San Lucas 21:36 - Nuevo Testamento Uwotjüja

³⁶ Ja̧'wa̧nü̧ ja̧'a̧ttü̧, kuä'i'oka'a 'kuäopünä̧ Dio-rü ukuokui, pi̧yȩ 'kuäopä̧kuȩttü̧ kujuruku kki̧'i̧pü̧, ubo I̧tti̧ ä'ka jo̧mȩ kui̧jȩkuä̧kua̧'a̧nü̧.

TÄ̧DO Ä̧CUÄ̧ I̧HUȨNȨ

³⁶ 'Cuäopönä jo̧mȩ päi'önä tta̧'ä̧rä̧tu̧cui̧. Pi̧yȩ 'cuäopä̧cuȩmä̧ ucuturu 'cuäopö juiya pä'ö, Diosrö ucuocuätucui 'cuäopönä. Ja̧'hua̧ta̧nö̧ Ubo I̧tti̧ ä'ca jo̧mȩttö̧ adiu cu̧ja̧cuä̧tu̧cuä̧cua̧'a̧nö̧ ucuocuätucui, —pä'inödo Jesús.

San Lucas 21:36 Iomraidhean Croise

San Mateo 24:42

Ja̧'wa̧nü̧ ku̧ru̧wa̧tu̧ku̧ i̧chä̧kuȩ mo̧ro̧ kuieruwätukua'attü̧, kuä'i'ätukuoka'a to̧pä̧rä̧tu̧kui̧.

San Mateo 24:43

Ja̧'wa̧nü̧ ja̧'a̧nä̧ pi̧yȩ ku̧wo̧juä̧tu̧kua̧ pä'ü ja̧'a̧, ya̧tȩ isode u̧ru̧wa̧ ojusodenä̧ nä̧u̧kuä̧rä̧kuä̧wä̧ i̧sa̧, yodó nä̧u̧ku̧ i̧chä̧kuȩ hora u̧wo̧juö̧ttü̧mä̧, jua̧u̧mä̧ ä'i'oka'a to̧pä̧ra̧jü̧, ojusode jäwä ü̧nä̧u̧ku̧ juiyiyarü pä'ümä̧.

San Mateo 24:44

Ja̧'wa̧nü̧ ja̧'a̧ttü̧, ukutu'i̧nä̧ jo̧mȩnü̧tä̧ kka̧kuä̧tu̧kui̧; isopäi'ünä̧ ubo I̧tti̧mä̧ tta̧kuä̧rä̧tu̧kuo̧kü̧ hora-nä̧ ichäkua'attü̧.

San Mateo 25:13

Ja̧'wa̧nü̧ ja̧'a̧ttü̧, to̧pä̧rü̧nü̧ kka̧kuä̧tu̧kui̧, mo̧ro̧'i̧nä̧, hora'i̧nä̧ kuieruwätukua'attü̧.

San Mateo 26:41

To̧pä̧rü̧ Dio-rü ukuokuätukui kua̧mi̧ 'kuäkuätukunä̧ ma̧kuä̧chä̧tu̧ku̧ juiyäkua'anü̧. Isopäi'ünä̧ epíritumä̧ jȩa̧ pä'anä̧ ttidepämä̧ juiyuwa'a.

San Mateo 8:20

Päku, Jesú-mä̧ ädätinü̧: —A̧wa̧ri̧tü̧mä̧ ttäjuwiyä kku̧nä̧rä̧tü̧ ja̧'wa̧ta̧nü̧ ppi̧yu̧'i̧nä̧ ttä̧'ti̧yu̧ kku̧nä̧rä̧tü̧. Ja̧'wa̧nü̧ ja̧'a̧nä̧, ubo I̧tti̧mä̧ ä'ü ü̧jo̧mȩ'i̧nä̧ jui̧'a̧.

San Marcos 13:33

Ja̧'wa̧nü̧ ja̧'a̧ttü̧, ukutumä̧ tta̧'a̧rä̧kuä̧u̧ topärä̧kuä̧wä̧tu̧kui̧, isopäi'ünä̧ jä̧kuȩ mo̧ro̧mä̧ kuieruwätukua'attü̧.

