San Lucas 22:22 - Nuevo Testamento Uwotjüja

²² Isopäi'ünä̧ Ttü ubo I̧tti̧rü̧mä̧, wȩyu̧kuä̧ wȩnȩ päüta'anü̧ 'kuäopä̧kua̧. Ja̧'wa̧nü̧ ja̧'a̧nä̧, ¡isottü̧, jua̧u̧ru̧ iyü ikurumä̧, juiyo ra̧wä̧pi̧ja̧'a̧, jua̧u̧we!

TÄ̧DO Ä̧CUÄ̧ I̧HUȨNȨ

²² Ubo I̧tti̧ Huȩyu̧cuä̧ Huȩnȩ päö'a̧nö̧ 'co̧ru̧juo̧ä̧chä̧cua̧. Ja̧'hua̧ ja̧'a̧nä̧ ja̧u̧ru̧, suronä jȩpä̧tö̧rö̧ i̧yä̧cua̧rö̧, suronä 'cuäopäcua'a.

San Lucas 22:22 Iomraidhean Croise

San Mateo 26:24

Isopäi'ünä̧ Ttürümä̧ wȩyu̧kuä̧ wȩnȩ päüta'anü̧ 'kuäopä̧kua̧ ja̧'wa̧nü̧ ja̧'a̧nä̧, ttürü iyü ikurütä jä̧kua̧'a̧ surojäkua'amä̧ ¡isottü̧, jua̧u̧we!. Ya'utettü jua̧u̧mä̧ uwäpächü juiyinü̧ttü̧tä̧ adiwaja'a.

San Mateo 27:5

Ja̧'wa̧nü̧ ja̧'a̧ Juda-mä̧ pärätä o̧bi̧ Dio-rü ukuokuäkuäwodenä̧ do'opü ikuipü tü'ipächü nu̧'ä̧u̧ ikuinü̧.

San Marcos 14:21

Isopäi'ünä̧, Ttü Ubo I̧tti̧rü̧mä̧, wȩyu̧kuä̧ wȩnȩ päü'a̧kuä̧ 'kuäopäkua'a; ja̧'wa̧nü̧ ja̧'a̧nä̧, ubo I̧tti̧rü̧ iyü ikurumä̧ surojäkua'a; ya'utettü, jua̧u̧mä̧ uwäpächü juiyinü̧ttü̧tä̧ adiwaja'a.

San Lucas 22:23

Ja̧'wa̧nü̧ pä̧i̧yä̧u̧, u̧wo̧juȩtä̧u̧mä̧, jä̧'ȩpä̧rä̧kuä̧wi̧nä̧tü̧, iyü i̧kuä̧kua̧mä̧ dí jä̧kua̧'a̧ já̧ pä'ü.

San Lucas 24:46

Ja̧'wa̧nü̧ jȩpü̧ päinä̧u̧: —Wȩyu̧kuä̧mä̧ wȩyu̧tu̧ rütäwa'a pa̧'a̧, rekuä rü̧ja̧'a̧, Crito-mä̧ usurä ȩmä̧wi̧'ü̧'ka̧, wäbodäkuä mo̧ro̧ päi'omȩnä̧, wa'arettü tto̧ä̧chä̧kua̧ pä'ü.

San Juan 17:12

Pi̧jä̧nä̧ juätütäku chü̧jä̧i̧mä̧ ukú kui̧mi̧nä̧ tta̧dä̧rä̧'i̧jä̧u̧; ttürü kuiyinä̧u̧ru̧mä̧ tta̧'ä̧rä̧'i̧jü̧sä̧ ya̧tȩ'i̧nä̧ toe'ächü juiyünä̧tä̧ ja̧'wa̧nü̧ ja̧'a̧nä̧ to'e'ächinü̧ ä̧tȩkuä̧nä̧ toe'ächa pä'ü winütä̧, wȩyu̧kuä̧ wȩnȩnä̧ pä'ijü jo̧mȩnü̧ päi'a pä'ütä.

Hechos 10:42

Ja̧'wa̧nü̧ ja̧'a̧mä̧, jua̧u̧tä̧ weinä̧u̧jä̧ ttü̧ja̧rü̧ jitäwiyarü pä'ü; Jua̧u̧ru̧tä̧ Dio-mä̧ a̧'kua̧rä̧tü̧rü̧'i̧nä̧, wa'ü ikuinä̧tü̧rü̧'i̧nä̧ juez päi'ünä̧ ütinä̧ku̧ pä'ü.

Hechos 17:31

Ja̧'wa̧nü̧ ja̧'a̧ttü̧ Dio-mä̧ ji̧yȩtȩ mo̧ro̧ amükuädü kku̧ni̧nü̧, ütäbota pä'ü ü'ojo'ä̧kuȩ mo̧ro̧, ya̧tȩ we'ü u̧ju̧ni̧nä̧ku̧nä̧, jua̧u̧nä̧tä̧ o'katoi'ünä̧ tta̧'kua̧ ttu̧wȩnä̧rü̧nä̧ wa'arettü ttoädinä̧ku̧ ja̧'a̧ttü̧.

Hechos 2:23

Ja̧'wa̧nü̧ wa̧rü̧, aboja̧'a̧nä̧ ukuokuäkuäu jȩpü̧ iyü ikú, kuä'ü ikuinä̧tü̧jä̧, ü̧jo̧kä̧nü̧ toe'ächünä̧, suronä̧ jȩpä̧tü̧ ttu̧mü̧nä̧.

1 Pedro 1:11

Crito i̧sa̧ Epíritumä̧ profeta wotünä̧ ttu̧wo̧juö̧nä̧ jiäwinä̧u̧ Crito usurä ȩmä̧wä̧kuȩ'i̧nä̧ ja̧'wa̧ta̧nü̧ usurä ȩmä̧u̧ o'ka'a uruwo i̧chä̧kuȩ'i̧nä̧; ja̧'wa̧nü̧ ja̧'a̧ttü̧ juätümä̧ jitünä̧tä̧ kkü̧ Epíritu jiäwa'anä̧, 'kuäopä̧kuȩ mo̧ro̧ ttü̧'o̧kui̧'a̧ pä'ü usinä̧tü̧.

2 Pedro 2:3

Pärätä tta̧'kua̧ ro'ekumä̧, ukuturu kuesetipätukunä̧ ttu̧wo̧juȩtä̧kuo̧tü̧jä̧; ja̧'wa̧nü̧ ja̧'a̧nä̧ usurä ttȩmä̧u̧nä̧ päwi'ino̧mȩ tta̧wä̧rä̧u̧, ja̧'wa̧nü̧ ja̧'a̧ttü̧ mo̧tä̧ päi'ünä̧ usurä ttȩmä̧wä̧kuo̧tü̧ pä'ü kku̧nä̧wo̧tü̧.