lucas 9:48

päinä̧u̧: —Ttü chi̧mi̧nä̧ pide ji̧'ki̧cha̧wa̧rü̧ do'ädümä̧, ttürü'i̧nä̧ do'ädü; ja̧'wa̧ta̧nü̧ ttürü do'ädürümä̧, ttürü we'inü̧rü̧'i̧nä̧ do'ädü. Ja̧'wa̧nü̧ ja̧'a̧ttü̧ ukutu o'katoi'ünä̧ttü̧ ji̧'ki̧cha̧wa̧mä̧, jua̧u̧ jä̧kua̧'a̧ ku̧wä̧mȩtu̧ku̧nä̧ ukuo i̧sa̧mä̧.

Romanos 12:2

Jitä pä̧nä̧, pi̧jä̧ ttü̧ja̧ tta̧mü̧kuäda'akumä̧ ku̧ja̧kuä̧tu̧kuä̧; ja̧'wa̧nü̧ ja̧jü̧jueimä̧, pärokua'aku ku̧wo̧jui̧'ä̧tu̧kua̧'a̧ku̧tä̧ pärowächätukui, jȩpü̧ ku̧jä̧tu̧ku̧'i̧nä̧ pärowächünä̧ Dio-rü pä̧wä̧rü̧jü̧, Dio eseu, jo̧mȩnü̧ adiwä juei ku̧wo̧juä̧tu̧kuä̧kua̧'a̧nü̧.

1 Pedro 5:3

Tta̧kuä̧rä̧tu̧kuä̧u̧ tturuwotü jü̧nä̧mä̧ jȩ'kuä̧tu̧kuä̧, ja̧'wa̧nü̧ ja̧jü̧ jueimä̧ juätürü i̧jȩkuä̧ wotü jü̧nä̧tä̧ kka̧kuä̧tu̧kui̧.

1 Pedro 5:5

Ja̧'wa̧ta̧nü̧ ukutu mü̧ä̧yotü'i̧nä̧ igresia-ttü a̧ci̧a̧nu̧tu̧ru̧mä̧ ukuotätukui. O'katoi'ünä̧tä̧ kkorotümä̧ kkorotüku ukuo tekuäwätukuoka'a ukuotätukui, Isopäi'ünä̧: Dio-mä̧ ttukuo te'äkuäwätürümä̧ kkü'kokü, ja̧'wa̧nü̧ ja̧'a̧nä̧ ttukuo te'äkuäwokotürütä adiwäjuei iyü ppä'ädü.