San Marcos 13:37

Ja̧'wa̧nü̧ ja̧'a̧ttü̧, ukuturu pädümä̧ o'katoi'ünä̧rü̧'i̧nä̧ pä'üsä: ¡Kuä'i'ätukuoka'atä to̧pä̧rä̧tu̧kui̧!, jü̧nä̧.

San Lucas 1:19

Päomȩnä̧ á̧gȩ-mä̧ ädätinä̧ku̧: —Ttümä̧ Gabrie pä'ü mi̧kua̧sä̧, Dio ä'ka jo̧mȩ aditüsä; ja̧'wa̧nü̧ ja̧'a̧ttü̧ ukuru pi̧yȩ adiwäjuei jareü wȩnȩ jidäwa pä'ü weäwi'äjäkusä.

San Lucas 18:1

Jesú-mä̧ 'kuättächi'oka'a 'kuäopünä̧tä̧ Dio-rü ttukuokua pä'ümä̧ ji̧yȩtȩnä̧ wȩnȩtü̧ jiäwinä̧u̧.

San Lucas 20:35

Ja̧'wa̧nü̧ ja̧'a̧nä̧, jitü wa'arettü ttoächäkuäwänä̧'i̧nä̧, ji̧yȩnü̧ mo̧ro̧ kkä̧kuä̧wä̧kuȩ'i̧nä̧ po̧kui̧pä̧tü̧mä̧, ubo ja̧ pä'ü'i̧nä̧, isaju ja̧ pä'ü'i̧nä̧, täkü ttirekuarümä̧ ȩmä̧wo̧ko̧tü̧ ttäkuotü.

San Lucas 21:35

Isopäi'ünä̧ kkoro jua̧'a̧rü̧ 'käriwänä̧ 'chuächia'a jä̧'i̧nü̧'a̧nü̧, ichäkua'a pi̧jä̧ ttü̧ja̧ o'katoi'ünä̧rü̧.

Hechos 10:2

Jua̧u̧ Cornelio-mä̧ Dio-rü esetinü̧ i̧tti̧mü̧tä̧ku̧ o'katoi'ünä̧, rü̧ȩnä̧ usurä isotürü'i̧nä̧ ppä'ädinü̧ ja̧'wa̧ta̧nü̧ 'kuäopünä̧ Dio-rü ukuokuinü̧.

1 Corintios 16:13

Kua̧'kua̧ ku̧wȩnä̧rä̧tu̧ku̧mä̧, to̧pä̧rä̧kuä̧u̧ 'kiyünä̧ kka̧kuä̧tu̧kui̧. Kujurutuku kkü̧nä̧ kka̧kuä̧tu̧kui̧, u̧mä̧tü̧ 'kua̧rü̧nä̧.

2 Corintios 4:14

ja̧'wa̧ta̧nü̧ Tu̧ru̧wa̧ Jesú-ru tto'ädinü̧mä̧, ujuturu'i̧nä̧ Jesú-ku ttoädäkuä̧u̧jä̧ pä'ü wo̧juö̧ kkä̧nü̧, ukututäku yo̧mȩtȩnä̧ i̧jȩpä̧kuä̧u̧jä̧ pä'ü'i̧nä̧ wo̧juä̧tü̧jä̧.

Colosenses 4:2

Käkuädi'ätukuoka'a, yabonü̧ Dio-rü ukuokuätukui. 'Kuäopünä̧ tta̧'a̧rä̧kuä̧u̧ Dio-rü esewätukui.

1 Tesalonicenses 5:17

'Kuäopünä̧ Dio-rü ukuokuätukui.

2 Timoteo 4:5

Ja̧'wa̧nü̧ ja̧'a̧nä̧ ukumä̧ 'kuäopünä̧ adiwomȩnä̧ usurä emäwäkuäwämä̧ kua̧mi̧'ki'ächi'ü, jareü Dio i̧wȩnȩtä̧ ji'äu, kuaditäwämä̧ adiwomȩnä̧ aditi.

