San Lucas 16:11 - Nuevo Testamento Uwotjüja

¹¹ Ja̧'wa̧nü̧ ja̧'a̧ttü̧ pi̧jä̧ jäwä pärätä adiwokünä̧'i̧nä̧, adiu tta̧kuä̧rä̧tu̧kuo̧ka̧'a̧ ji̧na̧'a̧mä̧, ¿Ditä a̧'kua̧ u̧wȩnä̧rä̧kua̧'a̧jä̧ttü̧ ukuturu, isopäi'ünä̧ mikuäu jäwänä̧mä̧?

TÄ̧DO Ä̧CUÄ̧ I̧HUȨNȨ

¹¹ Ja̧'hua̧ta̧nö̧ pi̧jä̧ jähuänä adiu jȩcu̧'ä̧tu̧cu̧, juiyöttömä, ¿dijä̧ttö̧ ucuturu huȩä̧cua̧mä̧, iso päi'önä adihuä juäi ku̧nä̧rä̧cuä̧huä̧mä̧?

San Lucas 16:11 Iomraidhean Croise

San Mateo 6:24

Ya̧tȩ'i̧nä̧ uruwotü ta̧ju̧ru̧mä̧ ukuotü juiyünä̧ ja̧'a̧, jua'amä̧ ya̧tȩrü̧tä̧ eseu repea'anä̧, kka̧ra̧rü̧mä̧ üjü'kü juiyünä̧ ja̧'a̧ttü̧. Ja̧'wa̧nü̧ jü̧ta̧'a̧nü̧ ji̧nä̧ yo̧mȩtȩnä̧mä̧ Dio-rü'i̧nä̧ ukuotü kkä̧nü̧ pärätä'i̧nä̧ ukuotü ttü̧jü̧ juiyünä̧ ja̧'a̧.

San Lucas 12:33

Ku̧ju̧nä̧rä̧tu̧ku̧mä̧ mikuä pä'ü iyä'chü ikuätukui, usurä isotürü ppäkuädätukua; kusakuyutuku kerächokoyutä, mo̧ro̧jä̧ra̧'a̧ pärätä beipokomȩtä̧ aditätukui, nä̧u̧kuä̧rü̧'i̧nä̧ doächokomȩtä̧ ja̧'wa̧ta̧nü̧ isotü'i̧nä̧ surojuottepokomȩtä̧.

San Lucas 16:12

Ja̧'wa̧ta̧nü̧ kkorotü jäwä'i̧nä̧ adiu tta̧kuä̧rä̧tu̧kuo̧ka̧'a̧ ji̧na̧'a̧mä̧ ¿Ditä i̧yä̧kuä̧u̧jä̧ttü̧ kuiäretukumä̧?

San Lucas 16:9

Isopäi'ünä̧ ukuturu pä'üsä: Pi̧jä̧ jäwä pärätä adiwä juei jo̧kü̧nä̧, kuawaruwätukuru ku̧ju̧nä̧rä̧tu̧kua̧ usätukui, jua̧u̧ beipächomȩnä̧, mo̧ro̧jä̧nä̧ i'ko kko̧mȩttü̧ ttȩmä̧tu̧kua̧ku̧.

San Lucas 18:22

Ja̧'wa̧nü̧ pä'a ä̧ju̧ku̧, Jesú-mä̧ päinä̧ku̧: —Ji̧nä̧ ji̧yȩtȩ jui̧'a̧jä̧: ku̧ju̧nä̧rü̧mä̧ o'kajuiyünä̧ mikuänä̧ iyä'chü ikuäji ja̧'wa̧nü̧ jȩpi̧'ü̧'ka̧ usurä isotürü ppäkuäda ja̧'wa̧nü̧ jȩ'kuo̧mȩnä̧ mo̧ro̧jä̧ra̧'a̧tä̧ kku̧ju̧nä̧rä̧kua̧jä̧ kuiäre pärätämä̧; ja̧'wa̧nü̧ jȩpü̧ ttüku ichi.

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

Santiago 2:5

Chawaruwä chü̧jä̧wa̧tü̧ pi̧yȩ adiu ä̧ju̧kuä̧tu̧kui̧: Dio-mä̧ pi̧jä̧nä̧ttü̧ usurä isotürü pojopü ȩmi̧nü̧ tta̧'kua̧ wȩnä̧rä̧kuä̧wä̧nä̧ ruwotü juotta pä'ü, ja̧'wa̧ta̧nü̧ eseu rȩpȩä̧u̧ru̧ Ru̧wa̧ Dio iäre ju'to uruwotü pätti'ünä̧, chi̧yä̧kua̧sä̧ päinü̧ ji̧nü̧ ttȩma̧ pä'ümä̧;

Apocalipsis 3:18

Ja̧'wa̧nü̧ ja̧'a̧ttü̧ jidäwäkujä̧, ttüttü kuȩma̧ pä'ü, okuränä̧ kkuwü iku säruwuönä̧ adikuä oro-ttü kuȩma̧ pä'ü ru̧wa̧ kuäkua'a̧nü̧; pü̧jä̧ta̧ tȩä̧ta̧ ku̧'ka̧tä̧wä̧kua̧'a̧nü̧, dä'ä ttüku juiya pä'ümä̧. Ja̧'wa̧ta̧nü̧ kui'äriyänä̧ jawapüja dachäwi pä'äjita'anü̧ to'kuäkua'anü̧.