1 Pedro 4:7

O'kajuiyünä̧ beipächäkua'amä̧ täkü tü'küwächa'a. Ja̧'wa̧nü̧ ja̧'a̧ttü̧, ukutumä̧ adiwomȩnä̧ amükuädätukui ja̧'wa̧ta̧nü̧ tta̧'a̧rä̧kuä̧ü̧nü̧ Dio-rü ukuokuätukui.

1 Pedro 5:8

Wo̧juȩku̧nä̧ amükuädätü jü̧nä̧ to̧pä̧rä̧kuä̧u̧ kka̧kuä̧tu̧kui̧, isopäi'ünä̧ kua̧bo̧i̧ya̧tu̧ku̧ äwettämä̧, mü yäwi durupä̧rü̧ jä̧'i̧nü̧'a̧nü̧ ya̧tȩrü̧ ukui'a pä'ü usú kue'ächü.

1 Juan 2:28

Ja̧'wa̧nü̧ ja̧'a̧ttü̧, chi̧tti̧mü̧ wotü, Chutä Crito-nä̧ kka̧kuä̧tu̧kui̧. Jua̧u̧ ichü mo̧ro̧ päi'omȩnä̧ jo̧mȩnü̧ kua̧'kua̧ wȩnä̧rü̧ kui̧jȩkuä̧tu̧kuä̧kua̧'a̧nü̧, dä'ä ttukuätuku juiyäkua'anü̧.

Judas 1:24

Chutä Dio ya̧tȩrü̧tä̧, ra̧wä̧pi̧jü̧ku̧ ma̧kuä̧chä̧tu̧ku̧ juiyünä̧ tta̧'ä̧rü̧rü̧, rü̧ȩnä̧ eseu gloria pättü kko̧mȩ ukuturu i̧jȩpü̧rü̧,

Apocalipsis 11:4

Pitü, ttü chütü'kü jittäwäkuotü ta̧ju̧mä̧, olivo dauwiyä toire ja̧'a̧ ja̧'wa̧ta̧nü̧ tȩya̧u̧, todäre jo̧mȩnä̧ jü̧, pi̧jä̧ u̧ru̧wa̧ Dio ä'ka jo̧mȩ kka̧ku̧.

Apocalipsis 6:17

Jua'amä̧, täkü ji̧yȩtä̧ oweja mü̧ä̧ya̧ jü̧nä̧ wa̧ ro̧ȩpü̧ mo̧ro̧ rȩbȩä̧kuä̧wa̧'a̧ttü̧, ¿ditä jä̧ttü̧ a̧mi̧ 'ki̧ä̧chi̧'ä̧kua̧mä̧?

Apocalipsis 7:9

Pi̧yȩ jä̧ji̧ o'ka'a topinüsä̧, ttü̧ja̧ rekuätü pa̧ja̧kuä̧ juiyünä̧ wotürü, tti̧rȩji̧yä̧ pünä̧, tti̧wȩnȩ pünä̧, ttawaruwä pünä̧, ruwo dȩä̧kä̧ ä'ka jo̧mȩ, oweja mü̧ä̧ya̧ wa̧ ä'ka jo̧mȩ ttü̧ja̧kua̧'a̧ ttü̧'ka̧tä̧wä̧ti̧yu̧ teü rü̧jä̧u̧ru̧ ja̧'wa̧ta̧nü̧ ttu̧mü̧nä̧mä̧ ojiyä 'chu̧'ä̧ri̧nä̧tü̧.

Apocalipsis 8:2

Ja̧'wa̧nü̧ ja̧'a̧ topinü̧sä̧, kko̧ro̧mü̧ttü̧nü̧ ta̧ju̧ á̧gȩrȩ-rü, Dio ä'kajo̧mȩ kka̧kuä̧tü̧rü̧; juätürü iyäwi'ina̧'a̧ yotukunä̧rü̧ ji̧yȩtȩ trompeta pünä̧.